[otta2008]

انا كتير حبيبتى مرة اقرع ومرة اكبر منى بكتير ههههه
ومرة مش عاجبنى كتير هههههههههههههه
طلعت عنيهم وعرة انة هيطلع عليا فى الاخر هععععع

[عمرنا]

العريس القنبله
دة بقى كان حكايه لوحدة
سمعنا عنه كلام جميل من الناس الواسطه واستبشرنا خير
جاء العريس القنبله (ها تعرفوا ليه سميته كدة كمان شويه)
ومعه عمه وبنت عمه
الله الله الجو جميل وكل اللى فى الصالون مبسوطين جدا
العريس شخصيه ساحرة واسرة فعلا والقبول كان فظيع من الطرفين وحسيت ان ان الاوان وقلت خلاص يا بت يا عمرنا (.....) لاقيتى نصفك التانى ولاقيت شعور جميل جدا وفرحه دخلت قلبى
شخص ناجح وشخصيته رائعه وقور ولطيف وسريع البديهه(هذا الطراز من الرجال يلفت نظرى جدا)
وقعتى يا عمرنا ولا حدش سمى عليكى --
وهو كمان عبر عن شعورة امام كل الموجودين بمنتهى الحترام والذوق ولا احسن جنتلمان
خرجوا وامى حضنتنى وابى باس راسى
تانى يوم اتصلوا عايز ييجى يقعد يتكلم معانا لوحدة
اهلا وسهلا ---انا مانمتش وطول اليوم بارفرف من السعادة
جاء ---رحبنا بيه----جاتوهات وعصاير-----هو رائع ----انا فى اروع حالاتى
خرج ابى وامى واتكلمنا
قال : تعرفى ايه عنى
قلت : كذا كذا كذا
قال: تعرفى انى كنت متزوج وعندى طفل عمرة خمس سنوات وانى هاخدة من والدته قريبتى ويعيش معى انا وانت
(قنبلللللللللللللللللللللللللللللللللللللللللللللل للللله)
قلت له لا لم اكن اعرف فتعجب من ذلك لانه قال للواسطه لازم يقولوا لنا قبل ما ييجى لكن الواسطه ماقالش حاجه ووضعنى فى موقف لا احسد عليه
كملنا كلامنا وانا متماسكه جدا ومبتسمه وانا اتمزق فرافيت من جوايا وكان شعورى كان فيه لغم انفجر جوايا
نزل وقال هايرجع تانى
قلت لبابا وبابا رفضضضضضضضضضض
وانا تلات ايام لاانطق ولا اتكلم وااكل
لييييييه
1- اللى عجبنى وحسيت انه يناسبنى كزوج طلعت عندة مشكله
2- الحلو مايكملش
3-ليه اتعرض لموقف زى دة اصلا
4- علشان جايبين لى عريس يخدعونى ويعرضونى لوقف لا احسد عليه
5- واخدينها تسليه
بعد سنه من هذة المقابله رايته هو وابنه وعلى قد ما كنت زعلانه وقتها على قد مافرحت انه مشى وقلت الحمد لله ربنا كفانى شر مشاكل كان ممكن تحصل لو قبلته وعاش ابنه معى

[منيرةالمهدية]

ههههههههههههههههههههههههههههه ام سراج انت متجوزة حاليا ولا اية؟؟؟؟؟؟؟؟؟؟ انت دكتورة اية ؟؟والله عسل

[اموله المنفله]

موضوع لذبذ وعاوز حكى كتير هجمع ذكرياتى وادخل احكلكم

[عمرنا]

موضوع لذبذ وعاوز حكى كتير هجمع ذكرياتى وادخل احكلكم

واحنا منتظرين الذاكرة تنتعش
بس ما تنسيناش

[ام ليلو]

موضوعك لطيف جدا عمرنا وبيفكرنا بالذى مضى
راجعاك تانى ان شاء الله

[عمرنا]

