[رونى سمسم]

السلام عليكم كل العضوات أنا مش هطول عليكم بس والله الوصفه ده حلوه جدا لمشكل الشعر وانا بنفسى مجربها
ندخل فى الموضوع
انا شعرى كان خفيف جدا جدا وضعيف قوى
ده غير الصلع اللى كان عندى فى مقدمة الرأس كان حاجه بشعه
كنت بتكسف أبين شعرى لحد حتى خطيبى بعد كتب الكتاب مكنتش أقدر ابينله شعرى
لحد مجربت حاجه كده أكيد موجوده عندنا كلنا
نصف علبة ذبادى أو على حسب طول شعرك ممكن علبه كامله وتحطى عليهم عسل نحل أبيض بس ياريت يكون طبيعى من المنحل عليكى على طول (يفضل يعنى)
لحد كده سهل نضيف عليهم كبسولات فيتامين A أو E
وده شرايط فيتامين بتتباع فى الصيدليه ورخيصه جدا لاتتعدى ال5 جنية
بتحطيها مع الذبادى والعسل زى ماهيا وتحطيهم شويه على النار هديه جدا
لحد لما الكبسولات تسيح
علشان تستفيدى بأكبر قدر من اللى جواها
تغسلى شعرك كويس قوى وتحطى الوصفه وبعدين تلفيها بكيس بلاستك وتسبيها حوالى من 2 إلى3 ساعات
وياريت تعمليها مرتين فى الأسبوع
والله العظيم أنا شعرى أتغير خالص
نبت من قدام وطول وبقى طرى وناعم
والله على ما أقوله شهيد
بس أنتم جربو وقلولى رأيكم
ملحوظة : أى وصفه بتحطيها على شعرك ياريت تكون دفيه شويه علشان تفتح مسام فروة الراس

اذا اعجبك الموضوع و اردت نشره في المنتديات الاخرى فاستخدمي هذا الرابط:
وصفه سحريه وسهله جدا لمشاكل الشعر
http://forums.fatakat.com/thread65188

[رونى سمسم]

معلش نسيت أوضح حاجه ممكن تحطى فيتامين A لوحده أوE لوحده أوالأتنين مع بعض وطبعا كبسوله واحده من كل نوع
بس والله ياجماعه ده وصفه كويسه جدا

[lamiaa232]

ان شاء الله هجربها وهقولك على النتيجه ادعيلى بقى

[رونى سمسم]

متشكره جدا على مرورك وإنشاء الله هتجيب معاكى نتيجه
وعلى فكرة انا أحيانا كتير باخد الفيتامينات A&e عن طريق الفم
لان فيتامين E بيعمل على تقوية كرات الدم الحمراء وهى اللى بتعمل الغذاء للشعر
ويارب يجعله بفايده

[goodgirl]

الف الف شكر
بس الكبسولات دىمش مضرة خالص ولا ايه يعنى ليها اثار جانبية

[فاطمة 1981]

شكرا على الوصفة

[رونى سمسم]

اولا شكرا على المروربصى يا حبيبتى الكبسولات دى عباره عن فيتامينات فيتامين E معروف أنه كويس جدا للشعروبعدين انا مستعملتهوش غير بعد ما سألت الدكتور وقالى عليه وقالى كمان على فيتامين A عموما متقلقيش خالص لو خايفه تخديه عن طريق الفم حطيه مع الذبادى والعسل وإنشاء الله النتيجه مضمونه والله انا جربتها وحتى اللى حوليا لاحظو تنبيت شعرى من قدام وكمان انه طول ونعم
ملحوظه فيتامين E كويس قوى لنضارة البشره..........
ولكم منى جزيل الشكر واتمنى من الله ان الوصفه ده تجيب معكم نتيجه زى ماجابت معايا بالظبط

[nehal hassan]

أولا شكرا ليكى جدا على الوصفة
ثانيا نحط أد إيه عسل على الزبادى

[ملاك الرحمه ةة]

هجرب الوصفه وجزاك الله خيرا

[رونى سمسم]

nehal hassan شكرا على مرورك وجزاكى الله بالخير بالنسبه للعسل ممكن تحطى من 2 إلى 3 معالق عسل على حسب كمية الزبادى انا بحط حوالى 3 معالق كبيرا ويارب يجعله بفايده

[رونى سمسم]

متشكرة جدا يا ملاك الرحمه

[جنا احمد فايز]

شكرا لوصفتك الحلوة دى انا عندى نفس مشكلتك بس كنت عايزة اعرف جابت معاكى نتيجة فى اد ايه هستنى ردك ضرورى

[رونى سمسم]

فى البدايا شكرا ليكى يا جنا على مرورك
هو من أول 3 مرات ابتدى شعرى يطرى وبقيت اقدر اسيبه مفرود شويه لانى كنت لما احب اهويه شويه واسيبه فى خلال 5 دقايق بيبقه كأنه مضروب فى خلاط وكمبوشه والله من غير مبالغه
انا بستعمله من حوالى شهرين بعد الشهر الأول ابتدى شعرى ينبت من قدام وابتدت الحتت الفضيه اللى من قدام تتملى شعر صغير
وفى الفتره ده شعرى طول علشان انا كنت قصاه كاريه قصير
دلوقتى طول حته كبيره قوى وملحوظه لان شعرى كان بيوصل لحد معين ومبيطولش بس دلوقتى الحمد لله بيطول
والله العظيم انا من كتر يأسى كنت هحلقه قرعه لان كانت نفسيتى زى الزفت بس الحمد لله إنى مقصتهوش

[مرمورة 33]

ميرسى يارونى الوصفة سهلة جدا
وان شاء الله هستخدمها وقوللك على النتيجة

[رونى سمسم]

جنا نسيت اقولك حاجه مهمه
يارب يفرج همك ويجمعك انتى وخطيبك على خير

[رونى سمسم]

مرسي لكى يا مرموره
وإنشاء الله هتجيب معاكى نتيجه

[goodgirl]

طيب ممكن اسم الفيتامينات لحسن الواحد يروح يجيب حاجة تانية الاسم المكتوب على العلبة يعنى
ولكى جزيل الشكر

[نزهة]

وصفة سهلة ومن كلامك عليها حمستيني اجربها مشكورة

[رونى سمسم]

شكرا ليكى يا نزهه على مرورك انتى و good girl بالنسبه لعلبة الفيتامين العلبه مكتوب عليها فيتامين(ه -1000 مجم) - 1000mg Vitamin E
والتانيه فيتامين أ بس مش عارفه التركيز وبتكون كبسولات شفافه رخوه وإن شاء الله تجيب نتيجه

[زهرة الريحان]

شكراً اختي على هذا الموضوع المفيد