[لما النسيم]

يا فتوكات .. انا شعري جاف و مقصف و بيتساقط .. من الاخر ف الضياع
و من متابعتي لمواضيعكم لقيت اني مفروض استخدم كريم تصفيف يومي عشان يطري الشعر .. يا تري انا فاهمة كده صح و لا ايه.
انا زمان كنت باستخدم بالمرز مرة واحدة بعد غسيل الشعر و كان كويس بعد فترة مابقاش له تأثير خالص بطلته و بطلت احط اي حاجة علي شعري.
لو مفروض فعلا اني اجيب كريم تصفيف يومي تفتكروا ايهما افضل كريم دابر أملا و لا فاتيكا.. و ده اضعه يوميا عادي ميخليش الشعر دهني و لا ايه رأيكم ؟

[لما النسيم]

انا مش عارفة ليه كل ما أسال عن حاجة محدش يعبرني ... متشكرة ليكم و الله.

[cute style]

انا مش عارفة ليه كل ما أسال عن حاجة محدش يعبرني ... متشكرة ليكم و الله.

يا حبيبتي متزعليش كده والله كلنا بنرد بس عشان بس انت لسه كاتبه موضوعك
المهم ندخل في المفيد

بصي يا قمر فعلا انتي لازم تستخدمي الكريم كل يوم للترطيب وبما ان شعرك خشن زي حالاتي بلاش فاتيكا هي بتعطي الشعر لمعة بس بتنشفه
طبعا كريم دابر املا تحفه وكمان ريحته روعة
وسيبك من بالمرز دي بيلزق الشعر زي الفازلين عالفاضي وغالي وخلاص

ولو عايزة تعملي كريم زي بالمرز هاتي علبه فازلين طبي وسيحيها عالنار وحطي عليها زيت من اللي انتي بترتاحي عليه وادهني اطراف شعرك بيه كل يوم عشان التقصف دي وصفه اخدتها من المنتدي وجميله جداااا علي فكرة وبتقلل الهيشان خالص بتاع اطراف الشعر

ومتزعلش يا قمر كلنا في خدمة بعض

[لما النسيم]

يا حبيبتي متزعليش كده والله كلنا بنرد بس عشان بس انت لسه كاتبه موضوعك
المهم ندخل في المفيد

بصي يا قمر فعلا انتي لازم تستخدمي الكريم كل يوم للترطيب وبما ان شعرك خشن زي حالاتي بلاش فاتيكا هي بتعطي الشعر لمعة بس بتنشفه
طبعا كريم دابر املا تحفه وكمان ريحته روعة
وسيبك من بالمرز دي بيلزق الشعر زي الفازلين عالفاضي وغالي وخلاص

ولو عايزة تعملي كريم زي بالمرز هاتي علبه فازلين طبي وسيحيها عالنار وحطي عليها زيت من اللي انتي بترتاحي عليه وادهني اطراف شعرك بيه كل يوم عشان التقصف دي وصفه اخدتها من المنتدي وجميله جداااا علي فكرة وبتقلل الهيشان خالص بتاع اطراف الشعر

ومتزعلش يا قمر كلنا في خدمة بعض

ربنا يخليكي و ميرسي لذوقك .. كده يبقي اجيب دابر املا و هاجرب طريقة الفيزلين ان شاء الله

[cute style]

ربنا يخليكي و ميرسي لذوقك .. كده يبقي اجيب دابر املا و هاجرب طريقة الفيزلين ان شاء الله

تحت امرك يا جميل كلنا اخوات

[بعشق زوجى]

ياحببتى شعرك جاف ومقصف لانه محتاج اهتمام اكتر

ايوه ياقمر لازم بعد الحمام تحطى كريم لتصفيف الشعر ولو شعرك جاف اوى تحطى كل يوم
انا بالنسبالى شعري عادى فبحط مره وحده بعد الاسحمام واحيانا الاقيه جاف معايا فحط عادى
متخفيش ان شعرك يبئا دهنى ولا حاجه ياقمر
هو محتاج منك شويه اهتمام بس حبه

اولا ابعدى عن الزيون مع ان واضح انك بعيده عن الزيوت والكريمات وكل حاجه
تخدى شاور حلوه كدا بشامبو يتناسب مع نوع شعرك وتقريبا شامبو للشعر الجاف
وتجيبي حمام كريم وياريت لو بالثوم او النخاع او اى حمام كريم كان
وبعدى متغسلى شعرك وتشطفيه حطى حمام الكريم ولبسي بونيه شويه ياعنى خمس دقايق كدا حتى وبعدين ارجعى اغسلى شعرك وبعدين نشفي شعرك متعصوريهوش
وستنى اما شعرك يبئا مندى كدا استعملى اى كريم للتصفيف فاتيكا بالنسبلى بينشف شعري لانه بالصبار
ولسه كنت هستعمل املا لانى وثقه انه حلو بس حاليا بستعمل كريم ياما مينك او بليركريم ومريحنى اوى
وبعدين ممكن تلفي شعري انا بالنسبالى بلفو تانى يوم
بس لتانى مره طلاما شعرك جاف يبئا محتاج ترطيب اكتر ياعنى ممكن كل يوم يحتاج كريم

[* السلفيه المنتقبة *]

بصي يا اختي انا بستعمل كريم ايفا با العسل للشعر
والله والله والله خلي شعري طول حوالي نص متر في سنه بجد ملوش حل والنتيجه حتظهر بعد حوالي شهرين من الاستعمال

[barbie_girl2009]

انا بستخدم فاتيكا بس هو بينشف الشعر
وناويه اجيب ايفا بالعسل واملااا

[انصاف]

كل اللي أستعملوا كريم ايفا بالعسل من صحابي بيشكروا فيه اوي وبيقولوا انه أحلى كريم شعر جربوه في حياتهم صراحه أنا ماجربتوش أنا حاليا بستخدم كريم بارشوت وبحطه بعد الاستحمام بس.

ورانيا الدلوعة الف مبروك على النقاب أنتي أنتقبتي امتى؟ ربنا يكرمك ويثبت ايمانك أكتر.ماشاء الله عليكي.

[لما النسيم]

متشكرة لكل الفتوكات اللي ردوا عليا ... و الله الشعر ده حاجة غريبة جدا ممكن يستريح مع حاجة و يبقي حلو و بعد فترة يتجنن و مايستجيبشي ابدا .
هاعمل بالنصيحة و ارطبه باستمرار يمكن يبقي أفضل ان شاء الله