[مرمريكا]

اعرفكم بنفسى اااسمى اميرة من اسكندرية عندى 22 سنة طالبة فى كلية التجارة حكايتى بدات من سن 10 سنين بين يوم وليلة حياتى اتحولت من الطفولة الى الكبر كانت والدتى بتشتغل مدير عام فى التربية والتعليم كانت مثقفة جدا وكان تخصصها ليسانس اداب قسم اللغة الفرنسية كانت طيبة وحنونة بكل معنى الكلمة مكنتش برتاح الا وانا معاها كانت بتحتوينى بحبها عمرها مازعلتنى ولا زعلتها كانت هى اكتر واحدة بتفهمنى من غير ما اتكلم دة حتى لما بكون جعانة والله بتعرف من غير ماتكلم وكانت بتروح تحضرلى الاكل كنت بحكى لها كل حاجة كانت امى وصاحبتى واختى فجاة فى يوم ماما تعبت وقعدت شهور مش عارفة هى عندها اية كل دكتور يقول مرض مرة دكتور يقول دى عندها الغضروف وواحد يقول هشاشة العظام الخ.... فى يوم رحنا لدكتور مشهور الناس قالولنا عليه وقالنا حقيقة مرضها للاسف كان المرض الملعون وكان انتشر فى كل جسمها لدرجة انهم قالو دى مش حتعيش كتير كانت ماما فى المستشفى ورحنا انا واخوية نقعد عند خالى لحد فترة الدراسة ماتنتهى وكنت انا فى الصف الاول الاعدادى واخوية فى الصف الرابع الابتدائى ماما قعدت شهور فى المستشفى وبعد ما اخدت اجازة الدراسة مشينا من عند خالى ورحنا بيتنا كنا بنزور ماما كل يوم فى المستشفى لحد ما فى يوم قالولى انتى حتقعدى مع ماما فى المستشفى طبعا كنت صغيرة جدا ومكنتش افهم حاجة كنت مقيمة معاها فى المستشفى ماما مكنتش بتتحرك من على السرير وكنت مش عارفة اعمل لها اية لما كانت تقولى انا عايزة ادخل التواليت طفلة عندها 10 سنين كانت بتعمل لمامتها كل حاجة حتى لما بتكون عايزة تاخد شاور انا اللى بعملها كل حاجة كان فى حالات كتير زى ماما بيموتو قدام عينى كل يوم جتلى صدمة عصبية من اللى كنت بشوفه اموات واكفان وحالات بتطلع فى الروح والحمد لله ماما ربنا شفاها وحصلت معجزة بجد لان مكنش حد متوقع انها تمشى تانى على رجلها وطلعنا من المستشفى وكنت بردة انا اللى بعمل كل حاجة فى البيت على مدار السنين ماما كانت بتتعب وتخف وسبحان الله كانت صابرة ومتحملة وانا كنت بتقطع كل لحظة لما بشوفها بتتالم وبعد سنين راحت ماما تعيش عند جدتى لان جدتى كانت بتقولها وبتلح عليها بسبب مرضها وانا كنت فى البيت عايشة مع اخوية وبابا وكنت بروح لماما كل يوم عند جدتى ولما جه العيد رحت قعدت معاها هناك وابتدت حالة ماما تدهور يوم بعد يوم ودخلت تانى المستشفى وكنت انا معاها قعدنا شهور وطلعت بس مطلعتش على رجليها حالة ماما بقت بين ايد ربنا مكنتش بنام الا على كرسى جنبها وكمان كنت بنام يوم واحد بس فى الاسبوع تصورو بقعد قد اية من غير نوم لحد ما ساعة النهاية قربت ودخلت ماما المستشفى يوم واحد واتوفت على ايدى بعد كدة عشت مع بابا واخوية بس للاسف بابا كان بيعاملنى بقسوة وبيضربنى فى بعض الاحيان وبيتهمنى فى شرفى قدام الجيران لدرجة انه فى يوم الجيران قالوله عيب دى بنتك عمر ماحد سمع صوتها ولا سمع عنها الا كل خير وكل الناس بتحكى عن اخلاقها وبدات ماساتى مع بابا كل يوم خناق لاتفه الاسباب حتى قدام اصحابى وانا مبردش وبقول حاضر ونعم لانه ابوية وربنا قال وبالوالدين احسانا مهما عمل مش برد بعد وفاة ماما بشهر بابا قال انا حتجوز قلناله دة حقك واحنا حنكون مبسوطين لما تكون انت مبسوط وفعلا راح خطب واحدة قدى فى السن وهو عنده 55 سنة وقابلتها واتكلمت معاها وقلتلها مبروك وانا مليش دعوة بحياتكو انتو حرين بس محدش حييجى مكان ماما فى البيت قالو طبعا ابتدى بابا يجيبها فى البيت واحنا مش موجودين ويقولها دى صاحبة البيت وانتو ضيوف حصلت خناقات كبيرة لدرجة ان بابا رفع عليا السكينة تصدقو ابتدى بابا يطلع منه كل الالفاظ اللى مش ظريفة وكل الالفاظ اللى تتخيلوها واللى متتخيلوهاش وزى مايكون بابا واحد جاهل متعلمش مع انه مهندس كان نفسى حد افضفض معاه بس مكنتش لاقية ابتدى المرض ينهش فى جسمى وضغطى بيوصل ل200 طبعا مش مصدقين بس والله دى الحقيقة ابتديت اتكلم مع عمتى واحكيلها وكانت بتقولى معلش اصبرى واستحملى بعد كدة ابتدى بابا يوقع بينى وبين عمتى لانه عرف انى
دايما بتكلم معاها وللاسف عمتى كانت بتصدقه وكنت بقولها انه بيحاول يوقع بينى وبينك قلتلى انتى غلطانة ومتدخلنيش فى اى حاجة تانية قلتلها وبتتهمنى بالكدب وانى ش عايزة اتفاهم مع بابا وان انا اللى بخلق المشاكل انا بكتب حكايتى ودموعى سابقانى احترت مش عارفة اعمل اية محدش قادر يفهمنى ولا يحس بيا مش قادرين يحسو ان موت ماما اكبر صدمة فى حياتى وانى مش عارفة افوق منها بالرغم ان ماما بقالها سنة ونص متوفية وبيتهمونى بالدلع وان دى حجة فارغة مع انى والله دى حقيقة مش عارفة اعيش فى الجو دة انا لوحدى محدش من اهلى بيسال عليا من بعد موت ماما كل واحد همة فى مصلحته وبس دة حتى لما بنسى مثلا اعمل اى حاجة بيبقى يوم اسود وبابا يتهمنى انى متعمدة ويفضل يشتمنى ويبهدلنى قدام الناس ويقول لكل اصحابة على كل اللى بيحصل اسفة انى طولت عليكو بس دة ملخص لحكايتى مش كلها دة فى تفاصيل كتير قوى مقلتهاش انا مش عارفة اعمل اية واية الحل انا قريبة جدا من ربنا ومش بفوت فرض الحمد لله بالله عليكو تقولولى الحل

