|
رد: ممكن تحلولى مشكلتى مع خطيبى ؟
انا رأيي يا حبيبتي انك بتقللي من شأن نفسك من غيلا ما تحسي....
مش عيب انك تحبيه ومش عيب ان يكون قلبك كبير بس ده بجد بيتفهم غلط
اصل انا عندي نفس المشكله بيني وبين خطيبي...لما كنت كل مره اعديله في حين هو مبيعديليش....دلوقتي انا باخد بالي من اصرفاتي معاه وهو مبياخدش باله ..ليه ..لانه عارف اني بنسي بسرعه وقلبي كبير...وبكلمتين بروق
بس مخبيش عليكي انا دلوقتي ندمانه...لاني لو كنت علقت علي كل موقف ضايقني واخدت موقف مكنش هيتكرر تاني
وبعدين فيه مثل شهير بيقول"اتقي شر الحليم اذا غضب" يعني ممكن قوي انت تكوني فاكره ان الموضوع خلص وهو في عقلك الباطن لسه موجود ومره علي مره تلاقي انفجرتي فيه والعياذ بالله وطبعا هو هيستنكر ساعتها تاغضب الغير مبرر ومش هتعرفي تناقشي كل المشاكل مره واحده وقتها
والتقل صانعه زي ما بيقولو يعني لا تندلقي عليه ولا تتقلي لدرجه تخنق...انما علي حسبب المواقف
ولازم يحس انك تقدري تستغني عنه...طبعا انت متقدريش ولا هو بس مش لازم يحس انك خلاص اتأسرتي ومتقدريش تستغني عنه ولا عن خصامه لان ده هيقويه عليكي
وربنا يوفقك ويوفقني انا كمان لان انا كمان بعاني من ده...ضيفي علي كده انه مبينساش اللي انا بعمله اصلا وانا بنساله كل حاجه فلما بيجي وقت العتاب بيعاتبني هو وانا مبعرفش اطلعه غلطان!
|
