[كنزة]

في نظري أنا أفضل المرأة التي تشتغل حتى لا تثقل على الزوج في كل صغيرة وكبيرة وبالتالي سوف تتولد نقاشات ومشاكل مهما كانت صغيرة من المستحين الاستغناء عنها، أي أنها لاسعاد زوجها تشتري كل ما يخصها ويتطلب حيتهما معا وسعادتهما بمالها دون اللجوء إلى إعلامه على كل كبيرة وصغيرة مثلا تشتري عطرها وملابس المنزل لتفاجأه ولو لم يكن لديها حر مالها فلا تستطيع مفاجأته مهما فعلت. كذلك يجب أن تنظم حياتها وكل الحياة تسير على أحسن ما يرام
والمرأة مثلما هي قاعدة في البيت تنظم وتحافظ على أسلوب حياة معين، تستطيع كذلك الحفاظ على نفس سير للحياة وربما أفضل وهي تشتغل إذن فأنا مع المرأة التي تشتغل وشعارها البيت والزوج والأولاد ثم العمل دون الاستغناء عنه دون الحديث عن الحرية لأنه كل واحد يمكن يفسرها حسب ثقافته وحسب البلد الذي يعيش فيه هو...

[ريري]

انا وجهة نظرى ان لكل امرأه ظروف ،ولازم تتأقلم مع ظروفها سواء بالشغل او الجلوس بالمنزل
وعن نفسى انا جربت الشغل لفتره قصيره جدا(خارج المنزل)واكتشفت ان كل العبء والمشاكل هاتقع على عاتقى انا ،وهاكون انا المقصره فى اى نقص فى احتياجات المنزل والاولاد...طب وعلى ايه ده كله ..اصرت السلامه وقعدت قبل ما تخرب مالطه،لانى لما كنت باشتغل ماكان فى وقت لاننى اهتم بنفسى او اعمل حلويات او العب مع الاولاد او ..او ...
اما لو كانت المرأه متفرغه يعنى ما فيش اولاد ..ممكن انها تعمل بمكان لا تختلط فيه مع الرجال لتحافظ على نفسها وتتقى الله بشرط ان يكون جوزها موافق ومرحب كمان

[جورية]

اولا الموضوع رائع

اولا الحين الحريم اهما الي يشتغلون والرجالة هما الي قاعدين في البيت

اهو اكيد في ايجابيات وسلبيات على الشغل بس والله اعرف عوائل لو الحرمة ما اشتغلت والله ما ياكلون ولا يلبسون فاحسن شي لهم الشغل بس مو الي يتفصخ لا شغل محترم

انا اكبر مؤيدة للشغل

[ورده الحب الصافى]

انا اشارك د/ لولى وام مهند وام شوكت الراي ولو على وقت الفراغ في حاجات كتير غير شغل البيت ممكن تعمليها او تحاولى تتعلميها وعلى فكره انا موظفه ولو زوجى قرر انى مأشتغلش مش هتردد ثانيه انى أعترض وعلى فكره الزوجه اللى بتتحجج بالوظيفه علشان تشتغل وتساهم فى مصروف البيت اكبر غلطانه لأنها لازم هتقصر فى بيتها ولو قدرت تظبط بيتها هتقصر فى شغلها وده هيخليها تأخذ فلوس حرام لأنها مابتشتغلش بيها وهتصرف الفلوس على المواصلات واللبس لأنها بتشوف زميلاتها بيلبسوا واكيد طبعا هتبص لهم لأنها فى الأساس مش قنوعه ومش مكتفيه بمرتب زوجها ولا ايه ؟؟؟؟؟؟؟؟؟

[سندريلا79]

انا رأيى ان شغل المرأه متوقف على حسب الحاله الماديه للاسره
اذا كانت محتاجه للمال فالشغل مش عيب ولا حرام بشرط انها ماتهملش بيتها
اما اذا كانت متيسرين ماديا خلاص مفيش داعى للبهدله
وميرسى على موضوعك المهم ده

[نادو]

