[yostina]

اناجيت تانى
شوفى بقى انا هقولك على اللى رفضونى(وما اكثرهم)
واحد رفضنى عشان رجلى رفيعه( يجى يشوف رجلى الان قد رجل الفيل او اقل شويه )
واحد رفضنى عشان شخصيتى قويه وخاف الناس تقول انى انا بتحكم فيه ( يجى يشوفنى الان وانا لاحول لى ولا قوه ولا اتحكم على نمله فى البيت )
واحد رفضنى عشان مش بتكلم كتير وهذا يعنى انى خبيثه (برافو عليه فهمنى صح )
كفايه دول عليكم ...عموما انا كنت لا اؤيد جواز الصالونات او الوسيط الذى لا يعرف شىء عن العريس اكثر من اسمه
بالمناسبه.. ياريت تقولى لى موقع المدونه اللى بتتكلمى عنها عشان اشوفها

[ام عموري]

انا الحمدلله لارفضت حد ولا حد رفضني
الحمدلله اتجوزت اول واحد اتقدملي (يعني ماصدقت) ههههه

[عمرنا]

المدونه اسمها كدة
عايزة اتجوز
اكتبى الاسم فى الaddress وهى تطلع معاكى على طول

[عصفورة فوشيا]

جميل اوى موضوعك

ومشاركات الفتوكات رائعة

بس الحمد لله انا عمرى مااترفضت من اى عريس ,, وفى عرسان رفضتهم كذا مرة واتقدمولى تانى بعدها
لكن الحاجة الغريبة انى كل ماارفض عريس باعيط علشان بيصعبو عليا لانى بالاقيهم متمسكين بيا وعايزنى اوافق لكن الحكاية دى مافيهاش مجاملة ,, ومع ذلك بابقى مش قادرة اوافق على اى واحد فيهم

مش هاقدر احكى دلوقتى على العرسان كلهم

لكن اسخف عريس اتقدملى كان خريج خدمة اجتماعية وكان بيشتغل مع باباه ومش بيشرب شاى ولا مياه غازية ولا عصير ولا اى حاجة !!! بيشرب شاى بلبن بس وكان مش بيتكلم غير لما باباه يأذنله ويقوله اتكلم ,, قولت لا ربنا يخليك لباباك

واكتر واحد صعب عليا كان محامى وكانت شخصيته كويسة جدا .. ومعاه 5 لغات وشقته رائعة ,, بس كنت مش متقبلاه وكان متمسك بيا جدا ولما رفضته اغمى عليه يا عينى ,,

[كنوز الشرق]

بجد بجد

انا مستمتعة بالقراية

[بيدووجنة]

انا كمان زي كنوز الشرق مستمتعة بالقراية
وهههههههههههههههه ضحكت من قلبي على حكاياتك يا أم سراج كوميدية بجد يا سيمو ههههههههههههه
وكل البنات حكايتهم لزيزة بجد

[ست الدار]

انا هاقولكم على عرسان بنتى اول واحد كانت فى اولى كليه وكنت انا وهى ماشيين فى روكسى ولاحظت بقرون لاستشعار ان فى واحد ماشى ورانا فخفت جدا ودخلنا محل دخل ورانا وفجاه طلع ورقه وادهالى وهو بيقولى الدكتور فلان فانا افتكرت انه من طرف زوجى وهو كان بيشتغل فى السعوديه فى مؤسسه طبيه وهو عرفنى وجاى من طرف زوجى والله جالى زهول لما فتحت الورقه لاقيته كاتب بيناته وبيانات اهله ورقم التليفون وبيقول اسالوا عنى وطبعا لا سالنا ولا حاجه وقعدنا نضحك وبعدها بيومين لاقينه بيخبط على الباب يظهر انه كان بيطارنا واحنا سكانيين فى كوبرى القبه يعنى بينا وبين روكسى محطتين المهم قدم لى نفسه واستاذن انه يدخل وكان ابنى الكبير موجود لحسن الحظ فى اجازه ودخل وقعد يتكلم معاه ابنى يسمعله وبعد ما خلص ابنى قاله هو فيه حاجه صغيره انك عندك 32 سنه وهى عندها 17 سنه لانها داخله المدرسه صغيره وشه احمر واستاذن ومشى
هاكمل معاكوا بعدين

