[واقع الأيام]

السلام عليكم ورحمة الله وبركاته

اخواتي الحبيبات

وحشتوني كتير اوي

بقالي كتير جدا ما كتبتش اي موضوعات وما اتكلمتش معاكم

بس ظروفي وجواباتي مش سامحين معلش هنعمل ايه ..

المهم ندخل في المفيد

بصوا يا بنات

انا من زمان جدا وانا بستخدم "سيتيال " كغسول للمنطقة الحساسة

وبنصح اي حد يسأل على غسول بيه

بس من كام يوم فوجئت لما بقول للدكتورة بتاعتي اني بستخدم سيتيال

قالتلي مش هنبطل كيماويات ؟؟

قلتلها كيماويات ؟؟
سيتيال كيماويات ؟؟

قالتلي ايوا طبعا

ما تستخدميش كغسول للمنطقة دي غير ماء وخل

لتر ميه عليه فنجان قهوة مليان خل

ورجيهم كويس

ولما يخلصوا تعملي غيرهم .. وهكذا .

بصراحة جربت اللي قالتلي عليه طلع حلو جدا

وللعلم مفيش اي ريحة للخل ظاهرة

لأن كمية الخل قليلة وسط المية دي كلها

فبناخد من الخل فائدته في التطهير بطريقة طبيعية بدون اي روائح غير مستحبة منه .

وبطلت سيتيال من يومها خالص

والموضوع مش للذم في سيتيال في حد ذاته

لا .. ده في اي غسول .. لأنه أكيد بيحتوي على كيماويات غلط على المنطقة دي أصلا.

-----

حبيت ابلغكم وانصحكم وأعرفكم زي ما انا عرفت وأفيدكم معايا

ويارب الموضوع ده يفيدكم وينفعكم ..

ولو حد استفاد منه ياريت يقيمه

ولو في أي تعليقات ؛ كلي أذان صاغية .

-----

تنبيـــــه:
----

في أخت فاضلة اسمها "بقايا إمرأة"
كتبت رد ان الخل بيموت الحيوانات المنوية
وده كلام دكتورها
فبلاش للي عايزة حمل او كده .. بلاش تستخدمه .

عموما ما يفضلش في الأيام اللي محتمل فيها حمل ؛ لا يفضل استخدام اي غسول او مطهر او اي حاجة
غير المية فقط .

وجزى الله الأخت الكريمة كل خير .

أختكم ..

[آيه من الله]

جزاكِ الله خيراً

[*هبة من الله*]

ياه بس ريحه الخل بتبقى صعبه والحاجات دى ريحتها حلوه انا جايبه بتاع ايفون بس معاكى حق ممكن يضر
شكرا ليكى على النصيحه جزاكى الله خيرا

[follaya]

اهلا واقع الايام عودٌ حميد يابنتي
وحشاني اوي
ده لو افتكرتيني ؟
تسلم ايديكِ على النصيحة

[واقع الأيام]

جزاكِ الله خيراً

وإياكِ جزى الله خيرا يا روح قلب شوشو ..

[واقع الأيام]

ياه بس ريحه الخل بتبقى صعبه والحاجات دى ريحتها حلوه انا جايبه بتاع ايفون بس معاكى حق ممكن يضر
شكرا ليكى على النصيحه جزاكى الله خيرا

لا خالص والله يا حبيبتي ريحة الخل مش بتبان اصلا نهائي وسط المية دي كلها

انا مش بلاقيله ريحة خالص والله .. اتطمني

وجربيه برضو وانتي هتشوفي بنفسك .

والله يكرمك سيبك من بتاع ايفون ده عشان خاطري انا ..

وإياكِ جزى الله خيرا

[شهدمعاذ]

جزاكي الله خير
انا كنت بستعمله لانه اخف الانواع
وساعات بستعمله لبنتي لجسمها كمطهر
مشعرفة بقى كدى يبقى ايه

[وتمضى الايام]

جزيتى خيرااااااااااا

[واقع الأيام]

اهلا واقع الايام عودٌ حميد يابنتي

وحشاني اوي
ده لو افتكرتيني ؟
تسلم ايديكِ على النصيحة

اهلا بيكي يا فلاية ..

وانتي كمان وحشاني جدا والله

وطبعا فاكراكي ..

الله يسلمك .. وشكرا على ردك واهتمامك يا قمر .

ويارب تكوني بخير .

[مصريه جدا]

جزاك الله خيرا