[أم عمرو سامي]

السلام عليكم

ممكن اعرف طريقة عمل السجق بالطماطم

[أم عمرو سامي]

انتوا فين مفيش اي رد

[أي اسم]

السلام عليكم ورحمة الله و بركاته

السجق اللي بعمله مش العادي اللي لونه أحمر احنا بنخلي الجزار يحشيه لينا مخصوص

أنا هقولك على طريقتي بس مش عارفة تمشي معاك ولا ايه

أولا بسلقه علشان هو بيبقى محشي لحمة جملي فبياخد سوى و كمان علشان ينزل الدهون اللي فيه في المية و ميبقاش تقيل في الأكل

بعد ما بسلقه بقطع بصل كتير و طماطم كتير و 2 فلفل أخضر كل حاجة في طبق لوحدها
وبعدين أحط شوية زيت صغيرين في الحلة واحط البصل عليه واقلب لحد ما البصل تدبل وبعدين احط الطماطم واقلب لحد ما تنزل ميتها شوية ومعاها الفلفل الأخضر واسيبهم شوية على النار شوية صغيرين خالص لغاية ما الكل يتجانس مع بعضه و بعدين اضيف السجق سليم الواحدة بواحدتها واهدي النار واسيبه شوية صغيرين لغاية ما يتشرب من الخليط ده و بس

دي الطريقة الأولى

الطريقة التانية : بسبك صلصة عادي خالص مثل بتاعة المكرونة ( بصل و طماطم ) وبعد سلق السجق احطه على الصلصة علشان يتشرب منها وبس

لو حد عنده طريقة تالتة يقولنا عليها

[أم عمرو سامي]

شكرا يا قمر وصفتين ساهلين

[أي اسم]

معلش نسيت اقولك في الطريقة الأولى بعد ما تحطي السجق على البصل و الطماطم لو اتلقيتهم ناشفين شوية يعني مش طرية وفيها سائل ممكن تزوديها من نفس المية اللي سلقتي فيها السجق كام معلقة كده مش كتير بس من غير وش

وعلى فكرة الطريقة دي في الطعم أحلى بكتيير من الطريقة التانية

تحيـــــــــاتي

[أم عمرو سامي]

شكرا يا قمر

[نوسه الملحوسه]

تشوحي السجق علي الجانبين
تشوحي بصل جوانح وفلفل حامي ورومي وتضيفي طماطم مكعبات
وتوابل وبهارات وتقطعي السجق حتت صغيره وتضيفيه وتديله غلوه مع الخليط السابق
ممكن تضيفي علي الوش جبنه رومي جديده مبشوره بتبقي وهميه

[ملك النجار]

اممممممممممم شكل الطريقه الاولى تفتح النفس اكيد راح اجربها يسلموا ايدكى

[poky]

انا عجبتني الطريقه التانيه

الف شكر ليكم

[القلب الطيب\]

انا بعمله كده