[أحلام الأميرة]

اخواتى الحبيبات هنتعلم فى الدرس الاول طريقة بسيطة للتطريز وسهلة جدا :

اسمها ( قشر السمك )

الادوات:

نجيب اى قماش عاوزين نطرز عليه ( فستان _ مفرش _ شنطة ) اللى تحبوه

ونجيب ترتر باللون اللى تحبوه

وابرةوخيط
وتعالوا نشوف الطريقة بالصور
اخواتى الحبيبات هنتعلم فى الدرس الاول طريقة بسيطة للتطريز وسهلة جدا :
ودى البلوزة اللى هنشتغل عليها واللى عاوزة تشتغل على اى حاجة عندها تبداء معايا
شوفوا البلوزة ازاى كان شكلها فى الاول وشوفوها لما تخلص هيكون شكلها ازاى بعد ما نعمل عليها غرزة ( قشرة السمك نرسم عليه دوائر او مربعات او اى رسمة احنا نحبها بس علشان المبيدئين رسمة سهلة مربع او مستطيل او دوائر علشان تكون سهلة عليكم فى الشغل.
بعدين نبدا
تابعوا الصور
هنبدا من اول طرف للمربع ندخل الابرة من تحت القماش وندخل ترترة واحدة ونثبتها على الرسمة وندخل الابرة تانى لتحت ونطلع تانى بالابرة من طرف الترترة بدون اى مسافات بعدين نبداء نحط واحدة جديدة وناخد مسافة اقل من سنتيمتر ونكرر العملية لحد ما الرسمة تخلص .والصور هتوضح اكتر ان شاء الله
المهم نخيط من غير ما نشد الخيط قوى علشان الترتر يترص فوق بعضه زى قشر السمك بالضبط

وكده نكون خلصنا الرسمة وبالنسبة للوردة اللى فى النص نجيب خرز صغير ونثبت واحدة فى النص ونلف عليها 5 خرزات هتطلع بالشكل ده
اشكال بسيطة وسهلة .
ونيجى عند الكمر اللى على الرقبة
ونعد 6 خرزات صغيرين فى الابرة ونبدا نرص جنب بعضه يطلع بالشكل ده .
وبيكون ده الشكل النهائى بطريقة بسيطة جدا وسهلة .

الدرس الثانى

اليوم بشرح لكم الدرس التانى لتعليم التطريز بالخرز (للمبتدئين )
وان شاء الله يكون سهل عليكم .تابعوا معايا بالصور والخطوات



الغرزة المرة دى سهلة خالص مجرد رص خرز بالعدد مع الرسمة المرسومة
اولا نرسم رسمة على الخامة اللى عاوزين نطرز عليها
تكون رسمة بسيطة علشان المبتدئين ما تكونش صعبة عليهم (نبداء نحددها باللون الاسود) نحط فى الابرة 4 خرزات ونقدر مسافتهم حسب طول الخرز على الرسمة ومن جنبهم نحط اربع خرازات تانى لحد ما تتحدد لنا الرسمة كلها والصور هتوضح اكتر ان شاء الله .وبعد ما نحدد اول اطار نبدا بالحشو بنفس الطريقة بلون تانى هنفضل ماشيين صف صف لحد ما نملى المساحة كلها بالحشو ونراعى ان تكون المسافات ضيقة قوى علشان مش تبان فواصل\ تكون الخطوط كلها مترابطة كانهم قطعة واحدة
وكده نكون خلصنا حشو اول دائرة
شفتوا بقا الدرس سهل ازاى علشان خاطر عيونكم
ونكمل باقى الرسمة بنفس الطريقة
ونفس الطريقة فى الخطين اللى على الجناب نحددهم بالاسود وفى النص نعمل صف باللون الفاتح كدا تكون خلصت الرسمة بتاعتنا

نبدا بقا نعمل الشراشيب فى اخر الدائرة
وطريقة عملها هنلضم خيط فى الابرة ونعقد الخيط عقدة متينة وكبيرة فى الاخر ونرص خرز بالترتيب باللون اللى احنا عاوزينه ونخيطها فى الرسمة واحدة ورا التانية ونراعى ان تكون المسافات متساوية والطول متساوى .

اذا اعجبك الموضوع و اردت نشره في المنتديات الاخرى فاستخدمي هذا الرابط:
بصوا شوفوا بالترتر والخرز عملنا إيييييييييييييييه
http://forums.fatakat.com/thread62956

[أحلام الأميرة]

باقي الموضوع
ده شكل الشراشيب
ونبدا نخيطها واحدة جنب واحدة وكل مرة نكرر نفس الطريقة

وده شكل تاني (العينة)


يارب الفكرة تعجبكم
أكيد عندكم أفكار أفضل

ممكن تجملوا صناديق مجوهراتكم ومكياجاتكم بالطريقة دى



البراويز دي تخيايها من صنع إيديكي

(بواقي قماش* ورق مقوي * ترتر *خرز)

النتيجة:

ممكن تجددي في الأنتريه أو الصالون
بإضافة بعض الترتر و الخرز علي الخداديات أو التكاوي الخاصة بيهم وممكن تضيفي لمستك علي مفارش السرير

منقول للإفادة مع التعديل والإفادة

[ام اربعه واربعين]

تحفه بجد
بيغير الشكل خالص

[princesse X]

[mayooy]

[أحلام الأميرة]

أشكر كل من قام بزيارتي (تحية من القلب ليكو كلكم )

http://www.7elm3aber.com/vb/avatars/...ine=1204386020

[coquelicot]

موضوعك هايل

تسلم ايديكى بس الابرة بيتهيالى لازم تكون ابرة خرز يعنى رفيعه .. صح ؟

[مغربية مراكشية]

اشكال وافكار حلوة جزاك الله خيرا

[داندى]

[العبد لله]

[أحلام الأميرة]

أشكر الجميع علي الهداءات والتعبيرات الرائعة

أتمني للجميع التوفيق و السعادة

[zoom2009]

[أم أسيل ليلو]

جزاكى الله خير

[rerequeen]

جناااااااااااان تسلم الايادى
وتسلمى يا قمر

[Dr.ms]

شيك اوى تسلم ايديكى يا قمر

[إبتســـــــــــــامه]

[حبيبه ستار]

[روبى رحاب]

بجد حاجات تحفه انا هنفز منها كتيرررررررررررررررررررررررر

[سوسو و سما]

تسلم اديك