[ناننو]

سؤال وجيه ... ايه رأيك في شغل المرأه
وهل الافضل لها انها تشتغل ولا تقعد بالبيت ...؟
هل الشغل ميزه لها ولا رعايه بيتها اهم ...؟
هل الست اللى قاعدة بالبيت بتكون على نفس درايه وثقافة الست اللي بتشتغل ؟ طيب الدخل و الاستقلال المادي ؟
بس كمان مسئوليات الاولاد ؟
والزوج هل بيتأثر بشغل الزوحه تأثير ايجابي ولا سلبي ؟
اسئله كتيرة داخله في الموضوع دا فا ايه رأيكم ؟؟؟ ايه رأي اللى بيشتغلوا وايه رأي اللى مابيشتغلوش؟

[د/لولي]

السلام عليكم ورحمه الله وبركاته
لو بصينا للموضوه من الناحيه العصريه هاتقولي لازم تشتغل عشان الحياه الصعبه وتبقي مستقله ماديا ومحدش يتحكم فيكي وتبقي مواكبه للاحداث اللي بتحصل بره وكده يعني
بس لو بصيتلها من ناحيه تانيه ودا رايي انا بحس انا الست لازم تقعد في البيت (وقرن في بيوتكن) اولا هاتبقي رايقه واخده بالك من نفسك جدا ومهتميه بجوزك وبيتك جدا جدا ولو عندك اولاد هاتبعيهم وتقدري تربيهم تربيه اسلاميه صح وبعدين اللي عايزه تبقي مثقفه هاتبقي رغم اي ظروف وبعدين التليفزيون والقرايه ممكن يخلوكي فيلسوفه دا كفايه منتدي فتكات
دي وجهه نظري علي فكره انا طبيبه بيطريه وقاعده في البيت عن كامل رضا

[أمولة]

مادام ميسورة ومافي اضطرارية لشغل تقعد في البيت بس الوقت هاد الرجل والمرأة
بيسعوا لشغل لسداد بس المتطلبات اليومية 000
أنا بالنسبة الي بحب اشتغل لأني في غربة وبدي أعمل اامن الاولاد للمستقبل 00وأنا أخصائية فحص بصر وبدور على شغل وحابة كتير اشتغل 000

[عبير بدري]

د\ لولى قبل ما ارد انا عندى قطط سيامى ممكن لوحبيت اسالك عن حاجة اسالك انا مع راءيك ان الشغل بيعمل كيان لاكن تربية الاولاد مسؤلية كبيرة فى الزمن دة صعب على اى سيدة تشتغل و تاخد بالها من الاولاد مش علشان حاجة لانة هيكون مجهود عليها وحمل ثقيل

[د/لولي]

طبعا يا مدام عبير لو احتجتي حاجه قولي
بس امضيلي اقرار لو حصل حاجه مليش دعوه





http://www.smileycentral.com/sig.jsp...p=ZNxmk142YYEG

[د/لولي]

http://www.smileycentral.com/sig.jsp...p=ZNxmk142YYEG

[عبير بدري]

اشكرك جدا وولا يهمك انا اصلى بحب القطط قوى والحيوانات عموما بس جوزى مش مدينى فرصة الحمد للة

[رونا]

مممممممممم موضوع ملئ بوجهات النظر الكثيره والأراء المتباينه،،

ولكن إخوتى مع التحضر والتقدم والإنفتاح الذى أصبح عليه عالمنا العربى الآن..

باتت المرأه تفهم حاجتها للعمل بشكل خاطئ وأقول هنا البعض منهن وليس الكل

بمعنى أنها لابد وحتماً أن تعمل دون أى حاجه ولا داع للعمل

ولكن المشكله التى رأيتها كثيراً حقيقه أن بعض الزوجات يتشاجرن مع

أزواجهن لكى تعمل دون أى حاجه ماسه لذلك،

وهنا طبعاً يترتب على ده تفكك أسرى ومش ببالغ

لأنى رأيت هذا المثل أمامى وبسببه تم الطلاق


هنا يكمن سؤال هل الأمر يستحق أن نصل به للطلاق وأيهما أولى هنا؟!



