[DODO.2008]

ليه بيقولو ان التدخين والمخدرات من وسائل قتل النفس وان المدخن او متعاطى المخدرات بيلقى نفسه فى التهلكه فى حين ان فى ناس كتير بتبرر وسائل تانيه لقتل النفس .........معلش خدونى على قد عقلى واسمعونى بدل ما انفجر ...يعنى لما تكون الزوجه مريضه بمرض عصبى يستلزم هدوء الاعصاب او بالقلب مثلا او او او وربنا يعافينا كلنا ويكون جوزها مش بيراعى ده وطول الوقت معيشها فى شد اعصاب وهم ونكد ومطلوب منها تتحمل نزواته واطماعه وحق مكتسب انه يهينها وساعات يضربها وهى لو عبرت عن اى تمرد او رفض لكل ده تبقى مش بنت ناس ده لا والاكتر من كده انه منتظر موتها ده بقى يا فتوكاتى الافاضل ميبقاش القاء للنفس فى التهلكه ميبقاش قتل نفس وهى عارفه ان كل الى بيحصل ده بيقضى عليها وعلى عكس موقف الناس مع المدخن او متعاطى المخدرات هنا بقى الناس بتقول لازم تستحملى ده قدرك علشان العيال ......ده مش اسمه ظلم وافترى والله حرام حرام ومليون حرام ده عمرنا الى هنتحاسب عليه لازم نقف وقفه خايفين من ايه من المجتمع مع كل الاحترام للمجتمع toz خايفين من ايه مش هنلاقى ناكل ربنا الى بيرزق مش حد تانى ارجو من كل من تتطابق ظروف حياتها مع كلامى انها علشان خاطر ربنا تقف مع نفسها وقفه وتعيد حساباتها
واعذرونى لان موضوعى يمكن يمس جراح كتير جوانا
بحبكم جدا
وتفضلو بقبول فائق الاحترام

اذا اعجبك الموضوع و اردت نشره في المنتديات الاخرى فاستخدمي هذا الرابط:
((.... وقفه مع النفس....))
http://forums.fatakat.com/thread63772

[الزهره الحزينه]

اخ جيتي على الوجع
بلفعل عندك حق
في اساليب كتير تانيه
لقتل النفس
واصعبها الضغط النفسي
والقهر والظلم
هدول بنظري هم المجرمين
الي متخفيين عن الصوره
بيقتلونا بليوم مية مره
على الاقل مدمن المخدرات او السجائر
بيقتل نفسو
اما هدول القتله بيقتلو مجتمع باكملو
اخخخخخخخخخخخخخخخخ

[بيدووجنة]

تسلم ايدك عالكلام الجميل يا قمر
ويارب الكل يستفيد

[DODO.2008]

ربنا يخليكو ليه بجد اثلجتم صدرى لان الموضوع ده قتلنى وقتلته بحث وتفكير ويا رب نقدر كلنا فعلا نقف وقفه مع انفسنا نورتو صفحتى

[ساره مصطفي]

طيب المفروض اننا نطلب الطلاق
خليني معاكي للاخر
ما انتي كده برضه بتموتي نفسك
ازاي
اقول لك يعني مثلا لو عندك عيال وفي سن الحضانه
ح يطلع عينك عليهم لوحدك ولما يكبروا ومسؤليتهم تخف
ح يروحوا للمحروس بالزفت القانون
انا نفسي عايشه ربنا اللي يعلم لوحده
وانتي شاركتيني اخر كلام وجدال
من ساعه ايه رايك
يا بنتي ما ينفعش
علي رايك طظ في المجتمع
بس صدقيني مش ح نعرف نعيش تاني ولا لوحدنا ولا مع حد لاننا بقينا حطااااااااااام
هوا ورق في الريح
احنا ما نملكش غير الدعاء لله
ح تقولي لي دي حجه البليد
اهه الموضوع مطروح للنقاش ونشوف

[ساره مصطفي]

علي فكره انا قيمت لك الموضوع عشان يتثبت

[DODO.2008]

اولا ربنا يخليكى ليه
تانيا انا بموت فى انهزاميتك وياسك.............بصى يا ساره انا معاكى الست هتتحمل الاولاد وتربيتهم ولوحدها لكن فكرك تربيهم لوحدها وهى نفسيا مرتاحه واعصابها الى حد ما اهدى كتير من الوضع الاول والا تفضل مع ابوهم وتموت من الضغوط النفسيه واثارها على صحتها ولو فرضنا جدلا انها فضلت والاولاد شايفين يوميا مشاكل لاحصر لها محطماهم وماثره على مسار حياتهم هل كده هيطلعو اسوياء هل هتبقى خسرت حياتها على حاجه تستاهل انا شايفه انه بالعكس هى كده بتاذيهم لو اتربو بين ام واب منفصلين لكن لسه قادرين يحترمو بعض ويتعاملو احسن من الوضع الراهن كتير بالاضافه لانها تحتسب وحدتها دى عند ربنا وكل ما الوحده تؤلمها تفتكر الى كان بيحصلها فى بيت العدل والا ايييييييييييييييييه......

