[اخت فى الله_LM]

هل الزواج بلا حب يعيش ؟ !! سؤال محير من الصعب الاجابه عنه
فهناك من يقول :
ان الحب هو الحياه والزواج بدونه قد يكون مصيره الفشل



وعلى الجانب الاخر هناك فريق :
يؤمن بأن الموده والرحمه والعشره بين الزوجين قد يصل بهما
الى اسما معاني الحب بل هو اقوى من الحب نفسه



وهذا الاختلاف من طبيعة البشر
ولكن لو نظرنا بمن حولنا لوجدنا ان
الزواج بدون حب (( خطر ))
بل انه يدق اول مسمار في نعش الزواج ؟؟؟؟؟؟؟؟؟؟؟؟ هل هذا صحيح

انتوا يافتوكات عندكم اجابة؟؟؟

[smsmat]

اختى الحبيبه
انا الحقيقه عندى كلام كتير فى الموضوع ده
اولا ان الجواز عن حب ضرورى لانجاح العلاقه الزوجيه دى خرافه وخيال علمى بجد ده عن تجربه شخصيه
الحاجه الوحيده الى بيعملها الجواز عن حب هو انك بيخليكى تستحملى الحياه مع الطرف الاخر مهما كان الى فيها علشان انتى بتحبيه لكن ابدا الحب قبل الجواز ما بيخليش الحياه سعيده
الحاجه الوحيده الى بتخلى الحياه سعيده بين الطرفين هو المعامله الطيبه اولا يعنى بما يرضى الله ودى الحقيقه حاجه نادره فى الزمان ده برضه من الخيال العلمى
ثانيا توافق الطباع والعقول يعنى ما تبقيش انتى فى وادى وجوزك فى وادى تانى انتى ليكى اهتمامات وهو اهتمامات تانيه خالص
الاهم من ده كله ان ما يكنش فى انانيه عند طرف من الطرفين واصرار عليها لانها ما بينفعش معاها حب ولا غيره
وشكرا لطرحك الوضوع وعفوا على الاطاله

[اخت فى الله_LM]

جزاك الله خيرا على ردك البليغ فعلا

[smsmat]

معلش يا لميس سامحينى انا دخلت كده سخنه وبوظت الدنيا للناس وغمقتها اصل كان لسه حالا مع جوزى مختبره احساس انى فى وادى وهو فى وادى تانى خالص
فكان هيجرالى حاجه ودخلت لقيت الموضوع
دب طاخ طوخ كتبته
بس والهى كل كلمه فيه مظبوطه
سامحينى مره تانيه

[ام ليلو]

اختى الحبيبه
انا الحقيقه عندى كلام كتير فى الموضوع ده
اولا ان الجواز عن حب ضرورى لانجاح العلاقه الزوجيه دى خرافه وخيال علمى بجد ده عن تجربه شخصيه
الحاجه الوحيده الى بيعملها الجواز عن حب هو انك بيخليكى تستحملى الحياه مع الطرف الاخر مهما كان الى فيها علشان انتى بتحبيه لكن ابدا الحب قبل الجواز ما بيخليش الحياه سعيده
الحاجه الوحيده الى بتخلى الحياه سعيده بين الطرفين هو المعامله الطيبه اولا يعنى بما يرضى الله ودى الحقيقه حاجه نادره فى الزمان ده برضه من الخيال العلمى
ثانيا توافق الطباع والعقول يعنى ما تبقيش انتى فى وادى وجوزك فى وادى تانى انتى ليكى اهتمامات وهو اهتمامات تانيه خالص
الاهم من ده كله ان ما يكنش فى انانيه عند طرف من الطرفين واصرار عليها لانها ما بينفعش معاها حب ولا غيره
وشكرا لطرحك الوضوع وعفوا على الاطاله