منذ زمن قرأت لاجاثا كريستي عن عمل المرأة حين قالت:
ان اكبر اكذوبة ضحك بها الرجل على المرأة هو " ان عمل المرأة لمصلحة المرأة "

وعلى فكره عمل المرأه وضحه القرأن الكريم فى اشارات القران حين يعلمنا الله تعالى كيف نعيش

"ولما ورد ماء مدين وجد عليهِ أُمةً من الناسِ يسقونَ ووجد مِن دونِهِم امرأتينِ تَذودانِ قال ما خطْبكما قالتا لا نسقي حتى
يصدر الرعاء وأَبونا شيخ كبير " (23) سورة القصص

وهنا يتضح
ان عمل المرأة مسموح به بل يكون احيانا واجبا

وله شروط حسب الاية الكريمة

لا نسقي حتى يصدر الرعاء = اي عدم مزاحمة الرجال
وابونا شيخ كبير = اي الحاجة للعمل سواء للمادة او للاحتياج للتخصص النسائي


إذاً الخلاصه أن نلتزم بالشروط التى وضعها الله سبحانه وتعالى وبينها لنا رسولنا الكريم لخروج المرآه للعمل

لأنى لم يضع الله سبحانه وتعالى هذه الشروط سدى
ولكن

ليحفظ لها مكانتها وأهميتها فى المجتمع

لأنه هو خالقنا ويعلم ما ينفعنا وما يضرنا

حتى وإن كانت ستخرج للعمل فى مكان لايعمل به إلا النساء

ما دام يتعارض مع الشروط وعلى حساب إهمال بيتها فلا تعمل

أما بالنسبه إنى المرأه أفضل إنها تقعد فى البيت ولا تشتغل؟ مقدرش أقول آه أو لا
لأنى نعم أنا مع عمل المرآه ..ف ظل ظروف معينه
ولا ليست مع عمل المرأه ..فى ظل ظروف أيضاً معينه

وعلى فكره أوقات المرأه التى لا تعمل بتبقى مثقفه أكثر من التى تعمل ..لأنى مش مقياس سواء بتشتغل تبقى بالضروره مثقفه لأنى الانسان لو عايز يتثقف هيتثقف حتى لو كان فى سجن

يعنى ليس مقياس

أنا حاليا ً مش بشتغل ولكن باخد كورسات إنجلش وبدرس Icdl وحاجات تانى وكل ده علشان أزيد من تقافتى وأنفع بها غيرى وأهم حاجه أولادى ..

صدقونى الاولاد محتاجين مننا على الاقل وقت 10 ساعات لمتابعتهم وسماعهم بشكل كافى هقدر أجيب الوقت ده كله منيييييييين

ولكن لو اضطريت اشتغل اكيد هشتغل

أتمنى تكون الفكره صلت
ومعلش رغيت كتير

بس موضوع متشعب وممكن كنت أرغى كمان

ناننو
مشكوره جل الشكر

لعله موضوع يوضح لنا أشياء كثيره نغفل عنها

وتعلم المرآه ما لها وما عليها

وتحيه لكل أم تركت عملها وتخصصها التى تحبه
من أجل أولادها لكى تسبغ عليهم بعطائها

[سوكة الددة البيضة]

موضوع جميل
انا فى رأى الشخصى ان الست افضل تشتغل لو هى من الستات الى ممكن تتحمل متاعب الشغل المعروفة ...
ولكن بالنسبة ليا انا السبب الوحيد الى بسببه محبتش اشتغل هو عدم قدرتى على الأحتمال (الحر - الضغط العصبى - مشاحنات العمل المعروفة)

وبالنسبة للاستقلال المادى فانا بحققه عن طريق (جوزى بيدينى مصروفى الخاص الى احنا متفقين عليه من زمان وبيزيد لو مرتبه هو كمان زاد - ممكن اشغل فلوسى فى اى مشروع يباشر فى البيت )