[ساره مصطفي]

انتي عاوزاني ارد
انا موافقه علي كل كلمه قلتيها
بس انتي عارفه القانون الزفت مش ح يطلعك بحاجه
غير ههههههههه المؤخر
وسلمي لي علي الباذنجان
ح نعمل بيه ايه
مش قلت لك احنا بقينا حطام
سمعنا الكلام وما اشتغلناش ......
وسمعنا الكلام وما عملناش حاجه تجيب عائد لوقت زي اللي احنا فيه....
وسمعنا كلام الملايكه اللي اتجوزناهم لحد ما بقينا مغيبين
العيال ديتهم دكتور نفساني ح يضبطهم بس فكرك ابو الرجاله
....جوزي واللا جوزك ح يحافظوا علي نظام الدكتور ده او ح يطبقوا اللي سمعوه
للاسف احنا جنينا علي العيال انهم جم اصلا الدنيا
والله العيال صعبانين علي اوي وانا صعبانه علي! وتصدقي بالله هو كمان صعبان علي!!!!!! عارفه حاسه انه ضايع زيي بالضبط مش مرتب افكاره ومش عارف هو عايز ايه
انا طولت بس ردي علي النقاط دي وانا معاكي للصبح

[bobo]

الكلام سهل والقرارصعب الانسان لازم يفكر في تبعيات قراره والحياة مش سهلة لازم توطي للعاصفة حتى تمر بسلام

[ساره مصطفي]

قولي لها يا بوبو
لاحسن اطخها
هههههههههههههههه

[DODO.2008]

عزيزاتى بوبو وساره انا مش بقول ده سهل ولا بستخف بكلامكم لا ابدا وعارفه ان فيه موال طويل عريض يبدا بعد الانفصال لكن هو انت بتوصلى للقرار ده بسهوله والا بعد محاولات سنين وسنين
انا بقول متخليش حد يقتلك وانت عارفه ومستسلمه شايفه النهايه ومن خوفك وياسك بتاجليها
كل حاجه فيكى بتدبل وتموت وعايشه على غش واحباطك وياسك من ان اصلا فيه بكره مسلسلك
لكن اكيد فيه ناس سعداء واكيد فيه حب بيدوم بس ده لما بيلاقى مناخ يعيش فيه بعيد عن الغدر والكدب والاطماع ووووووووووووووووووو الخ
صح والا غلط

[bobo]

شكلك هديتي شوي يا دودو والانسان فعلا لازم يكون عنده استعداد نفسي حتى ياخد قرار الناس بتاخد سنين فالتفكير في اخد قرارالانفصال حتى لاتظل ولا نزعة شك في استحالة الاستمرار والاصلاح يا بنتي لو عندك اولاد عيشي لولادك ووفري ليهم الجو الهادي لانك مهما ضحيتي عشانهم وسط المشاكل فالنهاية مش حتحصدي اي شئ البنت متصدق تكبروتدور على حد يتجوزها مهما كان بس تخلص من مشاكل اهلها والولد يطلع منحرف لا سامح الله الي يضحي يضحي بعقل والا فتضحيته ممنهاش فيدة خلي بيتك هادي مهما كانت شدت العاصفة انا ظليت سنتين افكر فالطلاق مع اني مكنش عندي اولاد واتركبت فيا امراض العصب وتعقدت من الدنيا بس انا كنت السبب لاني ضيعت وقتي وسعادتي فالتفكير في مسائل فضية وتطلقت ورجعت وربنا هداه وانا كمان ربنا هداني مش لازم نعمل ان احنا مفتحين فاي حاجة عدي وادعي الغباء من اجل عيالك واخفضي صوتك حتى لا يصل الموضوع للضرب شوفي فعيالك مرة واتنين وثلاث وسيبك من الراجل وفي حل مؤقت بدل الطلاق بجيب نتايج كويسة لي رجعة فيه انشا الله يفيدك

[ساره مصطفي]

دعاء انا مقدره كلامك
بس العيال اولا واخيرا
مش ذنبهم حاجه
بصي يا بنت الناس صلي استخاره واستشيري اصحاب العقل
وربنا يطلعك من محنتك اقوي وعلي خير
ده امتحان
وما تنسيش ان ربنا بيجازي الانسان حسنات علي الصبر حتي علي الشوكه لو شوكته
انتي عارفه قصد كلامي
ربنا يوفقك في حياتك
وارفع ايدي تحيه اعزاز لصدقك مع نفسك
واحترم فيكي جدا صراحتك الرهيبه مع نفسك اللي انا شخصيا ما اقدرش عليها

[DODO.2008]

شكرا يا بوبو على كل كلامك الجميل بس عارفه انا فى 10سنين جواز ربنا اعلم انا خسرت ايه ودفعت التمن ازاى وحاولت محاولات اهلى اول ناس لامونى عليها وقلت اصبر الصبر اخرته حلوه بس ما دقتش غير المرار ادعيلى وربنا يعمل الى فيه الخير

[undonelife]

بصراحه كلامك جميل جدا جدا يادودو،
يعني انتي قصدك ان اللي تسيب جوزها يدخن تبقى بتلقي بنفسها في التهلكه وتتحاسب على عمرها ده؟ طب دي ماشي اوكي، لو محاولتش معاه او بعدت عنه لما يدخن.

