أختي كنوز : أنا بحب أتعلم من كل موقف أمر بيه في حياتي أو مشاكل الأخرين و هحكيلك عن موقف و أيه اللي أتعلمته من الموقف ده
لما كنت في الجامعه كان ليه زميل لما كانت بنت تغلط فيه كان يقولها (كله من زوئك و أصلك)
مخبيش عليكي حصل الموقف ده معايه أنا شخصيا و لما قالي كده زعلت من نفسي جدا و معرفتش أرد عليه ( أحرجني ) و خلاني ألوم نفسي علي كلامي معاه و بأيت بعد كده أخد بالي كويس جدا من كلامي معاه
المهم الموقف ده علمني إزاي أحرج اللي قدامي بزوئي و أكبر من تأنيب الأخرين لينا هو تأنيبنا أحنا لنفسينا
و ده اللي أنا بتبعه مع جوزي مخبيش عليكي هو حتي لو غلطان مبيعتزرش بس بحس بيه أد أيه هو بيكون مكسوف من نفسه
أهم حاجة تمالكي نفسك وقت الغضب و بهدؤك حاولي تمتصي غضبه
يعني لو صوته عالي مترديش عليه بصوت عالي و ممكن متقوليش حاجه خالص كفايه نظرة أستغراب من موقفه توصله أن الموقف أبسط من اللي أنت بتعمله ده
علي فكرة أنا زوجي عصبي جدا و من ساعة ما أتجوزنا و الحمد لله عصبيته قلت كتير جدا عن الأول
مانكرش أني أوقات بيتنرفز عليه بس الطريقة دي مبتوصلناش للخصام أبدا و الحمد لله
يعني هحكيلك موقف كان من يومين كنت سيباله البنت و هو كان لسه جي من الشغل و رحت المطبخ أنظفه فأتأخرت شوية و مامتي كانت علي النت بيتكلم معاها و خلص كلامه معاهم و مش عارف يقول أيه تاني و البنت مش سكته راح جيلي و زعألي بصيت له و قولتله بصوت منخفص بس بس في أيه خلاص أنا جاية و بعدين أنت زعلان كده ليه 00 سكت و خرج وأنا عيط شوية عشان صعبت علي نفسي أنه زعألي
و علي فكرة دمع الست سلاح لقوتها مش ضعفها 00
و كمان مفيش حاجة أسمها كرامه بين الزوج و زوجته ده أنت ربنا خلئك من ضلعة يعني أنت جزء منه تصوري لو جهاز من جسم الانسان خاصم و زعل من جهاز تاني مثل الجهاز التنفسي و المخ أيه اللي هيحصل
عشان كده مينفعش تتخصموا
كلميه أنت بس مش لازم تعتزي لأنك مش غلطانه ولا تنتظري أعتزار منه بس ممكن تعتبيه قوليله : مهما حصل مبينا مفيش حاجة تستاهل أننا نخاصم بعض و يا سيدي أنا مسمحاك و خدي الموضوع بهزار و ببساطة
و بعدين الرجاله دول أطفال يعني أنت لو أبنك زعل منك عشان ضربتيه مثلا مش هطبطبي عليه و تخديه في حضنك
برده جوزك جواه طفل
و بعدين خيركم من بدأ بالصلح و خليكي أكرم منه حتي عشان تكسبي الثواب
أنا جوزي كان ديما يقولي متقبليش الموقف الوحش مني بموقف وحش زيه لا خليكي أنت أطيب و عامليني بالحسني
وقبل ما تغيري من شكلك غيري من طبعك و متهتميش بيه لدرجة تخليه يتخنئ و صحبيه يعني دوري علي موضيع تخلي في بينكم حوار
كلميه عن شغله أسمعي نشرة الأخبار بالتلفزيون و نقشيه في أخبار العالم و حولي متكونيش ممله و أختاري الوقت المناسب لعمل حوار متشتكيش كتير ليه من أي حاجه مديئاكي سواء بالبيت أو خارج البيت
كنت قولتي أن جوزك كلامه قليل : كلامه قليل معاكي أنت بس وله مع كل الناس؟
لو كان كلامه قليل مع كل الناس يبئه ده طبعة و لازم تحبي عيوبة قبل مميزاته و العيب اللي مش قدرة تحبيه حاولي تغيريه بس دي خطوة متقدمة شوية هنتكلم فيها بعدين
أما إذا كان مبيتكلمش معاكي أنت بس ! يبئه أكيد حصل موقف ( يعني مثلا حكالك علي حاجة و أنت قولتيها لحد وهو عرف أنك مصنتيش سره عشان كده مبأش يتكلم معاكي )
المهم أحن كلنا معاكي و طمنيني عليكي ديما و يا ريت تقوللنا علي تطورات الموقف و ربنا يوفقك
ليه تستنى لما حماتك تديكى حلة من عندها؟؟؟ فين جهازك؟ كان ممكن تستعملى حاجاتك وماتستنيش حاجة من حد.شكرا لانك قرأتى كلامى وياريت نكون اصحاب
و دة اللى عايزة أوصله للبنات كلها..و متخافيش انا مش متهورة و عارفة كويس ان الطلاق حل مش سهل و بعدين انا مش بايعة ابدا هوة برضه على خلق و يارب تكون غمة و تعدى
اه انا متضايقه بس مش كتيير لاني حبيته بجد وبعدين ما اظنش اني عمري حاندم على اي تصرف انا عملته مهما كان ... حساكي انك ندمانه واكيد ندمك ده وصله باي صوره سواء بتصريح اثناء عصبيتك او باحساسه ... وانا حاسه من كلامك انه انسان محترم وبيتقي الله ويمكن يكون بيدور معاكي لحل عشان اكيد هو مش بيحب النكد مع اني اعرف ان الرجاله معظمهم نكديين ... بس انتي شيلي الندم من قلبك وان شاء الله وماتبكيش على اللبن المسكوب وبصي قدامك دي النظره في وش ابنك وبنتك بالدنيا خليهم قدامك على طول عشان يقربوكم من بعض ولو شايفك تخينه اعملي دايت وخسي ولو عاوزك تثبتي نفسك وتشتغل ما فيش مانع ان شالله في حضانه اطفال ويبقى اولادك معاكي ... الحلول كتييييييييييره بس اهمها انك تتصالحي مع نفسك عشان تعرفي تصالحيه واوعي عشان خاطري تفشلي عشان خاطر ولادك ... ربنا يهدي سرك يا رب ويهديلك زوجك ويرجع يحبك اكتر من الاول كمان ,, اسفه طولت عليكي بس خفت لما قريت موضوعك اوي
ربنا لا تؤخدنا ان نسينا او اخطانا ربنا لا تحملنا ما لا طاقة لنا به واعفو عنا واغفر لنا وارحمنا انت مولانا فانصرنا على القوم الكافرين .
