[rawdh]

يابنات عاوزين نعمل الموضوع ده زي موسوعه لينا عشان نكتب فيها كل انواع المكياج الحلوه والرديئه وبنجبها من فين وياريت لو حد عند صور ليها ينزلها عشان نشتفيد منها وكمان لو نجح الموضوع حنزل في قسم البشره والشعر موضوع زيه عشان منتجات التجميل ...الموضوع ده حيكون مفيد لينا جدا بس بشرط الكل يشارك ولو داخله مستعجله خليه في المفضله وارجعيلو وقت تاني ....انا في انتظاركم
كريم الاساس:
كونسيلر:
بودرة مضغوطه:
بلاشر (احمر خدود):
روج...جلوس:
كحل...ايلاينر:
ايشادو:
الوان المكياج المفضله(مشمشي-بيج أو دهبي-غامق ولا فاتح_....):
مكان الشراء:
اي ملاحظات.... انا في انتظاركم
كلمه اخيره المنتدى ده رائع وعجبني جدا ....ماانكرشي اني استفدت من المنتديات الخليجيه كتير:d بس بجد كان نفسي اتكلم مع مصريات نفهم بعض....خلينا نحاول نرتقي بمستوي منتدياتنا بنفسنا ....انا في انتظاركم.

[lovely aina]

انا مصريه
بشترى مكياجى كده حاجه تعجبنى او كده من مول فى حلوان اسمه دهب مووول تقريبا عندهم كل حاجه وحاجتهم حلوه اوى ورخيصه
بس ساعات لما بحب ليا مكان سرى جدا بترى منه مكياجى المستورد بيتبقى حاجات نضيفه جدا بس اسعارها عاليه شويه اللى عايزه تعرف تبعتلى على الخاص وانا عنيا لكم

[umaesha]

ان كمان بشترى من دهب مول حاجات جميلة ورخيصة

[may55]

علي فكرة اكبر غلط تشتري انواع رخيصة وغير معروفة دي انواع اسرائيلية بتتوزع رخيصة لازم تشتروا ماركات وغالية دي بشرتكوا يا جماعة انا بجيب من سيف ستورز في ستي ستارز او العزبي وبستعمل لانكوم وفيكتوريا سيكرت ولوريال اما كريم الاساس ايف سان لوران

[seren_serenty]

انا بشتري الروجات من شركه ايفون وباقي الميك اب بشتريه من اوريفلام بجد منتجاتها هايله جدا وبالنسبه لمزيل الميك اب للعيون بشتريه بيرفيكت اي ليد من الصيدليه لانه معاه مناديل معقمة ومش بيوقع الرموش

[active_girl]

انا بستعمل كريم اساس بورجواه وكمان بودرة بورجواه اما الايشادو من اوريفليم بجد الايشادو منه روعه هو غالى شوية بس ملوش حل وكمان كريم الاضاءة حلو اوى من اورفليم الماسكرا بستعمل فير اند لفلى واللى محتاجة اى منتج من اوريفلام تراسلنى على الخاص وانا تحت امرها وكمان هعملها خصم حلو اوى

[جورى القمر]

انا بقى مشتركة فى اوريفلام وبجيب كل حاجة منها وعلى فكرة العضوية من اول بكرة مجانا مجانا واللى تحب تعرف اكتر انا تبعت لى على الخاص دلوقتى وانا اقول لها كل المميزات ودة كمان فى خصم ليكى 23%على اى منتج يعنى مكسب هايل

[rawdh]

ممتاز جدا يعني لحد دلوقتي عندنا
كريم الاساس: ايف سان لوران,,,اوريفلام ،،،بورجواه

مسكارا:فير اند لفلى,,,,اوريفلام
كونسيلر:
بودرة مضغوطه: بورجواه ،،،،اوريفلام
بلاشر (احمر خدود):
روج...جلوس: ايفون
كحل...ايلاينر:
ايشادو: اوريفلام
الوان المكياج المفضله(مشمشي-بيج أو دهبي-غامق ولا فاتح_....):
مكان الشراء:دهب مول في حلوان...شركات اوريفلام وايفون...العزبي وسيف
ممتاز يا فتكات عيني عليكم بارده ....ايه التفاعل ده...
يلا كمان لسه محدش رشحلنا الكونسيلر ولا البلاشر...وكما ايه الوانك المفضله
....كمان عندنا فتكات مشتركين في اوريفلام وبيعرضو خدمتهم ربنا يكرمهم..(active_girl...جوري القمر)
انا مستنيه مشاركات تانيه

[مرمريكا]

ازيك ياروضة
انا دايما بستعمل ايفون فى الاى لاينروالاى شادو والروج
وطبعا ديووووور بستعملها فى كل انواع الميكب