انا معاكى سمسمات 100%
يعمل ايه الحب مع الانانيه
او عدو التوافق
او فرض الرأى والسيطره
اهم حاجه هى حسن العشره والاحترام ولين الجانب من الطرفين
الحب بييجى اصلا من ايه؟
انا مقصدش حب المراهقين المبنى على الانبهار بالشكل او التفاهات المشتركه
انا اقصد الحب الواعى العاقل؟ اكييييييد بييجى من التوافق والتجانس ثم يأتى الارتباط والهيام
دا حتى الحب بين الاصحاب من نفس الجنس برده بييجى من التوافق والاتفاق
والاهتمام المتبادل
اذن لو تحققت الامور دى بين اى زوجين بدون سابق حب ,يبقى اكيييد ها يحبوا بعض
من حسن العشره ةالتفاهم والانسجام والتضحيه المتبادله



موضوع اخر جييييييييييييييييل لميس
جزاك الله خيرا

[اخت فى الله_LM]

ولايهمك ياقمر
ربنا يهدى سركم يارب
ومعلش اعتبريه ابنك
دى نصيحه من اختك الصغيره
انا ان شاء الله
هعمل كده لما اتجوز
هعتبر جوزى ابنى الكبير
زى مابعمل مع بابا دلوقتى
انتى مامته دلوقتى شوفى بقه هتعملى ايه لو انتى مامته
؟؟


جربى وقوليلى
ههههههههه

[اخت فى الله_LM]

مرورك شرف ليا ياام ليلو بجد
ومعاكى حق فى كل كلمه ياقمر بجد
جزاكى الله كل خير

[ام ليلو]

بصى يا لميس
المخطوبين من غير حب سابق لو محبوش بعض اثناء الخطوبه تبقى علامه سيئه
طب يعنى ايه يحبوا بعض؟ولاى درجه؟
يعنى
الاشتياق
الانسجام
التراحم (اه حتى فى الخطوبه,يعنى لما امك تتقل عليه فى الطلبات مثلا يصعب عليكى,وبيقولوا الحب اوله شفقه)
التفاهم
كل دى علامات الحب وفى غيرها كمان بس مش مركزه(أصلى نسييييييت ههههه)
امى سألتنى بعد خطوبتى التقليديه جدا ب 5 شهور :ها حبيتى خطيبك ولا لسه؟
قعدت الف وادور وبعدين قالت لى لو لسه محبيتيهوش يبقى ما ينفعش
فاضطريت اقولها اهههههههههههههه بحبه

[اخت فى الله_LM]

هههههههههههههه
اعترفتى بسرعه كدا؟؟؟؟؟؟
دى ماما شاطره اوى ...

بس فعلا لازم يكون فيه ع الاقل قبول وانسجام
لان انا مش متخيله يعنى ايه اتنين معرفوش بعض ممكن يعيشوا ف بيت واحد

[ام ليلو]

اه يا لميس زنقتنى اوى والله
وعلى فكره كانت بتتكلم بهدوء ومش بصالى ,كانت بترسم(عليا ههههههه)
واول ما قلتيلها اه بحبه,رمت الفرشه وقالتلى :هوا انا جايباكوا منين؟حبيتى فيه ايه؟
جتكم القرف انتى واخواتك
كل ما نجيبلوكوا عريس تشبطوا وتحبوه هههههههههههههههه
امال لو كان حلو شويه زى ابوكى كنتى عملتى ايييييييييييييييه
بجد والله قالتلى كده
0انا كل ما افتكر اضحك لحد ما ادمع من مقلب ماما)
بس هى كانت فعلا عايزه تتطمن انا حبيته ولا لاءه بس مش عارفه ايه اللى غاظها
امال لو ابويا هيعمل فيا اييييييييه؟

[msab71]

السلام عليكم ورحمه الله وبركاته
اختى فى الله
الحب قبل الجواز .........
بيموت بعد الجواز ..............


