[هدى النفوس]

فى حالة ضعف المية اللى دخلة الدرج بعد تنظيف الفلتر اللى فوق او المية بتسرب ومش بتتقفل ودايما الحلة فيها مية بعد الغسيل هانغير القطعة دى

بنفتح الغطاء اللى فوق ..وانا كدة واقفة امام الغسالة والقطعة دى فى الخلف ...نغيرها ازاى بقة؟؟؟ اقولك
فكى خرطوم المية اللى داخلة دة

فى مسمارين.. فكيهم

نبص بقة من الناحية التانية هانلاقى فيه خرطوم ممسوك بكلبسة
عاملة زى المشبك بتاع الغسيل ..تخيلى انه مشبك يبقة بيتفتح ازاى؟؟ بصى كدة

كدة يبقة اتفكت ماعدا السلكين دول ....نشدهم علشان يتفكو

كدة اتفكت خالص ..خديها وروحى هاتى قطعة جديدة من شارع كيلوت بك وهى ثمنها 15 جنيه ...اوعى ترمى القديمة علشان لو عاوزين نجيب زيها تانى تبقة هى الاصل بتاعنا ..ارجعى ركبيها ..تركبها من اخر صورة لاول صورة .يعنى امشى بعكس الصور هاتركب معاكى

[نهوووله]

[هدى النفوس]

طريقة ازالة الصدأ
--------------------------------
المطلوب علشان نشتغل شوية حاجات هاقولها بأسعارها
1-فرخين سنفرة حدادى الواحد ب 150 قرش
2-1\4ك (ربع) بليمر من عند الموان ب 5 جنيه
3- مزيل الصدأ فيه منه مصرى ب 9 جنيه والمستورد ب12 ودة الافضل
4-اسبراى دوكو ابيض لون الغسالة ب9 جنيه
5- فرشة صغيرة من الموان برده ب 2.50 جنيه
ودى صورة الحاجة اللى هانشتغل بيها

اول حاجة نشوف الصدأ فين؟؟ لو قلنا تحت خالص الجنب اللى ناحية الحوض

انا نيمت الغسالة على جنبها بس انا مش عاوزة ارهقك وممكن تشتغلى وهى واقفة كدة ....
عارفة الدكتور بيعمل ايه لما بيعمل عملية؟؟ بيغطى المريض كله ماعدا المكان اللى هيشتغل فيه...احنا كمان هانعمل كدة للغسالة
يعنى جيبى بكرة لزق وجرائد ونغطى الاماكن اللى مش عاوزنها
نبتدى نحكت القشرة البيضة اللى مش لزقة فى جسم الغسالة كدة

بعد ما نشيله نشوف لو الغسالة الصدأ بتعها خرم الصاج ولا لاء ..لو خرمه هانجيب البنسة ونحاول نشيل الاطراف المصدية جامد وهى بتكون عاملة زى الصفيح المصدى ومش جامدة وسهل
تكسريها بالكماشة

هاتى مزيل الصدا ورشى كل المكان اللى فيه صدق امامك وسبيه
ساعة ........مرت ساعة نجيب السنفرة ونقطعها قطع مناسبة لايدك .ونبتدى نسنفر بشكل دارى ..

سنفرى لحد ما تخليها على الحديدة هههههههههههههه اقصد تشوفى الحديد الاصلى للغسالة وركزى فى الصورة كدة هاتلاقى فى اماكن بتلمع علشان الحديد بان ونعم ومهم اوى انه ينعم

طبعا الاخرام دى مش هانقدر نعمل معاها حاجة للاسف .انما الناس المتخصصة بتقص الحديد وبتلحم غيره واحنا طبعا معندناش الامكانية لكدة .
دلوقتى نعمناها امسحيها بقطعة قماش علشان تنضف من الفتافيت
نجيب البليمر والفرشة ونبتدى ندهن .خدى بطرف الفرشاه شوية وادهنى


انتى ملاحظة انى مغطية الموتور؟؟؟ علشان انا نيمتها على جنبها قبل مااشتغل ..دلوقتى نسيب البليمر ينشف ونروح نعمل شاى هههههههههههه انا هاشغل المروحة البوكس عليها علشان اخلص وتنشف بسرعة...........نبص عليها كدة نشفت

