تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
و بعدين انت عماله تفتكرى القديم على الجديد و تجيبى من الشرق و الغرب.. و طبعاً لما بيمون متخانق معاكى ... بتفتكرى له كل حاجه وحشه ... مش كده برضه ؟؟
كنوز كده غلط .. ومش كويس على صحتك ... و لا على اولادك ...
...
تفكيرى فى كل القديم دة بيحسسنى ان الاصلاح مستحيل و هوة فعلا فيه حاجات فى دماغه من ناحيتى و صعب اشيلها
وكون ان دة بياثر على صحتى..فصدقتى و الله ..انا اول لما احس بخنقة اقعد آكل زى المجنونة و اترفز على العيال و احس بارهاق و انى مش قادرة اعمل حاجة خالص
حبيبتي كنوز.. انا كمان، واعتقد ده ينطبق على بنات كتير من جيلنا، عملت تنازلات كتيرة في جوازي زيك كدة... بس فيه حاجة عايزة اقولهالك.. انا عارفة انت قد ايه حاسة بالاسى.....
الى آخر كلامك اللى وصفتى فيه حياتى و تجربتى.زى ماعشتها بالظبط..و المشاعر اللى بتقتلنى كل شوية..
بس ايه الحل ..ايه الخطوات...انا فعلا ماليش معزة و قلبه و مسترخصنى و مهما خسيت أو مابقتش عصبية..دى كلها أوهام..
يعنى مافيش حل غير انى اشتغل طيب ابنى الصغير اللى عمره سنة و 3 شهور ممكن اوديه حضانة؟
احنا اخواتك يا كنوز اللي انت عملتيه ووقفتك جنب جوزك ربنا يجزيكي عنها خير ان شاء الله بس اللي يصبر ينول هل انت نولتي شكلك لا المهم هو سافر تاني و عايشين ازاي دلوقت كملي الموضوع من فضلك لو عايزة تتكلمي و تقضقضي اكتر كلميني ايميلي noha_zeida_77@yahoo.com
ربنا يخليكى يا كيوى معاكي حق مالفروض انكي تستحملى يا كنوز ربنا قال فى كتابه
" لقد خلقنا الانسان فى كبد " معلش يا كنوز الحياة على كده وكده ومادام عندك ماشاء الله شقة احمدي ربنا شفتوا فى برنامج دوقوا المزاهر اللى كان بيجي فى رمضان الناس كانت بتسجد لربنا اللى بيكسب الشقة
وبعدين هحكى ليكى قصة باختصار
والله العظيم القصة دية حقيقية
واحدة اعرفها جابت الشقة هى وجوزها بالعافية استلفت وجمعت مبلغها المهم اشتروا شقة مش متوضبه ولا حاجة وصدقينى بدوءا يعملوا حاجة جاجة عملوا الاول الكهربة وطبعا فحتوا فى ارضية الشقة وقاعدة فى الشقة على كدة لدرجة الرمل كان بتلاقيه فى الاكل شفتى لدرجة اية والشقة دلوقتى ماشاء الله عليها
وصدقينى كمان انتى بتؤجري على كده بتخدي ثواب على صبرك واحتمالك وما تسمعش كلام حد يقولك لاه بترضيش بالوضع ده لاه يا بنتي الصبر جميل وربنا يصلح ليكي الحال
السلام عليكم
اختي في الله كنوز
متفكريش في اللفات وابدئ صفحة جديدة مع نفسك اولاً اصلحي من نفسك لو شايفه اي غلطه فيكي حاولي تصليحها وتعدلي من حياتك واهتمامتك واشغلي تفكيرك بشئ مفيد .
وبالنسبه لاستثمار وقتك يا ستي شغل البيت والنت والاكل والعيال بياخدوا الوقت كله
وربنا يصلح لك الحال ويسخر لك زوجك
المشاركة الأصلية كتبت بواسطة دينا حسين
السلام عليكم
شوفي ياكنوز
اولا :لازم تنسي اللي فات تماما لأن انتي اللي اخترت من الاول انك تضحي يعني ما حدش غصبك يبقى ماتفكريش في التضحيه دي لان دي حاجه راحت لحالها .
والغلط اللي من الأول ده خلاص ماينفعش يتصلح وما تخليهوش يسبب اخطاء اكبر .
وبدل ما تقعدي تعيطي شوفي الكلام اللي هو قاله لك صح فعلا ولا هو مزودها شويه معاكي لازم تصارحي نفسك ، وحاولي تصلحي من نفسك زي ماقالك حتى لو هو مفتري ياستي خديه على قد عقله اعملي ريجيم قدامه بس قال يعني جيتي على نفسك علشان ترضيه حاولي تتضحكي معاه كتير قال يعني مش نكديه يعني من الأخر اضحكي عليه الرجاله زي العيال الصغيرين ، واهم حاجه الدعاء ان ربنا يصلح للك الحال وربنا معاكي وتذكري دايما ان رضا الزوج من رضا الرب .
