[مؤمنة بالله ورسوله]

عندى مشكلة عند قلى السمك بالطريقة المعتادة البسيطة ولكن دائمآ يتشرب الزيت ويصبح طرى جدآ مما يزعجنى وزوجى ايضآ رغم ان السمك يكون طازج وجميل نصحنى بعض الاخوة بشقة قبل ان اضعة فى الزيت ولاكنة يكون طرى جدآ
ارجوكم ساعدونى

[أم الطيب]

أحلى طريقة بقلي بيها السمك وكل ما حد بيدوقه بيعجبه جدا بجد هو انك تغطي السمك بالدقيق من الناحيتين ونفضيه بالتخبيط عليه علشان الدقيق الزايد ينزل وبعدين الزيت يسخن وتحطي السمك وتوطي النار جدا لمدة 10 دقائق وبعدين تعليها لمدة من 3 : 5 دقايق يعني لما تحمر وتقلبيها وتكرري نفس الموضوع وطي 10 دقايق وبعدين على. الفكرة انك لما توطي السمك بيشرب الزيت وبيتسوا على الهادي ولما تعلي بيطرد الزيت.
وبالنسبة لشق السمك ده لما يكون السمك كبير يعني الواحدة نص كيلو، بتشقيه بخط موازي شوكة الضهر بس مش بطول السمكة كلها يعني بتاع 10 سم.
جربيها وهتدعيلي ان شاء الله.

[ام سعيد]

فعلا طريقة اْم الطيب هيا اللى انا باعملها وبيطلع السمك خطيرواهم حاجة انك تنفضى الدقيق كويس ومتكتريش الزيت وماشاء الله عليكى يا اْم الطيب

[coca]

انا مع ام الطيب يعنى ازاى اعارض كلام احسن شيفة لينا دى هى السوبر فى الاكل ،،،،،،،،،

[قطة شيرازي]

بتعرفي .. علمتني الدلوعة وصفة لقلي السمك
هيي انك تحطي مع الدقيق بهارات و شوية سماق و رشة بقسماط
عن جد رهييييييييييييييييييب

[قطة شيرازي]

نسيت قلك كمان لازم ينزل السمك بالزيت يكون الزيت حار جدا بالاول يعني تحمير غزير

[مؤمنة بالله ورسوله]

جزاكى الله خير حبيبتى ام الطيب هجربها وانا مطمائنة
وشكرآ يا أم سعيد ويا coca ومشكورة للقطة

[فروووووووحة]

جزاك الله الف خير يا ام الطيب على الطريقة الرائعة

[أجمل بنات حواء]

اذا الزيت سخن كويس السمك مش راح يشرب الزيت وبطنيه من بره بالدقيق

[robali]

بس انا دايما بقلي السمك على زيت ساخن ما بيستوي من جوة

[dodo000]

ام دودو ربة منزل فعلا دى الطريقة المثلى لقلى السمك تسلمى يا ام الطيب ويا سلا م لو اضفتى شوية نشا على الدقيق وتقلبيهم مع بعض وتغطى السمك بية وبعدين تقلية هتلاقية ناشف ومخرفش وشكرررررررررررررا

[رانيه]

انا بعمله زي ام الطيب بس زيت غزير وحامي جدا بعدين بوطي النار

[مؤمنة بالله ورسوله]

حلو اوى موضوع النشا هجربة

[deniz]

شوفي يا عزيزتي اذا ردتي تقلي سمك ويطلع طعمو غير ومن جوا طري ومن برة مقرمش تخلطي بهارات مثل الفلفل الاحمر والقليل من الكاري مع الملح وملح الليمون تخلطيهم اما مع الطحين او طحين الذرة طحين الذرة هايل في السمك وتكون القلاية سخنة ومافي زيت كثير زيت معتدل كل ما قل تظيفي شوي

[مدام ديدى]

بارك الله فيكم كلكم هايلين وافكاركم فيها حاجات حلوه وجديده