[أمولة]

الرجيم هاد اعطتني إياه أخصائية تغذية (طبعا بعد اتباع وصفات رجيم قد عدد شعرات راسي )(وشربت ملينات وحبوب بعبوا صيدلية بحالها )(وطبعا نضفت جيبت جوزي )
المهم شوبدكم في الطويلة
الرجيم هاد بعتمد على شو موجود في البيت
بس بدك تراعي الكمية مثلاأول ماتصحي بتاخدي كأسين ماءدافيين وبتاكلي بعدساعه
الفطور :ملعقتين لبنة +خبزة (الخبز ابيض أواسمر )+خيار +بندورة الخضار إلي بتحبيها (عن نفسي أنا بعملة سندويش)بعدين مو شرط لبنة بتقدري اتشكلي مثلا(حمص,زبدة مع مربى ,فول,-بيضة مسلوقة او مقلية بزيت زتون----)اي اشي بتحبي تفطري عليه المهم صنف واحد
الغداء:شوطابخة اليوم مثلا مقلوبة(بنحط في الصحن 6ملاعق رز +صحن سلطةأو اللبن)كبسة أذا بتحبيها حطي 10 ملاعق رز+سلطة أو لبن+قطعة الدجاج أواللحمة )مثلا كنت عاملة شوربة ملوخية أو خضارصحن وسط شوربة +6ملاعق رز+قطعة الدجاج أواللحمة)مثلا عاملة صينية بالفرن نحكي صينية بطاطا بتاخدي 8حبات بطاطا +وشو بتحطي معها بتاكلي حبة مثلا سبوسك الزيتون من3إلى5حبات
العشاء مثل الفطور بس إحذفي الزبدة والمربى
وأهم شي المواعيد مثلا:
افطرتي الساعة8
بتتغدي الساعة 2 بتتعشي 6أو7
مثلا افطرتي 9 بتتغدي 2أو3 بتتعشي 7أو8
بك تراعي شرب الماء بتشربي 2كاسة ماء قبل كل وجبة بساعة بدك تراعي
أكل الفواكهة مثلاالساعة 12 الظهر بتاخدي صنفين فاكهة تفاح برتقال اي شي وبترجعي الساعة 5 تاخدي من صنف لصنفين فاكهة مع كاسة ماء
راعي شرب الماء بنتظام وبدك تصبري أول اسبوع صعب طبعا ممنوع أكل الحلويات أوالموالح أوبيبسي او كولا والعصير لأانو مليان سكر
وبدك تكافئ نفسك بعد كل اسبوع لما ينزل وزنك بتاكلي حلو او موالح بس بكميات معقولة

[عاشقة الخيال]

السلام عليكم ورحمة الله وبركاته تسلمي حبيبتي امولة والله رجيم روووووووووووووووووووووووعة بس ابسالك امولة كم كيلو ينزل في الاسبوع ودمتي بحفظ الله

[أمولة]

حبيبتي عاشقة الخيال 00اذا بتتبعيه كويس بنزل 4كيلو 000بس اخصائية التغذية قالت انوا كل جسم بختلف عن الثاني مثلا ممكن تزلي بالمقاسات جسمك اسرع من الوزن وافضل قيسي جسم بالمتر احسن مثلا الفخد 00الأرداف الخصر 00انا ها الرجيم ساعدني كتير لأنو من اكل البيت00واختي كمان اتبعته وصارت نزله فوق ال20 كيلو

[semsema40]

ياااااااااااااااا شكراااااااااا ليكى ياامووووول عا الريجيم المنزلى دة

[دلوعة زوجها]

اي شو هالحكي .. رز و زبدة ومربى و اي صنف فواكه تخنارينه
انتي متأكدة انه هادا شغل خبيرة تغذية؟؟

هدا شغل مجرمين وحياة ربي

و زيت زيتون مسخّن و بطاطا
بالصينية كمان
اذا كنتي ربما .. ربما خسيتي مع هادا الرييم فأكيد في سبب تاني
ربما تكوني مرضتي او اخدتي ادوية التهاب او او ادوية تانية او مريتي بمشكلة (يبعد المشاكل عنك انشاءالله) وبسبب هي الامور اذا كنتي خسيتي 4 كيلو
لكن تأكدي مو بسبب الريجيم