طب لو الراجل فضل يروح لصحابه على انه يقعد مع مراته لسبب بسيط ان صحابه بيشجعوه انه يإذي نفسه ومش هاممهم صحته في ستين داهيه مهم مش واخجين منه حاجه لو راح في كتير غيره ومش بيقولوله يبطل السجاره فده مخليه يروح لصحابه ولما مراته تسأله يقولها (عشان مزاجي)!!!!!!!!!

وبالنسبه للضرب والاهانه انا اعتقد ان الذنب على الرجل وحده والست اللي تستحمل كده بتمحو سيئاتها والرجل بيتعاقب في الدنيا كمان والله انا شفت نماذج كده لان الرسول صلى الله عليه وسلم صدق حين قال (كما تدين تدان) وربنا سبحانه وتعالى يمهل ولا يهمل وهو يمهل عشان يدي البني ادم فرصه للتوبة والله أعلم

[واقع الأيام]

دودو
انتي مية مية

انا معاكي بكل كلمة قلتيها
وللأسف ده اللي المجتمع مش راضي يعترف بيه

لازم تبقى المراة ضعيفة وتستسلم اصلها هتروح فييييين؟
ويبقى اسمها مطلقة!!؟
وتروح فين من نظرات المجتمع؟
وسعادة المحروس لا معليهوش كلام
ده راجل مهما عمل

يا شيخة خلي الواحد ساكت
ده انا على اعصابي

اف بجد عالرجالة وسيرتهم
انا بيجيلي العصبي من سيرتهم بس

على فكرة يا دودو
انتي ربنا بيحبك بأخر موقف حصل ده
انا حاسة ان دي نتيجة الدعاء ان ربنا يقدر لك اللي فيه الخير ليكي
انا اعتقد والله اعلم ان ده الخير ليكي زي ما هو كان خير ليا بالضبط بفضل الله

والحمد لله رب العالمين

[DODO.2008]

دودو
انتي مية مية

انا معاكي بكل كلمة قلتيها
وللأسف ده اللي المجتمع مش راضي يعترف بيه

لازم تبقى المراة ضعيفة وتستسلم اصلها هتروح فييييين؟
ويبقى اسمها مطلقة!!؟
وتروح فين من نظرات المجتمع؟
وسعادة المحروس لا معليهوش كلام
ده راجل مهما عمل

يا شيخة خلي الواحد ساكت
ده انا على اعصابي

اف بجد عالرجالة وسيرتهم
انا بيجيلي العصبي من سيرتهم بس

على فكرة يا دودو
انتي ربنا بيحبك بأخر موقف حصل ده
انا حاسة ان دي نتيجة الدعاء ان ربنا يقدر لك اللي فيه الخير ليكي
انا اعتقد والله اعلم ان ده الخير ليكي زي ما هو كان خير ليا بالضبط بفضل الله

والحمد لله رب العالمين

واقع الايام
وانتى بتتكلمى دايما
بحس ان لسان حالى الى بيتكلم
ربنا يخليكى ليا يا قمر
بس بجد احنا بنعيش ايام صعبه جدا دلوقتى
بجد فيه ازمه ضمائر و
النفوس بقت ضعيفه جدا

[واقع الأيام]

واقع الايام
وانتى بتتكلمى دايما
بحس ان لسان حالى الى بيتكلم
ربنا يخليكى ليا يا قمر
بس بجد احنا بنعيش ايام صعبه جدا دلوقتى
بجد فيه ازمه ضمائر و
النفوس بقت ضعيفه جدا

اي خدمة يا قمر
هتشغليني لسان حالك بكام في اليوم؟ هههههه
ويخليكي ليا يارب

ده الأزمات بقت كتييييييييير يا دودو
ازمة ضمير
ولا ازمة اخلاق
ولا ازمة البعد عن ربنا -الا من رحم الله-
ولا ازمة انعدام الرحمة
ولا ايه ولا ايه

الله المستعان
ربنا يصبرنا ويقوينا ويرحمنا برحمته

[DODO.2008]

حبيبتى انتى بالذات تؤمرى
مش هفاصل معاكى
حددى انتى بس المبلغ
وانا اوكى
بس فى حدود اربعه جنيه الا ربع
هههههههههههههههههههههههه

[واقع الأيام]

بس انا مصرة على 4 جنيه بالتمام والكمال ما ينقصوش ولا ربع جنيه!!
^_^