[دينا وبس]

السلام عليكم ورحمة الله وبركاته

يافتوكات

العرايس القمرات ياترى ايه يتحط في النيش ؟؟
1- اولا تحددي النيش بتاعك حجمة اد ايه وعلي الاساس دا تبداي تجيبي حاجاتك
دا لو لسه هاتبداي تجهزي لو انتي مجهزة من زمان خلاص بقي حاولي تختاري اشيك حاجة عندك للنيش
2- كاسات( كاسات النيش وكاسات المطبخ هاتيهم في نفس المستوي)
لييييييييييييييييييييييييييييه؟
لانك بعد شويه هاتزهقي وتبقي عايزة اي حاجة جديدة في النيش فتقدري تبدلي بي كاسات النيش وكاسات المطبخ
3- متحطيش في النيش اي طقم 12
يعني لو عندك طقم 12كاس حطي منهم ستة والباقي في المطبخ او حطيه كلة في المطبخ
علشان تدي مساحة انك تحطي شكل تاني او حاجة تانية
4- طقم الشاي +الجاتوة
دابيتباع طقم كامل علي بعضة ومش ضروري لانك هتلاقي نفس مقاسات الاطباق دي في طقم الصيني
بس في ناس بتجيبة كاطقم اضافي وفي منه اشكال حلوة جدا والطقم الشيك بيبتدي من 250او300
5- طقم خشاف
ودا ينفع للفروت سلاط حاولي تختاري اللي هو علي كريستال او يكون نوع زجاج نضيف وبلاش يكون ملون
6- طقم القهوة
لاحظي انه هايكون عندك فنجاين في طقم الصيني وطقم الاركوبال انا من راي ان كفايه اوي تجيبي واحد عليهم او تكتفي بيهم دا علي حسب راحتك
7- طقم الشربات
مش لازم تجيبي طقم الشربات علشان خاط الشربات بس دا بيستخدم غالبا للعصير وفي ناس كتير جدا بتستخدمة للميه علي السفرة
8- كاسات الفروت سلاط
الكاسات دي اللي هي الواسعة اوي من فوق وانا من راي كفاية اوي طقم واحد لانك عندك بديل ليها
9- طقم الكاكاو
دا زينة ومالوش اي لازمة في الحياة غير انه يعتبر ديكور في النيش
انا حاسة اصلا انة مافيش حد بيشرب كاكاو دلوقتي
10- طقم الصيني
انا من راي انه المفروض تبيني اقل حاجات من طقم الصيني وانا شايفة انه كفايه اوي تحطي طقم الشاي والجاتوة في رف وفنجاين القهوة في رف والباقي في البوفيه
كدة الناس شافتة وعرفت ان دا طقم الصيني بتاعك واستغلي باقي النيش في حاجات تانية
والاركوبال برضة نفس الكلام
11- تحف النيش
تحف النيش دي اللي بتتوزع بين الحاجة اللي علي النيش ودي كا نوع
1- ورد مجفف 2- كريستالات النيش 3- تحف الصيني اللي هي بتاعة السبوع
4 - الشموع اللي بتكون علي اشكال زي ورود وحاجات كدة ودي هتلاقي منها كتير اوي في 2.5


عايزة اقولكوا عن نفسي انا جبت بعض حاجات من دى
وانا لسه فالاول اكيد ناقصنى حاجات
السرفيس
الاركوبال
طقم واحد كاسات( لسه بكمل)
كبايات ياشكال مختلفة
صوانى للتقديم
طقم الشاي
طقم القهوة

اما بالنسبة للمطبخ جبت
انا جبت طقم التيفال
الطقم الحرارى
وشوية رفايع

ياترى انتو جبتوا ايه؟؟؟

[R@A]

موضوع حلو قوي يا عروسة بصي يا ستي انا ان شاء الله هاتجوز علي شهر 12 او شهر 1 بالكتير ان شاء الله نصيحة مني حاولي تكتبي كل شئ بتجيبه عشان مش تنسي و كمان لما تعجبك حاجة اشتريها مش تسيبيها لانك ممكن مش تلاقيها تاني و كمان ممكن تنسيها لو وقتك ضيق بالنسبة ليا انا مش عايزة ارص كوبيات و كاسات في النيش انا عايزة اجيب السفرة عبارة عن بوفيه بمراية كبيرة و دولاب فضية يعني يترص فيه شوية تحف صغيرة كده
حاولي تنزلي تتفرجي الاول في اكتر من مكان و بعدين تقرري تشتري
انا دلوقتي باخلص المفروشات و حاجات المطبخ لانها كتيرة قوي بس في حاجات كتيرة انا سيباها للاخر بعد ما اجيب العفش زي الستاير و السجاجيد عشان كله يكون ماشي مع بعضه
ربنا يوفقك و يوفقنا جميعا ان شاء الله