[أم مريم]

الصبر مفتاح الفرج
بكره تتجوزى و ربنا يرزقك بعريس ابن حلال
وده برضه ابوكى بريه عشان ربنا يكرمك

[preatywoman]

اصبري حبيبتي ما انتي هتروحي فين واتمسكي بربنا اكتر صدقيني مش هينساكي وهيبعتلك الحل من غير ما تحسي اسالي ربنا انه يفرج همك وينورلك طريقك وربنا يهديلك الحال اللهم امين

[اشرقت]

حبيبتى رحم الله والدتك واسكنها الفردوس الاعلى
وتصبري على فراقها بان الله يجمعك بها فى الجنة ان شاء الله

وانت تعلمين ان المرء يبتلى على قدر ايمانه
جعل الله كل ذلك فى ميزان حسناتك

ورزقك الله زوجا صالحا يتقى الله فيكى وتعيش معه فى مرضاة الله تعالى


انت تعلمين ان رسول الله عاش يتيما وربط على بطنه الحجر من الجوع واذاه المشركون وقذف وتعرض للايذاء فى عرضه
وهو رسول الله
فالمؤمن مبتلى

وسيدنا يوسف الكريم بن الكريم بن الكريم
القى فى البئر ودخل السجن
وسيدنا ايوب
ومرضه وموت اولاده

هكذا تجدى الابتلاء فى حياة الانبياء وهم رسل الله
رزقك الله الصبر

[ام بسنت]

