[دودى لف]

السلام عليكم ورحمة الله وبركاته

ياجماعة انا حامل فى الشهر الخامس ....ولحد دلوقتى بيجيلى هبوط لانى مش باكل

كويس لانى زهقانة من عدم التنوع .....عاوزة انوع فى الاكل بس حاجات تكون بسيطة

فى عملها عشان انا كى جى ون فى المطبخ وكمان تكون فيها الفيتامينات والكاليسيوم

وكل ما يحتاج له جسمى فى هذه الشهور لاني قلقانة قوى على البيبى من سوء

التغذية وفى نفس الوقت معنديش حاجة انوع .........

ومش عارفة ايه المفيد ...

[hana]

مبروك حبيبتى على الحمل وربنا يتم حملك على خير ان شاء الله ويرزقك الذريه الصالحة .....
حبيبتى حاولى تأكلى واهم حاجه الكالسيوم والبروتيين الضرورية لبناء عظام الجنين وهذه المواد موجوده فى اللحوم والبيض والسمك والحليب والجبنة والاطعمة النباتيه كالجوز والخبز والحبوب والفاكهه بانواعها والخضار كالجزر والخس والكوسى والسبانخ والبطاطا والبازلا ويمكن تناول الخضار بشكل سلطة لذيذة تصنع من الخس والطماطم والبصل الاخضر .
غذئك يتكون يوميا من :
- بيضة او بيضتان .
- ثلاثه او اربعة اكواب من الحليب .
- طبق من الخضار النى على شكل سلطة مع زيت الزيتون .
- قطعة من اللحم المشوى او المطبوخ ويمكن استبدال اللحم بالكبدة او الفراخ مع طبق الخضار المطبوخ .
- طبق من الفواكه الطازجه .
- رغيف ويفضل ان يكون من العيش الاسمر .
والاطعمة الممنوعة هى الغنيه بالدهن والمقليات على انواعها والحلويات الدسمة المحضرة بالسمن الصناعى والمعلبات .

[ياما]

ربنا يتم لك على خير و تقومي بالسلامة
وانصحك يتناول الكرنب و البروكلي و القرنبيط (لتنويع وجبات الخضار) لاحتوائهم على 4 اضعاف الكالسيوم الموجود في اللبن و منتجاته و ايضا حاولي تناول الاسماك مرة ام مرتين في الاسبوع (سمك مشوي او في الفرن ) فالاسماك غنية بالفيتامينات و الكالسيوم ايضا و تناولي البقول ايضا في مصدر بروتين ممتاز و قد نصحني بذلك دكتور من اشهر اطباء متابعة الحمل في مصر لاني كان عندي مشكلة في حملي فأخبرني ان البقول هي مصدر بروتين رائع لصحة الجنين .
كما انصحك بتناول ملعقة كبيرة من العسل الاسود صباحا لامداد الجسم بالحديد وايضا عليكي الامتناع عن كل المأكولات و المشروبات الجاهزة المحتوية على الوان صناعية و منكهات ومواد حافظة ووو لانها مضرة بالجنين وايضا امتنعي تماما عن المشروبات الغازية لانها مضرة جدا

[أم مريم]

اهم حاجة فعلاً زى هنا ما قالت البيض ومنتجات الالبان
وزى ياما ما قالت العسل الاسود و الاسماك
ومعلش حاولى تاكلى كويس عشان المولود يطلع كويس ان شاء الله

[semsema40]

زى ماهنا قالت وياما البروتين مهم ليكى والفاكهة والخضار ويارب يا حبيبتى يتمملك على خر يارب

[coca]

بصى يا دودى انا كمان زيك بس انا سبقتك بشهرين يعنى انا فى السابع وكنت زهقانة من الاكل بس انا كنت بشوف اية الى انا بحبة و اعملة
يعنى مثلا انا بحب الفراخ المحمرة كنت احمرها فى الفرن و اكلها حتى لو حاف او مثلا بحب اكل الشاورمة كنت اعملها كدة يعنى بس المهم انى كنت باكل الحاجات المغذية لية ولبيبى انتى طبعا خيفة علية و بتحبية من دلوقتى يعنى المفروض تهتمى بية ولو حسيتى انك زهقتى اوى من اكل البيت حاولى تاكلى برة يوم مثلا نوع من التغير لكن حرام عليكى تعملى كدة فى البيبى ذنبة اية انك زهقانة من الاكل و انتى اكيد اول وحدة حتزعل لو جية ضعيف بجد خلى بالك منة ...

