[* كنوز *]

كنوز عايزة اسالك انتى متزوجة بقالك اد ايه وكمان عايزة اقولك اوعى تخسرى مكانتك عند جوزك وبعدين عرفيه ان انتى مش عايزة احد يقول انه مقصرفى بيته

بقالى زى ما قولتلكوا 4 سنين
وخلاص مكانتى خسرتها ..و حسة انى دايما مذلولة
----
و بعدين فكرك لو قلت له انى مش عايزة حد يقول كدة حيقول لى ايه:
انا باعمل اللى عليا و اللى يقول يقول

[* كنوز *]

من شوية حصلت برضه مشكلة..
و سبنى ونزل
و لولا ربنا ثم انتم كنت حانفجر فى العياط
بس المرة دى لما حصلت المشكلة و لسة حيبتدى يقول و يزيد..
قلت له:
مع ابتسامة :روح يا حبيبى و اخرج..يمكن تعرف انى غلطان انا المرة دى معملتش حاجة ولا اتنرفزت..فانا موجودة لو عرفت انك غلطان و رحت ادلع فى العيال
--طيب حتى لو كنت فيا حاجات عايزة تتغير ..مايستناش
انا حسة انه مش طايقنى و انا والله مش وحشة ابدا
حسة انا بيبص لكل الستات اللى حوالينا انهم احسن منى
شايفنى الوحيدة اللى مش بتشتغل و مامتى و حماتى و مات اخى و خطيبة اخوه بيشتغلوا
و انا الوحيدة البروطة
مش عارفة اعمل ايه
الحقونىىىىىىىىىىى

[أم عمـــــار]

حبيبتى ( كنوز ) مش كل الرجاله زى بعض انا مش معاكى انك تنصحى البنات بكدا يعنى لو واحده اتقدم لها عريس وكويس ترفض عشان معملش الشقه لا طبعا انا حكايتى شبه حكايتك تمام ..
انا ياستى اتعرفت على زوجى فى الجامعه يعنى زميل عادى المهم لقيته انسان صالح وكويس هو من بلد ريفى فى قليوب وانا من القاهرة ولدتى رفضت وانا اصريت عليه واقنعتها به وكمان هو والده عارض الموضوع ( قال انى من القاهرة واكيد هبقى مدلعه ومش هعرف اشيل مسؤليه )المهم هو كمان صمم واتخطبنا رغم انف الجميع وبمجرد خطوبتنا الطرفين تفهمو الموضوع

[حبيبة ن]

كنوز حبيبتي ما تزعليش نفسك كدا.. انتي لازم تبدي خطة تغيري بيها نفسك قبل ما تغيري جوزك.. ممكن أعرف أولادك عمرهم أد ايه...عشان لو ممكن تدخليهم حضانة وترجعي تشتغلي أو تدرسي.. المهم ما يكونش محور حياتك هو جوزك.. عشان الراجل لما يحس ان مراته مابتفكرش في حاجة في الدنيا غيرو بيزهق و يتخنق و يشوف فيها كل العبر و يطفش على طول.. لازم ترجعي لأصحابك و تغيري جو و لعملي نيولوك.. اشتري هدوم جديدة و ابدي نظام دايت.. و حسسيه انك بتعملي كدا عشان نفسك مش عشانو هو.. صدقيني مش حتندمي.. بس ما تقصريش في حقو.. وعامليه بكل لطف بس من غير مسكنة.. ربنا يوفقك يا حبيبتي

[* كنوز *]

حبيبتى ( كنوز ) مش كل الرجاله زى بعض انا مش معاكى انك تنصحى البنات بكدا يعنى لو واحده اتقدم لها عريس وكويس ترفض عشان معملش الشقه لا طبعا انا حكايتى شبه حكايتك تمام ..
انا ياستى اتعرفت على زوجى فى الجامعه يعنى زميل عادى المهم لقيته انسان صالح وكويس هو من بلد ريفى فى قليوب وانا من القاهرة ولدتى رفضت وانا اصريت عليه واقنعتها به وكمان هو والده عارض الموضوع ( قال انى من القاهرة واكيد هبقى مدلعه ومش هعرف اشيل مسؤليه )المهم هو كمان صمم واتخطبنا رغم انف الجميع وبمجرد خطوبتنا الطرفين تفهمو الموضوع

