[ام سراج]

المعاكسات ..يااه ياما الواحد شاف
بس المعاكسات من الاولاد مقدور عليها..حلها الوحيد الطناش ثم الطناش..وهو ح يزهقب ويبعد..المشكله المعاكسات اللي فيها تطاول باليد انا بتغاظ منها جداً وبفقد اعصابي وممكن اضرب اللي عاكسني بالشنطه لو طولته.
الغريب بأه البنت اللي بتعاكسك او تتريق على لبسك او حجابك بدون مناسبه..بصراحه دول انا بقف ارد عليهم واقولهم في حاجه يا اخت وممكن بصراحه اهزئها لو تجاوزت حدودها..لأن لوحتى لو انا في عيب معين مش هوه ده الاسلوب اللي المفروض تعاملني او تنصحني بيه...ولا رايكم ايه؟

[بنت الدبركى]

السلام عليكم ورحمه الله وبركاته
الوضع الطبيعى انى بمشى من غير ما ارد وببقى متنرفزه جدا
لكن المصيبه ان دلوقتى ان المعاكسه مش بالكلام بس دى بقيت باللمس تبقى ماشيه فى امان الله وتلاقى اللى خبط فيكى وطبعا عشان انتى محترمه هتمشى من غير ما تنطقى وتعيطى طول السكه وتكرهى نفسك
والمصيبه ان الحكايه دى بيعملها اولاد صغيرين وكبار
ربنا يهدى الجميع.

[نادو]

هو أحسن شي انك تطنشي اللي بعاكسك و هذا عن تجربة ...... مرة واحد عاكسني بالشارع و كان أزمة و أنا رديت عليه و عملي فضيحة بالشارع وكل الناس صارو يتطلعوا علي و بقولوا حسبي الله منكم يا بنات و كانت فضيحة

اولا ميرسى جدا على مرورك ياهنية يامتهنية بصراحة موقف زى اللى حصلك دة موقف محرج جداااااااااااا ربنا يستر علينا كلنا ويهدى الناس كلهااااا
ايوة كدة يافتوكاتى عايزاكووووو تقولو مواقف كدة اوووووووكيشن

[سارة شريف]

بصى انا مش مقتنعة انى لما اتعاكس يبقى فيا حاجة غلط لان اللى بيعاكس عايز يثبت نفسة واهو كلمتين وعايز يقولهم انا اكتر معاكسة بتخنقنى لما اكون معدية جنب ظابط من اللى بيعدوا فلشارع عايزة اسالة على حاجة الاقية يرمى كلام بحس انى عايزة اصوت فية انما بقيت الناس اهو كبت وبيطلعوة وربنا يتوب عليعهم

[اميره الليل]

انا مبردش خالص لان انا ببقى محرجه اصلا فى مصر بيعكسوا بطريقه مختلفه ممكن تلاقيه يقولك ياكوز قشطه وماشى يالهوى ياخراشى ماتصب علينا شويه ولا انا منواشى .اكيد مامى فرخه عشان تجيب البياض والصفار ده . اكيد مامى نحله عشان تجيب العسل ده . احيانا تبقى ماشيه مع مامتك ويقولك جوزينى بنتك يا حماتى . جاااااااااااااااااااااامده . موووووووووووووووووزه .يعنى وحاجات اكتر ممن كده ممكن نقول انها تعتبر من مصنفات قله الادب .يمكن يعلق عليكى انتى شخصيا .

[فتكات الصغيرة]

