تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
تخيلى لو انت عملتى حاجة غلط جدا مع خطيبك او جوزك
وانتى عارفة انها هتبقى مصيبة وطربقت فوق دماغك لو عرف
بس هو هيعرف هيعرف
مهو انتى طبعا مش هتخبى عليه
ولازم هتقوليله هتقوليله ملهاش حل
فانتى طبعا متروحيش تخبطيهاله كده
وتقوليله انا عملت المصيبة الفلانية
لا مؤاخذة فى الكلمة يعنى كده ممكن ماتبقيش مخطوبة او متجوزة كتير
طيب هتعملى ايه
بصى ياستى
حاولى تدورى على اى طريقة رومانسيةتوصليله بيها عملتك السودة
ازاى؟
امممممممم
اقولك: ممكن تعملى حاجة بسيطة جدا
تكتبيله انك عملتى كذا وكذا فى ورقة صغيرة
وتسيبيهاله بس اهم حاجة فى الموضوع ده انك وهو بقرى الورقة متكونيش قدامه
يعنى تخرجى مثلا من البيت وتروحى حاطة الورقة فى مكان هو يلاحظها فيه بسهولة واتاكدى انه هيلاحظ الورقة فى المكان ده
والا بقى ممكن يشوفها لما انت تيجى وتبقى ليلتك امطينة بطين
طبعا كمان لازم تلاحظى انك تكتبى الورقة دى بشكل رقيق جدا جدا جدا
وتبدايها بكلمة بحبك وتنهيها بكلمة بحبك
وحاولى تقعدى برة مثلا مش اقل من ساعتين
هو هيكون هدى شوية
لو رجعتى بقى ولقيتيه لسه مهديش
وماسك فى ايده الشبشب ابو صباع
اياكى اياكى اياكى
تفتحى بقك بكلمة
ولا تهزرى ولا تعملى حاجة
تروحى رايحاله وانتى باصة فى الارض
ووشك جايب الوان من عملتك السودة
وتقفى قدامه وترفعى عينك بالراحة خالص وتقوليله
اسفة او بحبك او ممكن ماتزعلش منى
بس بمنتهى الرقة
لو سمعتى طرقعة ماتقلقيش
دى اكيد على خدك
ماتاخديش فى بالك
هو بقى لو من النوع العصبى تبقى ضعتى والحمد لله
لو هو بقى حب يفتح الموضوع ويزعق والجيران يتلموا وتبقى فضيحة
حطى ايدك بمنتهى الرقة على بقه
وقوليله بمنتهى الرقة برضة
وحاولى تبقى ساعتها لابسة كويس وشكلك جميل
وقوليله
مانا قلتلك اسفة بقى
لو ما سامحتنيش انا مش هقدر اسامح نفسى
بعد كده هو هيكون اتخدر نوعا ما فممكن تفتحى معاه الموضوع بس بالراحة جدا
وخليكى فاكرة انك غلطانة يعنى مهما قال استحمليه
ولو اتعصب تانى اثناء النقاش
رجعى وشك للارض تانى ودمعيلك دمعتين كده بس ما تسوقيش فيها يعنى
وان شاء الله تتحل
وتبقوا مزقططين ومبسوطين على طول وربنا يجعله عامر
ازيكم يابنات
على فكرة يارومانسية لو جوزها مسافر يبقى احسن عقبال مايرجع الموضوع هيكون اتنسى
ممكن تتصل بيه تمهد للموضوع كده بس بهدوء طبعا
او ممكن تستنى لما ييجى وتبقى تعمل موضوع الورقة ده
او حل تانى ممكن تقوله اول مايدخل البيت بعد مايرجع من السفر علشان لو مامتها واحشاها تروح تقعد عندها شوية ويمكن على طووووووووول
شكرا ليكى ياريمووو ويامدام سمر وشكرا ليكم على تشريفكم موضوعى المتواضع
ولوانى مش فاهمة لووووووووووووووووووول دى يعنى ايه يا مدام سمر
بس انا بمووووووووووووت فى البنوتة اللى فى توقيعك وفرحت جدا لما شفتها دخلت موضوعى
ويارب دايما تشرفينى فى كل مواضيعى بس الاهم انها تعجبك
أيه يا عم المواضيع الجامده دى لا والله هايل هايل هايل طريقه حلوه لكن فى حاجه ماقولتيهاش لما هو بقى يمثل ويطلع فيها أتناول الشبشب ابو أصبع من إيده وأطرقع له أنا هههههههههه عملاه أعتذر وأظبط شكلى وأهىء له جو ماحصلش ويصمم يقمص بقى شكرا بقى ههههههههه لا يا بنات أنا بهزر ده لو حصل كده مع محمد قبل ماأبقى مطلقه هيبقى هو أرمل هههههههههه
ايه الدماغ دي يا جدعان
بجد برافو
تصدقي الرجاله سهل والله طريقه لفهم بس الكرامه عندنا بتنأح حبتين
يعني الطريقه دي ح تخلي المصايب اللي بنعملها قشطه
وعلي القلب زي العسل......