أنا معاكى فى انه لما الزوج يكون مقيم هنا ..يبقى الموضوع زى ما قولتى

بس علشان تسافر و يمكن ترجع امتى ؟..لأ لما ينزل بشكل مفاجىء بتبقى أزمة
و الدول العربية دلوقتى مش مضمونة و ساعات بيمشوا ناس

[أم عمـــــار]

معلش النص اتبعت من غير مايكمل المهم
بعد 6 شهور خطوبه جاله عقد عمل للسعوديه وفعلا راح وسبنى ومنعرفش ايه مصيرنا المهم تم سنه هناك وبعت توكيل وكتبت الكتاب وسافرت له بعد سنه بالظبط من غير ماعمل شقه ولا اى شئ يدوب شقتى اتمحرت واتعمل سيراميك بس .. سافرت ومكنش هممنى اى شئ كان كل همى انى الاقى نصى التانى واجتمع معاه تحت سقف واحد فين وازاى مش مهم المهم نكون سوى .. لما جيت السعوديه جيت عروسه لقيته فارش شقه هنا حلوة هى اوضتين ومطبخ وحمام معقولين والحمد لله اه الفرش مكنش كامل بس كويس عدت سنه كمان وانا معاه كان والده بيض الشقه بتاعتنا وخلص السباكه ولما انا سافرت كان معايا عمار ابنى نزلت وريحت يومين وبعدها نزلنا جبنا العفش ووالدتى جابت جهازى من عندها فى البيت وفرشت شقتى فى اسبوع كان كل شئ زى الفل وقعدت على عفشى شهر بس ورجعت لميته تانى وغطيته وجيت السعوديه هنا يعنى خدى الامور ببساطه انا كمان كان ممكن اخاف انه ميفرش الشقه .. بس مين يضمن الاحوال بعد كدا هتكون ايه . مايمكن الواحده تتجوز فى قصر وفجأة زوجها يفتقر ويضطر يبيع كل شئ ساعتها مش هتقفى جمبه وهتسيبيه صدقينى كل اللى عندك ده من وسوسة الشيطان استعيذى بالله منه واقفى جمب زوجك وانسى كل اللى فات . واصحابك دول مش صحاب اللى تعصيكى على زوجك متبقاش صحبتك ..ربنا يهديكى انسى الله فات وعيشى لزوجك وابناءك ربنا يخليهم لك يارب

[* كنوز *]

يعنى اربع سنوات ولسة مش قادرة تتاقلمى

وشايلة بنفسك منة كل الفترة الى عدت حبيبتى انا مقدرة وضعك بس صدقينى

طول منتى بتذكرى لية قال اية وعمل اية من اربع سنين فاتوا وتتمننى علية بصبرك

معاة وتحسسية انك انظلمتى مش هتحسي بالسعادة مفيش غيرانك ترضي بنصيبك

وماتحسسيش جوزك ان انتى صابرة معاة على مضض خليكى بشوشة محدش عارف

بين غمضة عين وانتباهتها يغير الله من حال الى حال دا مش شعارات ولااسطوانات

دى حقيقة احمدى ربنا انك معافاة في جسمك غيرك بيتمنى الصحة ولوعاش على حصيرة

ربنايديك الصحة

احمدى ربناان عندك جوز بيحبك وبيسكن ليكى مش بتاع مخدرات ولانسوان

في غيرك مبتليات ابتلاءات عظيمة ومع ذلك تشوفيهم صابرين ومحتسبين

احمدى ربك انك اتجوزتى فى بنات عدى علية قطر الزواج وبيتمنوا ضفر راجل

اذكرى كل النواحى الايجابية واذكرى نعم الله عليك هتهون عليك بلاواكى كتير

دمتى بخير

على فكرة حبيبتى حتلاحظى من العنوان انى باقول اخطائى ..انا مش باذم فيه..
هوة بقة كدة نتيجة لتصرفاتى
و على فكرة عمرى ماحسسته انى مستحملة على مضض بالعكس دة انا دايما باقول له انا حادبر لك..متشلش هم
بس حسة انى مملة و حسة انى اتغيرت
على فكرة انامبقتش اعمل حاجات كتيير و حسة انى بعدت عن ربنا ..بصلى بس فقدت حاجات كتيير
حسة ان بيتنا مش زى ما كنت باحلم
الغلاء و المشاكل طاغى و مش عاطى فرصة لاى حاجة حلوة

