أم عمـــــار vbmenu_register("postmenu_819322", true); اولا الف مبروك على عمار ربنا يخليه وتفرحى بيه وتشوفيه عريس يارب , ثانيا انا عندى يارا وسعد الاتنين ولدتهم قيصرية .. يارا دلوقتى عندها 14 سنة ولسه فاكره يوم ولادتها زى ما يكون امبارح
عارفة الافلام الابيض والاسود لما يكون فيه مشكلة يجيبوا المطر بيمطر والبرق والرعد والنور يطفى , اهو انا كان يوم ولادة يارا كده والله العظيم
اول حاجة كان الحمل عادى وما فيش مشكلة واليوم ده مش كنت حاسة باى شىء وماما كانت لسه جاية من اسكندرية وقاعدة عندى وقمت احضر العشا وكنت لابسة بيجامة وبس مسكت الصينية عشان اودى العشا لماما شرقت وبعدين كحيت وعينك ما تشوف الا النور طوفان نزيف نازل منى لدرجة ان الصالة غرقت دم والله العظيم زى ما باقول ,, اتصلنا بجوزى جه جرى ولفنى ببطانية وجرى على المستشفى
اول ما دخلت المستشفى وقعت من طولى شالونى على اودة العمليات ,, اول حاجة الدكتور طلب نقل دم من جوزى ,, طبعا الساعة كانت 2 بالليل وجوزى اخد العربية وبقى يجرى على اصحابه والمعارف عشان فصيلة دمى ( او ) واثناء كل ده المطرة بتمطر والبرق شغال وانا خلاص من النزيف باقول الشهادة لانى حسيت نفسى باموت
المهم فى دقايق الدكتور اتصل بزمايله دكاترة النسا اللى فى البلد كلها ولاقيت اودة العمل