العريس المجامله
على ما تعلمت من اهلى ان المجامله بتكون فى مناسبات
مثلا خطوبه وزواج ونجاح الخ الخ
بناخد هديه ونروح نجامل الناس اللى عندهم مناسبه حلوة
والمجامله مطلوبه مابين الناس وبعضهم لانها بتقرب الناس من بعض وتشيع جو الالفه والدفء والمودة بين الناس
يعنى هديه جميله تكفى للمجامله
طيب ايه رايكم باللى عايز يجامل حد بعروسه!!!!!!!!!!!!!!
لاقيت صديقه لى جاءت تزورنى وهى متحمسه اكتر من اللازم يعنى
لاقيتها بتقوللى قومى ياللا البسى بسرعه وانزلى معايا نروح مشوار
انا : مشوار ايه دة اللى انتى متحمسه له كدة هوة فيه ايه بالضبط
هى : اتنرفزت وزهقت ونفخت وقالت لى وهى على الاخر
عريسسسسسسسسسس
انا : الله يا فلانه انتى واخدانى انا اللى اروح اشوف العريس واللا ايه انتى جرالك حاجه فى مخك واللا هو ما بيتكشفش على حريم
اما انتى تغيظى صحيح انتى مش عارفه ان بابا لا يمكن يوافق على كدة
وبعدين مواصفاته ايه الاخ دة احب اعرف
هى : اتنهدت تنهيدة عميقه وقالت
دة هوة اللى كان واقف لى فى خطوبتى فلان
انا : اااااااة فلاااااااااااااان مش هوة دة اللى حكيتى لى عنه قبل كدة
هى : اة هوة دة ايه رايك ياللا قومى البسى علشان مستنيينا
انا : اتغظت وانفجرت فيها
نعاااااااااااااااااام مست ايه مستنيينا هما مين دول ومين قاللك انى كنت هاروح معاكى ومين قاللك انى موافقه على الاخ اللى وقف معاكى يوم خطوبتك
طيب انتوا زمايل والا معارف والا اى معرفه لكن انا مالى
انتى بتجامليه بيا وعلى حسابى
هى : امال انتى عايزة ايه شوفيه هايعجبك اوى
انا :انتى فاكرانى ايه شوال بطاطس عيب عليكى
هى: يعنى مش عايزة
انا : وقولى للعريس المستخبى المستنى بتاعك دة انى لا يمكن اكون شوال بطاطس ولا هديه لحد
اللى عايزنى ييجى لحد عندى انا لما تعجبنى بياناته الاساسيه الاول ويكون فيها حاجات اهم من انه وقف جنبك يوم خطوبتك
تخيلوا زعلت منى واتقمصت جدا
لا ماليش حق ارفض اتجوز عريس وقف جنبها يوم خطوبتها!!!!!!!!!!!!!!

[ريري]

[rosha_mody]

موضوعك هايل يا عمرنا
انا بقي اتخطبت وانا في الكليه من اول عريس كنت في تانيه كليه
وبعدين فركشت الموضوع
وعشت رحله لمده ثلاث سنين مع العرسان رفضت منهم اللي مستواه مش قد كده واللي عيلته اي كلام وانا الصراحه كنت حاطه شروط وصعب اتخلي عنها مهما حصل حتي لو فضلت من غير جواز ما كنش هاممني
لحد لما كنت قربت ازهق وزهقت اللي حواليا
وسبحان الله ربنا بعت لي صوره من احلامي بس علي ارض الواقع
حقيقي مكنتش مصدقه ان كل اللي حلمت بيه في عريس يكون في جوزي بالشكل ده
الحمدلله الموضوع تم علي طول وكنا في كام شهر متجوزين والحمد لله لسه زي ما هو وعرفت ان ربنا بيحبني وراضي عني لاني بعتبره هديه ورفع راسي ادام كل قرايبي اللي كانوا بيسمعوني كلام سم وكانوا بيواجهوني ان في عرسان كتير رفضوني
بس الغريب اني فعلا اترفضت كتير بس ما كنتش عارفه السبب كانوا ييجوا ويخرجوا مبهورين ويبلغوا الواسطه انهم مستريحين جدا وبعدين فص ملح وداب
لدرجه ان قرايبي لما جوزي اتقدم قالوا لي ده ها يمشي زي اللي فاتوا بس سبحان الله ربنا عوضني وباحسن من كل اللي اتقدمولي
الحمدلله
سوري طولت عليكم

