[ولاء محمود]

يا جماعة الخير ياريت حد يقولى بنتى فيها حاجة غلط والا طبيعية
الأول أنتم عارفين أن بنتى عندها 6 شهور ونصف وهى لحد دلوقتى بتقعد بس مش بتحفظ توازنها لوحدها والكل قالى أنها متأخرة وأنها المفروض أول لما تتم 6 شهور تقعد لوحدها وأنها مش بتقعد عشان أنا شيلاها طول اليوم وهى عايزة تبقى فى حضنى علطول وكما فى بنت جارتنا عندها 9 شهور وبدأت تمشى لوحدها
وكل جيرانا بيقولوا أن بنتى متأخرة حتى أنها ماطلعتش سنان لحد دلوقتى فياريت ألى عندها أولاد تقولى هو طبيعى أنها متقعدش لحد دلوقتى لوحدها لأن الدكتور قالى ممكن تقعد لحد 9 شهور وبعدها تقعد لوحدها

اذا اعجبك الموضوع و اردت نشره في المنتديات الاخرى فاستخدمي هذا الرابط:
ياريت كل الى عندها أطفال تجاوبنى
http://forums.fatakat.com/thread6946

[المشتاقه الى الجنه]

حبيبتى انا عندى طفل سنه وشهر هو بداء يجلس6شهور ونص تقريبا بس انا كنت على طول بخلى يجلس مش بشيله وبداء يسنن من عمر 8 شهور ويحبى من 8 شهور ونص ويمشى من سنه
ولو عايزه اى استشاره قولى انا جوزى اخصائى اطفال اي خدمه يا ستى

[مورة]

يا ولاء يا حبتيي هناك فروق بين الاطفال وبعضها
يعني انا ابني الاول غير ابني التاني في النمو
وبعدين معاكي لحد 8 شهور علشان تعقد وتوزن نفسها
وموضوع التسنين احيانا في اطفال بتمشي الاول وبعدين بتسسن
وفية العكس يسسن الاول وبعدين يمشي
والطفل الا بيمشي الاول افضل لانة بيكون مسك نفسة شوية
لان التسنين متعب جدا للاطفال
المهم عليكي وعلي الفتامينات ليساعدها علي التسنين ويقوي الكالسيوم في جسمها
وبالاخص فتامينات دي كال بي 12
متقلقيش بكرة هتعقد وهتحبي وتمشي
وتقولي ياريتها تفضل صغيرة من الشقاوة ان شاء اللة

[eltourky]

مقدرش اقول اكتر من ال موره قالته
متقلقش ياجميل 00بس حاولي تقعديها علشان تتعود

[ولاء محمود]

ميرسى ربنا يخليكم طمنتونى وأن شاء الله هحاول أقعدها كتير وهحاول أحطها فى مشاية كمان وربنا يسهل