[بلسم الجروح]

السلام عليكم
انا منذ ان اشتركت بالمنتدى وانا متعلق به واحبه واشارك به ................ولا ارى غيره بالوجود ولا افضل منه ............... وكنت اود ان نكون اصدقاء واصحاب مثلما عاملتكم انا ...........ولكن ظني ليس في مكانه فمن اليوم الاول شككت بانكم لا تحبون المشاركات ولا الفتكات الجديده ولكن استمررت بالمشاركه لعلي المح هذا ................ز ثم بدات بكتابة المواضيع لكن ياللمصيبه الكبيره لم اجد المشاركات التي كنت اراها بالمواضيع الاخرى ,,,,,,,,,,,,,,كنت احزن ثم اعاود الكره لكن بنفس النتيجه لا اعرف لماذا لذا ............... لكن كنت اتمنى ان لم تعجبكم مواضيعي ان تكتبوا ذالك ......وكيف لي ان احسن مواضيعي القادمه .............. والا ساقرر ان اترك المنتدى واهله ..............مع السلامه
اختكم بلسم الجروح

اذا اعجبك الموضوع و اردت نشره في المنتديات الاخرى فاستخدمي هذا الرابط:
انا زعلانه من كل فتكات .........عن جد وراح اترك المنتدى @@@@@باااااااااااااي#######33
http://forums.fatakat.com/thread60454

[soura]

دا بردو كلام يا بلسم الجروح؟؟؟
انا الاول كنت زيك مش بلاقي ردود كتيرة على مواضيعي واحيانا بلاقي رد او اتنين بس عمري ما فكرت اسيب المنتدى عارفة ليه؟؟؟
لان دا بيتنا كلنا ومفيش وحدة تسيب بيتها وتخرج منو بارادتها
انتي استهدي بالله كدة و حاولي تشيلي الافكار الوحشة دي من دماغك لاننا كلنا هنا اهل واخوات
واديني يا حبيبتي اول وحدة تعرض عليكي نبقى اصحاب
ها؟؟؟ ايه رايك؟؟

[بلسم الجروح]

الي الشرف ان نكون اصحاب
وبالفعل دا بيتي من اول مااشتركت بالمنتدى

[واقع الأيام]

وعليكم السلام ورحمة الله وبركاته
اهلا يا بلسم الجروح
مبدئيا قبل ما اقوللك حاجة دي حاجة ليكي انتي في حياتك بعد كده .. عمر ما كان التهديد وسيلة لحب الآخرين

حبيبتي احنا بنحبك وبنحب موضوعاتك
وانا والفتوكات شاركنا في مواضيع كتير ليكي
بس مش معنى ان مواضيع معينة لم تلاق قبولا او كان المشاركات فيها قليلة يبقى العيب فيكي انتي .. لا

شوفي كده في موضوعات اي عضوة هتلاقي عندها مواضيع كتيرة محدش رد عليها حتى رد واحد
انا مثلا حطيت موضوعات كتيرة نسبيا بالنسبة لإني جديدة
في مواضيع لاقت قبول واترد فيها كتير
وفي مواضيع ما اتردش فيها رد واحد حتى
وما زعلتش على فكرة
لأني قدرت اقيم واحدد ايه اللي بيعجب وبيلفت انتباه البنات عشان يدخلوا الموضوع ويردوا فيه

وفي نفس الوقت احنا مش بنحط عشان هدفنا الرد او انه يعجب البنات على حساب مستوى الموضوع
لا
احنا بنحط مواضيع هادفة بس بنلونها بنكبر الخط
نختار لها عنوان شيق وجذاب يجذب الناس يدخلوا
نتكلم في قضايا تهم البنات انهم يعرفوا عنها اكتر
نراعي الاختصار عشان التطويل بيجيب ملل

ورغم اني زعلت من اسلوبك بس في نفس الوقت اتبسطت جدا من كلمتك دي:
"وكيف لي ان احسن مواضيعي القادمة"

زي ما قلتلك
وبصي للجانب الممتلىء من الكوب
شوفي موضوعاتك اللي في توقيعك دي فيها نسبة مشاركة كبيرة
ليه ما بصتيش ليه؟ وبصيتي للي ما اتردش فيهم؟

وارجع واقوللك مش بعدد الردود يا حبيبتي
بقيمة الموضوع وهدفه

وانا عن نفسي بحبك جدا
كفاية انك بلسم يا قمر انت

وشيلي فكرة انك تمشي دي من دماغك
احنا ورانا رجالة تاكل الزلط لو فكرتي في الحكاية دي تاني
وقد اعذر من انذر

[mennatallah]

لا يا حبيبتى والله ما تزعلى . اللى بتقولى عليه بيحصل كتير ده لان مواضيع المنتدى ما شاء الله كتير و الواحد ما بيلاقيش وقت للرد على كل المواضيع . اى ان انت ليست مقصودة بالذات . اهلا بيكى معانا فى المنتدى . و اهلا بصداقتك
اختك فى الله منة الله

[rosha_mody]

عزيزتي بلسم عايزه اقولك علي حاجه انا عمري ما شاركت في اي منتدي ابدا رغم اني كنت بقعد علي النت كتير بس مفيش منتدي شدني قد فتكات وعلي فكره العضوات هنا ما شاء الله كتير وافكارهم متجدده دايما يعني مسافه لما تبداي تكتبي موضوع وتخلصيه كان في عشر موضوعات نزلوا والفتوكات مظلومين يعني ها يقروا ولا ها يردوا فنتي لازم تدي عذر للكل لانهم اخوات ليكي وحاولي تفكري دايما في مواضيع كتير وجديده ولو ما عندكيش كفايه انك تشاركي برايك في مواضيع غيرك وهو ده هدف المنتدي اننا كلنا نبقي اصحاب مش بس مين اللي كتب موضوعات اكتر لانه في الاخر بنفيد ونستفيد وانا عن نفسي مستنيه اشوف موضوعاتك الجديده واشوف افكارك يالا بقي فكري وسيبك من موضوع اسيب المنتدي دي