[ست الدار]

شكرا لك يا عمرنا على دعوتك الحلوه لابنتى ويمكن انتى بتقولى الحاجه الكبيره بتحكى معانا على بنتها لكن انا شفت العجب فى العرسان بتوع اليومين دول وساعات باخاف على بنتى واقول يمكن احنا اللى معقدينها شويه لكن والله انا وباباها نفسنا نفرح بيها لانها وحيده على ولدين
وان شاء الله النصيب الحلو يجلها وادعيلها يا عمرنا

[عمرنا]

بس سبحان الله ربنا عوضني وباحسن من كل اللي اتقدمولي
اولا اهلا بك فى الموضوع
الحمد لله والف شكر لك يارب
عجبنى انك كنتى عامله شروط ومش عايزة تتنازلى عنها وانا معاكى فى كدة لان دة زواج وعشرة عمر وبندخل الحياة الزوجيه لتدوم باذن الله
وكمان دة بيدل على تقديرك لذاتك وكينونتك ومعرفه لقيمه نفسك بدون غرور ودة حقك لا ينكرة عليكى احد
الحمد لله ان الزوج جاء كما تمنيتى
الناس بتتكلم بتتكلم لكن البنت هى اللى بتزوج وتعيش
ربنا يوفقكم دايما
ارجوكى تطولى بالك معايا شويه وتتابعينا فى الموضوع علشان لسه فيه كتير وفيه خلاصه مهمه هاقولها فى حينها لما نوصل الى العريس الاخير اللى هو زوجى بالطبع
ما انا والحمد لله متزوجه رجل بمعنى الكلمه وفيه ما كنت اتمناة
وما تمنيته فى زوجى هو اللى جعلنى اخوض التجارب العجيبه دى لحد لاقيته وتزوجنا والحمد لله لانى برضه لم اكن اريد التنازل عن املى

[بحور الامل]

عمرنا موضوعك بجد رائع جدا والقصص
اللى انتو حكيتوها يعني بجد هي واقع مجتمعنا

مبدئيا بالنسبة لي انا مخطوبة دلوقتي طبعا قبل كده اتقدم لي عرسان بس ماكنش بيحصل نصيب كان فيه العريس اللى كل حاجة فيه كويسة واي بنت تتمناه بس انا مارتحتش كان كبير جدا ومفيش توافق وكان فيه عريس كان عايزني ابقى زي اخواته البنات في كل حاجة وطبعا ده من اولها باي بايييييييييي ههههههههه ده غير ان اخواته البنات ماشاء الله كل واحدة تعتبر حماتي بالاضافة لمامته
بالنسبة لخطيبي فهو يعني اتقدم من غير واسطة لانه اهله يعرفونا وسبحان الله الاول كنت مش مرتاحة بس صليت استخارة قلت لازم اعرف شخصيته اكتر وبجد الحمد لله شخصيته رائعة وان شاء الله في خلال شهور هنتجوز بس ادعو انتو اننا نخلص الحاجات بقى الشقة وكده ههههههههه وعقبال كل البنات ربنا يرزقهم بازواج صالحين
بس انا عايزة اقول حاجة يعني مثلا تلاقي الشاب شايف نفسه حاجة ماحصلتش وكويس انك لاقيتي عريس يعني
انا ساعات ببقى الواسطة يعني كان فيه واحد ابن صديقة ماما عايز يتجوز واحدة مش محجبة وتكون رفيعة و و و المهم رتبنا لقاء مع واحدة معرفة فيها المواصفات دي
ماكملش القعدة قام ومشي على طول لان العروسة مش بيضة ومش طويلة !!!!

