[بنت مسلمه]

انا عندي مشكله كبيره ومش عارفه اعمل ايه
انا بحب واحدقريبي بقالي3سنين وهو اتقدملي من 3سنين
بس للاسف بابا موافقش ساعتها علشان احنا لسا بندرس وكمان
بابا عايزلي مستوي اعلي من كده مع ان مستواه كويس
وهو اتقدملس 4مرات خلال الفتره دي وكان لما يتصل ببابا علشان يجي يقابله كان بابا بيقفل السكه في وشه
واتقدملي كذاواحد رفضهم علشانه
وحصلتلي مشاكل كتير بسبب الموضوع ده ةهو كمان حصلتله مشاكل
والمشكله الاكبر ان دلوقتي متقدملي واحد كويس من وجهه نظر اهلي انه عريس لقطه
وانا رفضته بس اهلي قعدوا يزنوا عليا وشتموا اهل حبيبي علشان يقطعولي الامل
وتمت قراءه فتحتي علي العريس ده من5ايام وحاولت اتقبل الموقف لكن
انا مش طيقاه وحسه اني ندمانه لاني كان لازم اخد موقف اكبر من كده
لكن انا لسا بحبه بس خفت من المشاكل دي كلها
وخفت عليه.انا دلوفتي مخطوبه لانسان كويس بس مبحبوش ومش طيقاه وقاعده اندم
وابكي علي انسان ضاع منه
انا عايزه اسيب خطيبي وهو ساعتها هيرجعلي تاني
انا واثقه من كده لانه بيحبني
احنا لسا قدامنا سنتين في الدراسه
قولولي اطفش خطيبي ازاي مع اني لسا بقالي 5ايام وكمان هو جارنا
اعامله وحش واطفشه
ولا اقوله صراحع
ولا استني شويه واطفشه علشان محدش يتكلم
اسفه اني طولت
ياريت تردوا عليا

اذا اعجبك الموضوع و اردت نشره في المنتديات الاخرى فاستخدمي هذا الرابط:
ارجو المساعده ............................................
http://forums.fatakat.com/thread64113

[NH MMM]

بصي يا حبيبتي انت لما تطفشيه زي ما بتقولي هتكون إيه النتيجة ؟؟؟ هتقدري تتجوزي التاني زي ما انت عايزة ؟؟ حتي لو من غير موافقة أهلك ؟؟ أكيد لأ
ولما انت كنت عايزة تعملي حاجة في سبيل إنك تتجوزي اللي بتحبيه ليه وافقتم علي العريس ده أصلا كنت عملتي من الأول ، وبعدين واضح إن والدك رافض تماما ، وكمان ما فكرتيش لما انت تطفشي التاني ما فكرتيش احساسه هيكون إيه ، ما تزعليش مني أنا بكلمك زي أخت ، بلاش تطفشيه علشان ربنا ما يجازيكيش علي كده ، ومش معني كده إن أي واحدة تتجوز غصب عنها لأ ، بس كمان لأن أهم ما في الموضوع إن والدك رافضه
ربنا يوفقك ويسعدك
ويا ما ناس حبوا بعض وما حصلش نصيب لأن كل شئ قسمة ونصيب وأكيد مش هتخدي إلا نصيبك وطالما انت عملتي اللي عليك يبقي خلاص سيبيها لله
ووالله الحب مش رومانسية قبل الجواز بس زي ما أكتر الناس متخيلة
حتي لو انت مش بتحبيه قبل الجواز هتحبيه بعده إن شاء الله ، و هتلاقي رومانسية وعشرة وطيبة قلب وكل خير إن شاء الله
الله يسعدك دنيا وآخرة ، آسفة إني طولت عليك

[ام جيهان]

بصو انا هقولك على حاجه
احيانا بتكون نظرة الاهل صائبه اكتر مننا
واللى فهمته من كلامك ده ان اهلك مستحيل هيوفقو عليه ولو حتى وافقو هتكون جوازه كلها مشاكل وانتى فى غنا عنها
بدل ما تفكرى ازاى تطفشيه فكرى ازاى تحبيه وانسى التانى
وبعدين انتى بتقولى انه لسه قدامه سنتين على ما يخلص تعليمه
طيب هيشتغل امتى ويجمع الشبكه والشقه والفرش امتى دا انتى كدا هتخللى جمبه
عشان كده انا دائما بنصح فيكم يا بنات مش تحبو الا اللى ربنا يكتبه من قسمتكم
اسمعى كلام اهلك اذا هما دلوقتى خطبوكى لانسان كويس وانتى عاوزه تطفشيه ولو قدرتى انتى تطفشيه مش هيخطبوكى للتانى مهما عملتى وممكن يخطبوكى لواحد ميكنش كويس وتبقى ضيعت الفرصه على نفسك وخلاص
فكرى وادعى ربك وصلى استخاره بدون ما تكونى مياله للحبيب الاول
ويمكن ربنا يعوضك فى الانسان ده وتعيشى معاه حياه سعيده ان شاء الله
ربنا يهديكى ويوفقك يارب

[لميس1234]

