[حنتوشه]

السلام عليكم ورحمه الله وبركاته انا طالبه منكوا خدمه وياريت متكسوفنيش
انا عروسه وبجهز شقتى ومحتارة اوى فى الوان الدهانات بس انا حابه لون
الموف حتى السيراميك جبته بلاطه موف وبلاطه بيضه فعايزة الوان تمشى مع السبراميك
وانا هحط السفرة مع الانتريه فى الريسيبشن والسفرة هجبها بنى
بالله عليكوا اجيب الانتريه لونه ايه وادهن الريسيبشن ايه
متحرمونيش منكوا دة انا محتاجاكوا جنبى اوى يااخواتى يافتوكاتى
انا مستنيه اهوة حد يدخل بقىىىىىىىىىىىىىىىىىىىىى

[أم ندى ونور]

البيج بيليق على كل حاجه ده بالنسبه للانتريه
اما اذا جبتيه كلاسيك فادهنى حيطه واحده كامله موف غامق من اباليك اضاءه وباقى الريسبشن ابيض سن فيل او اوف وايت
اما اذا جبتيه مودرن يبقى الدهان الحوائط كلها لون واحد خفيف
واى استفسار انا تحت امرك

[حنتوشه]

ميرسى ليكى يام ندى ونور وعقبال ماتفرحى بيهم
بس انا بفكر اجيب الانتريه على موف وخديديات الروز والموف داخل معاة بس محتارة فى اللون الدهان بردة

[عمر و حبيبة]

انا رايى انك تعملى الانتريه بنى
وتدهنى الريسبشن بيج غامق شوية
وممكن تعملى غرفة النوم كوف مدام بتحبيه

[*زهره*]

الله جمبل الموف اعملى الانتريه موف غامق مثلا ودخلى خداديات فضى مع موف غامق
والحيطة ممكن تعمليها واحدة موف والباقى كريمى او ابيض او كلها كريمى



ده ورق حائط الوانه تحفة

[nonamks]

جميله اوي الصوفا الموف دي
بجد شيك اوي

[BIBOOO]

انا رأي تعملي الحيطة ابيض او اوف وايت ولو في شباك اعملي ستارة ماتشينج كلر ابيض في موف برضة
والصوفة تبقي موف في وايت و ابعدي عن البنيات مش حتليق مع الجو المودرن ده وهاتي فازات وورد بنفس الالوان
والف مبروك مقدما

[حنتوشه]

ميرسى ليكى يازهورة بجد رفعتى من روحى المحبطه وفعلا ان شاء الله ناويه اجيب الانتريه مودرن اللى هو الموف الغامق
وهعمل حيطه موف والباقى الكريمى دة بس الى مجننى السفرة هتبقى فى نفس الريسيبشن وهتبقى بنى
تفتكرى هيبقى حلو

[حنتوشه]

يابيبو ياجامد انت والله ذوقك حلو اوى ومتشكرة على اهتمامك
ايوة كدة اللى ورا فتوكات جميلات زيكوا مايحتارش ابدا

[*زهره*]

ميرسى ليكى يازهورة بجد رفعتى من روحى المحبطه وفعلا ان شاء الله ناويه اجيب الانتريه مودرن اللى هو الموف الغامق
وهعمل حيطه موف والباقى الكريمى دة بس الى مجننى السفرة هتبقى فى نفس الريسيبشن وهتبقى بنى
تفتكرى هيبقى حلو

بصى ياحنتوشة البنى يمشى مع الموف جدا وياسلام لو كانت السفرة مودرن برضة تتطلع روعة
بصى الصورة البنى مع الموف





وده موف فاتح حلو فى اوضة النوم




ودى صورة تفتح نفسك اكتر للموف هههههههههههه



يللا وابقى ورينا شقتك لما تخلصى