ههههههههههههههههههههههههههههههههههههههههههههههههه
طاب انتوا دلوقتى لو قريتوا الموقف دة
تقولوا اية
بصوا بقا
انا حصلتلى الاسبوع اللى فات
انا رايحة اول ثانوى
انا باخد دورة كمبيوتر
فانا رايحة مش هاقول شاب
لا دة حتت عيل قديا وكان معايا فى المدرسة يعنى عارفاه والمدرة اللى هوة داخلها فيها ماما
يعنى ممكن اعملوا مشكلة اول يوم المدرسة
ب بلاش لانى بتكسف اقول الحاجات دى لمااما
هوة ميعرفش انى بنت ماما المدرسة اللى هتبقى عندة
انا داخلة فى امان اللى على المركز بتاع الكمبيوتر والقى اللى يقولى
زى الاهبل
اكيد مامى نحلة علشان تجيب العسل دة
النهاردة الخميس
ب الجيب دة مش مريحنى تعالى اظبطهولك سورى يا جماااااااااااع ة
انا بقى كنت همرمطوا
وفضل ماشى ورايا وهوةعماااااااااااال كلام فى كلام
زى الكلب اللى بينبح استغفر الله العظيم
لحد ما ولد كبير كدة فى كلية قالوا متحترم نفك ياد وانا طلعت اجرى بالمشى السرع لحد ما وصلت
وشوفوا بقى
دخلت القاعة
مليانة هيا بتكفى حوالى 20 واحد
وعبارة عن بنجات
ودخلت كنت انا ال19
القى بعد ربع ساعة للى داخل وقاعد جمبى
وجاى فى ودنى والبجاحة بقى
بردوة مش هسكت
انا عارفك انتى بتاع 3|5
قصدوا على 3 اعدادى يعنى
ومش هيبك الا ماا تاخدى اميلى يا عسل
روحت انا بقى هههههههههههههههههههههههههههههههههههههههههههههههههه ههههههههههههههههههههههههههههههههههه
هزقتوا لطشتوا بالقلم
يا بجاحتك ياخى انت عبيط ياد
على فكرة انا عارفاك وعارفة بيتك ومكن اروح اقول لباباك اللى بيديك بالخرطوموم
اصل باباة ظابط يحب الاحترام
وراح دة عيط معرفش ازاى
يعملى ازى خلينا صحاب احسن
قلتلوا نعم يا خرطوم انا مبصحبش حد
يعملى ازاى طاب والنبى ماتقولى لبابا
والبنت اللى جمبية تعملى ازاى ايوة كدة خلية يتادب هوة كدة مبيجيش الا بباة
واتفضل من الدورة
ودفع 50 جنية
ههههههههه
كان بيقول للمدير
دى تحويشة العمر متقولش لبلبل
والمدير يا عينى صعب علية ادالوا شهادة كمبيوتر علشان يوريها لبلباة
ههههههههههههههههههههههههههه
اية راكوا

[kotkot]

والله يا نادو احسن حاجة عدم الرد
انا بحس ان يعينى الواد بتبقى فى كلمة محشورة فى زورو ومش قادر
يقولها كأنها مش ليا وبطنش
بس على فكرة يا أم مهند مش لازم تكون حاجة فيكى غلط ولا حاجة
ده بقى الناس معندهاش دم خالص بتبقى منقبة ويمسكوها تريقة
ده اخلاق وتربية والله

[نادو]

انا مبردش خالص لان انا ببقى محرجه اصلا فى مصر بيعكسوا بطريقه مختلفه ممكن تلاقيه يقولك ياكوز قشطه وماشى يالهوى ياخراشى ماتصب علينا شويه ولا انا منواشى .اكيد مامى فرخه عشان تجيب البياض والصفار ده . اكيد مامى نحله عشان تجيب العسل ده . احيانا تبقى ماشيه مع مامتك ويقولك جوزينى بنتك يا حماتى . جاااااااااااااااااااااامده . موووووووووووووووووزه .يعنى وحاجات اكتر ممن كده ممكن نقول انها تعتبر من مصنفات قله الادب .يمكن يعلق عليكى انتى شخصيا .

ميرسى ياقمر ع المروووووور

عايزة اقولك انو المعاكسة مش فى مصر بسسسسسس بالطريقة دى دى فى كل الدنييا وفعلا زى ما قولتى انها من مصنفات قلة الادب

[الحبوبة]

أنا طبعا بسيبه وبمشي لأني خجوله جدا جدا جدا بس لما حد بيعاكسني بتفضح من لون وشي يعني لومحدش خد باله أنا بلفت نظرهم بس غصب عني

[علي خطي الحبيب]

بمشي ومش برد بس ببقي في منتهي قمة الغضب لاني بمشي ببص في الارض ولبسي كله واسع لاميكب ولا دلع وضحك وببقي عايزة اقلع اللي في رجلي و .......... خلاص حصل خير ربنا يهديهم

[whisper]

انا نفسى اعرف حاجة

فى واحدة فى الدنيا بتحب تتعاكس؟؟؟؟؟؟؟؟؟

ليه فى ناس فاكرة كدة؟؟ ....... مع ان دى حاجة بتضايق كل البنات

ربنا يهدى

و انا يا ستى اكيد بمشى و مش برد بس لما يتكون زايدة شوية او عيب بعيط