اختي بنت مسلمة الله يهدي سرك ويكتبلك الي فيه خير دينك ودنياك ... اما الموضوع ليش باباكي رافض العريس هل له اسباب مقنعة ام لا وخلاص اذا كانت لباباكي اسبابه المقنعة فارضي بذلك وسيعوضكي الله بخير من ذلك العريس اما اذا كان لا وخلاص ابحثي عن شخص كلمته مسموعة عند باباكي لكي يقنعه بالموافقة ...كل التوفيق اتمناه لكي واحب ان اسمع رايك

[بنت مسلمه]

شكرا يا ام جيهان انتي وnh mmm
بابا رافضه لانه بيقول انه لسا طالب محلتوش حاجه مع ان باباه هيجيبله الشقه ويفرشهالو بس بابا بيقول انخطيبي التاني عريس جاهز وبيقول انه
مش مركزهم عالي بابا عايز مستوي اعلي من كده وانه لف عليكي وخلاكي تتعلقلي بيه والمفروض كان استني ومحاولش ياثر عليكي مع اننا كنا كتير نحاول منكلمش بعض علشان حرام
بس للاسف كن بنقعد فتره ونرجع تاني علشان بنحب بعض
وبابا مش مخليله مهو عدوك ينمنالك الغلط
ده غير انه صقط السنه دي لانه كان مشغول بيا وانا الحقيقه كنت شغلاه جامد
كان اكبرمني بسنه بقي قدي في الدراسه
اما العريس التاني بابا بيقول انه متدين وجاهز واهله ناس كويسين وكده
المهم انا شايفه ان بابا بيفتري عليه اوي
وعايز يكرهني فيه
وكمان حبيبي ده غيور اوي وماما خايفه من كده
انا اعتذرتله وبعد عذاب هو قالي انه هيسامحني لانه بيحبني وعارف اني بحبه
بس هو خايف يظلمني معاه
اني بعد مااسيب خطيبي اللي لسا مبقلناش اسبوع
بابا ميوافقش عليه
وكمان باباه قاله مش هصفاله ابدا ومش هروحله تاني وميوافقش
بس باباه عارف اني عايزاه
بابا عنيد وانا خايفه لو لتمسكت بيه
يقولي روحلهم بهدومك وانا مش عايز اعرفك تاني
وهو قالي كدا كذا مره وقولتله يا بابا مش عايزه اخسرك ولا اعمل حاجه من غير رضاك اديله فرصه
بس هو مش راضي وبيزيد
انا ابقا املي ضعيف جدا ان بابا بعد سنتين ممكن يوافق
وبفكر ان لو بابا قالي كده اتمسك بيه واروحلهوساعتها بابا مش هيعرفني وممكن يسامحني بع فتره كبيره
وبابا يعملها
وهو مش راضي بكده
بس قالي انا مظلمتكيش وعاوزك واتمسكت بيكي اربع سنين
وبابا طرده مره من البيت
ومدخلوش وقفل السكه في وشه كتير وبهدله كتير
بس كان بيسحمل علشانك
هو دلوقتي قالي فكري
سيبي اهلك وخطيبك وتعالي وباباه هيساعدده ونتجوز ويشتغل في الاجازه
او نرضي بالامر الواقع ونبعد عن بعض
وقالي فكري كويس انا مش عايز اظلمك
انا مقدرش اتخيل حياتي من غيره
وعشت معاه اجمل سنين عمري
في كل مكان له ذكريات معايا
احنا كنا مع بعض في كل حاجه
وحتي واحنا بعيد كنا بنعمل كل حاجه مع بعض
احنا بنكلم بعض 5ساعات في اليوم
ازاي ابعد عنه
هو بيحبني واستحمل علشاني كتير
وكان بيقولي الكلام ده وهو بيعيط
وانا كمان كنت بعيط
وفي نفس الوقت مش عايزه اخسر اهلي وحسه اني هقع في ذنب كبير وعقوق والدين
بس انا مش عارفه هما ليه بيعملو معايا كده
اللي بيحب حد ميعملش كده
ومش عايزه اظلم اللي خطبني وملوش ذنب عليزه اسيبه
بس بقول لنفسي اكيد اهلي غلطانين اهم عارفين اننا عايزين بعض ودخلنا ناس في الوضوع
وهما مش موافقين علشان فيه احسن
انا تعبانه اوي
بقيت اصلي بالعافيه واسرح في الصلاه حسه اني بعدت عن ربنا
انا بحبه اوي
ياريت تساعدوا اكتر
وسامحوني اني طولت عليكم
وادعولي بظهر الغيب

[بنت مسلمه]

معلش عايزه اقول انه بعتلي رساله وقالي انه يال لقا انه مينفعش نتجوز من غير موافقه اهلي وان ضميره بيانبه انه فكر في كده
وقالي انه مش عايزني اعمل حاجه غلط
وقالي القرار قرارك واللي انتي عايزاه هعملهولك
انا تعبانع اوي

[NH MMM]

