الحقووووووووووووووووني
انا اتسرقت في عز النهار شفتوا الخيبة
كنت عايزة اشتري شوية توك لبنتي جنة واكسسوارات ليه
فزوجي خدنا قبل ما يروح الشغل بتاعه الساعة اربعة العصر
كانت المحلات لسه يادوب بتفتح
المهم المحل الل كنت عيزاه فتح
وهو محل كبير فيه كل حاجة ومكنش زحمة لسه يدوب كم واحدة كده وكمان بتوع
الأمن الل في المحل!!!
كنت بئا بتجول كده ووقفت عند التوك وعمالة انقي واختار
وبعدين لقيت حد بيلزق فيا جامد
اتخضيت وببص بعصبية بحسبه راجل
فلما لقيتها واحدة ست هديت شوية وبعدت عنها ووسعتلها
لقيتها تاااااااني بتلزق اوي فبصتلها بضيق واستغراب
هيا كانت مغطية وشها لان هنا الغالبية العظمى مغطيين وشهم
فلما لقتني ببصلها قالتلي
لو سمحتي ممكن هاي التوكة
فوسعت كده واديتهالها وبقولها دي
فخدت واحدة تانية وبصتلي بنظرة غريبة كده زي نظرة انتصار وفرحة وقالتلي لا دي
ومشيت!!!
يدوب انا مشيت خطوتين حسيت ان شنطتي خفييفة
فتحتها أبص فيها
ملقتش المحفظة بتاعتي البوك يعني الل شايلة فيه بطاقتي الشخصية وأوراق مهمة
وفلوسي طبعا غير ورق ذكريات من أصحابي في مصر بقالو سنين معايا
بصراحة مصدقتش نفسي قعدت أدور بعصبية ملقتش حاجة
على طول جت في بالي البنت الل كانت واقفة ورايا بتاعت التوكة دي
قلت بسرعة لبتاع الأمن كان فيه واحدة ست واقفة ورايا دلوقت هيا فين
مكنش فاهمني أوي
قلتله الست الل كانت واقفة خدت محفظتي مفهمش بردو!!! قلتله سرقت البوك
بتاعي سرقت فلوسي
ساعتها فتح عينه أوي وبرق وقالي روحي بسرعة عالكاشير وقولي لبتوع الأمن
عشان يوقفوها
وفعلا روحت للراجل الل عند الكاشير وقلتله فيه واحدة سرقت فلوسي من الشنطة
اتخض وقالي كيف ؟ انت طيب تقدري تتعرفي عليها؟
قلتله هيا مغطية وشها زينا كلنا ولهجتها مختلطة ميبنش عليها جنسيتها ايه بس انا عارفة صوتها وعيونها مميزة
وفجأة لمحتها واقفة
فبكل عبط وغباء روحتلها انتي الل كنتي واقفة ورايا بتشتري التوك؟
قالتلي لا انا لسه داخلة دلوقت بس بلهجة تانية
فرحت للأمن قلتله هيا دي الل انا شاكة فيها نفس الصوت والعيون والطول
فقالي احنا هنوقفها ولو اشتبهتي بحد تاني وقفيه بردو
وجت تحاسب على الحاجات الل اشترتها وكان معاها كمان واحدة تانية
وهيا بتدفع الفلوس كانت ايدها بتترعش بشكل واضح جدا
فبتوع المحل بصوا لبعض وأتأكدوا انها هيا دي الل سرقتني
وبعتوا لبتوع شرطة الأمن بتاع المركز التجاري علشان يجوا
انا ساعتها اتصلت بجوزي وانا ماسكة نفسي من العياط بالعافية وقلتله تعالى خدني انا اتسرقت حصل كزا وكزا
قالي جايلك على طول متخفيش
ساعتها بتوع المحل قالوا للبنت دي ثانية واحدة
الطبيعي ان لو حد قالي او قال لواحدة ثانية واحدة هتستغرب او هتسأله في حاجة؟
دي بقا قعدت تزعق بصوت عالي وتشوح كده واتعصبت وقالتله ليش وش تبي
فيني؟ وكان ناقص تضربه قالها لا مش انا وشاور عليا وقالها هيا الل تبيكي عيزاكي يعني