بسم الله الرحمن الرحيم

انا معاكم وبأيد آرائكم ومتنسوش حديث الرسول علية افضل الصلاة والسلام الذى يقول فيه : <<استوصوا بالنساء خيرا فإن المرأة خلقت من ضلع وإن أعوج شئ فى الضلع أعلاه.. فإن ذهبت تقيمة كسرته .. وإن تركته لم يزل أعةج. فأستوصوا بالنساء خيرا >>.
ياجماعة المرأة مهمتها عاطفية.
ومحدش ينكر ان الرجل والمرأه متشابهان . ولكنهما مختلفان عند توزيع الطاقة يعنى الراجل محتاج الى عقل لا يتأثر بالعاطفة أما المرأة محتاجة الى عاطفة لا يقتلها العقل .
ياجماعه الرجل عمله محصور فى طلب الرزق كلنا متفقين على كدة اما لو المراة بتعمل عمل خارجى وبعد كدة تروح البيت بيبدأ يوم عمل شاق دة غير الشغل اللى كانت بتعمله قبل ما تروح البيت فى عملها اصلا بتلاقى زوج واولاد كل واحد بيطلب طلب وما عليها غير التنفيذ وطبعا كلنا عارفين انو لو واحدة بتشتغل وقصرت بس فى زرار مش متخيط فى القميص الزوج طبعا ياهانم ماانتى مقصرة فى بيتك وتبقى ساعتها مقصرة فى حقوقها كلها ياحرام

[rania mohamed]

اولا.هذا السؤال مهم جدا لان انا بشتغل ومش عارفة لما اتجوز هل اقعد
فى البيت ولا اكمل شغل بس انا افضل انى اهتم بجوزى وبينى احسن

[أم مريم]

انا رأيى ان مدام مفيش سبب للشغل يبقى الست متشتغلش
و كمان انا دايماً بقول زى أم شوكت ان لو الستات قعدوا فى البيت مش هيبقى فيه بطاله لان الشباب هيلاقوا شغل و بالتالى مش هيبقى فيه عنوسه و خصوصاً ان زى ما كلنا عارفين فيه ستات كتير شغلهم زى قلته بيروحوا الشغل بس عشان ينقوا رز و يفصصوا بسلة و حاجات زى كده صدقونى انا شفت بعينى موظفة بتقطف ملوخية.
وبالنسبه للثقافة ففيه وسائل كتير تقدر الست تثقف بيها نفسها زى التليفزيون و النت و الكتب و الجرايد و انا كنت بشتغل قبل ما اتجوز بس عشان مكانش ورايا حاجه و دايماً كنت اقول ان لو جانى عريس و طلب انى اشتغل مش هتجوزه الا اذا كانت ظروفنا تحتاج لشغلى

[ام القاسم]

انا جربت الشغل لمدة سبع سنين كنت مدرسة
بس والله البيت اكرم للمرأة واكثر وقار يقول سبحانة (وقرن في بيوتكن )

[نادو]

بصى هوا الافضل دلوقتى وفى زمننا دة انى اقعد في البيت عشان اخد بالى من زوجى واولادى لان تربية الاولاد مش سهلة ومفتكرش انو فى ست بتشتغل وقادرة تحقق الراحة والحب والرعاية الكاملة لزوجها واولادها دة رايي وعلى مسئوليتى

[بسكوووووته]

غالبا الظروف هي اللى بتفرض وضع زي ده للأسف وللأسف أكتر بتكون طاعة الزوج ف كل الاحوال واجبه.

[دلوعة زوجها]

حالتنا المادية ممتازة و الحمدلله .. بس العمل قيمة
بحب إشتغل إلا إنه زوجي رافض الموضوع تماما وقال لي مارسي عملك كهواية
لكن لكسب المال لأ
(بيعتبر الموضوع انتقاص لرجولته لأنه ممكن يكون منقص شي عليي أو عالبيت) و الشهادة لله انه كريم جدا وما بخليني حتى اني إطلب .