يا حبيبتي زي ما انت قلتي انت لازم تقربي من ربنا أكتر
ولا تتبعوا خطوات الشيطان ، اوعي قلبك وحبك له يخليكي تعملي زي ما هو قالك كده يبقي هو بدأ في الغلط ، وعلي فكرة جوازك من غير ولي اللي هو والدك هيكون باطل ده غير أصلا كلامك معاه واللي بيحصل ده
يا حبيبتي استعيني بالله واستغفري لأني خايفة ده يوصلك لغلط أكبر
حاولي تقربي من ربنا أكتر وصحاب ليك يكونوا كويسين واشغلي وقتك بحاجات تانية تفيدك وادعي ربنا يهديك

[دينا أحمد]

بصى يا حبيبتى انتى لازم تجنبى عواطفك وتفكرى بعقلك وتصلى صلاة قضاء الحاجة وتتطلبى من ربنا انه يرشدك للصواب بس اوعى اوعى توافقى تتجوزى واحد وانتى بتفكرى فى غيره لانك هاتظلميه وتظلمى نفسك أحيانا بتكون وجهة نظر الاهل فى الغير صحيحة واحيانا العكس وللاسف الجواز اللى بيكون بتأثير الاهل على البنت دون اقتناع منها بينتهى فى معظم الاحيان اما بلفشل أو التعاسة الابدية *أسأل الله أن يرشدك الى صالح أمرك*

[رانيـــا الشقية]

أختى بنت مسلمة ......
أنا طبعا مش موافقة على كلامك ده نهائى
حبيبتى أنا ليا أصدقاء كتييييييير مروا بنفس تجربتك دى
ومش أربع سنين لالالالالا سبع سنين والاب مكنش موافق
والشباب بيقولوا كلام كتييييييير بس ساعة التنفيذ هتلاقى حاجات بتتغير
أنا واثقة إنك بتقولى إلا حبيبى أكيد هينفذ كل حاجة أنا عاوزاها
يا حبيبتى أنتى لو عملتى اللى هو قالك عليه كده هتدخلى فى دايرة عقوق الوالدين
بالاضافة حتى لو اتجوزتى الشخص ده بعد كده
أوعى تفتكرى أنه هيعملك ملكة فى قصر صدقينى لالالالالالالالالالا
دايما هيقولك رخصتى نفسك ومش هيقدر اللى عملتيه
ثانيا : وده الأهم من الواضح ان دى أول تجربة ليكى وأنتى متمسكة بيها أووووووى
الحب مش أول حاجة وخلاص ما يبقى فيه حب تانى فى الدنيا
لالالالالالالالا الحب ممكن يجى بالعشرة الطيبة والاحترام والمودة والسكن
حبى خطيبك وفعلا فعلا لو سبتيه يبقى ده اللى ظلمتيه
مفكرتيش ده مشاعره هتبقى ايه لما تسبيه وهو اختارك من ضمن بنات العالم
أنا طولت عليكى بس أنا بنصحك زى أختى بلاش تفكرى فى الماضى
فكرى فى المستقبل صح مش بالعاطفة ولكن بالعقل
ازاى تقبلى انك تتجوزى شخص لسه بياخد مصروفه من والده
وأخيرا ربنا يوفقك ويسعدك ويهديكى لما فيه الخير
عليكى بالتقرب إلى الله والدعاء
ألا بذكر الله تطمئن القلوب واعرفى ان ربنا طالما ما اردش بان الحب ده يتم
يبقى أكيد كان هيبقى فيه شر ليكى

[رمال الذكريات]

اولا السلام عليكم
اسجل سعادتي في المشاركه معكم وانتمني ان افيد واستفيد معكم وبخصوص ومشكله اختي المسلمه اتمني ان تجلس مع والدها وتساله عن سبب رفضه لهذا الشخص لعل لديه رد مقنع للرفض بعد ذلك تجلس مع نفسها وتحاول سرد مميزات وعيوب كل من حبيبها الاول وخطيبها وتكوني صادقه مع نفسك محاولا ان تتخلي بعض الشيئ عن الرومانسيه الذائده وتفكري بعقلانيه وتدركي ان القدر والنصيب هما اهم الاشياء في الزواج وان من الممكن لدي والدك ما يجعله يخاف عليك من هذا الزواج ومادام خطيبك انسان محترم جربي نصيبك معاه صدقيني لقد مررت بتجربه مماثله ولم اسمع فيها كلام اهلي والحمد لله بانت ثمارها بالفشل وتمنيت ساعتها لو سمعت الكلام وتخليت عن عنادي واصلا مينفعش تتجوزي من غير رضا ابوكي ده معناه عقوق ليه وعدم تقدير ليه وربنا ميرضاش بكده ولو اتجوزتيه ربنا مش هيباركلك في الجوازه ده

[بنت مسلمه]

اختي رمال الذكريات
معلش ممكن تحكيلي عن تجربتك
وتحكيلي ازاي فشلت
انا بجد خايفه اضيع واحد بحبه وبيحبني
علشان واحد معرفش هحبه ولا لا
وانا بشكر رانيا ودينا وام جيهان وnh mmm
وياريت تدعولي ربنا يفك عني الكرب ده
ويوفقني للصح
وخليكوا معايا
وياريت نبقي اصحاب واخوات في الله