[eng_nonaonline]

بسم الله الرحمن الرحيم وبه نستعين

أخواتى العزيزات هذه اول مشاركة لى فى اى منتدى وحبيت استشيركم بما ان معظم الاخوات سبقتنى فى الزواج.
أنا الحمد لله بجهز لعش الزوجية وفكرت انى اجيب مراتب جاهزة لكن لقيت مشكلة انى مش لاقية ماركة كويسة و متجربة , سمعت عن تاكى وهابيتات عندنا فى بورسعيد وفكرت انى انزل الف فى القاهرة بس لقيت نفس المشكلة انى مش واثقة فى اى ماركة خصوصا ان كل شركة بتطلع عيوب فى الشركات التانية.
يا ريت تفيدونى وتردوا عليا فى اسرع وقت وجزاكم الله خيرا

[أم لوجى و ملك]

بصى حبيبتى انا عمرى ما سمعت عن عروسه بتجيب مراتب جاهزه العروسه دايما بتعمل مراتب قطن وقماش وكده
لان المراتب الجاهزه بيجى عليها وقت وتبوظ طبعا انا مش معاكى
طبعا احسن ماركات المراتب الجاهزه عند تاكى ده لو انت مصممه على رايك
0

[preatywoman]

انا دايما اسمع عن التاكي افضل الانواع لكن انا مجربتش المراتب الجاهزة

[eng_nonaonline]

بصى حبيبتى انا عمرى ما سمعت عن عروسه بتجيب مراتب جاهزه العروسه دايما بتعمل مراتب قطن وقماش وكده
لان المراتب الجاهزه بيجى عليها وقت وتبوظ طبعا انا مش معاكى
طبعا احسن ماركات المراتب الجاهزه عند تاكى ده لو انت مصممه على رايك
0

تسلمى ام لوجى بس الموضة دلوقتى كله جاهز المرايب واللحاف مفيش حاجة قطن غير شوية مخدات عموما انا هشوف تاكى وجزاكى الله كل خير

[eng_nonaonline]

جزاكى الله كل خير حبيبتى ويا ريت لوتعرفى حد جرب فعلا المراتب الجاهزة وابقى قوليلى

[أم مريم]

بصى يا عروسة أنا من بورسعيد و متجوزة من سنتين و جايبة مراتب جاهزة الحمد لله زى الفل من يوم ماتجوزت
كويسه جداً ماركتها اسمها المأمون دى مراتب سورى بس حلوة جداً و مريحة قوى
تشتريها من عند محل اسمه المارد المصرى أكيد عارفاه
صاحبه متجوز من سوريه و كل منتجاتهم هناك سوريه
و الراجل صاحب المحل كمان هينصحك بالنوع الكويس ثقى فى كلامه هو اللى نصحنى بالمرتبة دى
هو الفرق بس فى ارتفاع المرتبة وده تختاريه انتى على حسب السرير بتاعك
و فرق تانى فى مدى نشوفية المرتبة و انصحك انك متجبيش الناشفة قوى لانها زى ما قاللى للى عندهم تعب فى ظهرهم بعد الشر عننا كلنا
روحى و شوفى و ادعيلى

[أم مريم]

أه نسيت أقولك ابقى اعزمينى على الفرح يا أحلى عروسه

[ام مهند]

ناس كتير اشتكوا من الجاهز بعد مااشتروه
نصيحتي ليك ياقمر مفيش احسن من القطن وده نصيحه خالصه لوجه الله

والف مليون مبروك

[مورة]

يا عروسة القطن احسن علي مدي السنين وحتي بعد السنين ما تعدي وتحبي تغيرهم هتنجديهم تاني ولكن الجهاز لما تحبي تتجدي لازم تشتري تاني وبعدين يا ستي خالي اللحاف هو والخدديات هم من الفيبر الجهاز بس دة نصيحة اقتصادية

[eltourky]

والله انا احترت ف الموضوع ده
انا مجربتش الجاهز
بس ف ناس كتير شكرو فيه
وناس كتير اشتكو منه

[eng_nonaonline]