ده غير ان عندي صديقة منتقبة نفسي اجبيلها عريس كويس قلت فيه واحد معرفتنا قلنا له عليها قال اهم حاجة هي زي القمر ؟ وبيضة وشعرها حلو !!!قلت لا ده مش مناسب لها من بدايتها لانها بتكره الشباب اللى بيفكرو بالاسلوب ده

يعني كل واحد عايز يتجوز واحدة تحفة طيب بص على نفسك الاول وكمان الجمال مش كل حاجة الروح والشخصية اهم من كل ده
انا طولت بس بجد اسلوب التفكير ده بيخنقني لان والله بيبقى فيه بنات شكلهم حلو وشخصياتهم رائعة لكن العرسان عايزين بقى يعني حاجة كده ماحصلتش على اساس انهم ماحصلوش...ان شاء الله ربنا يكرم بنات المسلمين ويهدي الشباب

[rosha_mody]

علي فكره يا عمرنا لازم الواحده تكون حاطه مواصفات لشريك حياتها
بس مش معني كده انها تحط مواصفات مبالغ فيها يعني لازم كل واحده تبقي متاكده ان مفيش انسان كامل لانها هي نفسها مش كامله
بس في اساسيات مش ممكن نتنازل عنها زي الاخلاق والاصل الكويس وطريق التعامل واحترام الراي الاخر وكان الطموح وحاجات كتير بتختلف من واحده لواحده بس في الاخر لازم يكون في مباديء نمشي عليها

[ماجي2008]

عندك وقت تسمعي يا عمرنا اتفضلى
رفضتى العريس ليه ههههههههههههههههههه
فهم كثيرون على راي عبد الحليم
واحد مثلاَ رفضته عشان محامى عشان راغية وبعدين لون الشراب كان بنى والبدلة رمادي واول ما دخل البيت قلع الجزمة
وعريس تانى كان مدرس تاريخ ربنا يسامحنى كان عنده ثقثقه فى اللسان وطبعا ابن عم لمحته وهو بيضحك وكنت انا اطو ل منه
عريس تاني شغال مدرس وقاعد يحكى عن ارتباطاته خاطب دية وساب دية يعنى مقتنعتش بيه
عريس تانى فلسطينى الجنسية واحنا او اسرتنا ما بترتبطش بعرب
وعريس تانى كان فى شغلى القديم هو والله كانوا اثنان مع بعض فى قسم الائتمان فى الشركة المهم واحد منهم كلمنيى وقلت مش هينفع انت زميل وبس
والتانى كان بيحبينى وخايف يصرح لصاحبه فى نفس القسم المهم الاتنين رافضوهم كنت بحس انهم بالنسبة لى زمالة فقط
العريس رفضك ليه
العريس اللى رافضنى كان شغال فى احد الفنادق الكبرى هو خريج كلية السياحة والفنادق المهم صارحنى وقال بصراحة انا بشرب خمره وكان مستهتر كنت اخاف على نفسي لو ارتبطت بشخصية زى دي
وعريس تانى كان ضابط جيش من اخوانا المعقدين رفضى عشان قال عليه انا تخينة فى وقتها مع العلم هو كان تخين بس مش شايف نفسه
ايه اغرب عريس اتقدملك
ابو شراب بنى
ايه اسخف عريس اتقدملك
واحد كان خاطبنى وعارف انى مش طاقيه كان بخيل شوية وكان موصر على الارتباط بى

[NiMiNy]

