[زائرة الليل]

طريقة عمل كعك العيد بالطريقة المصرية

تمت اضافة وصفة طبخ جديدة في موقع مطبخ فتكات ، و يمكنك مشاهدتها من هنا:

كعك العيد بالطريقة المصرية

اذا كان لديك تعليق او استفسار او ملاحظات فيمكنك كتابتها هنا في هذا الموضوع .

الجميع في انتظار مشاركاتك!

[زائرة الليل]

يالا يا بنات عاوزة رأيكم فى كعك العيد وأى استفسار أنا حاضرة وربنا يبارك فيكم

كل عام وانتم بخير يارب

وانتظروا الغريبة والبيتيفور

[أم الطيب]

تسلم ايدك يا قمر الواحد نفسه اتفتحت على حلويات العيد

[دعاءصلاح]

الطريق حلو بس ممكن اعرف هل يمكن استخدام الذبدة بل السمن؟؟؟؟؟؟؟؟؟ارجو الرد سريعا:conf used::conf used:

[ريري]

على ما تعودنا وشفنا اهلنا بيعملوا الكعك احب اقولك ان الكعك مش هايطلع تمام الا بالسمن البلدى
مش كده وللا ايه يا زوزو..؟

[رحمه]

تسلم ايدك يا قمر الواحد نفسه

[مها حسين]

عاوزة اعرف الماء بدال اللبن ولا معاه

[خشوع]

السلام عليكم
هذه طريقة الكحك السريع ميزته انه لايحتاج تخمير مشكووووووووووورة اختى
بس لى ملاحظه علشان فيه لبن لايمكن حفظه لمد طويلة
ونا اتعلمت من حماتى جزاها الله خير طريقة الكحك بالخميره لمن تريد
اشكرك مره ثانيه على هذه الطريقه الرائعه

[reham10]

عايزة اعملة بالخميرة ياريت تكتبى الطريقة وطريقة بسكويت النشادر وشكرا

[خشوع]

السلام عليكم ورحمة الله وبركاته
انا بعمل فى العيد 5 كيلو بعد الهدايا بيفضل عندى الباقى شهور وبيفضل زى مهوا
فان كنتى حتخزنيه اقدحى السمن كويس
المقادير
كيلو دقيق 3كوب سمن
3ملاعق كبيره سمسم محمص قطعة خميرة فى حجم عين الجمل او ملعقةخميره فوريه كوب ماء دافىء
ذرة ملح ملعقة ريحة كحك
ملعقه صغيره سكر للخميره
الطريقه
يوضع الدقيق فى طبق عميق + ذرة الملح +ريحة الكحك ويقلب ثم حمصى السمسم ورشيه على الدقيق واعملى حفره فى الدقيق وضعى عليه2كوب من السمن المقدوح وهو سخن وخلى الكوب الى فاضل للاخروقلبى بملعقه خشب لحد ماتقدرى تضعى يدك وبسيه جيدا حتى تشعرى بنعوميته تكونى عملتى الخمير فى ربع كوب ماء دافىء وبعد ماتخمر ضعيه على العجينه ولمى العجينه ثم ضعى باقى كوب الماء الدافىء على العجينه ولمى العجينه بايديك ثم ضعى باقى السمن وانتى يتلميها واتركى العجينه ربع ساعة ترتاح وغطيها كويس وبعد ذلك وهى متغطيه خذى منها جزء جزء وشكليها فى الصوانى ثم اتركيها تخمر مدة ساعتين مع تغطيتها وتخبز فى فرن موسط الحراره يكون سابق التسخين جيدا وبعد ان يصبح لونه ذهبى رصيها فى علبه وتسكر عند اللزوم
انا اسفه الطريقه طويله بس النتيجه هايله يارب تجربوها وتحوز على اعجبكم

[خشوع]

بسكويت النشادر
المقادير
كيلو دقيق
كوب وربع سمن او ذبده
ربع كوب زيت
7بيض بلدى او 5 ابيض بس افضل البلدى
1ملعقه كبيره نشادر
ذرة ملح
نصف كوب لبن + بشر برتقال اذا كان حيتعمل بالبرتقال
فانيليا 2كوب ونصف سكر بودره
ملعقه كبيره بكنج بودر
الطريقه
ينخل الدقيق مع الملح
تضرب الذبده جيدا بالمضر ثم يضاف السكر مع استمرار الضرب
يخفق البيض جيدا مع الفانيليا وضاف على الذبده والسكر شويه شويه مع استمرار الخفق
تذاب النوشادر فىنصف مقدار اللبن وتقلب بملعقه خشب ثم تضاف على الخليط السابق
ثم يضاف الدقيق بالتدريج مع اللبن الباقى ذحتى تحصلى على عجينه يابسه
تشكل حسب الرغبه وترص فى صينيه مدهونه زيت ويدهن الوجه ببيضه مخفوقه بشوية لبن وفانيليا
وتخبز فى فرن سابق التسخين حتى يصبح لونها ذهبى
وبالهنا

[خشوع]

بسكويت السمسم سهل وسريع
االمقادير
كيلو دقيق
كوب زيت
كوب سمن
4بيض
نصف كوب ماء او لبن
2باكو بكنج بودر
فانيليا
2كوب سكر بودره
سمسم +يندق محمص للوجه وممكن تكتفى بالسمسم
الطريقه
توضع كل المقاير مع بعض ماعدا السمسم وتقلب باليدجيدا
تشكل العجينه كور صغيره او تفرد العجينه بالنشابه وتقطع بفنجان قهوه
وتوضع فى السمسم والبندق المجروش وتوضع فى الفرن متوسط الحراره
حتى يصبح لونها ذهبى وترص فى علبه

[reham10]

تسلم ايديك على وصفاتك الحلوة وان شاء اللة هاعملهم يا مدام خشوع لو عندك طرق ثانية للبسكويت او اى حاجة ياريت تكتبها وشكرا

[خشوع]

السلام عليكم
شكرا يا reham10على الرد
وان شاء الله ابحث لكى عن طرق جديده
شكرا ياقمرل
اللهم اهدنا لما تحب وترضى

[أيمونتي]

تسلم ايديك لكن في بسكوت النشادر من فين اجيبه ما عندنا الا بكنج بودر ولا خميرة فورية وغير فورية

[ام الاولاد]