[باحثه عن السعاده]

السلام عليكم ورحمه الله وبركاته

ازيكم ياجماعه
انا اول مره اشارك بموضوع وان شاء الله مش هايبقي اخر موضوع لان مشاكلي كتير ودي اول مشكله
انا بقي عندي مشكله اني لما بنام علي سريري لازم افضل صاحيه فتره طويله جدا لغايه ماروح في النوم الاول كانت بتكون من نص ساعه لساعه ونص
دلوقتي ممكن افضل صاحيه اكتر من 3 ساعات
معرفش السبب رغم اني لو ريحت في اي حته الاقي نفسي في حوالي ربع ساعه بروح في النوم
جيت في فتره وغيرت مكان المخده حطيتها بالعكس كانت نتيجه افضل بس لفتره قصيره وبعد كده مبقاش ليها اي تاثير
وللعلم انا كنت الاول بعاني من مشكله احلام اليقظه وكانت بتاخد وقت طويل مني انما انا بطلتها بنفسي
دلوقتي بحاول اشغل قران ممكن اسمع سوره يوسف مثلا كلها مرتين وانا لسه صاحيه
كمان بحب قراءه روايات بقرا ساعات علي السرير قبل النوم
برضه مفيش
بحاول اعد ارقام برضه مفيش نتيجه

ايه الحل؟ وايه السبب؟ ولغايه امتي هافضل كده؟

انا تعبت جدا ونفسي ادخل انام علي طول

استنوني بقي في المشكله التانيه
ويارب مكونش بطول عليكم
ولكم جزيل الشكر

اذا اعجبك الموضوع و اردت نشره في المنتديات الاخرى فاستخدمي هذا الرابط:
بنام في اي حته الا سريري
http://forums.fatakat.com/thread63047

[باحثه عن السعاده]

ياجماعه انتم فين ليه محدش رد

[ريتا ميشيل]

معاكى حبيبتى بس ممكن يكون فى شئ بتفكرى فيه

طب حاولى تجهدى نفسك طول النهار ويمكن تنامى بسرعه من التعب

[باحثه عن السعاده]

السلام عليكم
والله انا مش عارفه اشكرك ازاي علي اهتمامك
بس علي فكره انا ببقي جايه من بره بموت من التعب ومش قادره ارفع راسي
وبمجرد ماحط راسي عالمخده بفضل صاحيه لغايه مالتعب كله يروح
وتتكرر المشكله

[ام كيكي]

غيري مكان السرير وبدلي نظام الاوضه وعملي جو هادي في الاوضه وخدي دش دافي واشربي حليب دافي قبل النوم وصفي ذهنك وواضح ان عندك اراده قويه بدلبل انك قدرتي تبطلي احلام اليقظه لوحدك

[باحثه عن السعاده]

شكرا لمرورك ام كيكي وهاحاول اعمل بنصيحتك
رغم اني غيرت مكان السرير قبل كده
انا كمان كنت باخد فاتح للشهيه والدكتور قالي انه فيه مهدئ عشان ماخدهوش لما يكون عندي امتحان عشان منامش وكنت باخده وافضل برضه صاحيه فتره طويله لغايه مانام واصحي الصبح وجسمي كله مكسر

[ام كيكي]

عندي نصيحه كمان مهمه جدا انك تروحي لدكتور نفساني ... النصيحه دي مهمه جدا يا جماعه بس الناس بتستهون بيها وبيتهيألها الناس المجانين بس هما اللي محتاجين للدكتور دا لكن الحقيقه ان كلنا محتاجينله لان النفس دي زي اي عضو في الانسان بل اهم من كل الاعضاء ولازم نهتم بيها ونريحها عشان تريحنا ودي شغله الدكتور

[غاده الصايغ]

