[* كنوز *]

من كتر ما حبيتكم حأعتبر نفسى اختكم و اقول عن حاجات فيه منها اللى لى يد فيه و فيه اللى ماليش يد فيه
(مع العلم انى دلوقتى بحكى بعد 4 سنوات زواج و مستقرة فى مصر )
بس الهدف منها :1-ان كل فتوكة تاخد بالها
2-ان حد يقول لى اعمل ايه لعلاج الحاجات دى(طبعا فيه
خلاص انتهت و لسة ان شاء الله حاجات ملحوقة
مشكلتى مش عارفة ابتديها منين..بس حقول لكم و الله المستعان ,
حقول لكم من بداية لما زوجى جالى:
اتعرفت على زوجى دة من خلال احد صديقاتى و هوة كان صاحب زوجهاو اول مرة اشوفه فيها جالى البيت علشان يتقدم لى
هوة كان له سنة بيشتغل فى دولة عربية وكان لسة رايح تانى و كان عايز يخطب و يتزوج خلال الشهر اللى شغله بيعطيه اجازة
المهم ..جالنا و حسيت براحة تجاهه ملتحى و يصلى فى المسجد وعلى خلق و الكل يشهد له بكدة..ووافقت عليه بعد قعدتين تلاتة و جت أول مشكلة ازاى حنتجوز و انا لسة معرفهوش كويس و بعدين شقته لسة مش متشطبة و لسة عايزة تتفرش و طبعا الفرش بيأخذ وقت و نزولاااااات كتييرو بعدين كان من المفترض اننا حنقعد يمكن كام سنة برة طيب العفش حيبوظ ..ايه الحل؟؟.نتجوز بعد لما ييجى فى السنة الجاية "و كان الحل دة عنده مرفوض هوة عايز يتجوزعلى طول مش عايز يستنى و بعدين السنة دى مش حنشوف فيها بعض و حبقى متعلقة و خلاص و مش حأعرف اشوف حد غيره..
المهم الدنيا اتقفلت ..ووصلنا ان نكتب الكتاب و نعمل حفلة و بعد كدة اسافر له عروسة و تتم الدخلة هناك..(لاحظو مافرشتش شقة هنا)
--الخطأ الأول:انى لم اتمسك برأييى فى حاجة لا فرشت شقة و لا عملت اى حاجة مجرد ان بابا رفض الدخلة هنا على اعتبارانى ماليش هنا شقةوعلشان اسافر عروسة و يكون متشوق لى****كتيير اعتقدوا انى اتوهمت بيه لانه بيشتغل برة و حيعيشنى فى مستوى بأه .يعنى طمعت فيه"تخيلوا"""مع انى اتجوزته عشان دييييييييييينه و بس و لم ابالغ فى طلباتى..بأكلمكم و انا بأبكى..
حأكمل بعدين
بس ردوا علية

اذا اعجبك الموضوع و اردت نشره في المنتديات الاخرى فاستخدمي هذا الرابط:
اخطائى اللى بتهدد بيتى دلوقتى.تعالوا اتعلموا"بس انقذونى"
http://forums.fatakat.com/thread65330

[دودو المعادى]

اولا بطلى تعيطى ... علشان ده مش ح يحل المشكلة .... و بعدين مش انت اتجوزتى ... خلاص ... ح نعمل الغلطة الاولى حصلت (فرش الشقة)

كملى بقى ..... و ادخلى فى المشكلة على طول ...... بلاش عياط ...