اما بالنسبة للرجال فهم نوعين نوع يفضل المراة تشتغل علشان تنزل من على ودانه ونوع يفضل المراة المتفرغة له هو والاولاد.......
انا زوجى من النوع التانى شايف ان مراعيتى للاولاد اهم حاجة

[ام مهند]

مع احترامي لكافه الاراء
انا جربت كده وكده ولاقيت متعه الست في جلوسها في البيت
اما عن العائد المادي فانا استفدت كتير من جلوسي في البيت حيث انني كنت بعطي دروس خصوصيه في منزلي ووسط اولادي ولكن ليس بسبب الماديه ولكن حتي لا يتوقف عقلي
اما زوجي بارك الله له واعطاه الصحه والعافيه فشجعني علي اخذ كورسات عديده في مجال اللغه والكمبيوتر وتحمل هو جميع المصروفات وكان يقول لي انا معاكي حتي تزهقي وتقولي خلاص
وبكده اتعلمت واستفدت وعلمت اولادي من غير بقا حرقه دم وده يتأمر عليك وده يسمعك كلمه تحرق الدم ولا الموصلات والزنقه وقله القيمه اللي بتحصل فيها
وكله ده في كوم والاولاد والبيت في كوم تاني
الولد جاب درجات ضعيفه وده بسبب انك لما بترجعي من شغلك مصدعه يادوب تحضري الاكل وتشوفي البيت ومتطلباته وتسأل كل واحد عملت الواجبات كده من غير ما تشوفي وتذاكري كل ماده
طب الولد مرض هتضطري تأخدي اجازه ولو مفيش هتعملي ايه
ده غير لبسك ومظهرك وده هيأخد كل المرتب اذا كنت عايقه ومتضايقه
والموصلات وهكذا الواحد يحسبها مظبوط هتلاقي البيت ثم البيت ثم البيت

[ناننو]

شكرا ليكم جميعا احبائي لمروركم الجميل والموضوع دا فعلا هاممني ويهمني اسمع رأيكم فيه ... ممممم بس يا ريت تدخلوا تقيموا الموضوع

[عاشقة الرسول]

انا شايفة ان الست ملهاش غير بيت جوزها
لا مش كدة
بس قصدى ان المرأة كرمها الله بجعلها زوجة وام مسلمة
ودة يخلينا نهتم بالواجب اللى ربنا حملوا لينا علشان هنسأل عنه يوم القيامة
وممكن الشغل يخلينا نقصر فى بعض الواجبات دى
وعموما اكم من نساء تعمل ومع ذلك شايفة شغل بيتها تمام
وختاما دى وجهات نظر

[مورة]

انا كمان من رايكم ان مدام مفيش حاجة للعمل
يبقي الست بيتها اولي بيها واولدها

[ام شوكت]

البيت ثم البيت
لو كل ست قعدت بالبيت وكل بنت تنازلت عن الوظيفه فلن نجد البطاله وكل شاب سيحصل على وظيفه وراتب يكفي المتطلبات ولاكن مزاحمة المرأه للرجال في مجال العمل زاد من البطاله وزاد من نسبة العنوسه للطرفين بنات ورجال بسبب عدم وجود فرص عمل للرجال

[yoyo]

انا مع الست اللي تعد في البيت احسن عشان شغل البيت و الاطفال و الطبخ و مراعاة الزوج يعتبر شغل بردو وله ايه؟

[سوسو4]

جنة المرأة منزلها ولكن للضرورة احكام
وخصوصا بهالزمن ده ولكن اذا خيرتوني
اولادي وجوزي وبيتي اولى بيا
على العموم دي وجهت نظري وشكرا لكم جميعا

[annos]

عن نفسى احب اكون حرة بدون قيود العمل
بحب ادلع وما فكر غير ببيتى بس
برائى ان الشغل لمن يحتاجة فقط وعارفة انى البعض سينتقضنى

[mas171]

أنا عن نفسي بحب أن أتستت في البيت الله
يخليلنا أزواجنااhttp://img.aljasr.com/icon.aspx?m=blank

[ام الحنايا]

طبعا البيت لان الست اللي بتشتغل ما رح يكون عندها وقت لزوجها واولادها وبيتها