[مدام نازلي]

السلام عليكم ورحمة الله وبركاته



طبعا كلنا نعاني من شقاوة أطفالنا ربنا يحفظهم ويهديهم

لكن هناك طريقة انا استخدمتها والحمد لله جابت مفعوووووول


الطريقة باختصار

كلكم طبعا شوفتوا برنامج المربية السوبر

انا اخذت الطريقة منها

وهي اني عملت لوحة للأخطاء اليومية
وكتبت اسم كل واحد منهم في خانة

واللي يعمل حاجة مبكلمش معاه بروح اكتب تحت اسمه ا

الخطأ اللي هو عمله
( الأول كان صوتي بيجيب اخر الشارع )

ولما جه باباهم وريته الورقة لكي ينزل العقوبة
( كدا اشتركنا احنا الاتنين في تربيتهم )

بعد كده لما كانوا يشوفوني بكتب الاخطاء
كانوا بيعيطوا ويقلولي خلاص يا ماما اخر مرة

بعدين لاقيتهم من نفسهم ابتدوا يصلحوا أخطائهم

فعملت لوحة جديدة وعلقتها جنب التانية
وسميتها لوحة الاعمال الايجابية

وكل واحد يعمل حاجة صح أكتب تحت اسمه الشيء اللي هو عمله

وبرضوا بابا يجي يشوف الأخطاء وينزل العقوبة

ثم يشوف الحاجات الحلوة وينزل المكافئات
او السماح عن خطأ ارتكبة

وبصراحة لقيت أولادي بيتسابقوا في عمل الخير
اللي يشغل المكنسة
واللي يرتب غرفتة
واللي يغسل الصحون

حاجة جميلة فعلا
جربوها وياريت اسمع أرائكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
طريقة قومت بها سلوك أطفالي ..شوفي بنفسك
http://forums.fatakat.com/thread63618

[مدام نازلي]

ايه يا فتوكات

مش عجباكم الطريقة

بس انا جربتها والله ونتايجها الحمد لله
ربنا هداهم
ومبقتش اصرخ في البيت زي زمااااان

شركوني بأرائكم ارجوكم

[M!Ss Yosy]

طريقة حلوة اوى فعلا بجد تسلم افكارك انا لسة صغيرة على الجواز بس ان شاء الله اما اتجوز هعملها

[toto s]

والله فكره حلوه كتير
وان شاء الله حجربها بس لما اتجوز

[ام ليلو]

برافو عليكي نازلي،انا بيعجبني الامهات الايجابيات اللي بتفكر كده،أنا بناتي كبار شويه(10-13) ينفع اتبع معاهم أسلوبك؟انا حاسه إنهم كبروا عليه ولا أيه رأيك؟

[ولاء سليم]

فكرة جميلة هجربها ان شاء الله لما انجب اطفال

[Marwa Esmael]

فكره جميله بس بنوتي لسه صغيره لما تكبر ان شاء الله اجربها هو البرنامج لسه بيتزاع ولا لأ

[دودو المعادى]

فعلاً البرنامج ده بيجيب افكار هايلة لتربية الاولاد ... بس اهم حاجة مشاركة الزوجين .... والالتزام بالقواعد و على فكرة البرنامج ده بيحل مشاكل لاعمار مختلفة و اعتقد ان له web page خاصة به على النت

[مدام نازلي]

ام ليلو
طبعا ينفع
انا اولادي
سن 11
و8 سنين

[ام ليلو]

ام ليلو
طبعا ينفع
انا اولادي
سن 11
و8 سنين

تسلمى مدام نازلى
ان شاء الله اجرب واقولك
وليكى الحلاوه

[nana_ay]

مدام نازلى انا ولادى نفس سن اولادك بالظبط 11و8 وفكره جميله وانا محتاجه جدا اجربها انتى عارفه شقاوة الولاد وشكرا ليكى جدا

[mnhl]

كل سنة وانتو طيبين ودلوقتى حاعمل الوحة الايجابية اولا وجذاكى الله كل خير

[بيدووجنة]

مدام نازلي يا قمر
تسلم ايدك عالموضوع الجميل
وفكرتك جميلة
انا كنت واخدة من البرنامج فكرة كرسي العقاب او كورنر العقاب
وف الاول كانت بتجيب نتيجة
بس حاليا خلاص مبقتش تأثر
ولما يغلطوا الاقي جنة بتقول لبيدو يلا اما اقعد على كرسي العقاب بئا!!!!!!!!
فرجعت تاني للزعيق
بس هجرب حكاية لوحة السلبيات والايجابيات اعتقد ان شاءالله هتنغع
وتسلم ايدك كمان مرة يا قمر