[toto s]

ههههههههههههههههههههههههههه
قصصكم حلوه كتير
موضوع هااايل يا عمرنا

[عمرنا]

العريس ابو كارت
واحد من العرسان
كان لطيف جدا وكانت الجلسه كلها مبشرة بالقبول
وامه فرحانه بى جدا وهو كمان
لما جاء وقت الانصراف ولكى يعلن الاخ العريس عن موافقته قال باعطيكم الكارت بتاعى علشان تسالوا عنى
كان لابس بلوفر مقفول
ويبدو انه نسى هو حاطط الكارت فين
فضل يدور على الكارت فى جيوبه كلها من هنا لهنا مافيش
وبعدين لاقيته بيفتح رقبه البلوفر وبيمد ايدة يجيب الكارت من جيب القميص
منظرة فكرنى كانه بيمد ايدة فى بير غويط فضحكت بصورة عفويه وحطيت ايدى على فمى
لاقيته بطل يبتسم ووجهه اتغير
طلع الكارت من البير (قصدى جيب القميص من تحت البلوفر) واعطاة لابى وانصرف
الرفض كان علشان ضحكت
هو الضحك حرام طيب اعمل ايه هو اللى عقد
لا دا باين كان بيتلكك
بس كل مافتكر العريس ابو كارت دة اضحك

[عمرنا]

ههههههههههههههههههههههههههه
قصصكم حلوه كتير
موضوع هااايل يا عمرنا

فين التقييم
ياللا علشان تضحكوا معايا
لسه فيه عندى عجايب
واكيد انتوا كمان

[عمرنا]

...راح العريس السكرة قاله..طيب اسالها...اكيد ليها رأيي مختلف
طبعاً كنت في نص هدومي..لما بابا قالي..وخصوصاً لما حكيت له اصل الموضوع
هزأني وقالي الكلام ده مفيهوش هزاروتاني مرة لازم تاخدي اي موضوع جواز بجديه

يا نهار ابيض كانوا هايجطعوكى جطيع يام سراج
انا انتظرت ردك والحقيقه مابطلتش ضحك على العريس اللى مش بيفهم انك بتطفشيه
دا احنا شفنا العجب فى العرسان دول
ولسه ولسه فيه حكايات

[عمرنا]

بجد بجد

انا مستمتعة بالقراية

امتعينا انتى واحكيلنا حكايتك

[اخت فى الله_LM]

انا لسه متقدملى شاب ف 6 طب
نفسى اعرف ده بيتكلم ف ايه
ده انا ف علوم ومش ملاحقه نفسى والكليه مابالك ده طب
طيب يخلص وبعدين ييجى
لااله الا الله
ربنا الهادى
ميرسى ياقمر ع الموضوع

[كيوي]

موضوع حلو اوى

اتقدم لى ياستى 5 عرسان طبعا فى فترات مش متبعادة كتير

الثلاثة انا رفضتهم لانهم مش من جنسيتى

وواحد رفضوة اهلى لانة عندة اعاقة طفيفة جدا في رجلة مع انة انسان ملتزم

ومقتدر والكل بيشهد لة بالخير بس محصلش نصيب وعلى فكرة اهلى رفضوة

من غير مايستشيرونى لانهم عارفين انى ممكن افكر بعواطفى اكتروتبقى الموافقة

عشان شفقة مثلا

الاخير ياستى هو الى تربع على عرش القلب زوجى وابواطفالى ربنا مايحرمنيش منة

ولايحرمنى منك ياعسل

[موبينيل]