حبيبتي المعلومة الصحيحة الوحيدة اللي قلتيها انه كل جسم يختلف عن الآخر و مواعيد الوجبات صحيح
لكن يا غالية .. هادا مش ريجيم تنحيف
وببقى بفسّرلك بالتفصيل ليش مش ريجيم تنحيف .. واذا بتحبي برسالة خاصة منشان ما تزعلي
أنا خبيرة تغذية يا غالية (خريجة هندسة غذائية) والمعلومات هي أبدا مو صحيحة .. اذا بدك ياني اتعامل معك على أساس انك ناقصة عقل و أسايرك و أقول برافو وشكرا و رائع أكون كذابة ومنافقة و مستخفّة فيكي و بعقلك و معلوماتك
وانتي أكيد ما بترضي و لا أنا كمان برضى
و اذا بدك ياني إتناقش معك بعقلانية .. أنا جاهزة اشرحلك ضرر ريجيمك للريجيم بالتفصيل

وأنا لو ما بتهمني صحتك و استفادتك من الريجيم ما كنت بردّ عليكي بحرف و الله

- مع حبي

[أمولة]

الى دلوعة زوجها الرجيم هاد بعتمد على الكمية بما انك اخصائية تغذية يعني انا بدي هلأ اشكيليك الحرمان ماجاب معي نتيجة لأني كنت لما ابطل رجيم ارجع وزني بزيادة بس هاد الرجيم لما تبعتة نظم مواعيد اكلي وماخلى عندي شراهة في الأكل لأني بعد ماجبت ولادي صار معي شراهة في الأكل 00والله برمضان خبصت كتير انو مازاد وزني عن 4 كيلو 00من اصل 12
والله برمضان كنت ازيد 12 بحالهم 00أنا ومن خلال تجربتي فيه هوه إلي ريحني ونزل وزني واختي كمان فادها لسه هيه بتروح عليها ولا تزعلي مني بحكي المثل اسأل امجرب ولا تسال حكيم 000 مع خالص حبي

[رانيه]

والله يا جماعه انا مع اموله لان الا عتدال حلو ومطلوب يعني هي بتاكل من اكل البيت باعتدال وكميات مناسبه الها وبتنزل شوي شوي او بتحافظ علا وزنها ولا الحرمان وكمان ان مع دلوعه اذا بدي انزل وزني بطريقه منظمه اكتر وافقد وزن اكبر بدي امشي مع اخصائيه اكيد او اتباع نظام ريجيم معين بس اذا اموله مرتاحه وجسمها مرتاح ونزول من غير حرمان ليش لا بس مو شرط انا مثلا انزل علا نظمها مع احترامي لراي دلوعه وامل

[atomic_ant295]

السلام عليكم
أنا جربت انواع رجيم كتيره و مشيت مع أخصائيات كتير بس المشكله ان الاحساس بالحرمان من اكل معين خصوصا إذا كان مفضل بيصيب بالاكتأب و الملل
وانا بصراحة جربت نظام شبيه بالرجيم اللى كتبته أموله من فترة رغم ان كان هدفى هو عدم الزياده فى الوزن إلا انه عمل معايا نتيجه أخرى انى نفصت فى الوزن و أنا اعتقد ان احسن طريقة هيه الاعتدال فى كل شئ.
و ده أقتداء بكلام رسول الله (نحن قوم لا ناكل حتى نجوع و إذا أكلنا لا نشبع)

[فرحه]

والله يا جماعة انا شايفة ان احسن رجيم هو اتباع السنه واننا منكولش الا لما نجوع اوى ولو اكلنا منشبعش اوى وناكل كل حاجه بس بكميات بسيطة وبكده ان شاء الله يبقى وزننا مثالى ومنحتج رجيم ولا يجيلنا امراض تغذيه اصلا وشكرا

