.
السلام عليكم ورحمة الله وبركاته
احب اضيف كمان افضل واحب الوصفات الى وهى : المارون جلاسيه
واحب ان الكل يستفاد من الموضوع لانه سهل وبسيط ومربح
طبعا كلنا عارفين ان كيلو المارون جلاسيه وصل دلوقتى فى المحلات الى ستمائه جنيه للكيلو الواحد ودا طبعا غير عادل
احنا بقى نقدر نكلفو اقل من كدا بكتييييييييير
بسم الله المقاديرمرحلة التقشير الأولى
* 1 ك ابو فروه.
*2لتر ماء مغلى.
طريقه التقشير:
اولا : نضع ابو فروه فى اتنين ماء يغلى على نار هادئه لمدة ساعه&ثم نبرده ونقشر القشره الخارجيه بسرعه عشان مايجلدش منكم .
لنزع القشره الداخليه نقوم بنفس الطريقه السابقه ثم ننزع القشره الداخليه.
نعمل شربات عسل مكوناته:
* نصف كيلو سكر.
*لتر ماء.
*عصير ليمونه.
ثم نضع ابو فروه فى العسل وهو بيغلى بعد نزع القشره الداخليه طبعا لمدة ساعه على نار هاديهثم نطفىء النار عليه النار بعد فوات الساعه ثم نتركه فى السيروب او الشربات الى اليوم التالى.
فى اليوم التالى نصفى العسل وناخد منه المارون جلاسيه ونعمل عسل جديد غيره بنفس المقادير للشربات السابق نكرر نفس العمليه نضع ابو فروه فى الشربات الجديد وهو بيغلى لمدة ساعه على نار هاديه ونبيته فيها تانى ونكرر نفس العميه حتى يتم اربعة أيام.
فى اليوم الرابع نضع فى الشربات وهو بيغلى نصف ملعقه صغيره كربونات صوديوم (بسيط يعنى)
ثم نتركها تغلى وفيها ابو فروه لمدة ساعه ونبيته فيها تانى (شغلانه بقى البيات دا)
.
فى اليوم الخامس بقى (ماتخافوش هناكلو اهو) نصفيه وناخد الشربات الى صفيناه ونعمل منو آيسينج (قشره خارجيه) لو تحبو لكن هوا كدا خلاص يتاكل عادى كدا وومكن نغمسه فى شيكولاته بيضا او بنى وبعد ماينشف نلفو بورق سوليفان ونضعه فى الثلاجه ويقدم باردا.
طريقة عمل الآيسينج : لمن يحب عمل قشره بيضاء خارجيه الشربات السابق بتاع اليوم الأخير ( الذى وضعنا به الكربونات)
ناخد منه مقدار 200 جم وممكن اكتر حسب العجينه الى هانعملها ونضع عليه ك سكر بودره او سكرآيسينج يكون حلو جدا ونعمل عجينه من المقادير السابقه تكون سائله بعض الشىء ونغمس فيها أبو فرو نضعه على ورق زبده حتى تتماسك عجينة الآيسينج ونلفه بورق سوليفان وبالهنا والشفا ويا ريت الرد وتقولولى ايه رأيكم فى الموضوع الكبيييييييييييير اوى دا
والسلام عليكم ورحمة الله وبركاته
.
وصفتك جميلة ودمها خفيف محتاجة صبر"وبيات شتوي"