وانا كمان معاكي يا ام كيكي
انتو عارفين لي صديقة كلانت عندها مشكله مع والدتها وزوجها متوفي ومعها ولد وبنوته لسه صغيرين كاانت نفسيتها تعبانه يعني من الظروف اللي مرت بيها
اقترحت عليها من حوالي اسبوعين تروح لدكتور تفسي
تخيلو
راحت من غير ما تقول لاحد حتي انا
امبارح بس اتصلت بيا تشكرني
بتقولي لا تتخيلي فرق معايا اد ايه
كفايه انه خلني افكر بطريقة تانيه
واشوف حاجات انا مكنتش شيفها حواليا

ربنا معانا جميعا
لازم نعترف لنفسنا يا جماعة اننا لازم نغير من نفسيا
علشان نقدر نتألف مع الواقع اللي حوالينا
اي ان كان الواقع ده
يعني المرونه دي اهم حاجة لازم تكون في اساس اعماقنا

[باحثه عن السعاده]

السلام عليكم ورحمه الله وبركاته
اولا احب اشكرك ام كيكي وكمان غاده
انا متفهمه جدا موضوع الدكتور النفساني ده ومن زمان دايما اهزر مع اصحابي واقولهم انا محتاجه دكتور نفساني
بس مشكلتنا كمجتمع شرقي ان محدش هايتفهم الموضوع ده نهائي حتي اللي في البيت
خصوصا اني مش متزوجه يعني اي مكان اروحه يكون بحساب
وكمان انا بحب الطب النفسي جدا
لكن اعمل ايه ما باليد حيله
انا بيتهيالي الحل اني اتجوز دكتور نفساني
وبشكركم تاني علي اهتمامكم

[أم أسيل ليلو]

والله انا بعانى من المشكله دى انا ساعات كتير بالاسبوع معرفش النوم وبيبقى حالى غلط خالص بس انا كنت باخد دواء بيساعد على النوم هو مش منوم لكن مهدىء اول يومين كان الدوا جايب فايده لكن بعد كده مهما اخدت منه برضه صاحيه والدتى لما عرفت قالتلى خدى دش ساخن بالليل وأشربى كوب لبن دافىء واهه بحاول وساعات بروح فى النوم لما تعرفى علاج حلو ابقى قوليلى
وربنا يهدى الجميع

[باحثه عن السعاده]

نورتيني أم أسيل ليلو
وان شاء الله نلاقي الحل
بس يمكن انا مشكلتي اهون لاني بتأخر كام ساعه بس في الاخر بنام
وان شاء الله ابلغك بيه لو وصلني حل اكيد

[mashmosha]

تصدقى يا باحثة عن السعادة انا بعانى من نفس مشكلتك لما جالى اكتئاب انا تقريبا ما بنامش بنام متقطع ممكن اقعد بردوا بالاربع والخمس ساعات مش عارفة انام لحد ما اصدع وللاسف انا حاسة ان الموضوع ده مالوش دعوة بالنفسية بجد مش عارفة الواحد يعمل ايه فى موضوع الارق ده

[باحثه عن السعاده]

والله ياmashmosha
دي فعلا مشكله
وحاولي تعملي زي مالفتكوات قالوا
لغايه منلاقي حل جزري او تنتهي المشكله لوحدها

[مدام ديدى]

هيا فعلا مشكله وانا بعانى منها بس من حوالى سنه الموضوع ذاد عن حده لدرجه انى بقعد بالايام مش جاينى نوم بس بهنج زى الجهاز ببقى دايخه ومفيش تركيز خالص
عارفين لقيت حل عارفين ايه هو بفتح التليفزيون جنبى وانام لو حسيت انى هروح فى النوم اقوم لو قمت طفيته منمش عشان كده بسيبه للصبح مفتوح وانام
اعمل ايه ملقتش غير الحل ده اللى نفع معايا

[باحثه عن السعاده]

هيا فعلا مشكله وانا بعانى منها بس من حوالى سنه الموضوع ذاد عن حده لدرجه انى بقعد بالايام مش جاينى نوم بس بهنج زى الجهاز ببقى دايخه ومفيش تركيز خالص
عارفين لقيت حل عارفين ايه هو بفتح التليفزيون جنبى وانام لو حسيت انى هروح فى النوم اقوم لو قمت طفيته منمش عشان كده بسيبه للصبح مفتوح وانام
اعمل ايه ملقتش غير الحل ده اللى نفع معايا