[بلقيس ابو ربيع]

انا مع الست اللتي تعمل ليس بالضروره ان تخرج بل تختار عمل يمكنها ان تعمل وهي في المنزل انا شخصيا تعلمت دورة اعداد حلويات واعمل وانا في المنزل وحتى الان والحمد لله لم اقصر في واجب زوجي وابنائي ونظافة بيتي على افضل ما يكون ودائما اطمح للاكثر والمزيد من التقدم وطبعا كل هذا بتوفيق من الله ورضى الوالدين الحمد لله
الاهم ان اكون عنصر منتج وفعال في المجتمع
1 راحه نفسيه
2 استقلال مادي بحت
3 مساعدة الزوج
في متل بيقول الايد البطاله عفشه

[مروشكا]

أنا مش بشتغل ولا بفكر بالموضوع وإذا فكرت فمن باب التسليه وبدوام لا يتعارض مع بيتي أصلا بكفيني النت و3 أيام في الأسبوع نادي
ورأي أم مهند عجبني جدا

[ام عمر المصرية]

اعتقد عدم الشغل للمراة افضل لها ولبيتها ولاولادها ولكن لكل عيوب ومميزات فعمل المرأة من الناحية المادية مفيد لها مستقبليا اكثر ولكن له تاثير سلبى على رعايتها لبيتها مهما حاولت توفق بينهم بيبقى على حساب راحتها وصحتها ولكن مكوثها فى البيت افضل لاولادها انا لا اعمل وكل الاجيال الجديدة من اقاربى المتزوجات لا يفضلن العمل

[نسرين عيد]

يا جماعه يعني لو كل واحده قالت البيت احسن ....فكروا معاي مين رح يدرس بناتنا؟ مين رح يداوينا؟(بتفضلوا طبيب نساء رجل ام ست؟)التمريض؟ يعني اكيد العمل مهم بس بشروط اولها للي بتقدر عليه اكيد حيكون في تقصير بس الزوج المتعاون بيسامح وانا بشوف ان المراه العامله فعلا بتكون منفتحه اكثر وهاي حقيقه لا احد ينكرها
. على فكره انا اشتغلت سنه بس بعدين تركت بسبب طلب زوجي.

[حنان الشريف]

انا ر أي ان كل ست بتشغل بتاخد مكان شاب قاعد عاطل علشان وان السيده العامله مظلومه بره البيت وجوة البيت نادر اللي بتقدر توازن بين بره وجوة لان نسبه كبيره من العاملات مطلوب منهم يصرفوا على بيوتهم مع ازواجهم ودائما في مشاكل بسبب ذلك ودى خبرات من حولي ولكن انا مع عمل المرأه تحت ظروف خاصه فانا استحاله اكشف عند طبيب رجل ما دام فيه طبيبه بنفس التخصص نزول السيده للعمل ضروري احيانا ومرفوض في احيان اخرى

[nona79]

انا شايفه انو لو الست محتاجة تز يد دخلها تشتغل
بالنسبةليا انا عندي ان البيت افضل لانها تكون مرتاحة وبعدين الثقافة ملهاش دعوة بالشغل لانة لما تكوني في البيت يكون عندك وقت اكثر انك تقراي وتطلعي
بالنسبة لزوجي بيقولي خليكي في البيت وانا اعملك الي عايزه
وبابقي مع ابني وقت طويل علشان كده انا مس***** من جميع النواحي

[ام ميداء]

اؤيد بشدة عدم خروج المرأة للعمل لان هذا القرار انا اتخذته منذ التخرج ولم
اندم عليه فانا خريجة هندسة القاهرة عام85 واكتفيت بتربية اولادى وكنت سعيدة
جدا وانا باذاكر لهم وهم بيتفوقواوالحمدلله دخلوا كليات قمة وعرفت قيمة قعدة
البيت لما بدات ادفع فى الحصة 30 جنيه فى الثانوية العامة
ولوعلى المادة حتى لواقل ارحم من العمل وكفاية ان امى وابى فى مرض الموت
وجدونى ارعاهم اناواختى الجامعية ربة البيت ايضا واولادها متفوقين ايضا
لان نجاحهم هو نجاحنا احنا شخصيا والثقافة الجريدة بتجيبها لنا لحد البيت
وهوماحرصت عليه فعلاوباصرار..........موضوعك جميل