انتوا اكيد بتهرجوا والله بس والله الواحد ضحك من قلبة جزاكوا الله خيرا

[رمال الذكريات]

انا بقي هقولكم مره رفضت عريس ليه لان انا رفضت كتير خالص مش فاكره عددهم والله مش غرور ده حقيقه اول مره جالي عريس كنت في تانيه سنوي وكان هوه متجوز وعنده 28سنه وهنده 3 بنات وعاوز يتجوز تاني علشان بيقول ان باباه هوه الي جوزه من غير رضاه وانو مش بيحب مراتو هههه ههههههههه اضحكو بقي
ده بالنسبه لاول واحد اما اغرب عريس جالي ورفضتو كان بسبب مامتو لانها كانت بتقولي اني سحرتلو وان ابنها مبيبطلش يفكر بيا حتي انو نسي اسمها (مامتو يعني )
وكانت بتتصل بيا كل يوم وتسمعني كلام زي السم
انا اصلا مش كان عاجبني لان محصلش قبول بس الحاحه هو الي خلالني اقول استني شويه انا مش شايفه نفسي حلوه خالص بس والله مانا عارفه سحرتلو يعني ازاي ومره تانيه كان في واحد هو الي رفضني لحد الوقتي مش عارفه ليه والله مش زعلانه لاني عارفه انو نصيب
طب مانا اتخطبت لواحد صممت عليه واهلي نصحوني انو مينفعش وبردو صممت وبعدين اتضحلي اني غلط وهما الي صح فسبتو

[عمرنا]

انتوا اكيد بتهرجوا والله بس والله الواحد ضحك من قلبة جزاكوا الله خيرا

لا والله ماهو تهريج وبحق وحقيق وحصل كدة واغرب من كدة كمان
وبعدين عيب عليا وانا باقولكم انى شعرى ابتدى يبيض انى اعمل موضوع علشان اهرج انا والبنات
كل كلمه كتبتها حقيقى تماما
تابعينا وهاتضحكى من قلبك
والخلاصه هاتعرفيها فى حينها

[ست الدار]

رجعت لكم تانى عريس جه لبنتى كان نقيب شرطه وهو جه عن طريق ابنى مع انه كان مش موافق عليه وبصراحه انا اللى ضغطت عليه لانه كان بيحب ابنى ونفسه يناسبه وقبل ما ييجى قال لابنى انا مش هجيب حاجه معايا فابنى قاله انت جاىليه وجه حضرت النقيب هو قصر شويه لان بنتى متوسطه الطول وقعد يتكلم معانا وبعدين سبناهم وقمنا وبعد شويه جه الحج وقعد يتكلم معاه وحاول يعرف منه اى حاجه معرفش يطلع من باى معلومه ومشى واتصل قال لابنى ان هو حبنا جدا وبنتى عجباه بس ماما لازم تشوفها قبل ما يتكلم معنا فى اى حاجه قلنا تشرف قال لا نتقابل بره احنا استغربنا وقلنا ما فيش مشكله وتقابلنا فى احد الكافيهات وقعدت الماما تسال انتوا عندكم كام مكيف فى البيت وبتصيفوا فين وبنتى بتشتغل ولا لأ وبنتى هتقعد معاهم فى عمارتهم علشان ابنها لما يكون فى ماموريه تاخد بالها منها وفجاه قالت هو كان خطب قبل كده وهو اللى مزاجى وهو اللى بيسبهم يعنى اكترمن واحده المهم انتهت المقابله على وعد بمجى البيت وبعد ما وصلنا البيت ضرب الموبايل ولقيته هو وقالى ماما مبسوطه قوى قلت اللى فيه الخير ربنا يقدمه وطبعا رفضناه لانه مقدرش ياخد قرار الا بعد ماما ما تعاين البضاعه وهو بعدها قبل ما نبلغه القرار بتاعنا قال لابنى ان مامته هى اللى هتتفق مع ان بباه عايش ولما ابنى سال عليه لقاه كان خاطب 3 مرات وكل مره ماما تزعل من اهل خطبته تخليه يفسخ الخطوبه لنا لقاء اخر