[عصفورة فوشيا]

لا اله الا الله

وايه المشكلة فى كدة ,, عادى الشقة ممكن تتفرش فى اى وقت

وبعدين انتى هاتطمعى فيه ليه يعنى ؟؟ وهى الغربة حاجة سهلة !!! مش كفاية انك هاتسيبى بلدك واهلك ,,

المهم كملى ايه اللى حصل

[لميس1234]

اولا لاتعتبري نفسك اختنا ................................... انتي اختنا فعلا .... ثانيا : انتي اتخذتي قرارك خلاص لاتفكري الناس حيقولو ايش ................ ثالثا : ربنا يوفقكم وتعيشوا في ثبات ونبات وتخلفوا صبيان وبنات

[* كنوز *]

بطلت عياط أهوه
ما أنا حقول لكم ,
ان كل مشكلة بتجيب اللى بعدها:
بعد ماسافرنا كان هوةشغله حوالى 12 ساعة بيروح 4 ساعات ويرجع 3 ساعات و بعدين يروح 8 ساعات...
هوة حس انه لسة عريس و مش عارف يشوف مراته فابتدى يطلب من الشغل انه يشتغل8 ساعات و بعدين أهل البلد اللى كنا فيها كان بعضهم بيضايقوه شوية و هوة حساس فابتدى يتلكك للرجوع (لاحظوا شقتى على الطوب الاحمر فى مصرو لسةقدامها حوالى 8 الى 9 شهور علشان بس تتشطب)..المهم الادارة ماوفقتش على انه يشتغل 8 ساعات فابتدى والدى يكلمه و يقنعه انه يصبر"والدى بيشتغل فى نفس البلد".و بعدين قال له ان الشقة لسة ماتشطبتش حتروحوا فين لما ترجعوا
"هوة بقى قال ازاى أنا حروبعدين ابتدت تتأكدعند فكرة اننا آل فرحانيين انه مسافر بقى و مرتاح"مع العلم ان والدى ولله الحمد مستواه ما شاء الله كويس".ومحناش محتاجين حاجة".وكان واحد معرفة فى الامارات وعده انه ممكن يشغله فى شركة فهوة قال خلاص بقى ننزل
--و فعلا نزلنا بعد 3 شهور بس و كانت المشكلة حنقعد فين؟؟
هوة كان خلص كل فلوسه فى الجواز وملحقش يحوش فكان الحل الايجار المفروش و فعلا جيت فى شقة فى مكان نظيف أيوة بس .فرشها مستعمل ردىء و الارض بلاط و لا عندىمطبخ و لا سخان و لا أدوات ولا أى حاجة
-استلفنا كام سجادة قديمة من حماتى ..على بوتاجاز قديم ..على كام حلة ..على مخدة ..و حتى ماشترناش سخان ..عشان بقة آل كنا مسافرين تانى الامارات"كنت بعد 3 شهور زواج فى غز الشتاء باسخن ماء و استحمى"
بعدين اصحابى قالوا يزورونى بعد ما رجعت ..صدموا و قالت لى احداهن أنتى بسيطة اوى ..انا لو منك ماكنتش اقعد كدة ابدا"اناكنت قلت له اناحاروح اقعد عند ماما لحد ماتدبر امورك"..ضحكت وقلت لها يا ستى لازم اقف جنبه
الخطأ الثانى:
انه اعتبر انى ماليش طلبات و اى حاجة ترضينى و خلاص ..و مش مهم بقى انه يريحنى خلاص ما أنا مش بحس
لدرجة ان حماتى تقول لى خدى مثلا الحلة دى يقول لها ليه ماهية خلاص عندها واحدة و هكذا بقى مش مهم أنا عايزة ايه

[meyro]

ربنا معاكى
واستهدى بالله كده
علشان بيتك يسير على خير انشاء الله

[* كنوز *]

ربنا معاكى
واستهدى بالله كده
علشان بيتك يسير على خير انشاء الله

والله ساعات بحس انهاحاجات عمرها ما تتصلح ..لسة جايلكم فى الكلام
على فكرة أنا الظروف اللى مرت بيا دى كلها و الضغوط دى خلتنى بقيت انسانة تانية مش هى اللى بحبها ..

