[dodo_melego]

:m ood18: اعزائى فتوكات ارجو ان تفيدونى فى معرفة طريقة صنع صلصة المكرونة الايطالية وماهى افضل طريقة لصنع الصلصة الحمرا للكرونة

[قطر الندى999]

فى ياحبيبتى انواع لصلصات المكرونه كتيييييره جدا
فى مكرونه بالمشروم وفيه بالكريمه وفى بالسى فود وفى بالجرجير وفى بصوص الابيض
انواع كتير اوى حددى اى نوع تريدين
بالنسبه لصله المكرونه الحمرا برضوا لها اكتر من طريقه
هقولك على بعضهم
هتجيبى بصله وفص توم مفرومين ومعلقتين زبده او زيت وتشوحى البصل وتنزلى عليه بالطماطم وتتسبك وتنزلى بالملح والفلفل الاسمر والمكرونه
دى طريقه
فى واحد تانيه هتجيبى بصله بس وقرنين فلفل احمر واخضر وتشوحى وتنزلى بالطماطم وبعدين ملح وفلفل والمكرونه
فى طريقه تانى
هتجيبى الزيت وفى طاسه يسخن تنزلى بالطماطم بس تتسبك وملح وفلفل ورشه شطه وبعدين المكرونه
فى طريقه تانيه
هتجيبى بصله وفلفل الوان وزتون اسود واخضر وورق ريحان اخضر ورشه جبنه اى نوع
تشوحى البصله وانزلى بباقى المكونات بعد ماتفرميهم وملح وفلفل اسمر ورشه شطه والمكرونه
ودوقى احلى مكرونه
ممكن الطريقه الاخيره دى تضيفى لها جمبرى وتبقى مكرونه بالجمبرى
ممكن تضيفى شرايح بانيه فراخ وتبقى مكرونه بالفراخ
ممكن سوسيس وتبقى مكرونه بالسجق
ممكن كبده وتبقى مكرونه بالكبده
ممكن لحم مفروم وتبقى مكرونه بالحمه المفرومه
فى طريقه تانيه للمكرونه الحمرا ودى سهله جدا
هتجيبى المكرونه نيه والصلصه وبصل وزيت وسمنه وفلفل رومى الوان وملح وفلفل وشطه
تشوحى البصله وانزلى عليها بالفلفل والطماطم والمكرونه نيه
تغلى غلوة واحده ودخليها الفرن تكمل السوا وقبل ماتخرج حطى على الوش جبنه اى نوع ودخليها الجبنه تسيح
لو عاوزة اى طرق اخرى للمكرونه انا تحت امرك
لانى من محبى المكرونه وبحب دائما التنويع فيها

[MaMa SOAD]

انا باعمل مكرونه حلوه بس استفدت من الطرق الجميلة بتاعتك جزاكى الله كل الخير

[توتة مرمر]

كنت هاقولها

[jomana waheeb]

تسلمى ياقطر الندى انا برده من عشاق المكرونة

[فتوكة الحلوة]

تسلمى يا قمر على الصلصات الحلوة دى

[مروه مدحت]

جميله اوى تسلم ايديكى
.

[نورديدو]

بصى فى طريقه حلوه انا بعمل بيها
فى الخلاط (طماطم \فلفل \جزره مبشوره \بصله مقطعه\فصين توم\ملح وفلفل وبهارات \مكعب مرقه دجاج )

ومعلقه سمنه على النار واضيفى عليهم الخليط

[محمد المرشدى]

تسلمو الايادى ومن يد مانعدمهاش

[حبيبتى نونا]

وأنتى بتضربى الطماطم فى الخلاط أضربى معاها
فلفل حامى وتوم
هتديكى طعم جميييييييييييييييل