نظفى حوليها بقطعة قماش فيها نقطة جاز ...نجيب الاسبراى الابيض ونبدى نشر من بعيد .متقربيش العبوة للغسالة علشان يدلك اللون بالظبط من غير ما يكون متكون فى مكان واحد



سبيها تنشف ساعة تقريبا ونشوف بقة الفرق قبل وبعد شغلنا
دى قبل

وبعد شغلنا

صحيح الاخرام موجودة بس حدينا من انتشار الصدا .ولو عاوزة
تحافظى عليها زيادة .فى الرويعى بيتباع استيكر جلد هاتى متر منه والزقيه فى الجنب اللى ناحية الحوض وبكدة هانكون عزلنا المية عن جنب الغسالة

[هدى النفوس]

حبايبى ..انا كل مرة بقول الدرس دة اسهل حاجة .انما دلوقتى
هاقول ان الدرس اللى جاى طويل شويتين وعاوز تركيز كتير
ومخ شغال وايد قوية شويتين ثلاثة ..يعنى ممكن نستعين بصديق
فى فك صمولة رخمة وناشفة ..درس النهاردة ايه؟؟؟؟
درس النهاردة تغيير رمان البلى ودة اللى بيكون السبب فى الدوشة اللى بنسمعها
الاول لازم نفهم هوا ايه رمان البلى وايه شكله وايه اللى بيبوظه
وازاى نحافظ عليه
رمان البلى دة عبارة عن حلقتين جوة بعض بينهم خرز حديد

والمفروض تبقة الحلقتين حريين الحركة يعنى وانا مسكاها كدة ممكن احرك اللى جوة
ايه اللى بيبوظ رمان البلى؟؟؟؟
سؤال وجيه ..لما بنحط مسحوق كتير ..المسحوق فيه مواد كيماوية بتدخل على رمان البلى مع نقطة مية فابيصدى وميقدرش يتحرك او البلى يتكسر وعلشان كدة بنسمع صوت كركبة البلى والحلة والدنيا كلها بتتحرك وعاملة دوشة
الحاجة الثانية ان المسحوق ردىء او بتحطى مسحوق عادى او بتخلطى مسحوق عادى واتوماتك بيطلع رغوة بتوصل للرمان البلى وبرده بتخليه يصدى والنتيجة عرفناها
نحافظ ازاى بقة على رمان البلى؟؟؟
هوا دة السؤال اللى لازم يتسأل...بديهى منحطش مسحوق كتير وكمان نجيب مسحوق كويس ..بلاش تجيبى المسحوق السايب وانتى مش عارفة نوعه
نيجى بقة للشرح العملى وهوا ازاى نغير رمان البلى
الاول عاوزة اقولك مش شرط انتى تعملى اللى هاتشوفيه دلوقتى المهم تبقى فاهمة الصنايعى بيعمل ايه وقدرى مجهوده المادى ومتبقيش واقفة تتفرجى عليه كأنة بيخترع
مكان رمان البلى فى الغسالة من الخلف فى المروحة ...وعلشان نخلعها ونشتغل هانجيب (عدة) غريبة شوية اسمها (زنجيرة) اسمها منشق من (الحاجة المزنجرة يعنى ناشفة) ودة شكلها


انا اشتريتها ب18 جنيه ودى اساس شغلنا ..عاوزين كمان مفتاح لها .يعنى اذا كنتى انتى اللى هاتطبقى يبقة لما تشترى قولى للراجل انا عاوزة مفتاح الزنجيرة كمان وهوا ب 2 جنيه
دلوقتى هاروح افك المروحة


المسمار دة صعب جدا وناشف ..عاوزين نستعين بصديق فى فكه

اتفك الحمد لله ..نفك المسامير اللى فى حروف الصليبة دى



دلوقتى نفك الصليبة شوفى هاركب الزنجيرة ازاى وركزى

بتحطي الصمولة دى فى نص المسمار


لفى المسمار بالمفتاح لحد ما تتخلع معاكى

شايفة الدائرة اللى فى النص؟؟ هى دى بقة رمان البلى اللى فى الغسالة وفى واحدة تانية الناحية التامية من الصليبة دى.دلوقتى ندق على الرمان دة علشان نخرجه .طبعا هايتكسر منك علشان مصدى ..بعد ما نشيله نحط الجديدة بس الجديد مش بندق عليه
بعنف لالالا وشوفى هادخل الرمان الجديد وبدق عليه ازاى
جيبى القديمة وحطيها كدة ودقى عليها