[هديروهنا]

كنوز حبيبتى علشان اقدر ارد عليكى لازم اعرف باقى الموضوع علشان انا كده مش عارفة فين المشكلة

[* كنوز *]

كنوز حبيبتى علشان اقدر ارد عليكى لازم اعرف باقى الموضوع علشان انا كده مش عارفة فين المشكلة

هدير
لحد دلوقتى :
انه فى دماغه انى ماليش طلبات زى الستات كدة و أزواجهم يتمنوا لهم الرضا ..بس لية جاية لكم فى الكلام

[كيوي]

دى فترة ياحببتى وهتعدى ولوصبرتى على جوزك صدقينى هيشيل ليكى الجميل

ذا اهم حاجة انك تحسبي الاجر عند ربنا ولاتجرحى جوزك وتبقي انتى والزمن علية

شجعية على انة يرجع للاامارات اواى دولة تانية بس المهم الاغتراب هيساعدكوا

ماديا وكلها ياستى 3 او4 سنوات وتبقوا مستقرين احمدى ربنا ان مشكلتك في

المادة بس وان جوزك اخلاقة طيبة وان جت على حماتك دي ست كبيرة برضة

استحمليها وحسسيها ان رضاها و رضى جوزك اهم عندك من اى حاجة تانية

صدقينى مع الوقت هتحبك وهى الى هتقول لجوزك جيب لها وماتبخلش عليها

ماتعيطيش ياحبيبتى واستهدى بالله ومتنسيش الدعاء

ربنا يفك كربك قادر ياكريم

[* كنوز *]

المشكلة الثالثة :مترتبة على الاولى ..انى لما بأفرش شقتى و انا مش عروسة ..و كمان مالهاش طلبات ..بقى هوة متضايق ان ماما بتختار معايا..و كانت كل حاجة بنجيبها بمشكلة و كل حاجة عندى بتفكرنى بمشكلة مريت بيها

و حكيت مرة لواحدة صحبتى,,قالت لى :"بعد العيد مايتفتش الكحك"..دة مثل مصرى ..بمعنى خلاص أوان ااحاجة اللى أنا عايزاها فات

[هديروهنا]

كنوز عايزانى اقدم لكى نصيحة من اختك عدى اى مشكلة مادامت بعيد عن الاخلاق وبعدين الدنيا مش سعادة على طول وصدقينى انشاء الله ربنا هايكرمكم وزوجك هايعرف اد ايه انتى اصيلة وها تكونى اغلى واغلى عنده

[مدام سمر]

انا مع كلام كيوى بصى حبيبتى كلنا تعبنا فى بداية حياتنا مع اجوزنا ومتجوزنيش واحنا عندنا كل حاجة واعرفى انة عايش معاكى ومستحمل داة بردوة يعنى هو مش فرحان بعيشتة وساكت هو لو بايدة حاجة كان عملها حبيبتى معلش استحملى وشجعى جوزك تانى ان يسافر وتبدوا حياتكم وانتم لسة عرسان

[* كنوز *]

دى فترة ياحببتى وهتعدى ولوصبرتى على جوزك صدقينى هيشيل ليكى الجميل

ذا اهم حاجة انك تحسبي الاجر عند ربنا ولاتجرحى جوزك وتبقي انتى والزمن علية

شجعية على انة يرجع للاامارات اواى دولة تانية بس المهم الاغتراب هيساعدكوا

ماديا وكلها ياستى 3 او4 سنوات وتبقوا مستقرين احمدى ربنا ان مشكلتك في

المادة بس وان جوزك اخلاقة طيبة وان جت على حماتك دي ست كبيرة برضة

استحمليها وحسسيها ان رضاها و رضى جوزك اهم عندك من اى حاجة تانية

صدقينى مع الوقت هتحبك وهى الى هتقول لجوزك جيب لها وماتبخلش عليها

ماتعيطيش ياحبيبتى واستهدى بالله ومتنسيش الدعاء

ربنا يفك كربك قادر ياكريم

ربنا يكرمك حبيبتى على الرد و هوة المشكلة مش المادة ..المشكلة :فى الفكر اللى عنده انى بأحب الفلوس و انى فى نفس الوقت ماليش أى طلبات ..
يعنى بأحب الفلوس و نفسى انه يفضل يسافر هنا و هنا
و فى نفس الوقت ..كونى انى رضيت بحاجات فى أول الجواز معناه انى يللا بقى دى مش بتحس و بتستحمل اى حاجة
و هوة برضه على فكرة مش بخيل خالص