[دلوعة زوجها]

لحظة لحظة يا جماعة .. يعني يا أما حرمان يا أما زبدة ومربّى ؟؟؟؟؟؟!!
ما ممكن يكون شي متوازن أكتر بشويّ؟

في أنواع من السلطات لا حصر لها .. تفنّني بصنع السلطات و خليهن بالثلاجة لوقت الحاجة (كيف الحكي الموزون )
كلما حسيتي بالجوع استناولي منهن صحن تسلّي بأكله
و إذا السلطة اللي عمتصنعيها فيها جبنة (متل السلطة اليونانية) خلي جبنتك خالية أو قليلة الدسم ولا يمنع من القليل من شرائح الزيتون
و مسموح لمتتبعي الريجيم بملعقة واحدة فقط من زيت الزيتون النيء يوميا (يعني غير المسخّن وغير المعرّض للحرارة) .. وشوفي انتي وين بتحبي تحطّيها أو توزعيها /تنقيط يعني /

و بالفتّوش مفي داعي يكون الخبز (العيش) مقلي .. فيكي يكون خبز نخالة (خبز أسمر) و يتحمص بالفرن بدون ما تضيفي أي شيء
_حطّيه بصينية الفرن و دخليه الفرن الحامي ليتحمر و يتقرمش_ يم يم يممممم وحياتك

و من شو بيشكي البابا غنوج ؟؟ والله طيب و لذيذ ومافيه كالوري أبدا
باذنجان مشوي و مجموعة خضار مقطعة وعلى وجه الطبق بضع نقاط من زيت الزيتون .. وكُليه بالشوكة

و اذا قلتيلي انه السلطات ما بتسدّ جوعك فيكي تشربي بين الوجبات منقوع البابونج أو النعناع الدافئ .. أو كوب من عصير الليمون المحلى بالأسبارتام Aspartam وليس السسسسكررررر .. التحلية دائما تكون بالأسبارتام (قهوة . شاي . نسكافيه . حلوياتك . عصيرك......)

بعدين أنا كتييييير معك بموضوع اسأل مجرب ولا تسأل حكيم .. بس كمان لا تنسي اني أنثى و إني مجرب كمان يا غالية




تقبلي مودتي و فائق احترامي _الدلوعة

[أمولة]

شكرااا كتير دلوعة وعلى افادتك إلنا ومتابعتك وعدم بخلك علينا بمعلوماتك 00كل إلي ذكرتي من سلطات انا والحمدالله كتير ماهرة بالسلطة واعدادها على اصولة وكل يوم بشرب بابونج وشاي اخضر وبحبش إلا الخبز الأسمر الوالدة عودتني عليه من الصغر بس بحب الزبدة باخد لحسة بالملعقة وبحط عليها شوية مربى 00لأني أخصائية التغذية ما منعتني من اي شي بحبوا لأني بحب أكل البيت وعلى فكرة زوجي ماهر في اعداد بابا غنوج وهو علمني كيف أسويه 00وانا مانزلت الرجيم
بس لاني مجربته ورتحت عليه 00ولي حاب بجربة

[rania mohamed]

شكرا على هذا الريجيم الرائع وارجو من فتكات وصفة لعلاج قشر الشعر وارجو الرد سريعا

[ام شوكت]

مناظره رائئئئئئئئئئئعه
ونحن المستفيدين
جزاكم الله خيرا احبتى

[فطيمة]

جزاكم الله خير

[دندوشة]

أنا كثير بأيد أمولة كلامها جدا واقعي

لانو ما بيأثر لو أكلت زبدةومربى مرة كل يومين ثلاثة

مع السلطة والتبولة والفتوش

تحياتي للجميع

[أمولة]

شكررا على المرور

[asmaa ebrahim]

طبعا حاجة تحير

[أمولة]

ايش الي امحيرك يا اسماء؟

[nehad]

ان انشاء اللة أجربة من النهاردة
و أقولكم كمان أسبوع

[semsema40]

مشكوووووووووورة