[فرحه]

باختصار يا جماعه ايه رايكم فى واحده بتحب جوزها جدا وعملت عشانه حاجات كتير اوى بس مش فهماه او يمكن مش فاهمها هى محتاجه للحنان والحب وهو مش مهتم بيها خالص عمركوا شوفتوا واحد يزعل من مراته عشان عاوزة تطمن عليه او بتتصل وتسأل عليه وهو فى الغربه ولو قالتله اتصل بيا او حتى رن عليا مره فى اليوم تبقى كده هى تافهه وهايفه ومش حاسه بيه وبمشاكله ساعات بتحس انه مش بيحبها اصلا مع ان ليه تصرفات بتثبت العكس يمكن هى حساسه بس هو من طبعه الاهمال فى مشاعر غيره يبقى من وجهة نظركوا ايه هو الحل ؟؟؟

[فرحه]

ارجوكوا ردوا على رسالتى لان صحبة المشكلة تعبانة اوىىىىىىىىىىىىىى

[عبير بدري]

شوفى يا فرحة فى نوع من الازواج كدة دة مش معناة انة مش بيحبك لكن ما بيعرفش يعبر عن حبة او مشغول وفى ازواج العكس اهتمام زيادة ويمكن تكون الزوجة مضيقة علشان كدة لكن الحل الوحيد انك تعرفى طبعة و تعملية على الاساس دة علشان ترتاحى وتريحية وربنا يهدى

[hana]

حببتى الرجالة نوعين وجوزك شكلة من النوع التانى من اللى بيحب التقل بصى هو ممكن ما يكنش قصده اللى انتى فهمتيه منه دة بس ممكن يكون هو عملى زيادة على اللزوم وحاولى تقدرى شغلة وإنه فى غربة وأكيد هو مش مرفه وأكيد عنده مشاكل وبعدين هو متغرب يعنى عشان مين أكيد عشانك وعشان الولاد .بصى خلية هو بقى اللى يشتاقلك وتوحشية وهو اللى يتصل بيكى ويبقى ملهوف عشان يكلمك إعملى كدة شوية وشوفى النتيجة إيه وهو أكيد بيحبك وربنا يهدى سرك ياحبى ....

[فرحه]

الف شكر ليكوا يا جماعه على الاهتمام وردكوا عليا بس انا محتاجه انكوا تدعولى من قلبكوا وربنا يخليكوا ليا وبالنسبه لنصيحتك يا هنا انا لو سبته ومكلمتوش ان شالله شهر مش حيتكلم ههههههه وهو ده صلب الموضوع

[semsema40]

حببتى إنتى لازم تكونى هادية فى تصرفاتك شوية عشان هو أكيد مش قصدة دة اللى انتى فهمتية وبعدين هو متغرب عشانك ومستحمل اكيد حجات كتير بردو عشانك ومتنسيش الغربة صعبة بجد .. وزى ما قالت هنا أكيد عملى زيادة شوية العواطف مالهاش مكان عندو يمكن من كتر الشغل والمسئوليات نسى شوية مشاعرة وحبة بس أكيد هو فاهم إن شغلو دة هو التعبير عن الحب وبس ..

[ام مهند]

في رجاله يافروووووووووووحه
لما يلاقوه الواحده بتحبهم زياده مش بيهمهم ويتقلوا
حاولي تتقلي شويه وفي نفس الوقت حسيسيه بحبك وخوفك عليه
يعني من ده علي ده
وربنا يهديه

[فرحه]

الف شكر على ردودكوا الجميله تسلمولى يا رب وانا حعمل بنصيحتكوا ان شاء الله

[رانيه]

الرجال متل موج البحر مره مد ومره جزر مره هدوء ومره عاصف يعني باختصار ما بتقدريش تعرفيلهم بس الواحده منا تتغلب وتضرب اخماس في اسداس وهما ولا هينا اهدي وما ترجعيش تتصلي ولا تجيبلوا سيره عن اي شي وانسي

[نادو]

على رايك بجد يارانية هما عاملين زى موج البحر فعلا وانتى ياحبيبتى يافرحة فعلا لازم تشغلى وقتك شوية بأى حاجة وبطلى تفكير فية بيعمل اية ياترى مع مين دلوقتى نام ولا لسة راح فى ميعادة للشغل ولا لا انتى لو فضلتى على كدة بعد الشر عليكى هتتجننى لانو مش مسافر يوم ولا اسبوع ولا حتى شهر دة انتى بتقولى غربة يعنى بتتعد بالشهور وبالسنة وبالسنتين وبطلى تتصلى بيه سيبية يشتاقلك ويبقى ملهوف على انو يسمع صوتك وانشاء الله ربنا يارب يرجعهولك بألف سلامة

[ام بسنت]