حطى حتة شحم علي الرمان البلى وكمان فى المسمار اللى خلف الغسالة دة

نروح نركب بقة الصليبة تانى فى الغسالة مع الحرص على الكوتشة اللى موجودة

بنربط المسمار تانى ونرجع كل حاجة مكانها تانى
انا مش هاقولك اعملى كدة علشان هى بصراحة عاوزة ايد ناشفة
ولو انتى هاتشركى جوزك يغير معاكى يبقة كويس ..وعموما لو جبتى حد يعمل لك الشغلة دى . انتى شوفتى بتتعمل ازاى وعندك فكرة .وكمان تكلفة الحاجة اللى جبناها هاقولك عليها اهى
لوالصنايعى هايشتغل مش هانجيب عدة
احنا عاوزين
2 رمان بلى الواحد ب 3 جنيه
كاوتشة الصليبة ب 10 جنيه وفى منها صينى ارخص
وعلبة صغيرة جدا شحم ودى ب 50 قرش
الموضوع كله ب16.50 قولى 20 علشان المواصلات
انتى عارفة جبت الصنيعى قالى عاوز كام؟؟؟ 150 جنيه
عرفتى الفرق؟؟؟؟؟؟؟؟؟
هوا دة قصدى من الشرح اللى فات انك تعرفى الشغل دة بيتعمل وكمان تكلفته
سامحونى حبايبى ...وانا بحط الموضوع دلوقتى حاسيت انه هايكون صعب عليكم علشان عاوز ايد قوية ..يارب تكونو استفدتم بحاجة من شرحى


المسمار دة صعب جدا وناشف ..عاوزين نستعين بصديق فى فكه
ام نشوى بعد ماتفكى المسمار دة وتطلعى الطمبورة او العجلة دية
حطية تانى مكانة ودقى علية هاتطلع رمان البلى بس كدة
ودة عشان الناس اللى معندهاش زنجيرة

[هدى النفوس]

اما بالنسبة للرجة بتعتها ...بصى على المساعدين دوول وشوفى المسامير بتعتها مربوطة جامد ولا لاء



اصل نفس اللى حصل عندك حصل عندى بس لقيت المسامير مهوية رابطتهم كويس ودلوقتى الحمد لله مش بتعمل صوت وكمان شاحمتهم..نصيحة بقة متحطيش غسيل اكتر من المفروض ومتغسليش ورى بعض يعنى ممكن غسلة فى اليوم علشان منرهقهاش...هاستناكى تردى علية حببتى

[هدى النفوس]

لازم تفهمى كل قطعة ايه شغلتها الاول علشان لو فى عطل بديهى جدا تعرفى اى قطعة اللى عطلانة ...طرمبة المية للصرف يعنى عطلها بيكون يأما عدم طرد المية يأما على طول بتطرد مية ..والفلتر للى فوق شغلته سحب المية الحلوة اللى بتدخل الغسالة ..يعنى لو لقيتى الغسيل مفيش فيه ماية كفاية يبقة منها ((ملحوظة مهمة جدا ..فى عيب مشترك بين طرمبة المية والفلتر اللى فوق وهوا...ممكن بعد العصر نلاقى مية فى الغسيل ومتعصرش كويس ..العيب دة لما بنلاقيه بنحاول نشوف مين فيهم السبب الفلتر اللى فوق ولا طرومبة المية اللى تحت ...نشوفه ازاى بقة ..نشوف الاول فى حاجة محشورة فى خرطوم الطرومبة اللى تحت ولا لاء وبعدين تطلعى فى الفلتر اللى فوق فكى الخرطوم بتاعه وانفخى فى الفلتر اللى لازق فى الغسالة لو نفختى ولقتيه بيعدى الهواء يبقة العيب منه ولو مسدود يبقة من الطرومبة ..يارب اكون قدر اوصل لك المعلومة

