[جمانه الحب]

قبل ما اقول الحلم لازم انوه عن حاجه

انا كان هيتقرى فتحتى على واحد اسمه محمد من حوالى كام شهر وانا غيرت رايى قبل قراية الفتحه ولبس الدبل بيوم واحد

المهم

..الحلم ..

حلمت ان انا ف الاوضه وسمعت او عرفت ان محمد ده بره ف الصاله وسمعت صوت ابن عمى بردو بره دخلت ماما وقالتلى اطلعى سلمى ع محمد هوه بره فأنا كنت رافضه ومش حبه ده لكن قولت هخرج عشان بس محرجهمش ف البيت

كنت ساعتها لابسه بجامه فقولت هلبس عليها طرحه وهسلم وادخل ع طول فلقيت نفسى بلبس كام طرحه ع بعض ومكنوش ف البدايه راضيين يتظبطوا خالص واخدوا معايا مده لكن ف الاخر اتظبطوا اووى وكانوا تحفه والشكل النهائى للطرح الطرحه اللى فوق كانت طويله اوى عليه من ورا ومن قدام وكانت واخده شكل المثلث من ورا وقدام بردو وكانت وانا بلبسها صفرا لكن بعد ما خلصت لقيتها بيضه وفيها لمعان بسيط

المهم خرجت بعد عناء تظبيط الطرح ودخلت للمكان اللى هما موجودين فيه ولما دخلت عينى مجتش ع حد غير محمد وقعدت ع نفس الكنبه اللى هو عليها بس انا كنت ع حرف وهو ع الحرف التانى وفجأه لقيت نفسى نايمه ع الكنبه ومحمد قاعد ع الارض وتحت رجلى فقولت لنفسى ايه قلة الذوق اللى انا فيها دى فقومت قعدت ع الكنبه تانى

بدأنا نتكلم مع بعض وقالى انا مش زعلان منك عشان رفضتينى انا عاذرك انتى لسه بردو مش تعرفينى وقعد يكلمنى وانا بدأت اتكلم معاه وكنت مرتاحه جداااااا وانا بتكلم معاه واتحولت من النقيض للنقيض تماما وكنت سعيده جدا وانا بكلمه

بعدها كنت واقفه ف الشارع فلقيت شنط محطوطه ف نص الشارع وفهمت ان الشنط دى محمد اللى جايبها كهدايا لينا لانه لسه جاى من السفر ( هو حاليا مسافر فعلا ) مفتحتش الشنط دى ولا عرفت فيها ايه بس كان باين انها عباره عن مفارش وبطاطين وحاجات من دى

اللى لفت نظرى وجود شنطه صغيره ف النص حسيت ان الشنطه دى ليه انا ففتحتها فلقيت فيها البوم كبير بحجم الشنطه فبدأت اتفرج ع الصور اللى ف الالبوم لقيتها عباره عن مناظر طبيعيه تحفه وغايه ف الجمال وبعض الصور مكتوب تحتها اسمى وجمل صغيره محمد اللى عاملها ... وانا بتفرج لقيت وحده اخدت صور كتير من الشنطه دى فحاولت اخد منها الصور تانى فكانت هى بتشد الصور من ناحيه وانا بشد من الناحيه التانيه وانا كنت بقاوم انى اخد الصور بتاعتى بشكل غير عادى ( مع انى ف الواقع غير كده ومبقاومش بالشكل ده )
المهم اخدت الصور منها

وبعدها لقيت نفسى راكبه عربيه ومكشوفه وفيه ناس معايا وبعدها نزلت ولقيت الهدايا مفتوحه فاتخضيت وقولت فين بقية الهدايا فعرفت انها مع وحده الوحده دى انا عرفاها كويس فقولت الحمدلله هى ف ايد امينه والهدايا اللى كانت عباره مفتوحه عن سجاد وملفوف ومحطوط ع الارض وسجادتين صلاه او تلاته بس اللى فكراه ان كان فيه وحده بنى ووحده خضرا .. ففرحت اووى بسجادتين الصلاه فقولت هاخد وحده منها واصلى صلاة العيد عليها

مممممممممم

بس كده

هو حلم طويل اووى وارهقت وانا بكتبه لانى كنت بحاول منساش حاجه

اذا اعجبك الموضوع و اردت نشره في المنتديات الاخرى فاستخدمي هذا الرابط:
حلم عاوزة تفسيره
http://forums.fatakat.com/thread64007