[BASIMA562000]

ازيكو يا بنوتات و يا ستات المنتدي يا حلوين انا عضوة جديدة هنا و حبيت اول موضوع اعمله عن تجارب شخصية ليا مع بشرتي
انا بشرتي كانت بيضة وحلوة اوي و دي طبيعتها اللي اتولدت بيها الحمد لله و طول عمري محافظة عليها و مش بشتكي منها
وزني زاد حبتين ( الجواز و سنينه ) و حبيت اعمل رجيم ارجع لوزني تاني و كان رجيم غلط خالص و كل حاجه فيا باظت
بشرتي و شعري ووشي و لاحظت ان فيه بقعة ظهرت علي وشي في الجمب كبيرة وواخده جزء كبير من وشي و كنت بعيط بسببها
رحت لدكاترة كتيييير و كلهم كانو بيكتبولي كريمات و هقولوكم تعليقي عليها
1- كريم كليراليك و كريم الدوكين : الاتنين فيهم نفس الماده الفعالة الليهي الهيدروكينون بيجيبو مفعول كويس و بيفتحو اللون لكن خطر لان الدكتورة قالتلي ممكن يجيبو بهاق (ربنا يحمينا) لانها مادة كميائيه و مضرة للجلد و ملحوظة كمان ان بمجرد ما تتعرضي لشمس بسيطة بيرجع لونك اغمق من الاول فبلاش منهم احسن
2-كريم ديرما وايت : كريم طبيعي و امن و سعره كويس اوي (34 جنيه ) لكن بطييييييييء جدا و نتيجته الي حد ما مش مرضيه
3-كريم روميكس : طبيعي و امن و سعره حلو بردو (37 جنيه ) لكن بردو بطيء اوي
4-كريم يونيتون 4 : كريم ممتاز جدا و جاب نتيجة هايله مع اصحاب ليا سعره (70 جنيه) و منفعش معايا لانه مينفعش علي البشرة الحساسة لانه بيعتمد علي مواد مقشرة موجوده فيه
5-كريم دبيديرم من اورياج : ممتاااااااااز و بيفتح حلو اوي اوي اوي و طبيعي و تستعمليه و انتي مطمنة هو سعره غالي شوية لكن تمنه فيه و مش خسارة (119 جنيه ) اول نتيجه بتبتدي تظهر بعد اسبوعين او تلاته بالكتير لكن موثوق فيه و فرنسي
6- بيوديرما وايت اوبجيكتيف : احسن كريم تفتيح جربته في حياتي لانه بيفتح و يخلي الوش ينور و موثوق فيه و امن و تستعمليه و انتي ضامنه النتيجة باذن الله لانه فعلا ممتاز ممتاز ممتاز و فيه منه عبوتين اول واحده عبارة عن كريم عادي و التانيه سيروم مقشر هما غاليين شويه (سعر الكريم 131 جنيه و سعر السيروم 134 جنيه ) بس بأمانه ربنا يستاهلو و كفاية انك بتستعمليه و نتي عارفه النتيجة مسبقا انا عن نفسي استعملت الكريم في الاول لوحده و فتحني اوي و اختفت البقعة من وشي و لما فرحت بالنتيجة قلت و الله هجيب السيروم المقشر بتاعه و جبته و خلي وشي منور وبشرتي نضرة جدا و انا عن نفسي برشحه لاي حد (فرنسي موثوق فيه)
و اي حد عنده استفسار عن اي حاجه انا تحت امرها و يارب اكون أفدت

[لولى2009]

عيزين حجات لاسمرا المناطق الحساسة وتكون امنة وفعالة فى نفس الوقت

[BASIMA562000]

حبيبتي لو انتي وزنك زايد يبقي لازم تخسي شوية لان الاسمرار في المناطق دي بيكون بسبب الاحتكاك و بعدها تستعملي اي كريم تفتيح من اللي انا كتبتهم دول لان طول ما في احتكاك هيفضل اللون اسمر حتي لو استعملتي كل كريمات العالم ولو وزنك مش زايد يبقي اي كريم من دول هيجيب معاكي نتيجة بسهولة

[sara210]

هى الكريمات دى للبشره ولا للمناطق الحساسه وعايزه استفسر منك لو هى ممكن تستعمل في توحيد لون البشره لانى وجهى مقسوم بسبب الشمس وبالنسبه لبشرتى دهنيه تفتكرى المناسب ليها ايه وعندى بقع برضه

[BASIMA562000]

الكريمات دي لاي منطقة في الجسم عادي و طبعا وظيفتها توحيد اللون و خليكي في بيوديرما وايت اوبجيكتيف لانه امن جدا علي البشرة و نتيجته مضمونة

[zozo monty]

[born to be princess]

تسلمى يا حبيبة قلبى

[sosocat]

وكان عليكي بايه دا يا بنتي

[BASIMA562000]

وكان عليكي بايه دا يا بنتي

بحب لما يكون فيا حاجه صغنتتة اعالجها علي طول و دي ايه في البشرة يعني الجمال كله و الحمد لله راحت المشكلة و قلت افيد الناس اللي هنا

[انصاف]

يعني بيوديرما وايت اوبجيكتف ينفع للمناطق الحساسه ولا فيه مجموعة من نفس المنتج مخصوصة ليها ؟ وحلاقيه عادي في أي صيدليه؟ ونتيجته حتظهر بعد أد أيه؟ أصلك شجعتيني أشتريه لأني قريت عنه في موقع طبي قبل كده بس تجربتك شجعتني أجيبه.