[ريتاج الكعبة]

ماشاء الله ربنا يكرمك ياااااارب
على مجهودك الرائع ربنا يجازيكى خير
وااى مساعدة انا حاضرة

[هدى النفوس]

علي فكرة لازم يا جماعة اي اخت هتشتري قطعة غيار تسال عنها في اكثر من محل لاني لما جيت اشتري الفلتر واحد قالي بـ 25 جنيه و اشتريتها من واحد تاني بـ 13 ج رغم انهم الاثنين صيني و نفس الشكل

[هدى النفوس]

درس النهاردة تغير اللوك بتاع الباب
----------------------
شكل العطل : لو الغسالة متشتغلش الا لو خبطنا على الباب جامد وبنشوف
اللمبة منورة ومفيش لا حس ولا خبر منها وساكتة
-----------------------------
هانقول المبدأ اللى ماشيين عليه من الاول اللى يتفك فى الاول بيركب فى الاخر والعكس وعلشان تعرفى تركبى اللى فكتيه امشى مع الصور اللى انا بنزلها بالعكس هاتلاقى نفسك بتركبيها
القطعة اللى عاوزة تتغير اسمها لوك بتتجاب من شارع كيلوت بك وسعرها 35 جنيه انتى بس قولى للبائع نوع غسالتك ودة شكلها


دلوقتى نشوف مكان اللوك اللى عاوزين نغيره فين فى الغسالة

دلوقتى نفكها ازاى...فى طوق بلاستك حول الكوتش

عامل زى الكلبسة وسنان ماسكة فى بعض ..شديها من بعض وفكي الطرفين


دلوقتى خرجيه من الكاوتش خالص

الخطوة اللى بعد كدة ..الكاوتش طرفه داخل فى شفة الغسالة بتخرجي حرف الكاوتش ..شديه



خرجتيها كلها من شفة الغسالة .ندخلها فى الغسالة كأنك بتقلبى شراب


دلوقتى نفك المسمارين دوول

قبل ما نشوف فكهم انا بس عاوزاكى تاخدى بالك من عدلة البلاستكة اللى هانفكها...دلوقتى نشوف نفك المسامير ازاى


شايفة عدلة البلاستكة؟؟؟ علشان لما نركبها تبقة كدة برده
ايدى التانية ماسة الوك اللى هانغيره ..نشده برة علشان نشوفه



نجيب القطعة الجديدة ونحطها جنب القديمة

دلوقتى السلك اللى نشيله من القديمة نحطه فى نفس المكان فى الجديدة
واحد واحد

نرجع بقة ندخلها مكانها زى القديمة بالظبط ونمشى بالصور بالعكس واحنا بنركب لحد ما نوصل للطوق البلاستك
ااكد عليكى فى قطعة البلاستك تتحط نفس العدلة اللى كانت عليها
ودى صورتها وعدلتها



اتمنى اكون شرحت كويس وعرفت اوصل الطريقة لكم
نشوف بقة مين هاتركب وتيجى تقولنا ايه النتيجة

[هدى النفوس]

الغساله بتغسل عادى المشكله فى العصر بس
كده اغيرها بردوا ولا ممكن يكون فيه سبب تانى
حاجه تانيه انا فكيت الفلتر اللى تحت من قدام ولقيته مسدود خالص بطبقه عامله زى الاسمنت خالص ولونها رصاصى
نضفت الجزء اللى طلع معايا بس من جوه مش عارفه انضفه ازاى ممكن اكحته بحديده ولا كده خطر
والله شكل الصرف بتعها مسدود فامتغيريش حاجة دلوقتى ننظف الخرطوم اللى عامل زى السوستة اللى جوة الفلتر الاول ......كل مكونات الفلتر بلاستك يعنى سهل اى حاجة لزقة او محشورة تتشال ..متستعمليش حديدة .شوفى الصورة دى صورة طرومبة المية اللى من جوة اضغطى بايدك على الخراطيم وتحسسيها لو فيها حاجة محشورة

اهم خرطوم فيهم الاسود اللى على اليمين .التخين . على طول دة دايما بيدخل فيه قطع الغسيل الصغيرة زى الشرابات..اتأكدى منه