[مدام ياسر]

حبيبتى فرحة انا عندى مشكلة قريبة شوية من مشكلتك وعشان اشغل نفسى بعد سفرجوزى اشتركت بالمنتدى وبجد حسيت ان بقى ليا اصحاب اخد بنصايحهم لانى مش عندى اصحاب خالص

[sara_al111i]

والله يافرحه انا كنت مخطوبه وكان خطيبي كده بالظبط وكنا ف الخطوبه يعني احلي فتره ف العمر
بس انا مقدرتش استحمل وخلعت هههههههههه
معلش ياحبيبتي اصبري شويه
انا معنديش نصيحه ليكي
بس بدعيلك ربنا يهديهولك ويريح بالك

[ايه الشاعر]

بعد اذنك ممكن اقول راييء هوه بيعتبر سؤالها الدائم عليه انه عيل صغير وقلقها الشديد عليه برده محسسه انه سيء السلوك هيا تحسسه انها خايفه عليه وفي نفس الوقت تسايسه شويه ابنك علي ما تربيه وجوزك علي متعوديه يا جماعه خالي والله ومراته بيبعتوا رسايل لبعض حب وغزل مع انه اكيد مش حاسس بده لكن بيعمل كده علشان يسعدها وهيا ببتعمل كده علشان تظهرله احتياجها ليه في عدم وجوده

[zzzoza]

حبيبتى انا مثلك تماما ولكن هما الرجال كده ما بيعرفوا يعبروا عن مشاعرهم زى النساءولكن تاكدى من حبه ليكى وحاولى تتركيه هو اللى يسال عليكى انا والله بعمل كده وبيجيب نتيجةولكن لابد ان تتاكدى من انه بيحبك مثل مانتى بتحبيه بس هى الغربة كربةوحاولى تشغلى نفسك

[اسماء ام عمر]

"قال رسول الله صلي الله عليه وسلم: خيركم خيركم لاهله وانا خيركم لاهلي" صدق رسول الله صلي الله عليه وسلم
وانا بكتب الرد ده دلوقتي الفجر اذن لاني عايشه في قطر مع زوجي ومقدرة الغربه كويس. الوقت اللي بقضيه مع زوجي قليل جدا بالمقارنه مع شغله مع اننا في بلد واحده. التمسي له العذر وحاولي توصليله رغبتك في اهتمامه بيكي بالطريقه اللي يفهمها بدون احراج اوتأنيب او اتهام بالاهمال. يعني بحديث شريف بحكايه انت وشطارتك وانت أدري بطبع زوجك بس اياكي والالحاح اوالاتهام بالتقصير لانه هيجيب نتيجه عكسيه . واكيد دوامة الغربه وبناء المستقبل هي السبب
بس السؤال ابسط حقوقك عليه وهو اللي بيهون غربته وبعدك عنه, طالبي بحقك بهدوء. ربنا يصلحلك الاحوال ويريح بالك ويردلك زوجك سالم غانم (مين سالم غانم ده؟؟؟ هههههههه)
ياريت تدعوا لزوجي بالشفاء لانه مريض بقاله يومين اثابكم الله

[مدام ديدى]

ربنا يشفيلك جوزك حبيبتى اسماء ويخليلك عمر
فروحه مش هقدر اقولك اكتر من اللى قالوه الاخوات بس بقولك ربنا يهديلك زوجك
ويسعدكم مع بعض ويرجعه ليكى بالف مليون سلامه

[فرحه]

جزاكن الله كل خير