[عمرنا]

رجعت لكم تانى عريس جه لبنتى كان نقيب شرطه وهو جه عن طريق ابنى مع انه كان مش موافق عليه وبصراحه انا اللى ضغطت عليه لانه كان بيحب ابنى ونفسه يناسبه وقبل ما ييجى قال لابنى انا مش هجيب حاجه معايا فابنى قاله انت جاىليه وجه حضرت النقيب هو قصر شويه لان بنتى متوسطه الطول وقعد يتكلم معانا وبعدين سبناهم وقمنا وبعد شويه جه الحج وقعد يتكلم معاه وحاول يعرف منه اى حاجه معرفش يطلع من باى معلومه ومشى واتصل قال لابنى ان هو حبنا جدا وبنتى عجباه بس ماما لازم تشوفها قبل ما يتكلم معنا فى اى حاجه قلنا تشرف قال لا نتقابل بره احنا استغربنا وقلنا ما فيش مشكله وتقابلنا فى احد الكافيهات وقعدت الماما تسال انتوا عندكم كام مكيف فى البيت وبتصيفوا فين وبنتى بتشتغل ولا لأ وبنتى هتقعد معاهم فى عمارتهم علشان ابنها لما يكون فى ماموريه تاخد بالها منها وفجاه قالت هو كان خطب قبل كده وهو اللى مزاجى وهو اللى بيسبهم يعنى اكترمن واحده المهم انتهت المقابله على وعد بمجى البيت وبعد ما وصلنا البيت ضرب الموبايل ولقيته هو وقالى ماما مبسوطه قوى قلت اللى فيه الخير ربنا يقدمه
وطبعا رفضناه لانه مقدرش ياخد قرار الا بعد ماما ما تعاين البضاعه وهو بعدها قبل ما نبلغه القرار بتاعنا قال لابنى ان مامته هى اللى هتتفق مع ان بباه عايش ولما ابنى سال عليه لقاه كان خاطب 3 مرات وكل مره ماما تزعل من اهل خطبته تخليه يفسخ الخطوبه لنا لقاء اخر

دى منى لبنتك
ربنا يفرحك بيها
وتلاقى اللى يستاهلها

[عمرنا]

من اسوا الاشياء ان ننقل معلومه لسنا متاكدين منها او ان نتدخل فى موضوع لا نعرف جوانبه كامله
ليه باقول كدة
الواسطه
ناس بتحب تعمل الخير وتوفق راسين فى الحلال وعلى فكرة دى هوايه عند بعض الناس
وناس بتعملها تسليه
يتوسطوا ويقولوا لفلان على فلانه دى كويسه وروح شوفها ويقولوا لفلانه دا فلان دة ايه ماحصلش
تسال فلانه طيب بيشتغل ايه
يرد الواسطه ... لما ييجى عندكوا تبقى تعرفى
طيب عندة شقه
يرد الواسطه....باين كدة امال عايز يتجوز ازاى
طيب عندة كم سنه
يرد الواسطه....حلو يعنى ...مااعرفش بقى اهم الشبان اليومين دول ماتعرفيش لهم سن
طلعتوا بمعلومه؟....طبعا لا
الواسطه يسال ويسال ويعرف معلومات دقيقه جدا عن العروسه قبل المحترم ما ييجى البيت
فلانه تسال....طيب لما ييجى يبقى يعرف مننا اللى هوة عايزة
الواسطه ....لا اصله بيحب يبقى على نور ويعرف كل حاجه قبل ما ييجى علشان مايتحرجش ولو فيه حاجه مش عاجباة مايجيش من اصله
طيب اقول ايه .......................حاجه تفرس:sFi_dual pistols:
دة عدل دة
دى مقدمه واستهلال لابد منه للى جاى