[توتا قلب حسن]

السلام عليكم يا بنات انا النهارده عملت اشاعه مهبليه لان الدكتور قالى عندك كيس على المبيض وعايز يعرف هو كيس ايه المهم بعد ما عملتها وقعدت اترجمها لانها كلها انجليزى لقيت كلمه سماكه بطانه الرحم 10 ملى والباقى مش عارفه اجمعه السؤال بقى هى 10 ملى يعنى كتير ومحتاجه عمليه ولا ايه مش فاهمه واعصابى تعبت من ساعه ما شوفتها والدكتور بتاعى ميعاده يوم الاحد مش حيفتح العياده قبل كده .بالله كليكم الى تعرف تجاوبنى ضرورى

[الطفلة البريئه]

موش عارفة ان شاء الله حد يجاوبك ياأخوتي

[نوجا2020]

أنا أسفه فعلا معرفش حاجة عن دة بس ربنا يكرمك ويبعد عنك اي شر

[ALBATOOL]

ربنا يشفيكى ويخفف عنك .. معلش واعنديش معلومات والله كان بودى أساعدك .. ان شاء الله تلاقى دكاتره فى المنتدى يردوا عليكى ... بس ما تقلقيش وسلمى امرك لله ..

[توتا قلب حسن]

يارب يا بنات حد يعرف متشكره لردودكم

[توتا قلب حسن]

بالله عليكم الى تعرف تقولى انا قلقانه

[om rony@lamora]

شفاكى الله وعفاكى ياحبيبتى
ان شاء الله خير كان نفسى اساعدك بس انا مش عارفة

[نغنوش قلبى]

بأذن الله خير تفائلى الخير يا قمرى
والله كان نفسى افيدك مش مش عندى فكره
بأذن الله حد من البنات تدخل تفيدك

[Sweet Flower]

يعنى هانت يوم الحد إن شاء الله تطمنى

ماعنديش فكرة الصراحة

[ام يوسف الامور 2012]

بصي يا حبيبتي سماكه بطانه الرحم في وقت التبويض بتكون من 10 الي 13 والدكتوره تقول دايما ان بطانه الرحم لازم تعدي ال1سم يعني 10 ملي عشان تقول عنها كويسه وبعد التبويض المفروض انها بتزيد عشان لو فيه حمل تنغرس فيه متقلقيش انا عندي كيس برضه علي المبيض الدكتوره قالتلي عليه وهيا بتعملي السونار الشهر ده وهوا كيس مائي حجمه 4سم وهيا مكتبتليش علي دوا وقالتي ده حاجه فسيولوجيه بيجي ويختفي وادعيلي ان يروح لانه عملي قلق وربنا يرزقني ويرزقك ويرزق الجميع ان شاء الله بالذريه الصالحه ياااااااااااااااااارب اللهم امين
قولوا امييييييييييييييييييييييين