حاصالح ان شاء الله نفسى و حاحاول مافكرش فى اللى فات..حأحاول....
حبيبتي كنوز.. انا كمان، واعتقد ده ينطبق على بنات كتير من جيلنا، عملت تنازلات كتيرة في جوازي زيك كدة... بس فيه حاجة عايزة اقولهالك.. انا عارفة انت قد ايه حاسة بالاسى لنفسك عشان:
1- اتجوزتي بسرعة من غير ما تدرسي الشخصية اللي قدامك.. ورأيي انه لو كان متمسك بيكي من الاول كان ممكن يوافق على شبكة مثلا ويجي السنة اللي بعدها او كمان 6 شهور يكمل جوازه زي ما المنطق ممكن يكون .. بس اعذريني ان كنت هاتكلم بقسوة لكن ده الاسلوب اللي انا باتبعه مع نفسي عشان افوق من اللي انا فيه
2- سافرتيله من غير ما يسيب مهر او يكتب الشقة باسمك او اي شيء مادي ممكن يتقال انه مهر او صداق او اي حاجة تعب فيها عشان يستاهلك.. ده شرع ربنا مش من دماغي الكلام ده... وخلي بالك كل الاسباب دي بتحط من قدرك في عينيه.. المشكلة انه شايفك وحشه وطخينة (وبعدين خسي عشان تهبليه وتحسي انك قادرة تتحكمي في حياتك وفي نفسك، فاهميه انك ممكن تكوني ملكة جمال لو انت عايزة كدة) وعصبيه والكلام ده كله مش عشان انت فعلا كده لكن عشان (حبيبك يبلعلك الزلط وعدوك يتمنالك الغلط) انتي لو غاليه عليه والله لو حوت وبتريلي على روحك كان هايموت فيكي... واظن دي المرحلة للي انتوا وصلتولها دلوقتي "تصيد الاخطاء" لا انا اللي غلاطانه لا هو اللي غلطان... المهم
3- طبعا موضوع بعد العيد مايتفتيش كحك ده اساسي وانت ومامتك معتقدين انكوا بتجهزوا جهاز عروسة عشان - انت مش عروسة - وطبعا عايزة انك تجيبي حاجات حلوة عشان تعوضي بيها فترة القحط اللي مرت بيكي وتحسسي اصحابك واهلك ان الموضوع ممكن كان يستاهل انك تصبري على البهدلة... واعذريني لو قلتلك كلام صحبتك صح... كان مفروض تستني عند مامتك لحد مايوفرلك سكن محترم... لكن ليه تصعبي عليه الدنيا... لا تعيشي تحت رجليه وبعدين هو يبقى يلم نفسه ويفرش شقة براحته.. اصله متجوز ومراته في حضنه بتخدمه فاهيبكي على ايه ويتصربع على ايه... وبالتالي
4- مش حاسس ان ليكي طلبات زي كل الستات عشان انت ماعملتيش زي بقية الستات... انت كنت محترمة زيادة عن اللزوم وبنت ناس حبتين زيادة وتحت رجليه زاعتفدت ان موضوع "كوني له امه يصير له عبدا" بيشتغل كده... لا الموضوع ليه نظام ثاني...
5- في مثل بالانجليزي والدي دايما يقوله لي "Easy come, Easy go" يعني اللي يجي بالساهل بيروح بالساهل... وانت يا بنت الناس رحتي بالساهل... مامنتيش لروحك مستقبل وبقيتي ولا حاجة من غيره.. عارف انه اول ما بيقفل الباب ويخرج انه كده قتلك.. وده اللي بيحصل فعلا عشان انا كمان مريت بيه... ومريت باكتر من كده انا جوزي كان بيضربني ضرب مبرح حتى وانا حامل...
انت يا بنت الناس غلطانه غلطانه غلطانه غلطانه غلطانه غلطانه غلطانه
بس ده مش اخر الدنيا
انت تقدري تخدي موقف
اولا عامليه بنبل اخلاق... عامليه فالله... اكليه فالله... كلميه فالله... اخلصي النيه لله في اي حاجة انت بتعمليها لجوزك... ده هايعمل فرق كبير معاك
لو زعلك قومي صلي ركعتين واحتسبي اجرك على الله
حاولي تدوري على شغل وحطي ولادك في حضانه... انا كنت بحط بنتي من سن 4 ودلوقتي عمرها سنتين وشخصيتها زي الفل واجتماعية وقوية... وانا الحمد لله كنت الاول قاعده في البيت وانا حامل وجوزي يقولي انت عاله عليا قومي اشتغلي هو وحمايا والله لحد قبل ما اولد ب4 ايام... ايه اكتر من كده يا مؤمنة؟؟؟؟ بس بعد فرج ربنا انا دلوقتي بامن دخل اكتر من جوزي بمرتين ونص وده كرم من ربنا ولله الحمد...