[بلسم الجروح]

عمر ما كان التهديد وسيلة لحب الآخرين
بس يا واقع الايام هيدا مش تهديد ولا حاجه هو بس عتاب على اخواتي
وانا معاكي في انه لازم ادور على مواضيع بتخص البنات بس كل ما القيت فكره اما بلاقيها موجوده من قبل او انه وحده سبقاني عليها من دقيقه او يوم شايفه حظي كيف
وعن جد انا والله بحب كل فتكات وشكرا اوييي ليكي لانه اعدت الامل لي

[بلسم الجروح]

انا بوافقك يا روشا بكل حرف قلتيه ومعاكي حق وشكرا ليكي

[بلسم الجروح]

لا يا حبيبتى والله ما تزعلى . اللى بتقولى عليه بيحصل كتير ده لان مواضيع المنتدى ما شاء الله كتير و الواحد ما بيلاقيش وقت للرد على كل المواضيع . اى ان انت ليست مقصودة بالذات . اهلا بيكى معانا فى المنتدى . و اهلا بصداقتك
اختك فى الله منة الله
انا مش زعلانه ولا حاجه منكم لانكم اخواتي

[واقع الأيام]

عمر ما كان التهديد وسيلة لحب الآخرين
بس يا واقع الايام هيدا مش تهديد ولا حاجه هو بس عتاب على اخواتي
وانا معاكي في انه لازم ادور على مواضيع بتخص البنات بس كل ما القيت فكره اما بلاقيها موجوده من قبل او انه وحده سبقاني عليها من دقيقه او يوم شايفه حظي كيف
وعن جد انا والله بحب كل فتكات وشكرا اوييي ليكي لانه اعدت الامل لي

انا اقصد بس يا حبيتي انك قلتي انا بكره كل فتكات
مع اني عارفة انك بتقوليها من ورا قلبك
بس احنا بنحبك
لا مش حكاية حظ ..
وعادي ما يهمكيش كتر المواضيع على قد ما يكون موضوع واحد بس جامد
عفوا يا حبيبتي
واحنا منتظرين جديدك الجميل ان شاء الله

[بلسم الجروح]

انا اقصد بس يا حبيتي انك قلتي انا بكره كل فتكات
مع اني عارفة انك بتقوليها من ورا قلبك
بس احنا بنحبك
انت اللي بتفهمي علي وانا كمان

[واقع الأيام]

شفتي اكبر دليل على حب الفتوكات ليكي كام رد من ساعة ما كتبتي الموضوع يا عسل؟

[mon]

ليه كدة انتى عوزة تسيبينا ؟
هو احنا نقدر يا قمر لالالالالالالالالالا متقواليش كدة ابدا احنا هنا كلانا اصحاب واكتر والله
ربنا يديم الحب بينا وانتى معنا

[بلسم الجروح]

خلاص مش راح اسيبكم
شكرا ليكي يا مون

[مايو]

ليه كدا يابلسم الجروح على فكره انا قراتلك كذا موضوع وماشاء الله حلوين
ومتزعليش نفسك خالص اذا كان على الاصحاب انا اتمنى اننا نكون صحاب
واذا كان على المواضيع فكره واكتبى موضوع انت حاسه بيه واحنا معاكى
وياريت متفكريش فى الكلام دا تانى

[مسز باسم]

طب انتى ليه بقيتى اوف لاين انا كمان زيك ومش بلاقى ردود وبازعل وباتضايق بس عمرى ما قررت اسيب المنتدى انتى لو فتحتى المواضيع الموجودة وقرتيها كلها العمر هيخلص قبل ما تخلصى قراءة وعموما احنا اصحاب وابعتى لى ع الخاص لو تحبى انا كل يوم ون لاين من الساعة 9 لحد الساعة 3 ونص ماعدا الجمعة والسبت

[بلسم الجروح]

شكرا ليكو اوييييي انا بجد مش عارف اشكركوا ازاي وبتمنى نكون اصحاب

[bes_bes]

احنا منقدرش علي زعلك يا قمر بس هقولك حاجه لو عملتيها هترتاحي قوي
متفكريش انك تفيدي بس فكري كمان انك تستفيدي
ادخلي انت كمان مواضيع و شاركي بردودك كل متشركي كل ما الي في المنتدي هيعرفك و تكوني ظهره فيه اكتر لان ناس كتير هتشوف ردودك و هتعرفك
انت لسه فتكات نشيطه يعني لسه بتقولي يا مسهل
متحطيش في دماغك الموضوع ده قوي انا سوبر فتكات دلوقتي بس عندي مواضيع
مفيهاش ولا رد واحد و لسه من يومين بدات انشط مواضيعي القديمه تاني
و بدئوا يعبروني و يردوا عليا
و متقوليش هدخل و مش هشارك برد زي ما هما الي بيعملوا لا يا قمر شاركي
علشان تتعرفي و تزيدي في الالقاب
و اوعي تمشي علشان انت منورانا

[toto s]

شو هالكلام القاسي ليه هيك بتحكي
والله كل واحده فينا اول ما اشتركت بفتكات كانت تحس باللي حاسه فيه انت اسا
بس مع الايام بتبطلي تحسي بهيك شي
الحب ما بيجي بالساهل ولازم تظلي تحاولي لحتى توصلي لمرادك
واوعي تفكري مره تانيه بهيك تفكير