والجواز من غير حب.....
بيتولد فيه الحب
بيزيد عمرة وبيكبر
بعدد ايام جوازك


تحبى تختارى ايه
حب قبل الجواز
حب بعد الجواز

[msab71]

بصى يا حبيبتى
انا اتجوزت جواز تقليدى
شافنى فى الشغل
وكان ما بينا خلافات فى الشغل
واتقدملى ..... ورفضته من كفاجاء الموضوع لانه غير متوقع
وتانى يوم كلمنى فى التليفون وخلى مامته تكلمنى هى كمان
واتخطبنا................
واتجوزنا.....................
وخلفنا ................
ندى قلبى ........
وشذى حياتى ............
وانا اسعد واحدة فى الدنيا
وكل يوم يعدى عليا كانى لسة فى فترة الخطوبة
لالالالالالالا سعادة اكتر مت الخطوبة
ودة بسبب التفاهم
واهم من التفاهم و احترام كلا منا للاخر فى مشاعرة وطلباته
ومعرفة واجبات كل واحد منا محو الآخر

وربنا يسعد كل البنات
وحاولى تختارى الحب الابدى
وتاخدى اللى يجبك
وماتخدبش اللى تحبيه
اوعى تاخدى اللى تحبيه ابد ابد ابد

[اخت فى الله_LM]

اه يا لميس زنقتنى اوى والله
وعلى فكره كانت بتتكلم بهدوء ومش بصالى ,كانت بترسم(عليا ههههههه)
واول ما قلتيلها اه بحبه,رمت الفرشه وقالتلى :هوا انا جايباكوا منين؟حبيتى فيه ايه؟
جتكم القرف انتى واخواتك
كل ما نجيبلوكوا عريس تشبطوا وتحبوه هههههههههههههههه
امال لو كان حلو شويه زى ابوكى كنتى عملتى ايييييييييييييييه
بجد والله قالتلى كده
0انا كل ما افتكر اضحك لحد ما ادمع من مقلب ماما)
بس هى كانت فعلا عايزه تتطمن انا حبيته ولا لاءه بس مش عارفه ايه اللى غاظها
امال لو ابويا هيعمل فيا اييييييييه؟

بس برافو عليكى انك مش انكرتى ولا اتكسفتى
ويارب تفضلوا حبوا تحبوا بعض كده
ويكون"حبيبى دائما"
هــــــههههههههــــــه

ربنا يكرمك ياحبيبتى

[اخت فى الله_LM]

بصى يا حبيبتى
انا اتجوزت جواز تقليدى
شافنى فى الشغل
وكان ما بينا خلافات فى الشغل
واتقدملى ..... ورفضته من كفاجاء الموضوع لانه غير متوقع
وتانى يوم كلمنى فى التليفون وخلى مامته تكلمنى هى كمان
واتخطبنا................
واتجوزنا.....................
وخلفنا ................
ندى قلبى ........
وشذى حياتى ............
وانا اسعد واحدة فى الدنيا
وكل يوم يعدى عليا كانى لسة فى فترة الخطوبة
لالالالالالالا سعادة اكتر مت الخطوبة
ودة بسبب التفاهم
واهم من التفاهم و احترام كلا منا للاخر فى مشاعرة وطلباته
ومعرفة واجبات كل واحد منا محو الآخر

وربنا يسعد كل البنات
وحاولى تختارى الحب الابدى
وتاخدى اللى يجبك
وماتخدبش اللى تحبيه
اوعى تاخدى اللى تحبيه ابد ابد ابد

لامتخفيش انا مش هاخد حد بحبه
ولا بيحبنى
انا خلاص بابا ده ابنى وصاحبى وحبيبى وخطيبى كمان
هههههههههههههههههه

وربنا يهدوا سركم ياقمر
ربنا يكرمك ياحبيبتى

[habeeba]

الحب قبل الجواز مش شرط أساسي لنجاح الزواج ..بالعكس ده ممكن يكون سبب في فشل الزواج .. ومن رأيي هناك نوعين من الحب قبل الجوزا :
1-النوع الأول :-
الحبيبه بتقدم تنازلات معنويه وماديه كتير جدا لحبيبها .. بتخليها تندم بعد الزواج ..بمعنى آخر إن الخطيب يقول لخطيبته لو بتحبيني إضغطي على أهلك ويرمي الكوره في ملعبها بإسم الحب ..
2- النوع الثاني الحب قبل الزواج بين الخطيبين مقترن بالتفاهم ومبيقربش من التضحيات في الإلتزامات.. بكده..يبقى الحب قبل الجواز ممتاز..يعني البنت تحب بعقلها قبل قلبها وتكون عاقله ومنتبهه لكل اللي بيحصل حواليها ..
النوع الأول من الحب أول سبب لفشل الزواج
النوع التاني من الحب أكبر سبب لنجاح الزواج