[coca]

اة فى الشهر الخامس الدكتورة كانت بتقولى اشرب كتير لبن واكل بيض بصى علشان متزهقيش منهم اعملى اللبن مرة رز باللبن و مرة مهلبية وحطى الجيلى من فوقها ومرة تشربية فى حاجة زى السحلب او المغات يعنى متزهقيش نفسك من الاكل و نفس الكلام فى البيض مرة بيض اومليت و مرة بالبسطرمة ومرة بالعجوة كدة يعنى بس ضرورى ......

[دودى لف]

مرسى يهنا قوى وربنا يخليكى ويبارك فيكى ومتشكرة قوى على اهتمامك وربنا يباركلك فى اهل بيتك إن شاء الله

[دودى لف]

مرسى ياسمسة كتير وشكرا لمرورك

[دودى لف]

شكرا ليكى ياحبيبتى وربنا يتمللك بخير وتشوفيه احسن انسان فى الكون يارب ويباركلك فيه ........انا والله مشكلتى انى مش اكيلة وباحاول والله قوى انى اكل عشانه بس والله معدتى مش بتقبل انواع كتير قوى من الاكل يعنى غصب عنى والله ....وادينى باحاول ..وفكرت فى التنوع يمكن يغير شئ وشكرا ليكى ياcoca

[دودى لف]

مانا زى ماقولتلك فى حاجات كتير قوى مش باقبلها تعرفى تلت تربع الحاجات اللى قولتيها دى مش باكلها ومش باعرف اكلها ولو استقرت فى معدتى حبة مش باعرف اكل بعديها يمكن يوماو يومين والله مش مبالغة انا الدكتورة غلبانه معايا قوى وكتبت لى على فيتامن وكاليسيوم بالبرشام ...وانا باحاول والله .....ومرسى قوى على نصيحتك ياcoca

[دودى لف]

متشكرة قوى ياما انا باحب كل اللى انت قولتية بس اللبن صعب قووووووى بس هاعوضه بالكرنب مرسى ياقمر وشكرا لمرورك

[دودى لف]

يارب يام مريم مش مشكلة انا مستعدة اعمل اى حاجة والله بس الفكرة ان معدتى مش بتقبل عشان كدة عاوزة انواع من نفس الحاجات اللى مش باستحملها عشان يمكن تستقر شوية فى معدتي او اعرف اكل

[Hanan Fouad]

بصى يا دودى على ما اعتقد ودة اكيد ان هور الوحم خلصت ما فيش حاجة اسمها مش بتقعد فى معدتك طول ما انتى قاعدة كلى حتة فاكهة او خضار مش شرط تعملية سلطة واللبن اشربى جهينة بلاش السايب عشان ريحتة حطى علية نسكويك انا ما كنتش باكل بنت طلعت ضعيفة
وربنا ياومك باسلامة

[rehab]

بصي أنا الدكتورة اللي كنت بتابع معاها قالتلي أني لازم أكل 7 حبات عجوة اللي هو البلح لأن بيبقي في كل الفيتامينات اللي بيحتاجها الجسم في اليوم فأعملي كل يوم ساندوتش عجوة بالزبده بيبقي تحفة عارفة أنا كنت بحس أني هقع من طولي من الهبوط والله أول ما كلتها مبقاش يجيلي هبوط خالص ممكن كمان تاكليها كعب الغزال والحاجات دي وحاولي تاكلي خضار كتير خس خيار كده يعني ولازم تاكلي سلطة يوميا وعليكي وعلي اللبن بس ياريت ما تكليش كبده لأني سمعت أنها مضرة بالبيبي ولا المياه الغازية أمانة عليكي ما تشربيهاش مضرة جداااااااااااااااااااااااااااااااااااااااااااااااا ااااااااااااااااااااااااااااااااااااا

[دودى لف]

مرسى هنا وشكرا لمرورك..........ومرسى لاهتمامك ياقمر

[دودى لف]

مرسى يارحاب بجد ومتخافيش انا مش باحب خالص المياه الغازية .........انا عارفة ان الكبدة مضرة بس اعتقد برضه ان ضررها بيروح لما تتسلق والله اعلم بس هابعد عنها برضة..........وشكرا لمرورك ياجميل

[drnahla]

هى الكبدة مضرة بالرغم انها فيها حديد
وزلك لاحتوائها ع نسبة عالية من فيتامين ب 12
وهو يسبب تسمم فيتامينى للطفل