[semsema40]

ممكن تحلولى مشكلتى مع خطيبى ؟


أنا بصراحة مشكلتى إنى رقيقة جدآ وقلبى ضعيف وحنين كل مايزعلنى وأخد قرار إنى هاعقبو على الموقف دة يكلمنى بانسى كل شئ وأرجع تانى حتى لما وصلت لدرجة انو بيقولى انتى ماتعرفيش تخدى قرار معايا وتبعدى يعنى تزعلى ...
أرجوكوووووووووووووو ..
شاركونى برائيكم ..
بليزززززززززززززز ..

[shry]

بصي أنتي مبدأيا تسألي نفسك عيزه تكملي معاه ولا لاء
ولو الجواب أه يبقه تحاولي تفهميه أن الصبر له حدود وصبرك أرب ينفذ
أقصد أنه لازم يحس أنه لما يعمل حاجه تزعلك مش حيعرف يصلحك بسهوله وبكدا حيحاول ميزعلكيش

[مروشكا]

أنا كمان كده مع زوجي لما بزعل بسكت وما بناقش في حاجه وبقول بس يجي حقوله كذا وكذا وبس يجي بسكت وما بحكي شي وبعتبرهذا من حسن الخلق مو من قلة الشخصية

[ام ابراهيم]

لا تزعلي عزيزتي حتى لو ما زعلك بفترة الخطوبة وكان مثال الرجل اللطيف بعد الزواج رح يفرض رأيه وانت هتسكتي
لذلك لاتهتمي

[semsema40]

شكرآ لردودكو ورائيكم فى الموضوع متشكرة جدااااااااااااااا

[أم لوجى و ملك]

بصى يا سمسمه
انا عن نفسى كده مع زوجى وده مش عيب طالما المشكلات بسيطه زى اللى بتحصل بين اى اتنين مخطوبين او متزوجين يبقى عادى ولكن لو مشاكل كبيره وهتأثر على حياتك بعد كده يبقى لازم وقفه
وربنا يوفقك عمر ما كان الحب والرقه ضعف ابدا الست لازم تكون رقيقه والرجل بيحب ضعف المرأه ولكن زى ما قلت ده على حسب نوع المشكله

[ام حبيبه المصرية]

بصي يا حبيبتي انا كمان كده مع خطيبي مش بعرف ازعل منه خالص بس لما بسكت وهو بيحس علطول يحاول يكلمني بس انا بصالح علطول

[نهنوهة]

سبحان الله كتير مننا عندهم نفس المشكلة وعلى فكرة دى مش مشكلة خالص
ده احساس طبيعى بلاش تتبادلى الأدوار معاه خليه يحس انك على طول الرقيقة الحنينة اللى بتتستحملى غضبة وتمتصيه بعد كده ح يحس انه غلطان معاكى وصدقينى مش ح ينام الا وهو مصالحك
وبعدين حاولى ميكونش فى بينكم مشاكل كتير لأنه اكيد مش ح يتخانق معاكى منه لنفسه
وعلى فكرة كونكم بتتخانقم مع بعض فى الأول ده احسن علشان طبعا مختلفين فى الطباع والتقاليد وكل حاجة وعلى ما تتعودوا على بعض ح تكونوا احسن بعد الجواز
انا دايما بقول كده لأختى وخطيبها صدقينى ده طبيعى بين كل المخطوبين بس خليكى انتى الهادية الناعمة معاه وح يجيب نتيجة ان شاء الله
ربنا يسعدكم

[ام الحنايا]

مش غلط هدا لانك بتحبيه كتير بكره لما تتجوزوا رح تتغيري انت وهو
الله يوفقكم مع بعض

[أمولة]

اللة يوفقك اختي وانشاالله بس تدخلي مسكن الزوجية كل الأمور الخلافات بتنحل وسكوتك 00ماإلو إلا معنى واحد بتحبيه بكل معنى الكلمة000الله يارب يخليكو لبعضويسهل امورك يارب0000

[جورية]

اسمحولي ياجماعة كدة الغلط منك لانك ضعيفة الشخصية وكدة مش كويس
بكرة يعمل بلاوي وانت تسامحية لا لازم تتعلمي لو زعلت منة يبقى لو حصل اية ما تضعفيش بصي مش عايزة اخرب بيتك بس يا حبوبة عندنا من شخصيتك والله بجد متزلين زل

[lolo2lolo]

كمان حسب اللي عملو هويعني اذا اللي عملو ما بيستاهل انك تزعلي منو سامحيه بس هو كمان وقت اللي بشوفك عم ترضي فورا رح يبقى يعملك مشاكل لانو هو بيعرف انك رح ترضي فورا وقلبك طيب وبهالحالة لازم لو من جواتك رضيتي عنو وسامحتيه لازم تظهري العكس وانك ما رح تسامحيه الا بطلوع الروح والا بيستغل طيبتك وعلى فكرة في شغلات ما لازم يتسامح فيا الرجل وشغلات بسيطة ممكن يتسامح فيا بقا بدك تميزي واصلا الرجل بيحب المرا اللي بتتقل عليه وبتبكيه مو اللي بتبكي عليه ان شاء الله كون افدتك يا اختي