انا بقى شفت اللى ما حدش شافه اول واحد جالى كنت انا فى تالتة اعدادى ولما عرف انى نجحت وكملت فى الثانوى خلع ههههههه
والتانى جالى وانا فى تانية جامعة وماماته كانت تعرف مامتى وكان ضابط بحرى ما قولوكوش بقى على الشياكة ولما شفنا بعض استريحنا لبعض بس امه ما كانتش دوغرى فى الكلام خالص المهم فضلت انا وهو على اتصال لحد ما باباه جه من سفره عشان يجوا البيت ويتقدمولى اول ما باابه جه راح قارى الفتحة علطول من غير ما نعرف اى حد من قرايبنا الكلام ده كان فى اول زيارة ليهم عندنا وبقى الارجل مبسوط بيا قوى المهم فى اليوم ده ماكناش متوقعين ان حاجة زاى كده تحصل والناس مشيوا من غير ما يتفقوا على اى حاجة
جه بقى لما قلت لقرايبى يا لهوى على اللى عملوه بهدلونا وخاصمونا المهم المرة اللى وراها اللى جم عندنا الناس طبعا اهلى قالولنا لا ما ينفعش كده فى المرة الجاية لازم نكون كلنا موجودين المهم اهلى جم ولما طبعا قلنالهم ان اهلنا جايين راحوا قايلين لاهلهم والموضوع اتعك جامد المهم وهما بقى قاعدين راح باباه بيقول عايزين ايه بقى وعايز يتفق المهم بابايا قالو احنا عايزين شبكة عشان معنديش بنات تتخطب بدبل بس المهم الارجل زمزق وقال ليه مش لسة لما يخدوا على بعض انا بقى لاقيت الكلام كده قلت على ايه طالما هو مش شارى اشترى انا ليه وكانت المشكلة فى الشبكة ناس بخيلة هههههههه
التانى بقى كان واحد قاربنا من بعيد وكان ضابط برضه بس كان من محافظة غير محافظة القاهرة واهلى رضيوا بيه وقالولى اللى نعرفه احسن من اللى ما نعرفهوش وانا ما كنت مزمزقة عشان كان عايزنى اقعد من الشغل وكمان ياخدنى المحافظة دى المهم اهلى اقنعونى وبقى كل يوم وانا مخطوبة ليه اصلى استخارة وكل يوم ابقى مش طايقاه عن اليوم اللى قبله بس اللى كان مصبرنى عليه اهلى
ولما حانت الساعة حصل مشكلة المهم لاقيته بقى يعلى صوته فى البيت ولما قعدت اتكلمت معاه قالى ما هو اهلك بيقولوا كلام يضايق انا بقى لاقيته قال كده رحت قلتله لما انت مش عارف تحترم اهلى هتحترمنى واقلب يا معلم
الثالث بقى مامته شافتنى فى مطعم ولما جت تكلمنى ما كنتش مصدقة انها بتتكلم جد وقالتلى هاتى نمرة مامتك وانا هكلمها المهم اديتهالها وحددنا ميعاد وقابلناهم لما اتقبلنا وعرفوا ان معنديش شقة ولا بابايا ضابط زايه وزاى باباه هما اللى خلعوا
مش عارفة ايه حكايتى مع الضباط لدرجة انى كرهتهم خلاص



المهم بقى دلوقتى جايلى عريس بس مؤهل متوسط وانا مؤهلى عالى بس بيشتغل وعنده محلات مشارك فيها وكان شافنى هو وباباه فى الشارع انا واختى واحنا خارجين فى مرة وقالى عاتى نمرة بابا عشان اكلمه المهم بابا لما شاف الولد عجبه بس انا مش متخيلة انى ممكن اخد اقل منى فى التعليم وبابا عمال يقنعنى بشكل رهيب وانا مش عايزة اشوفه اصلا ولا اقعد معاه بس كلهم فى البيت بيقولوا ما تقفليش الباب فا انتوا ايه رايكم


رفضت العريس ليه : عشان اللى قلتله مسبقا ومرة رفضت واحد كنت اطول منه جدا مع انه كان هيموت عليا وعايز يعملى اللى انا عايزاه ههههههه

العريس رفضك ليه:الوحيد اللى رفضتنى هو الضابط اللى مامته قابلتنى فى الشارع عشان معنداش شقة للواد الغلبان يا عينى (مهزلة)

اغرب عريس اتقدملى : بتاع المؤهل المتوسط

اسخف واحد : اللى كان اقصر منى

اه كان نفسى افضفض من زمان كنت تعبانة ونفسى يجى ابن الحلال والنصيب بقى عشان تعبت من كتر التجارب الفاشلة دى وعايزة رايكم فى العريس الجديد