[عصفورة فوشيا]

انسى المشاكل وافرشى شقتك وخلاص
وربنا يهديكم لبعض ويصلح الحال

[مدام سمر]

اة وكمان حاجة تانية ياريت ماتسمعيش لصحابك لان المفروض دلوقتى جوزك اهم من كلام اى واحدة تحاول تفرق بينكم ربنا بجد يهديكم

[* كنوز *]

انسى المشاكل وافرشى شقتك وخلاص
وربنا يهديكم لبعض ويصلح الحال

اة وكمان حاجة تانية ياريت ماتسمعيش لصحابك لان المفروض دلوقتى جوزك اهم من كلام اى واحدة تحاول تفرق بينكم ربنا بجد يهديكم

على فكرة أنا دلوقتى بقالى 4 سنوات زواج ومستقرة فى شقتى ..بس مش عايزة حد يقع فى اللى وقعت فيه..

[هديروهنا]

كنوز عايزة اسالك انتى متزوجة بقالك اد ايه وكمان عايزة اقولك اوعى تخسرى مكانتك عند جوزك وبعدين عرفيه ان انتى مش عايزة احد يقول انه مقصرفى بيته

[* كنوز *]

بس خلينا فى دلوقتى و انتم حتفهموا
دلوقتى بعد ما مرت علينا الايام و بقى عندنا طفلين..فضلت طول حياتى معه..مع مرور كل مشكلة .اذهرب لاصالحه و دايما اتهم نفسى انى غلطانة و كمان اناعصبية شوية فمش باعرف افرق انا غلطانة واللا لا ..
من فترة صارحنى:
انى عصبية ..
باكبر المشاكل
تخينة
نكدية
و فيا كل العبر

---فقدت الثقة بنفسى تماما..اول مرة حد يقول لى كدة
لكن هوة من طبعه قلة الكلام و الخصام و دة بيجننى
خصوصا انى ساكنة فى مدينة من المدن الجديدة ماما و اصحابى مش جمبى و كمان معايا طفلين و مش باسوق
فيشهر فى وجهى سلاح انه ينزل و انا افضل وحيدة
و الحل انى طبعا استناه يرجع و لازم اصالحه
لما ابتدى خلاص يحس انى انا دايما اللى غلطانة
(طبعا مافيش فايدة للاصلاح مش كدة

[كيوي]

يعنى اربع سنوات ولسة مش قادرة تتاقلمى

وشايلة بنفسك منة كل الفترة الى عدت حبيبتى انا مقدرة وضعك بس صدقينى

طول منتى بتذكرى لية قال اية وعمل اية من اربع سنين فاتوا وتتمننى علية بصبرك

معاة وتحسسية انك انظلمتى مش هتحسي بالسعادة مفيش غيرانك ترضي بنصيبك

وماتحسسيش جوزك ان انتى صابرة معاة على مضض خليكى بشوشة محدش عارف

بين غمضة عين وانتباهتها يغير الله من حال الى حال دا مش شعارات ولااسطوانات

دى حقيقة احمدى ربنا انك معافاة في جسمك غيرك بيتمنى الصحة ولوعاش على حصيرة

ربنايديك الصحة

احمدى ربناان عندك جوز بيحبك وبيسكن ليكى مش بتاع مخدرات ولانسوان

في غيرك مبتليات ابتلاءات عظيمة ومع ذلك تشوفيهم صابرين ومحتسبين

احمدى ربك انك اتجوزتى فى بنات عدى علية قطر الزواج وبيتمنوا ضفر راجل

اذكرى كل النواحى الايجابية واذكرى نعم الله عليك هتهون عليك بلاواكى كتير

دمتى بخير