دي مش اخر الدنيا... لو امكنك الاصلاح من حالك وحال جوزك... اسعي عشان ولادك وعشان لو كنت بتحبيه... وخدي موقف... دي اهم حاجة... ماتخصميهوش... عامليه معاملة ممتازة لكن خليه يكون عارف انك زعلانه واوعي والنرفزة تركبك الغلط علاطول... وان ماكنش منه اصلاح فالطلاق حل... مش اخر الدنيا اللي انت فيه
ونهاية الكلام عشان انا حاسة اني توهتك في الكلام الكتير اللي انا قلته...
انت فرطي في حقوقك... فهو مسترخصك وملكيش معزة حقيقية في قلبه.... ممكن تصلحي من حاله اذا عملت لروحك ثمن وفهمتيه انك انسانة ومايقدرش يعاملك المعاملة دي
معلش عايزه اوضح حاجه يمكن تكون جاسمينا معاها حق ، لكن مش كل واحده تقدم تنازلات ماديه تبقى غلطانه لان في رجاله كتير عندهم دم وبيقدروا التضحية ، ده بالنسبه للتنازل المادي
لكن التنازل المعنوي كلا وألف كلا واسئلوا مجربه، طول ما احنا بنيجي على نفسنا وبنعتذر حتى لما يكون هو الغلطان بنلاقي انهم بيزودوها ويعتبروا نفسهم مبيغلطوش وان احنا اللي غلط على طول الخط، وده طبعا عشانك عودتيه ان انتي اللي تعتذريه فكل مره هيغلط فيكي وعارف ان اخرتها انك هتيجي تعتذري وخلاص
انا مش عايزة اقولك ان قصتك صعبه ومؤثرة .... لكن اقدر اقولك ان فيه ناس كتير اوى عندها مشاكل وصدقيني فيه شبه كبير بين علاقتك بجوزك وعلاقتي بجوزي دلوقتي ......
بس صدقيني حاولى تبينيله انك اتغيرتي .....
وان حفاظك على كرامتك اهم بكتير من انه يكون مخاصمك او مصالحك ....
وربنا معاكي ويريح قلبك يااااااااااارب
اختى كنوز احمدى ربك على ها المشكله وشوفى حالى انا كمان مشكلتى من اربع سنين وكان بيتنا من احلى البيوت بالمنطقة والى يدخل يتعخب منه المهم اتمرضت الوالدةبالجلطه وكنت بالثانوى وباقى على امتحاناتى شهر وكانت اختى الصغيرة عمرها ست اشهر بس ومن يومها تركت الدراسه وتفرغت لتربيها ولاخوانى الصغار بعد ولحد هالوقت لانى قادره اكمل دراسه ولا اتزوج لاانى صرت ام على بكير والله اتمنى البيت كله محروق ولاصاير شى بامى لا والاضرب انه صار عندها وسواس قهرى واماذيتنى بشكها والله انى من البيت ما اطلع وان طلعتفلااشترى لاخوانى ملابس احس ان حياتى انتهت وما عاد عندى الرغبه اكمل يلعن الفلوس الى تبكيكى لا تحزنى ان الله معنا اكيد الله راح يعوضنا خير رجا ادعو لى
على فكرة انتم واجهتونى بأنى برضه لازم أتغير و أصفى ذهنى..
على طول بفكر,,, حأحاول أخرج من كل دة ..بس متنسونيش من الدعاء
---
أنااكتشفت انى مهما ضحكت و هرجت و حتى حاولت أعمل حاجات حلوة عشان أسعدهم و أسعد نفسى..
الا ان الحزن و الاكتئاب اللى جوايا هوة اللى بيطلع عليا
يازهرة الريحان ربنا يعوض عليكي يارب
وانت ياكنوز شغلي صورة البقره في بيتك كل 3 ايام
واقري دعاء فك الكرب
اللهم اني امتك بنت امتك وبنت عبدك ناصيتي بيدك ماض في حكمك عدل في قضاءك أسألك بكل اسم هو لك سميت به نفسك اوانزلته في كتابك او علمته احدا من خلقك او استأثرت به في علم الغيب عندك ان تجعل القرأن العظيم ربيع قلبي ونور بصري وجلاء حزني وذهاب همي
وبعدين عايزه استفسر علي حاجه هو ليه مخصمك يمكن انت حاسه انك مش غلطانه بس هو شايف غير كده
وبعدين بطلي تعيشي في الماضي انسي ودوري على شغل
قلبي معاج يا أختي .. و تمسكي بالصبر و استحملي الوالدة لأنها في النهاية مريضة و ما تقدر تتحكم في تصرفاتها و طريقة تفكيرها ..
و انشا الله الله بيعوّض صبرج خير , و بلا شك تحمّلك للوالدة و رعايتج لإخوانج بيكون لها ثواب كبير عند ربّ العالمين .
MEEROO 