عزيزتي كان الله في عونك ولكن اقول لك الام دائما وجودها حياه لكل من حولها
ولانكاد نحس بها الا عندما نفتقدها ، عظم الله مصابك في فقد والدتك وجعل مثواها الجنة ، وعوض عليها صبرها علي احتمال هذا المرض اللعين. عزيزتي احب ان اقول لك يجب ان تعي الصدمه التي تعرض لها والدك كما ذكرتي انه قد تحول الي انسان اخر
فكانه من هول مااصابه من فقد رفيقه دربه قد تحول الي انسان اخر ، يجب عليك ان تتحملي هذا التغيير ، وربما كان والدك الذي ذهب للزواج من فتاه اصغر منه يريد ان يعكس عليك انت ماقد يظنه فيها انا طبعا لااقصد التجريح في زوجته الجديده لاسامح الله ولكن واضح كما قولتي ان فارق السن بينهما كبير وياسيدتي لم ترضي هذه البنت ان تتزوج رجلا في مثل عمر والدها الا الحاجه وهو يدرك هذا جيدا ويدرك عدم مقدرته علي الوفاء بمتطلبات الزوجيه حتي ولو بعد حين وربما يتوقع ان يكثر حولها الكلام ، ان والدك كما اعتقد من شده صدمته في وفاة والدتك وتعلقه بها تمني ان لو لم يرتبط بها
انصحك اختي العزيزه بالصبر والحيطه ولن يضيع الله صبرك سدي ان كل مانفعله نجزي عنه في الارض او السماء او كليهما ، فالحياة ليست اعتباطية كما قد يتصور البعض إنما نحن نجني غالبا ثمار مازرعناه بأيدينا ولايفلت أحد ابدا بجريمته حتي ولو تأجل العقاب
اسال الله العلي القدير ان يصلح مابينك وبين والدك
انه سميع مجيب

[مرمريكا]

ام مريم بريتى اشرقت ام بسنت انا متشكرة على ردكو الجميل بس والله ياجماعة انا صبورة جدااااااااااا بس انا من النوع اللى اعصابى بتتعب بسرعة وبيجيلى انهيار انا عارفة انه اختبار من الله على قوة ايمانى والحمد لله اللهو لا اعتراض بس صدقونى اانا بحاول بشتى الطرق انى ارضيه بس هو مش متقبل ويا ام بسنت بابا مش زعلان على ماما دة كل شوية بيشتم فيها وكل شوية يقولى انتى واطية زى امك والناس كلها بتقول كدة اسفة على الكلام دة بس دى الحقيقة وربنا يخليكو ليا

[مرمريكا]

ونسيت اقولكم ان اللى اتجوزها بابا مش بتحبنا وبتغير مننا وهى وقعت معايا بالكلام وغير انها اللى بتحرضه علينا وانا بقول الكلام دة ومتاكدة منه زى مانا متاكدة من اسمى

[مورة]

اصبري ان اللة مع الصابرين وعليكي بالتقرب اكتر من اللة وعليكي بلاستغفار فهذا قضاء اللة فلا اعتراض علية عليكي ان تكوني قوية وتستحملي وتكملي دراستك وربنا ان شاء اللة يجزيكي خير ويرزقك بانسان يعوضك

[مرمريكا]

يارب يامورة يسمع منك ربنا لانى خلاص حاسة انى حتخنق او حموت بالسكتة القلبية تعبت ومش قادرة ومحدش حاسس بيا

[ام شوكت]

ابنتى العزيزه / اميره رحم الله امك وجزاك خيرا على برك لها
الصبر يا ابنتى الصبر هو السبيل الوحيد الى ان يأتى الله بالفرج ونصيحتى لك تقربي الى الله وليكن هووكيلك في الدنيا والاخره وارمي حملك على ربنا وادعيه ولاتقولي يارب عندي هم كبير ولاكن قولي ياهم لي رب كبير ، بري والدك وخلي بالك من اخوك واصبري تؤجري والله كريم واعتبرينا هنا جميعا اهلا لك الله يفرجها عليكى ويهدئ سرك

[mas171]