[الصبية الشقية]

موضوعك حلو اوى وانا كمان فرحى فى شهر 1 ان شاء الله واحب اعلق على كلام r@a واقولها عندك حق يا r@a فعلا اشكال البوفيهات اللى موجوده دلوقتى اللى بالمرايا حلوه اوى انا عجبتنى اوى بس للاسف مش هقدر اجيبها علشان المساحه فى شقتى صغيرةلكن كمان اشكال اانيشات حوه اوى وانا افضل النيش اكتر من دولاب الفضية (مجرد رأى)
واحب ارد عليكى يا دينا
بالنسبة للحاجات اللى جبتها
انا تقريبا خلصت المطبخ
جيبت طقم حلل الومنيوم
وطقم حلل صاج
وطقم قوالب بيركس(3 بمقاسات مختلفة)
وطقم بيركس كامل
وكبايات كتير منها العادى والغالى وطبعا العادى ده لاصحاب البيت والغالى للضيوف وكده يعنى
وطقم اركوبال
وطقم صينى 110 قطعه
وقلايات تيفال
وصوانى تيفال بلاش تيجيبى طقم كامل لان هيبقى فى الومنيوم وصاج وممكن كمان يكون فى استنلس وكده بصراحة كتير اوى
شايالة المعالق للسفرة
ومعالق عادية
وشنطة المعالق للنيش
ده من حجات المطبخ اللى فاكراها دلوقتى
ثانيا المفروشات
انا اشتريت
مفرش سرير
لحاف فايبر ولسه ناقص واحد تانى
3 بطانية
2 كفرته
لكن الستائر والسجاد ومفرش السفرة ومفارش النيش لسه شويه
والله ده اللى افتكرته واى اسأله يا جماعه انا موجوده بس حد يسال علشان افتكر
وشكرا على موضوعك الرائع يا دينا

[R@A]

كنت عايزة اخد رايكم في حاجة هل اشتري مايكروويف قبل الجواز و لا استني لبعد الجواز و في سؤال كمان بالنسبة للمكنسة في نوعين قدامي اوليمبك اليكتريك و دي ال 1600 واط ب 700جنيه و في بانسونيك ياباني ال 1600 واط منها ب 1362هل اشتري الارخص و خلاص و لا اجيب التانية عشان تستحمل يا ريت تردوا عليا ممكن

[دينا وبس]

اولا شكرا ع مروركم اللى اسعدنى كتير ياجماعة
ثانيا مبروك ع الزواج القريب ان شاء الله
ثالثا
شكرا للصبية الشقية لانك بجد فكرتيني بحاجات كنت ناسياها جزاك الله خيرا
واخيرا........
بالنسبة لسؤالك يا R@A
انا رايي ان لو ميزانيتك تستحمل افضل تشتريها قبل الجواز عشان تدخلى شقتك جاهزة من مجاميعه وده اريح كتيررر لانك ممكن بعد كده تتشغلى بحاجات تانية
بس انا كنت سمعت ان الميكروويف مضرة لانها تعمل بالاشعة تحت الحمراء ودى اشعة مضرة انا سمعت المعلومة دى بس مش متاكدة منها
وبالنسبة لسؤالك عن المكنسة
بصي هو اولمبيك نوع ممتاز ومشهور جدا
بس اكيد فرق التمن ده فيه حاجة احسن وانا من رايي تشترى الاغلى لان دى حاجة العمر
واسفة ع الاطالة يابنات
وربنا يتمملكوا بخير
وياريت اللى بيجهز او عنده خبرة يقول عشان الجميع يستفيد

[الصبية الشقية]

الشكر ليكى يا دينا على الموضوع
وانا كان

[الصبية الشقية]

الشكر ليكى يا دينا على الموضوع
وانا جيبت حجات تانية كتير بس والله مش ولو عايزه تسالى عن اى حاجه اسالى واكيد هفتكر وارد عليكى

[ورده النبع]

الموضوع حلو اوي
وكنت عاوزة حد يقولي
علي طقم الاركوبال
اسعاره ايه وبنجيبه
للمطبخ ولا للنيش

[دينا وبس]

بصي ياوردة
طقم الاركوبال بيتحط عاااادة في النيش
واسعاره تتراوح من 300 الى فوق
واحنا تحت امرك فاى سؤال انا واخواتى الفتوكات

[ورده النبع]

شكرا علي الرد وربنا يخليكو ليا