[NiMiNy]

انا كمان كنت عايزة اخد رايكم فى حاجة كل الناس اللى اتقدمولى دوول كان جواز صالونات ايه رايكم فيه مع ان الناس بتقول هو ده اللى بيدوم بس انا من اللى شفته بدات ازهق من الموضوع ده ونفسى اللى يجيلى يجيلى عشانى انا يكون عارفنى بس هيعرفنى منين يلا ربنا يرزق كل البنات وانا كمان بواحد صالح يتقى الله فى معاملته معايا

[عمرنا]

باركوووولى
لا مش علشان اتجوزت
لا علشان الموضوع اتثبت
نرجع لكلامنا
يمكن تستغربوا لكم الحكايات اللى حكيتها واللى لسه هاحكيها (لو تحبوا) عن العرسان الافاضل اللى شفتهم الى ان وصلت الى العريس الاخير زوجى
ليه الموضوع طول معايا وليه شفت العجايب وليه دخل بيتنا عرسان بالعشرات بدون مبالغه
كنت اريد ان اتزوج رجل
(طبعا هاتجوز رجل امال ايه يعنى)
رجل هنا يعنى رجل اعتمد عليه واطمئن لحياتى معه ويحافظ على بيته وعلى ومجتهد فى حياته وعمله ومعتمد على نفسه
مش كتير
لما كنت باشوف عريس كنت مش باشوف شكله فقط لكن كمان كنت بابص لاعمق من كدة بابص لداخله
ممكن كل عريس من دول يعتبر لقطه بالنسبه لاى واحدة تانيه يعنى الاراء بتتفاوت لكن دةكان شعورى تجاة كل واحد رفضته ومنهم من شعرت بالضيق الشديد لانه رفضنى لسبب تافه يعنى مش علشان عيب جوهرى فى شخصيتى مثلا
ومنهم من حزنت لانى رفضته بسبب ظروفه مثل العريس القنبله
زمنهم من لم يترك عندى اى اثر لا سلبى ولا ايجابى
اما ليه دخل بيتنا العشرات والعشرات من العرسان
لانى كنت بارفض تماما فكرة انى اقابل العريس خارج البيت
لان العريس بيتجوز البنت واهلها بمعنى ان البنت هى نتاج تربيه هذة البيئه وهذا البيت ومن المفروض ان يكون كل شىء واضح من البدايه ولما العريس ييجى البيت هانوفر على نفسنا كلام كتير وكمان الهل بيبقى لهم نظرة ورايهم له وزن مهم جدا طالما انا لسه عايشه معاهم فى البيت فى كنفهم يبقى لازم يقولوا رايهم ويساعدونى فى اتخاذ اهم قرار فى حياتى لكن من غير اجبار او فرض راى
يعنى هما بيشوفوا الشخص واسرته ويقيموا الموقف ككل بدون تعسف ولاتحيز ويقولوا رايهم ويبينوا العيوب والمزايا والقرار لى
ودايما الهل كلامهم بيكون صح وحكمهم على الامور صح نتيجه الخبرة وسنين عمرهم اللى عاشوها
ونفس الشىء بالنسبه للعريس

[ran0na]

ههههههههههههههههههههههههههههه
موضوووووووع تمااااااااااام
بس متااااااااااااااااابعه ..............

[عمرنا]

العريس المحروج
المحروج تعنى الذى تعرض للاحراج
طبعا لغويا غريبه لكن الاتى اغرب
كانت لى زميله فى العمل مخطوبه وكان خطيبها يعرفنى بحطك زمالتنا ولانها كانت تسكن قريب منى كنا بنرجع من الشغل مع بعض
فى يوم استاذنت من الشغل بدرى ورجعت البيت
تانى يوم اخذتنى زميلتى على جنب وسالتنى انتى مشيتى ليه امس
كنت عايزاكى انا وخطيبى
قلت لها طيب انتى ماشى لكن وخطيبك ليه