[Noorseed2006]

:sFun_misc hieviousbi

بصى انا مقتنعة اوى انها طريقة فعالة الى حد كبير
بس عندى سؤال ... هى الطريقة دى تنفع لسن كام لأن انا بنتى عندها سنتين ونص ومتهيألى انها ما تقدرش تستوعب الطريقة دى ولا انتى ايه رأيك؟؟؟

[مدام نازلي]

مدام نازلي يا قمر
تسلم ايدك عالموضوع الجميل
وفكرتك جميلة
انا كنت واخدة من البرنامج فكرة كرسي العقاب او كورنر العقاب
وف الاول كانت بتجيب نتيجة
بس حاليا خلاص مبقتش تأثر
ولما يغلطوا الاقي جنة بتقول لبيدو يلا اما اقعد على كرسي العقاب بئا!!!!!!!!
فرجعت تاني للزعيق
بس هجرب حكاية لوحة السلبيات والايجابيات اعتقد ان شاءالله هتنغع
وتسلم ايدك كمان مرة يا قمر

هههههههههههه يلا اما اقعد على كرسيالعقاب بئا
هو بقا ملاهي ولا ايه
لأ بصي انا كنت بنزل العقاب ازاي
اني احرمهم من حاجةهما بيحبوها
مثلا النهاردة مفيش لعب على الكمبيوتر او العجلة
مفيش شوكولاته هتاخدهاوهو لما بيشوف اخوة متعاقبش علشان
كان كويس بيحاول ميغلطش ولو غلط بيحاول يعمل حاجة صح
تشيل عنه العقوبة

ودي اعتقد تنفع من سن 4 سنوات الي 12

[وللول]

ياريت الطريقة دى تجيب نتيجة مع ولادى زياد8سنوات وعمر 2سنة وهل عمرهم زى عمر ولادك وشكرا على النصية الغالية

[زوبه]

جميل جدا هجرب وارجع اقول لك

[أم أسيل ليلو]

انا اسيل عندها 3 سنين واقل ما يقال مطلعه عينى
مخها ناشف جدا وبتبأه عايزه تمشى اللى فى دماغها
نفسى اخليها هاديه وتسمع كلامى عالطول كل حاجه لازم تعرف ليه وعلشان ايه
هى بصراحه ليها راى مثلا فى هدومها الاكل اللى هى عايزاه وبسبها لكن الايام دى كل حاجه عايزة يكون ليها راى
لو تقدرى مدام نازلى تساعدينى يبقى جزاكى الله خير

[مدام نازلي]

انا اسيل عندها 3 سنين واقل ما يقال مطلعه عينى
مخها ناشف جدا وبتبأه عايزه تمشى اللى فى دماغها
نفسى اخليها هاديه وتسمع كلامى عالطول كل حاجه لازم تعرف ليه وعلشان ايه
هى بصراحه ليها راى مثلا فى هدومها الاكل اللى هى عايزاه وبسبها لكن الايام دى كل حاجه عايزة يكون ليها راى
لو تقدرى مدام نازلى تساعدينى يبقى جزاكى الله خير

جميل أوي انه يكون ليها رأي في اختيارتها

لكن بالنسبة لعناد الطفل يجب على الام انها تجمد قلبها شوية
يعني متتنزلش عن رأيها علشان ابنها يبطل بكاء
لأن الطفل زكي وهيعرف ان عياطة وسيلة ناجحة لينال كل ما يريده

انا ابني كان متعود يغضب على الاكل لأتفه سبب
وابوه كان يتحايل علية علشان ياكل فكان بيزيد فيها

في مرة طنشته وقعدنا ناكل وهو قاعد يزن ومحدش اداله اهتمام
كأنه مش موجود
بالظبط بعد دقيقتين جلس في مكانه ع السفرة وقعد ياكل

المهم انك تفهمي طفلك ان عياطة مش هيلوي دراعك
لو عايز حاجة قول لو سمحتي ياماما عاوز كذا

يا امهات

طنشي طنشي

ومتخافيش

[مدام سمر]

مدام نزلى فعلا انا كنت بتابع برنامج المربية نانى وفلا جاب معايا نتيجة كويسة جدااااااااااااا ياريت العضوات كلها تعمل زى الارشادات بتاعتك كلهم فعلا هايستفدوا