[مستحيلة]

ربنا معاكى

انا مع كلام ام عمار

وحاولى تغيرى نفسك ,, انزلى روحى جيم ,, او دار تحفيظ قرآن ,, او اشتغلى ,, يعنى حاولى تكسرى روتين حياتك

وبجد الجأى لربنا بالدعاء وان شاء الله هاتنصلح الامور

[Marwa Esmael]

اكيد فيك الخير انك عايزه الناس تستفيد من اخطائك وماتقعش فيها
لكن لازم انت كمان تحاولي تنقذي حياتك وتصلحي بينك وبين زوجك مش بس علشانه علشانك وعلشان اولادك
في موضوع اسمه ازاي ترجع جوزك من بق الاسد هيفيديك كتير هو هنا في فتكات في معاملة الازواج

[* كنوز *]

ماشى دى خطة حتحتاج وقت
لكن دلوقتى هو صبح مش بيتكلم و كالعادة منتظر لروح اكلمه
و هوة بكدة بيحس انى انا اللى غلطانة
هوة مش بيحب المواجهة و عند استعداد يخاصم لمدة طويلة جدا
----
و كل لمااروح اكلمه يرد عليا بقرف
و انا مليت المصالحة و الزعل من كل حاجة و على اى حاجة

اعمل ايه؟؟؟؟

[* كنوز *]

[يويو افندي]

بصي يا كنوز كل ده والله حاجات سهله الناس عندها مشاكل اكتر من كده لو سمعتيها هتهون عليكي مشاكلك وانا مش هقول اكتر من الي قالوه الاخوات بس انا عندي تصيحه ليكي متسمعيش كلام صحباتك خالص كل واحده بتعمل نفسها جدعه وهي في بيتها بتسايس امورهاوتوقعك انتي في مشاكل مع جوزك دا انا لولا فضل الله وهداه ليا كان زماني اما اتجننت او اطلقت من زمان لكن ربنا يخليلي فتوكاتي بيصبروني دايما اهدي كده وعاملي جوزك كويس جدا هيعملك احسن ان شاء الله

[قمرالليالي]

ازيك ياكنوز بصي ياحببتي انا طبعا عاجبني كلام كل الفتوكات القمرات
وبصي الراجل ال ي بيزعل علي طول عايز طوله بال جداجدا يعني طولي بالك
وقوليله كلام حلو وهو اكيد هيتغير ياما كبري دماغك وحاولي تتاقلمي مع طريقته
دي يعني هو طبعه كده غيري انتي من نفسك وحاولي ماتقصريش في حاجه
وربنا يكتبلك الخيررررررررررر اللهم امين

[* كنوز *]

طيب و الخصام دة ايه حله..الواحدة برضه بتمل من المصالحة..و انا بلاقى نفسى وحيدة فبكلمه ...مع انى مش غلطانة

[snoopy]

عندي إحساس إنك بتفكري في مشاكلك كتير , حاولي - زيّ ما قالت إحدى الأخوات - إنك تشغلي نفسك أكتر .. و انك ترجعي تكملي دراستك ( و لو عندك بكالوريوس أو ليسانس already .. ابقي اعملي دراسات عليا ) أو اشتغلي ..

و ح ارجع أقول لك - زيّ ما الأخت اقترحت - إنك تعملي حاجة جديدة لنفسك و لسعادتك أولا" : قصّي شعرك و اصبغيه بلون مناسب , و هاتيلك ملابس مبهجة للبيت أو النوم ( موش لازم حاجة غالية ) .. و قللي قليلا" من كمية أكلك و العبي شوية رياضة في البيت ( أو هاتي عجلة رياضية لو الميزانية تسمح ) .. ح تحسي بتعب الأول , بس بعد كام مرّة ح تتعودي على الرياضة و تحبيها و تفتقديها لو عدّى يوم من غيرها :-)
اهتمي بزوجك و بيتك , لكن اهتمّي بنفسك كمان .. لأن ده ح يسعدك و يسعده .
و حاولي تتخلصي من عصبيتك أو تسيطري عليها ع الأقل ..