جتلي كده وهيا هتهجم وبتقولي خير شو في؟
قلتلها مفيش انا محفظتي اتسرقت من شنطتي وقالولي الل تشتبهي فيها وقفيها وانا اشتبهت فيكي لان نفس الطول والصوت ولو اشتبهت في حد تاني غيرك هوقفها هيا كمان
ساعتها جم بتوع الأمن وبدأوا الناس يتجمعوا
وانا يا بنات كنت خلاص خلااااااص هعيط
موقف وحش اوي واول مرة اتعرضله بجد
الامن بئا شرف وقال احنا منقدرش نفتشها عشان هيا واحدة ست ملناش دعوة بالحريم
لقيتها قامت جاية ووخداني من ايدي وقالتلي تعالي فتشيني
لقيت اصحاب المحل وبتوع الامن في صوت واحد بيقولولي اه روحي فتشيها
قلتلهم لا طبعا مقدرش
معرفش افتشها
انا عليا اقولكم اني مشتبهة فيها وانتوا تصرفوا امال شرطة وامن ايه
البنت صممت وخدتني من ايدي وقالتلي على جنب فتشيني
انا افتكرتهم يقصدوا شنطتها او اكياسها
لقيتها بترفع عبايتها لفوق اوي وبتقولي هاك اتحسيسيني وشوفي
انا ما معايا غير مفتاحي
اول ما عملت كده انا وديت وشي الناحية التانية واتكسفت اوي اوي
فقعدت تتمسكن ووتقول انا لسه جاية هنا ويدوب بلف اشتري
وقعدت تقول حاجات زي حسبي الله ونعم الوكيل ف ولاد الحرام
وكلام من ده كتير
ساعتها جالي شك انها متكنش هيا مع اني متأكدة من صوتها وعينها
بس بردو اترددت احسن اكون ظلماها وصعبت عليا
دنا عبيطة بشكل
ومردتش افتشها وطلعت قلتلهم انا مفتشتهاش مينفعش مقدرش
قالتلهم انا ممعيش حاجة وانا موجودة اهو في المركز التجاري لو عزتوني تاني
وطبعا فص ملح وداااااااااااااااابت هيا والل معاها
كان موقف بتوع الامن سلبي جداااااااااااا
وسابوها تمشي!!!
المهم جوزي فعلا علطول جه وخدوا نمرة موبيله وقعدوا يدوروا يمكن تكون خدت الل فيها ورمتها
بس للأسف ملقوش حاجة
قعد زوجي يطيب خاطري ويقولي الحمدلله انها جت في حاجة زي كده وكانت بعيدة عن الولاد وعنك
انا طبعا حمدت ربنا بس كنت مدايقة اوي اني كنت شبه متأكده انها هيا الل سرقتني واني معرفتش اتصرف صح
كان ممكن اخليها تستنا لحد ما جوزي يجي
او كان ممكن اخلي حد تاني يفتشها
قعدت ألوم نفسي ازاي محستش بايدها وهيا بتدخل شنطتي
وازاي مدتش خوانة للحركة دي
وحاجات كتيييييييييييييييييييييير اوي اوي
بجد جالي اكتئاب
وقرفت من الخروج
الواحد كان بيخرج هنا عشان يسلي نفسه شوية
مش هتبقا غربة وحبسة كمان
للأسف جالي هسهس من أي حد يقرب مني
من أي واحدة ايدها تخبط فيا تلاقيني اتنفضت وقلبي بيدق بسرعة
مش عارفة حاسة بعدم أمان وضيييييييييييييييييييييييييييييق شديد
ملقتش غيركم يا فتكوات افضفض معاها واطلع خنقتي
ومعلش طولت عليكم
اذا اعجبك الموضوع و اردت نشره في المنتديات الاخرى فاستخدمي هذا الرابط:
اتسرقت يا بنات الحقوووووووووووووووووووني
http://forums.fatakat.com/thread64453
وحاجه ساقعه هديه كمان يامرمر ياقمر...اشربيها....ولا يهمك