هي فعلا فكره كويسه يا مدام ديدي شكرا لمرورك انا بعمل كده فعلا بس مش بالتلفزيون بعملها بالموبايل
كنت الاول بحط في ودني سماعه واشغل الراديو لغايه ماروح في النوم
ودلوقتي بشغل قران بصوت منخفض جنبي عالسرير
تعرفي اني بشغل صوره يوسف مثلا بتخلص واعيدها وانا لسه برضه صاحيه
انا بقي المشكله دي مبتحصلش غير علي سريري بس يعني لو نمت في سرير ماما مثلا بروح في النوم علي طول من غير مجهود
معرفش السبب

[غاده الصايغ]

طيب هقولك حاجةيا قمرايا
متغيري السرير
يعني جربي تغير مكان الاوضه بتاعتك خالص بالموبليا اللي فيها
بس اهم حاجة تجيبي انتي الاوضه علي مزاجك وكمان الالوان تكون مبهجة مريحة للاعصاب و النظر
يلا بقي جربي وابقي اقليلي ايه الاخبار

[انسام الندى]

الحل بسيط يا جماعة .................انتم تاعبين نفسكم لية
اول حاجة فبل اما تروحى لسريرك لازم تتوضي زي ما علمنا النبي صلى الله عليه وسلم
وبعدين تنامى على جنبك اليمين وتضمي ايديك الاثنين وتقربيها من فمك وتقولي اذكار النوم وهي:
1 - قراءة اية الكرسي
2-قراءة خواتيم سورة البقرة مناول لله ما في الموات والارض لاخر السورة
3- تقرئي سور الاخلاص والناس والفلق كل واحدة ثلاث مرات
4- تقولي دعاء النوم: باسمك ربي وضعت جنبي وبك ارفعه اللهم ان اخذت نفسي فارحمها وان ارسلتها فاحفظها بما تحفظ به عبادك الصالحين
وبعدين تقولي سبحان الله 33مرة و الحمد لله3مرة و الله اكبر 34مرة

وكدة يا جميل انت ربنا كفاك الشيطان ونوما هنييييييييييييييييييييييييييييييييييييئا

وماتنسيش طبعا تكوني مصلية العشاء و الوتر

[مشتقالك اوى]

عندها حق انسام الندى وانا معاها فى كلامها وياريت تجربي ده وان شاء الله تنامى

[باحثه عن السعاده]

ميرسي غاده الصايغ وانسام الندي ومشتقالك قوي علي المرور
بالنسبه لتغيير السرير انا فكرت فيه وهانفذها ان شاء الله وهاغير مكانه كمان انما تغيير الاوضه ده صعب اصل بيتنا كبييييييييييييييييييييييييييييييرههههههههه قصدي صغير عدد الاوض محدود
وبالنسبه لاذكار المساء يمكن مش كتير بداوم عليها بس بقول اجزاء منها وبشغل كمان قران وخصوصا صوره البقره انا قربت احفظ اول نص ساعه منها من كتر مابسمعها قبل النوم اكتر من مره
وان شاء الله افكاركم تجيب نتيجه وربنا يجازيكم خير

[هبة ام عاصم]

باحثة عن السعادة السلام عليكم ورحمة اللة وبركاتة اللة اقولك حاجات تحافظى عليها مش هتاخد نص ساعة بس ان شاء اللة تحبيها وتتعوديها قبل اما تنامى اتوضى وصلى ركعتين وادعى فى سجودك بالجنة والسعادة وكل الى تحبية وادخلى سريرك وونامى على جنبك الايمن واقرى اية الكرسى وقولى ربى غارت النجوم وهداءت العيون وانت حى لا تموت ربى اللهم اهدى صدلرى وانم عينىوسبحى33 واحمدى33 وكبرى33واعلمى ان اللة يتوفى الانفس حين موتها والتى لم تمت فى منامها مالكيش حل الافى راحة النفس الا بذكر اللة تطمئن القلوب