دعواتي لك بالتوفيق ..

[* كنوز *]

[quote=snoopy;898429]عندي إحساس إنك بتفكري في مشاكلك كتير , حاولي - زيّ ما قالت إحدى الأخوات - إنك تشغلي نفسك أكتر .. و انك ترجعي تكملي دراستك ( و لو عندك بكالوريوس أو ليسانس already .. ابقي اعملي دراسات عليا ) أو اشتغلي ..
quote]
ايوة دماغى بتوجعنى و بفكر كتيييييييييييييييير و عارفة ان دة عيب فيا..
حاعمل ان شاء الله الى قولتوا لى عليه

بس اعمل ايه فى سلاح الخصام ..انا المرة دى ماغلطتش ..لكن خايفة برضه اروح اكلمه فيحس انى غلطانة

[* كنوز *]

على فكرة انا بدور على شغل .مع ان عندى بنت عمرها 3 سنين و ولد عنده سنة و 3شهور
يعنى لسة صغيرين ..و ماما بتشتغل فمقدرش اسيبهم معاها
----
ممكن ربة بيت تقول لى ازاى بتشغل وقتها..و جوزها مش بيحس انها ماورهاش غيره؟؟؟

[fishs]

حبيبتي كنوز ماعنديش اكثر من اللي قالوه الفتوكات الرائعات
لكن عندي اعتراض كبير على المصالحة في ساعة صفا بينكم وضحيله ان مفيش بينكم اعتذارات وان الخصام شئ مقيت ويكبر المشاكل نتخانق زي مانتخانق لكن نرجع نتكلم عادي طالما مافيش اهانات من الطرفين ويبقى كدة حل للخصام وده طبعا اسوء شئ بين اتنين عايشين مع بعض وبكدة الكرامات محفوظة انا عندي في البيت بنعمل كدة
واما عن شغل وقتك اتانقي اد ما تقدري علشان نفسك واشغلي نفسك اما بالنت او التليفزيون اوالاشغال اليدوية اعملي حاجات بسيطة للبيت او لبنتك او ليكي واذا ماكنتيش تعرفي فيه كتب بتعلم حاجات بسيطة
وحاولي دائما تبعدي تفكيرك عن المشاكل وتنسي كل اللي فات وماتخليهوش هو محور حياتك لانهم بيتخنقوا من الحكاية دي ومجرد يلاقيكي انشغلتي بشئ عنه هو اللي يقرب منك ويحاول يشد انتباهك لكن طبعا كل ده في حدود اللياقة وبدون تعدي على حقوقه وحقوقك طبعا وبعيد عن اي امتهانات شخصية بينكم وبدلال ورقة ان شاء الله توصلي لكل ما تتمني وربنا يسعدكم ويكتب لكم كل الخير

[boti]

اخت كنوز انا بكلمك والدمعة في عيني لاني جربت معنى انك تدادي وتراري وانت مش غلطانة بس لسبب ان ملكيش حد غير الحيطان جربت معنى ايه تصلحي غيرك وتخاصمي نفسك انا كنت اعمل اعتبار لاي منسبة عيد ضيوف واصالح وغيري قلبه جافي انما بعد ما تعبت وكانت اخر مرة اخاصم فيها نفسي وقفت وقفة بعد ما طال الخصام عشرين يوم وقفت على الطلاق من غير ما اسيب البيت بس عيشة على رحتي اطلع من غير ادن واكل وحدي واغسل هدومي بس هو تنازل وتحايل عشان اشيل الموضوع من راسي وحسسته بلالم الفظيع الي بيسببه في نفسي ومن سعتها والحمد لله واحنا مفيش خصام في زعل بس قطع كلام وسم ضراير مفيش بس انا منصحكيش بكدا لان ظروفي مش ظروفك انا لي زمة مالية ومليش اولاد ربنا يعينك انا بس حبيت اوصلك ان في حد حاسس باحساسك صالح غيرك وخاصم نفسك

[نهي تيم]

اكيد اللي تفتكره موسي يطلع فرعون