بس المهم ما نزودش فيها
شكرا ليكم ياجماعة على الردود الجامده دى
اديتونى امل فى نفسى وشكرا ياورده الحب وياسارة ويا toto s
ويارب ياوردة الحب تفضلى على طول مبسوطة وحياتك الزوجية تبقى تمام وربنا يباركلك فى زوجك ان شاء الله
وطالما انتوا بقى مراقبين قى المنتدى ماتكلمولنا حد من المسؤلين علشان ابقى هايلة هههههههههههههههههههههههههههههههه
وعلى فكرة ياسارة الرجاله دول والله فى منهم طيبين جدا وسهل يضحك عليهم ومهما كانالراجل ذكى الست تقدر تلفه لو هى كمان ذكية
كل سنة وانتوا طيبين وربنا يجعله عامر
وان شاء الله هقوللكوا على كام طريقة تانية يمكن يعجبوكوا بس ابقوا ادعولى علشان انا مش متجوزة ههههههههههههههههههههههههههههه
موضوع جميل وطريقة جميلة واسلوب شيق ويدعو للقراءة. ولكن الأهم من هذا كله انك تتبعى هذه الطريقة فى حياتك لما تتجوزى ان شاء الله وربنا يجوزك يا بنتى وكل البنات .
وشكرا Dr \ nabila rezk allah
فتوكة الفتكة
انتى بجد طلعتى فتكة قوى
هههههههههههههه
والله عجبتنى قوى طريقتك الساخرة فى كتابة الموضوع
ولو قريتى الموضوعين بتوعى فى معاملة الازواج هتلاقى اسلوبك مقارب لاسلوبى
وعلشان كده حسيت انك معايا على نفس الخط
بس فعلا انتى رائعة وهايلة من غير المشرفين كمان
ويا ريت تقولى لنا على طرق تانية نثبت بيها الاخوة الازواج اللى هيجننونا دول
ربنا يوفقك ان شاء الله
شكرا ليكى يادكتورة نبيله على المرور
وشكرا يا عبيير ياقمر على المرور والكلام اللى زى العسل ده
اسعدنى وجودك ياقمر وانا فعلا قريت الموضوع اللى فى معاملة الازواج وعجبنى جدا وعجبتنى طريقتك كمان
وان شاء الله هقولكوا على حاجات جديدة
بس دلوقتى عايزة انام
تصبحوا على خير
اه كل سنة وانتوا طيبييييييييييييييييييييييييييييييييييييييييييييييي يين
ياجماعة الموضوع بتاعى اتنقل قسم معامله الازواج ليه انا اصلا بتكسف اهوب ناحية القسم ده ولسة واخدة بالى ان الموضوع اتنقل وكنت بدخل عليه من الرابط اللى بيبقى تحت اى موضوع او اضافة ليا حد ياجماعة ينقله من القسم ده
