باحثة عن السعادة ازيك يا قمر
بصي بئا يا ستي انا بردو كده بس لاني ما بحاولش اشغل المخيخ شوية وبسيب الل حواليا يحسبوا واخد النتيجة عالجاهز وبعدها على رواق احسب بئا تاتني لوحدي
بس زهقت م الحكاية دي
وبديت ادرب مخي تاني واعوده عالأرقام والحساب والحاجات دي
وكمان عشان في ولاد لسه هيدخلوا المدارس يبقا شكلي ايه وانا حيص بيص قدامهم
وعجبتني افكار
دودو المعادي حبيبتي و
حبيبة السكرة اوي
وفعلا بقيت العب سودوكو وعجبتني كتير
عايزة بئا اضم صوتي لصوتك واقول
يا خيبتي ف الانجليزي بعد سنين الانجليزي
حاسة ان مخي مصنفر تماما وناسية الانجليزي
ولما جوزي بيسألني عن حاجة او كلمة ابصلها كده واقوله مش عارفة بس باين خدتها قبل كده!!!!!!!!!
يقولي انتي انجليزي انتي ويضحك
وهو مهندس بس ما شاءاالله شاطر جدا ف الانجليزي
فبحس اني مكسوفة خالص
رجعت انزل برامج وقواعد الانجليزي من عالنت تاني اقوي لغتي
واقرا بالانجليزي ولو فيه افلام احاول انمي قدرة السمع بدون ما اقرا الترجمة واتبسط اوي لو طلع صح
بصي هو احنا بايدنا ننمي ونطور نفسنا او نستسلم ونسيب نفسنا
تعالي تعالي اما نشجع بعض سوا ونتشطر ف الحاجات الل نسيناها دي
