[آثار]

لقد عرفت موضوع في منتهي البشاعة من خلال صديقة لي معلش هزعلكو شوية بس شوفوا وصلنا لحد فين من البشاعة.
أنا أعيش في الكويت و هذه الحكاية حدثت منذ أيام قليلة فانظروا ماذا فعل هذا الأب..........................

هي بنت أبواها طلق أمها و تزوج بأخري و تعيش معها في الكويت و أمها تزوجت و تعيش في مصر هذه البنت في الصف الثاني الإبتدائي.

ذهبت البنت إلي المدرسة يوم الأحد الماضي ففوجئت المدرسة أن البنت بتمشي كأن عندها شلل أطفال و علي جسمها آثار ضرب و كدمات ووشها عبارة عن بقع حمرا و زرقا و إيديها عبارة عن أماكن ضرب زي الكرباج.
و تاني يوم البنت راحت المدرسة و تعبت قوي فالمدرسة أخدتها للمستشفي.

فالمفأجأة في اللي اكتشفته تخيلوا أبوها سخن السكين و حرقها بيها علي قاعدتها فالمدرسة و هي في المستشفي معاها بتساعد الدكتور علشان يكشف عليها لقت مرات أبوها ملبسها 4 بناطيل فوق بعض علشان الحرق ميبنش و مقولكوش الجوهنا في الكويت حر إزاي فالبنطلون لازق علي جسم البنت و هو محروق تخيلوا الافتري واصل لحد فين .
المهم المدرسة استعدت أبوها فتخيلوا قال إيه و رده كان إيه ؟؟؟؟؟؟؟؟؟؟؟؟

رد بكل و قاحة بنتي و بربيها علشان عاملة مشاكل في البيت

بالله عليكو بنت في تانية ابتدائي ايه ممكن المشاكل اللي تعملها!!!!!!!!

تخيلوا ايه هي المشاكل ضربت اخوها الصغيرابن مراته التانية شوفتوا المشاكل اللي البنت عاملتها .
بس المستشفي عملت محضر لأبوها و هو في القسم دلوقتي و بلغت السفارة المصرية بس يا رب يتحركوا.

معلش طولت عليكو و ضايقتكو بس حبيت تشوف ظلم الراجل ده لابنته قولوا حسبنا الله و نعم الوكيل فيه ربنا ينتقم منه.

[katkootaya]

اعوذ بالله في اجرام بالشكل ده ... ده مايستحقش انه يبقى اب

ربنا يهديه يارب وامثاله ...

[rosha_mody]

والله يستاهل الاعدام
وما يستهلش انه يبقي اب ابدا
والبنت المفروض ما ترجعلوش نهائي مهما حصل
دي اكيد تعبت نفسيا وجسديا اكبر من سنها
ربنا معاها وحسبي الله ونعم الوكيل في هذا الوحش

[لميس1234]

لاحول ولاقوة الا بالله العلي العظيم وعلى كل مرات اب ان تتقي الله في اولاد الاب وتعتبرهم ولادهاا

[آثار]

اشكركم عي مروركم و يارب يشفي البنت المسكينة و ادعواليها بالشفاء و ان ربنا يرحمها من الاب ده

[rouwy]

حسبنا الله و نعم الوكيل فيه
دة ربناا حيدخله الناار على طول حراااام حتى لو البنت خفت باذن الله ممكن تتعب نفسيا جااامد اوووى حرااام عليه

[mon]

ربنا يشفيها ويرحمها من العذاب دة
دة مش ممكن يكون ابوها دة معندوش رحمه ابد

[جورى القمر]

ياااااااااة دة ميستهلش نقول علية اب
لان الاب حنية ورعاية لطفلة مهما ان كان الطفل شقى وعندة طاقة
ربنا يرحمنا برحمتة ويشفى الطفلة الصغيرة ياارب

[عنود ايمن]

ربنا يخليكي لاولادك ولزوجك ويخليه ليكم
ومايحرمكوش من بعض آمين
ويتولى كل يتيم ابوه وامه عايشين ويكفينا شر الايام يا رب

[مصراويه]

حسبى اله ونعم الوكيل فيه وفى مراته.

[undonelife]

لاحول ولا قوة الا بالله

هو ومراته يستاهلو عن جداره الصلب في ميدان عام

[soura]

دا حيوان مش انسان
ربنا ينتقم منو

[snoopy]

في جريدة " المصري اليوم " كتبوا إن أميرة كويتية ( الشيخة فريحة ) اهتمت بالموضوع و راحت زارت البنت , و السفارة المصرية رجعت البنت لأمها (( في المنوفية )) ..
و إن البنت طلبت إنهم ما يحبسوش أبوها , لأنها " بتحبه أوي " - حسب كلام الجريدة - و ان السلطات الكويتية أفرجت عنه لذلك السبب (أي طلب البنت ) .

اللي فيها موش حروق و بس , و لكن المجرم تسبب لها في انفصال في الشبكية و حالة من التبول اللا إرادي .
و كانوا حاطين صورة أمها و هي تبكي .. مسكينة , و تناشد أصحاب الخير بالتكفل بمصاريف علاج البنت .