[ريهام خيرت]

السلام عليكم بصى انا كنت فى الأول لازم أتخانق وافرض رأى بس هقولك حاجة أنا بتخنق من نفسى لما أزعق وأتخانق بس لوعاملتيه بما يرضى الله حتى لو عمل بلاوى زى ماقالو لازم يرجعلك والراجل مش بيحب الست التقيلة زى ماقالوا هو يحبها لما يكون لسة هيتعرف عليها لكن لما تكون خطيبته أو مراته يحبها حنينة زى مامته دايما تسامح وأنصحك قبل كل شئ أنك تراعى ربنا فيه وهتلاقيه هو زيك أنشاء الله يراعى ربنا فيكى طول مأنتى واثقة أنه بيحبك

[semsema40]

بجد متشكرة على الردود الهايلة دى ربنا يخليكو ليا والله انا بحبكو اوى مشكووووورة..

[لبنى كاظم]

عزيزتي سمسمة اذا كان سكوتك عليه ومسماحتك له عن حب و مودة فلا تهتمي وتلك ليست مشكلة لانه بعد الزواج يتمنى تكوني كده. الف مبروك مقدما وزواج سعيد و بالرفاه والبنين ان شاء الله.

[ام مهند]

بصي ياسمسمه
حلو قوي انك انك متسامحه وده مش عيب ده ميزه انا كده بيبقا في نفسي اقوله علي حاجات كتيره وبمجرد مايتكلم معايا انسي كنت هقوله ايه ولكني ازيد عنك بشئ هو العتاب حتي لايكرر مافعله وحسيت انه ضايقني
ده افضل

[heba saad]

سمسمة نصيحة منى ليكى يا حببتى لازم تخدى موقف من الاول عشان بعد الجواز حياخد على انك تسمحى وهيبقا عارف ان دة بيزعلك وبعد شوية هتسمحى وقالو في الامثال (جوزك على متعودية وابنك على ما تربية )ونصحتى عن تجربة بصي انتى ممكن تسمحى في المرة الاولة ولا كن اذا فعل نفس الموضوع تانى تخدى موقف معا
عشان بعد الجواز هيكون خد على كدة ومش هتقدرى تغيري من اسلوبة انا كان خطيبي كااااااااااان كدة وعلمتة الادب

[كنزة]

سمسمة التعامل مع خطيبك لا يكون هكذا لازم تأخذي موقف وهذا ليس عقاب له لكن حتى يقرأ حسابك في كل معاملاته معك ومع محيطك خاصة، أنا زوجي من يوم ما خطبني لا أسامحه أبدا حتى ولو كنت أنا على غلط وأتركه هو الذي ياتي وسامحني وأعمل نفسي ولا حاسة بفراقه وأخبي إحساسي الحقيقي وفي نفس الوقت لا أعمل حاجات تزعجه بل بالعكس لا أكلّمه وألبس أحسن ما عندي واللي يعجبه هو وأي طبخ يحبّه أطبخه ولا أترك له أيّة ثغرة حتى ينزعج وبذلك يرجع هو على نفسه ويحس أنه غلطان، وأنت مع خطيبك لازم تجي على نفسك شوية ووقت الزعل حاولي أنك ما تفكري كثير في موضوع الخصام ورفهي على نفسك بحاجات لا تزعجه حتى يمر وقت الخصام وأتركي كل شيء لوقته لا تفتحي أنت الموضوع وهو سوف يتكلم. وإذا واصلت هكذا فبعد الزواج سوف يستضعفك ولا يسحبك أبدا وحظ سعيد
الراجل دايما يحب المرأة اللي لها شخصيتها مهما كان هو قوي

[wella]

المشكلة اللي انتي فيها دي مش هتحسي بيها غير بعدين لانك عودتيه علي اسلوب معين هيبقي صعب عليه انه يتقبل غيره وده طبعا هيسبب ليكي مشاكل كتير بس لازم تشوفي الاول سبب زعلك ايه واذا كان ينفع تعديه ولا لأ للأنك بطبيعتك الحساسة دي ممكن تزعلي من حاجات بسيطة ولازم تشوفي ان كلامك معاه اساسه عتاب مش عقاب لأنكم مش استاذ وتلميذ وكده هيحترمك ويقدرك اكتر.ربنا يتمم لك بخير

[اتوتة]

عزيزتي سمسمة

اول شيالله يتمم لك بالخير اختي

واضح انك تحبيه حتى تسكتين عن افعاله هههه

عزيزتي صدقيني ان الصراحة هي اساس العلاقة السليمة بين الزوجين


يعني لازم يعرف الاشياء اللي تضايقك

مثل ما انتي تتعلمين كيف ترضيه

الكبت مضر جدا بالعلاقة الزوجية

انا لا اقول ان تتخذي موقف جامد

ولكن اتدللي عليه شوية واعلميه بشعورك بالضيق

علشان يعرف انك زعلتي

ويتعلم كيف يصالحك وما يطنش مشاعرك بعد الزواج

ويصير ياخدها عادة ولا يهمه رضاكي

وتذكري ان الصراحة اساس العلاقة الزوجية


دمتي بالف خير اختي