نفس الشيء لو هنفترض انه زواج صالونات تقليدي :
1-النوع الأول :-
الزوجين يحبو بعض بعد الزواج بسبب التفاهم بينهم ويكمل الزواج ويكون سعيد كمان .
2-النوع الثاني :-
الزوجين محبوش بض ومفيش تفاهم مابينهم والنتيجه طبعا معروفه فشل وطلاق

آسفه عالإطاله .. أصلي يابنات جربت النوعين وحبيت أقولكن عن الخلاصه يمكن حد يستفيد مني ..

[جنة اثير]

ايه الكلام الكبير الحلو ده

انا معاكم يا بنات الجواز التقليدي احسن بس الجواز عن حب ليه طعم تاني لكن فيه تنازلات كتيره جدا ليه ؟؟؟؟؟؟؟

علشان انتي بتحبه حتي لو عمل جوزيك غلطات كبيره ممكن تسمحي علشان الحب ولو لا قدر الله حصل انفصال او مشكله كبيره هتقربكم علي الانفصال

بتكون الست في حاله نفسية وحشه جدا جدا والدنيا بتسود في عينها
وانا شوفت ده قدام عينيا وشوفت ستات كتير اتعذبت بسبب الحب وربنا يهدي سر الجميع يارب


وكل سنه وانتم طيبين والعيد فرحه

[smsmat]

الحقيقه يا لميس والهى انى بقول لجوزى انى مخلفه تلاته مش اتنين(انا عندى ولد وبنت)
لكن اتنين منهم بيسمعوا كلامى والتالت الكبير لا
ربنا يرزقك بالزوج الصالح الى تعامليه ند ليكى مش ابنك ان شاء الله

[undonelife]

اختى الحبيبه
انا الحقيقه عندى كلام كتير فى الموضوع ده
اولا ان الجواز عن حب ضرورى لانجاح العلاقه الزوجيه دى خرافه وخيال علمى بجد ده عن تجربه شخصيه
الحاجه الوحيده الى بيعملها الجواز عن حب هو انك بيخليكى تستحملى الحياه مع الطرف الاخر مهما كان الى فيها علشان انتى بتحبيه لكن ابدا الحب قبل الجواز ما بيخليش الحياه سعيده
الحاجه الوحيده الى بتخلى الحياه سعيده بين الطرفين هو المعامله الطيبه اولا يعنى بما يرضى الله ودى الحقيقه حاجه نادره فى الزمان ده برضه من الخيال العلمى
ثانيا توافق الطباع والعقول يعنى ما تبقيش انتى فى وادى وجوزك فى وادى تانى انتى ليكى اهتمامات وهو اهتمامات تانيه خالص
الاهم من ده كله ان ما يكنش فى انانيه عند طرف من الطرفين واصرار عليها لانها ما بينفعش معاها حب ولا غيره
وشكرا لطرحك الوضوع وعفوا على الاطاله

عجبني اوي اوي كلام سمسمات بجد كل كلمه قالتها صح 100%

فعلا المعامله الطيبه هي اللي بتخلي اي ست سعيده.. هيا الست عايزه ايه غير واحد يطبطب عليها ويمسح دموعها ويحسسها انها الاولويه الاولى في حياته

وفعلا الجواز عن حب ميزته انه بيساعد الواحده على تحمل الحياه والمشاكل، لكن انك تاخدي واحد عنده أخلاق ومش أناني ويحبلك اللي يحبه لنفسه دي لوحدها بالدنيا
وربنا يوفق الجميع

[كنوز الشرق]

الموضوع حلو اوى وكمان ارائكم حلللللللللللللللللللللللللوة كتير