[رانيه]

السلام عليكم دلوعه انا كتير بحب ارائك وخاصه في مجال التغذيه لأنها تخصصك بدي اسأللك انا بحب الصويا صوص وبحب اضيهفا علا اكلي خاصه الخضار ولاني بتبع رجيم معين فما مدى تأثيرها علا السعرات الحراريه اذا ضفتها علا الاكل سواء خضار او لحوم وفي فرق بين الصويا صوص اللايت والصويا صوص العادي وشكرا كتير

اذا اعجبك الموضوع و اردت نشره في المنتديات الاخرى فاستخدمي هذا الرابط:
سؤال خاص بالتغذيه لدلوعه
http://forums.fatakat.com/thread7476

[دلوعة زوجها]

غاليتي .. آسفة على التاخير بالرد بس كنت عمحضر العشا قبل لا يجي زوجي , مو دايما لما بتشوفيني أونلاين بكون موجودة عالخط بس لأن النت مفتوح عندي 24 /24 ساعة و أحيانا بنسى أعمل تسجيل الخروج .. فببقى أونلاين
بالنسبة لصوص الصويا متله أي مادة تانية إله منافع و إله مضار
لكن موضوع المنافع و المضار بيتعلّق بس بالصويا صوص الطبيعي
أما الصناعي المعلب آسفة اني خبرك إنه معظمه مضارّ لأن بيحتوي على المواد الحافظة متله متل الكتشب و المايونيز وكل المعلبات .. بالإضافة إنه بيضيفو له نسبة مو قليلة من السكر ..

لكن الصويا صوص الطبيعي المستخرج من فول الصويا إله فوائد كبيرة باحتواءه على الصوديوم والمغنيزيوم و ضرره يكمن فقط في احتوائه على نسبة عالية من الأملاح اللي بتأدّي لأمراض القلب ولإحتباس السوائل في الجسم بالتالي السمنة الناتجة عنه ما هيي دهون بقدر ما إنها مجموعة من السوائل

وبآخر الدراسات عن فول الصويا وردني إنه بيمتلك خاصيّة دفاعية كبيرة تفوق خاصية الفيتامين C في الدفاع عن كفاءة الخلايا وحمايتها من التخرّب و تنشيط الدورة الدموية بعد ساعات قليلة من تناوله كما أن له خاصة بتنظيم الهرمونات الأنثوية عند المرأة
_بعد وجبة معكرونة بصوص الصويا الطبيعي بكم ساعة بتتنشطي و بتحسي زادت مروّتك وحركتك صارت افضل أكيد_
و بيحتوي فول الصويا على مضادات للأكسدة قوية. ويعتبر من الأطعمة التي تحتوي على كمية كبيرة من البيوتين (Biotin) وهو أحد المغذيات الهامة التي تشبه الفيتامينات
كما إن فول الصويا بيتميّز عن باقي البقول بأنه بيحتوي على جميع الأحماض الأمينية الأساسية الضرورية لجسم الإنسان لصنع البروتين. هذا يجعله مصدرا ممتازا للبروتين الكامل وخصوصا للنباتيين (اللي ما بياكلو اللحوم والجبنة و...وبالتالي ما بياخدو حاجتهن من البروتين) و زيادة إنه بروتين فول الصويا هو بروتين ممتاز و أفضل من البروتين الحيواني لأنه خال من الشحوم والكولسترول.
يحتوي فول الصويا على كمية أكبر من البروتين والدهون من أي نوع آخر من البقول
هي هيي فوائد فول الصويا
وانتي أكيد كتير فرحتي و أنا ما حابّة ضيّعلك فرحتك بس لازم قلّك إنه صوص الصويا الطبيعي بيحتوي على كل هي الفوائد لكن الصناعي ليس له علاقة بكل فول الصويا أو يمكن يكون إله علاقة بنسبة لا تتجاوز ال 3% و الباقي سكّر و منكهات و ملونات و بهارات ومواد حافظة
صوص الصويا التجارية تحتوي على كيماويات و كحوليات لتعجيل التخمير"يعني متل المواد اللي بيستعملوها لعمل الخمر
بالإضافة إلى إحتوائها على سكر ومواد دهنية
بالتالي هو عبارة عن ضرر خالص
ومفي شي اسمه صويا صوص دايت .. يمكن قصدهن انه ضايفين له سكّر أقل
إذا فعلا ملتزمة بالريجيم .. أنا كتير آسفة بس ما بنصحك فيه .. لأنه والله ضار و ضار جدا متل كل المعلّبات و أكتر ..لأ و فيه زيادة نسبة املاح صناعية و الأملاح بطبيعتها تحبس السوائل بالجسم وتخليكي تبيني منتفخة و إلك كرش و تحت عيونك انتفاخات يعني نافشة متل الكيكة
و زيادة إنهن يضيفو فيه سكّر كمان ومواد حافظة

حاولي تشوفي حدا موثوق بيستخرج صويا صوص طبيعي .. يكون أحسن يا غالية

_مع حبي

[رانيه]

شكرا شكرا يا بطه والله يعطيك العافيه والله لا يحرمنا منك

[IMG]http://[/IMG]