بصى يا عروسة أنا من بورسعيد و متجوزة من سنتين و جايبة مراتب جاهزة الحمد لله زى الفل من يوم ماتجوزت
كويسه جداً ماركتها اسمها المأمون دى مراتب سورى بس حلوة جداً و مريحة قوى
تشتريها من عند محل اسمه المارد المصرى أكيد عارفاه
صاحبه متجوز من سوريه و كل منتجاتهم هناك سوريه
و الراجل صاحب المحل كمان هينصحك بالنوع الكويس ثقى فى كلامه هو اللى نصحنى بالمرتبة دى
هو الفرق بس فى ارتفاع المرتبة وده تختاريه انتى على حسب السرير بتاعك
و فرق تانى فى مدى نشوفية المرتبة و انصحك انك متجبيش الناشفة قوى لانها زى ما قاللى للى عندهم تعب فى ظهرهم بعد الشر عننا كلنا
روحى و شوفى و ادعيلى

جزاكى الله كل خير يا ام مريم وعقبال ما تجهزى مريم ان شاء الله .انا هنزل ان شاء الله اتفرج هناك وابقى اقولك عملت ايه.

[eng_nonaonline]

يا عروسة القطن احسن علي مدي السنين وحتي بعد السنين ما تعدي وتحبي تغيرهم هتنجديهم تاني ولكن الجهاز لما تحبي تتجدي لازم تشتري تاني وبعدين يا ستي خالي اللحاف هو والخدديات هم من الفيبر الجهاز بس دة نصيحة اقتصادية

أشكرك حبيبتى على النصيحة بس انا اعرف ناس جايبة مراتب جاهزة بقالهم فترة ومستريحين فيها , وسمعت ان لو حصل مشاكل لا قدر الله بيعملوا مرتبة واحدة قطن بيحطوها فوق الجاهزة وأنا ناوية ان شاء الله اجيب لاوضة النوم بتاعتى جاهز وللاطفال قطن عشان يبقى حل وسط ولا ايه رايك؟؟

[eng_nonaonline]

جزاكى الله كل خير يا ام مهند على النصيحة وربنا يباركلك فى مهند وتفرحى بيه ان شاء الله

[زينات]

يا عروستنا الحلوة
اختيار موفق ان شاء الله .. المراتب الجاهزة صحية جدا جدا و انا مجربة القطن سىء جدا و مرهق للظهر .. يا ريتك حتى للولاد تجيبى مراتب جاهزة
انا اسمع ان اليانسن افضل ماركة بس غالى حبتين
و شوفى المحل اللى قالت عليه ام مريم برضه
و يا رب يتمم لك على خير
زينات

[ريري]

حبيبتى انا انصحك بمراتب تاكى لانى مجرباها من سبع سنين ،واخواتى كمان مجربينها من قبل كده..وبالنسبه للمخدات :يانسن لان مخدات تاكى هبطت جدااااا،اما مخدات يانسن عندى من سبع سنين زى الفل
اما بالنسبه للراحه فأنا مرتاحه جداااااا عليها (ولكل وجهة نظره فى الشىء اللى بيرتاح له)
وربنا يوفقك ويتم عليك الفرحه

[eng_nonaonline]

شكرا ليكوا اخواتى زينات وريرى على ردكم الغالى وجزاكوا الله كل خير ان شاء الله

[hala_2007]

حبيبتي انا مجربتش المراتب الجاهزة بس اسمع ان كل اللي جربو يانسن شكرو فيها اما اللحاف انا مجربة الجاهز وحلو قوي وبيدفي وسهل في الغسيل

[فطيمة]

وغسيل ليه انا حايبه واحد ومعاه زي توب ليه وفي الفتحه اللي بيدخل منها الحاف صف ظراير تقفليه منه ختي لاتطري تغسليه كل شويه وتتعبي اذا مفيش منه ممكن تفصليه علي مقاس لحافك لاني جبته من النمسا مش من مصر وعجبتني الفكره حبيت اقولهالك لومفيش منه وبالنسبه للمراتب صراحه القطن اريح انا عندي الاثنين وللجاهزتاكي افضل اذا مصممه والف مبروك واسفه للتطويل

[eng_nonaonline]

شكرا ليكوا اخواتى فطيمة وهاله على ردكم الغالى وان شاء الله اعمل بالنصيحة

[elbatool5]

بصى ياقمر
انا مرتبتى جاهزه من هابيتات ومريييييييييحه جدا
واوضة تلاطفال عندى قطن وساعات انا وجوزى ننام على سرير من سراير الاطفال لانها كبيره بنتعب ونقوم ننام فى اوضتنا تانى
وانا اصلا عند بيت اهلى مراتب قطن ولو حصل بييت عندهم بعرف الفرق بين مرتبتى الجميييييله والقطن
على فكره هابيتات الجزء اللى انتى بتنامى عليه قطن يعنى الطبقه اللى فوق خالص بتكون قطن