غاليتي أميرة رحم الله والدتك وأسكنها فسيح جنانه
عزائك الوحيد هو برك لأمك أهنئك من كل قلبي
لأن أمك ماتت وهي راضية عنك وكما ورد من الأخوات
الكريمات مابعد الضيق إلا الفرج وناجي رب السموات
وقولي ياسامعآ شكواي إليك أشكو همي وإدعي بدعاء
الهم كما ورد ماأصاب عبدآ هم وحزن فقال:اللهم إني
عبدك ابن عبدك ابن أمتك ناصيتي بيدك ماض في حكمك
عدل في قضاؤك أسألك بكل اسم هو لك سميت به نفسك
أوانزلته في كتابك أو علمته أحدآمن خلقك أو استأثرت
به في علم الغيب عندك أن تجعل القرآن ربيع قلبي ونور
صدري وجلاء حزني وذهاب همي إلاأذهب الله حزنه
وهمه وأبدله فرحآ
2-اللهم إني أعوذبك من الهم والحزن والعجز والكسل
والبخل والجبن وضلع الدين وغلبة الرجال
أتمنى لك حياة هادئة وخلي بالك على أخوك فهو أمانة في قربتك

[shry]

حبيبتي أصبري وأدعي ربنا في كل ركعه أنه يعوضك عن الي فات بزوج صالح يفهمك ويخلصك من ألي أنتي فيه وأدعي لابوكي بالهدايه والله يرحم ولدتك وجميع أموتنا وأمات المسلمين
أمين

[جورية]

الله يرحم والدتك
واصبري ان الله مع الصابرين

[O منة الله O]

بسم الله الرحمن الرحيم
السلام عليكم ورحمة الله وبركاته

بدايةً حياكِ الله أختي ,,,

أهلا بكِ نورتي .. بإذن الله تجدي نفسك هنا الأخت والصديقة والحبيبة والابنة .
وأسأل الله لوالدتك وكل موتى المسلمين الرحمة والمغفرة اللهم آمين آمين يارب

أختي أحييك على صبرك , وكما قلتي هو والدك , فاستمري ببره
وعندما يضايقك بأي شيء فلتكن ردة فعلك ليست بعصبية او أي شيء آخر بل بذكر الله وليكن في سرك
حتى لا يسئ فهم الأمر ويضايقك فهمتيني أختي ؟؟

أعلم أختي أن الأمر ليس بهين , ولكن طالما الإنسان منا مع الله فكل شيء يهون بإذنه
واعلمي أختي بكل صبر لكِ ثواب وأجر وتعويض من الله

و تذكري بأن هذه الدنيا دار نكد وهموم , وكثير منا يواجه منها ما يواجه ولكن ما الحل ؟؟

الدعاء والصبر , الدعاء والصبر

فهما مفتاحين راااائعين , عليكِ بهما دوماً وأبداً

لذلك حافظي دوماً على صلتك بالله بطاعته وإرضاؤه ,
* وادعي لنفسك دوماً بالصبر والثبات وأن يعوضك خيراً ويرزقك الزوج الصالح الذي يحبك ويحافظ عليكِ ...
وادعي بالأدعية التالية كما قالت الأخت ماس جزاها الله خيراً
- اللهم إني عبدك ابن عبدك ابن أمتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك
أوانزلته في كتابك أو علمته أحدآ من خلقك أو استأثرت به في علم الغيب عندك
أن تجعل القرآن ربيع قلبي ونور صدري وجلاء حزني وذهاب همي
إلا أذهب الله حزنه وهمه وأبدله فرحآ
-اللهم إني أعوذبك من الهم والحزن والعجز والكسل والبخل والجبن وضلع الدين وغلبة الرجال
* وادعي للوالد بالهداية , نعم ادعي له دوماً بأن يهديه ويصلح حاله ويكون لكِ فعلاً الوالد الصالح الحنون .
ولا نستعجل النتيجة ... وإلا لما سُمي الصبر صبرا

***********************

وكلما وجدتي بصدرك الضيق والحاجة للحديث والفضفضة .
فليكن ذلك مع الله فادعيه وأنتِ في سجودك .. فأقرب ما يكون العبد من ربه لحظة السجود ...
فأكثري من الدعاء لحظة السجود
واشكي حالك وناجيه في الثلث الأخير من الليل والناس نيام , فما أجمل هذا الوقت حيث يتنزل الله الى السماء الدنيا
في هذا الوقت ويسأل هل من طالب حاجة وهل من مستغفر .....
فتحدثي إليه وفضفضي وابكي على أعتابه , فو الله إنه هو الأرحم بنا من أمهاتنا ... كيف لا وهو الله الرحمن الرحيم !!!