اختي العزيزه يعني ايه جوزها تقيل لدرجه تغير النفس وتزعل شوفي انا هاقولك اعرفي طبع جوزك كويس شوفي العبي دور الدكتورة النفسية اللي تطلع عقد جوزها وتعرف مكان الوجع واتبعي في الموضوع دا سياسة النملة بمعني النفس الطويل وبعدين هو كان طابعه كدا والا انت حاسه فيه تغيير عموما حاولي بالراحه معاه وشوفي كل واحده طبيبة جوزها وكل واحد طبيب مراته وربنا سبحانه وتعالي قال "وقد أفضي بعضكم إلى بعض" "هن لباس لكم وانتم لباس لهن" فالعلاقه متداخله ومتاكملة حاولي تقوليله بالراحه شايفك متغير اليومين دول هايقولك متغير ازاي قوليله ماعدتش زي عوايدك انت فيه حاجه قلقاك وابداي اتعرفي علي اللي شغله شوفي زي ماانت كمان باتضحي هو كمان بيضحي المشكله ان لما نعتبر حد بيضحي اكتر من التاني وبعدين انت بتضحي عشان بيتك وجوزك وعيالك ماتحاوليش تنتظري المقابل في الاول حاوري جوزك وابدي اعرفي شخصيته كويس واقولك في الاخر نصيحه قالتهالي امي جوزك علي ماتعودية وابنك علي ماتربية العوايد مكتسبه يااختي وزي ماالواحد بيكتسب عاده او طبع سيء ممكن يكتسب عادة كويسه
العلاقة الزوجية تقوم على التعاون و التكامل والتكيف والتكافل ولا تنجح العلاقة الزوجية بدون أن يدرك الزوجان أن هناك مساحات مشتركة بينهما، وأنهما سيتكاملان فيها أي يكمل كل منهما النقص الموجود في الآخر، فلا توافق تام بين شخصيتحن.

[preatywoman]

حبيبتي انا عندي نفس المشكله اصبري وربنا يهديهم يا رب انا حاسه بيكي جدا
بس بلاش يائس حاولي وحاولي بالكلام الحلو وفي نفس الوقت اتقلي شويه

[annos]

حبيبتى اتقلى شوية واشغلى نفسك عنة بحاجة تانية
وسبية لما يشتكى من بعدك ويترجاكى تسألى علية تانى
مفيش حاجة اسمها طبعة كدة
كل راجل يحب مراتة تهتم بية بس لازم يعمل ولا على بالة جربى تنشغلى
كام يوم وتهدى شوية وشوفى رد فعلة

[annos]

بصى يا عسل فى نوع من الرجالة لازم تتقلى علية شوية
اشغلى نفسك بعيد عنة كام يوم
وشوفى النتيجة خلية هو اللى يسأل اية اللى غيرك
وكمان هو زوجك يعنى هيروح منك فين مدام انتى واثقة فية وفى حبة لكى
ولا يهمك
جربى تتقلى وقوللنا على اللى حصل

[دلوعة زوجها]

يا غالية .. الرجل في الغربة بيبقى مكرّس نفسه للشغل و بس ومش فاضي للغزل والحب و الكلام الرومانسي
الحب عنده فعل واهتمام مش كلام

الحق عليكي إنتي يا غالية .. اشغلي حالك بشي تعمليه ... تعلّمي التجميل . تعلمي لغات .. سجلي نادي رياضة آيروبيك كل يوم لحتى وقت يجي يلاقي جسمك مشدود وجميل

تعلّمي الخياطة .. خيطي قطع لانجري وخبيها لوقت يجي
(واضح إنك حسّاسة و بتحبيه) وهو كمان بحبك تأكدي
لكن الرجل بيعبر بالفعل مش بالقول

أنا جوزي موجود جنبي و بشتهي إسمع منه كلمة غزل مع إنه بمووووووت فيني .. بس الرجل ما بعبّر بالكلام .. بعبّر بالفعل

حب الرجل موقف . نبل . كرم . أخلاق . إلتزام . أفعال يحسس من خلالها الزوجة شو غالية على قلبه

[أمولة]

انا مع الاخوات في الراي بس في شغلة حكيلك اياه00؟إلي بعيد عن العين بعيد عن القلب 000
وانتي اخترتي غربة زوجك وتحملي ولسة حتشوفي اسفة بس انا امجربة
ونصيحتي االزوجين الي يكونوا مع بعض ويعيشو على الحلوة ومرة 00
وتحت سقف واحد 00
احسن من البعاد عن بعض ويكون اسمهم بس متزوجين 00وجوزك عودتيه على الغربةبدك تتحملي حيصير همة الوحيد المال ثم المال ثم المال 00
عمي إلو متغرب عن ولاده11سنة صحيح بينزل في السنة مرة 00بس شو صار اولاده ولا واحد متعلم بنات بيزوجهم على 16 سنة 00وهمه الوحيد المال
ومرته صارت زي لوح الثلج000










وانا اسفة

[أمولة]

بس الحمدلله الله جمعني بجوزي 000
وما رضيت بغربته

[فرحه]

والله يا جماعه انا مش عارفه اقولكوا ايه جزاكم الله كل خير وزى ما قالت بعض الاخوات انا لازم اشغل وقتى بحاجه تانيه لانى فعلا قافله نفسى عليه وبس ومبعملش حاجه تقريبا يمكن عشان كده حسه بغربه فى نفسى وشكرا على ردودكم الجميله اللى بجد ريحتنى

[وسام عادل]

بسى يا حبيبةقلبى على قد ماتقدرى حاولى تخلى جوزك هويفكر فيكى بس هو اكيد بيحبك يعنى انت مثلا لوتعبانة اكيد بيسأل عليكى خلية يشتقلك

[فرحه]

الف الف الف شكر لردودكوا
الرقيقه تسلمواااااااااا