[Om Hassan]

انا كمان زى ام الطيب اتاخرت فى التاسع حوالى 10 ايام
المشكلة انى بعيد عن اهلى وحملى كان صعب جسمى ورم من الرابع والمشيمة نزلت قبل راس حسن من السادس وده كان عامل تقل فظيع
غير انى قاعده مع حماتى وحمايا وولاد اخت جوزى لانهم بيشتغلوا هنا وانا اللى بخدمهم
المهم روحت لكذا دكتورة لما اتاخرت وكلهم قالو ان كل حاجة تمام وده عادى لانى بكرية وفى الاخر روحت لدكتور على اساس انه كشف عادى جدا قالى هاولدك قيصرى النهاردة لان الميه خلصت ومش هاينفع طلق صناعى ومش ينفع اتاخر اى يوم تانى
وتعبت جدا (العادى طبعا) بس ربنا يبارك فى ابنى ويخليهولى

[مروشكا]

أنا جربت الولاده 4 مرات والحمد لله ولادتي سهله يعني أطول فتره كانت 4 أو 5 ساعات وأسهل ولاده هي التانيه كانت بآخر رمضان وكنت آكل رطب فيمكن سهل الولاده وأبني كان وزنه أكتر من الطبيعي ماشاء الله وكله تسهيل من ربنا لا يخلو الموضوع من الألم والعذاب بس كله يهون لما يشوف أولاده أمامه

[مروشكا]

أنا جربت الولاده 4 مرات والحمد لله ولادتي سهله يعني أطول فتره كانت 4 أو 5 ساعات وأسهل ولاده هي التانيه كانت بآخر رمضان وكنت آكل رطب فيمكن سهل الولاده وأبني كان وزنه أكتر من الطبيعي ماشاء الله وكله تسهيل من ربنا لا يخلو الموضوع من الألم والعذاب بس كله يهون لما يشوف أولاده أمامه

[مؤمنة بالله ورسوله]

انا والحمد الله ربنا كرمنى رغم ان ولادتى غريبة ولله الحمد ابنى عاش رغم ولادتة فى الشهر الثامن دون اى مقدمات ولا انظار يومها بعد ان صحوت من نومى بساعة تقريبا نزلت كل المء من الرحم وكنت عند الدكتور وقال لى ان الرأس فوق شبة واقف المهم بعد بعد نزول المياة فجأة بدأت اشعر بشىء نازل وهو الحبل السرى وكنت لوحدى اتصلت بزوجى وذهبت للدكتور وفوجأ بنزول الحبل السرى وما زال رأس الجنين فوق بعتنى اقرب مشتسفى لان الجنين بين الحياة والموت وكانت السعة الثانية ظهرآ وسط البلد تخيلوا العزاب من الزحام . وقال ان اجلس فى السيارة فى وضع السجود حتى لا يختنق الجنين والحمد لله عدت على خير وطبعآ ولادة قيصرى والحمدالله هو عندة سنتين دلوقتى.والى الان لم اعرف السبب؟؟

[ام القاسم]

ولا مره جربت الطلق ولا عمري حسيت بيه
الحمل الاول صبني تسمم حمل وولدت قيصري بالشهر الثامن
والمرة الثانيه بعد سنه وكمان كانت قيصرية الان البيبي كان كبير
وبعد مرتين قيصرية مينفعش تولدي طبيعي فولدت التلتة والربعة قيصرية والحمدلله الالم مكنش كتير و انا من طبيعتي بتحمل اكتر من غيري الحمد لله

[أم هنا]

تصدقي والله موضوعك جميل ولذيذ قوي انا دي اول ولاده ليا وكانت برده قيصري لان الحوض كان مقلوب وضيق ومافيش اي علامه مع ان الطلق كان موجود وولدت قيصري دخلت غرفة العمليات الساعة 2:30 بالليل وخرجت بعد الفجر يعني بنتي الدكتور بيطلعها مع اذان الفجر وهي قاعده على رجلي الوقتي ومطلعة عيني بس برده تعبت قوي في اول اسبوعين بعد ولادتي بس الحمد لله عديت بالسلامة

[preatywoman]

انا كنت اول حمل بعد 5 سنين جواز الدكتور بتاعي قالي ان راس البت راجعه لورا ومفيش داعي نعرضها لمخاطر الولاده الطبيعي لاني اتاخرت في الحمل ده بيسموه في الطب طفل غالي وقالي كده يا جماعه(انا لو وحده ست مولدش طبيعي)ده كلامه ليا والحمد لله ولدت قيصري بجد انا شفت حالات ولاده طبيعي صعبه جدا

[نادو]

انا عندى ثلاث اولاد بنتين وولد ربنا يهديهم بجد فكرتينى ورجعتينى سنين طويله
الثلاثه قيصرى وما ادراك ما القيصرى وبالزات من عشرين سنه يعنى دلوقتى الست
تعمل العمليه القيصرى النهارده تخرج من المستشفى اليوم التانى وتأكل وتشرب اما
انا كان مفيش اكل ولاشرب ولاكنت اقدر اتحرك الا بصعوبه لمده خمسه او سته ايام
بجد فكرتينى يامؤمنه الحمد لله على نعمه الاولاد وبنا يبارك فى اولادنا

[مؤمنة بالله ورسوله]

شكرا لمروركم وحمد الله على سلامتكم

[nona79]

انا لحد الان خايفه اولد مرة ثانية وابني عمره 4 سنين لاني تعبت جدا في الحمل والولادة شوفي يا ستي انا المفروض اني دخلت المستشفي لاني حاولد قيصري علشان البيبي كان وزنه 4 كيلو وانا عظام الحوض عندي ضيقة بعين جاني الم الولادة الساعة 1بالليل فقالولي حنصبر عليكي يمكن تولدي طبيعي افضل وتاجلت عمليتي من الساعة 8 الصبح للساعة 2ونصف الظهر وبرضوا ولدت قيصري بس الحمد لله وربي يخلي لكل ام اولادها ويرزق الي ما عندهش

[مؤمنة بالله ورسوله]

حمد الله على سلامتك يا نونا توكلى على الله ولا تخافى
المل والبنون زينة الحياة الدنيا

[مؤمنة بالله ورسوله]

جزاكم الله خير