ومن بعد الله عز وجل , نحن معك هنا بأي وقت وستجدي بإذن الله معنا الأخوة الجميلة التي تسمعك وتربت على أكتافك
وتنصحك وتهون عليكِ وتشعر بكِ , و لا تقولي اعذروني على الإطالة ... فأنتِ في بيتك الثاني بإذن الله .
وأرجو من الله أن تجدي الراحة هنا بين الأخوات , وكلما أردتي الحديث عن أي شيء فمرحبا بكِ و لا تقلقي من أي شيء ,
فما أجمل الأخوة التي تملؤها المحبة والإخلاص .... ألا وهي الاخوة والحب في الله ... فهو أقوى حب

لذك " إني أُحبك في الله "

وأسأل الله أن يوفقك ويصبرك ويسعدك في الدراين .. اللهم آمين يارب
و لا تنسيني أختي من دعائك أكرمك الرحمن وبارك في عمرك .

السلام عليكم ورحمة الله وبركاته

[مرمريكا]

ام شوكت جورية منة الله ردكو اسعدنى وبث فيا روح الامل ربنا كبير ومش بينسى حد ابدا انا صابرة ومتحملة والحمد لله امى كانت بتدعيلى وماتت وهى راضية عنى كل الرضا اخوية فى رقبتى ومش حتخلى عنه احنا ملناش غير بعض

[مرمريكا]

mas shry صدقونى مفيش اغلى من الام وبعدها مش بطلب غير رضا بجد ياريتنى كنت عرفتكو من زمان ربنا يخليكو ويحقق كل ما تتمنوة

[أم لوجى و ملك]

أختى العزيزه أميره
اولا رحمة الله على والدتك اسكنها الله فسيح جناته
اصبرى حبيبتى واحتسبى
احب اقولك انى سنى قريب من سنك عمرى 25 سنه واعلم جيدا معنى كلامك فأمى مثل امك رحمها الله فهى والله اطيب واحن ام وتعاملنى مثلما كانت امك تعاملك فأعلم والله غلاوة الام الطيبه لان امك تشبه امى كثيرا
حبيبتى اميره اطلبى لامك الرحمه وواظبى على صلاتك واطلبى لابوك الهدايه عسى ان يهديه الله
وانصحك بشىء حبيبتى حاولى الا تحتكى بوالدك او زوجته الا فى اضيق الحدود تجنبا للمشاكل
وان شاء الله يكافئك الله بزوج صالح وتبتعدى عن هذا الجو الملىء بالمشاكل وان الله لا ينسى عباده الصالحين ويكفى ما فعلتيه مع امك فى مرضها وانت طفله صغيره فبدلا من تتمتعى بحياتك كأى طفله تحملتى مسؤلية امك رحمها الله واعلمى جيدا ان الله سيجازيك خير الجزاء ان شاء الله
اصبرى حبيبتى فالفرج ان شاء الله لقريب فقط ادعى الله فى صلاتك ومن قلبك ان يرزقك زوجا صالحا يكون لك عوضا عما عانيتى
وفقك الله غاليتى ان شاء الله

[مرمريكا]

ربنا يخليكى يا ام لوجى اكيد انتى حسيتى بنفس احساسى بعد مافقدتى امك ربنا يصبرك ويصبرنى

[ريري]

عايزه اقولك ان زى ما كسبتى رضا امك عنك لابد وحتما تحاولى تكسبى رضا باباكى...وزى ما بيقولوا ان اللى جاى مش قد اللى راح(الله اعلم كم يبقى من عمر باباك او عمرك)حاولى ترضيه حتى تضمنى انك تعيشى وربنا راض عنك...وشوفى بقى اللى ربنا راضى عنها .....اكيد هاتلاقى الخير من كل النواحى..
انا عارفه ان تنفيذ الكلام صعب بس حاولى وما تنسيش دايما تجددى نيتك وتكون اعمالك لوجه الله ربنا يرزقك بابن الحلال الحنين