[مدام ديدى]

بسم الله الرحمن الرحيم
ان شاء الله نعمل النهارده بسبوسه غير اى بسبوسه عملناها قبل كدا لان الطريقه بتاعتى دى هى الطريقه المثلى للبسبوسه الناجحه ان شاء الله لانها هاتكون على ايديكو يا فتكوات.
المقادير:
* نصف كيلو سميد بسبوسه.
*125 جم ماء& وقدهم سمنه.
*50جم سكر.
*50جم جوز هند.
*200جم لوز مسلوق ومقشر .
*8جم بيكنج باودر.
*50جم شربات تقييييل .
*شربات خفيف ساخن(اربع مغرفات بالكتيييير).
الطريقه:نقلب الماء والسمن والشراب الثقيل مع بعض ونضع السكر ونقلب كويس جدا الى ان يدوب السكرونضع البيكنج باودر على السميد ونقلب الخليط كلو فى بعضه ليتكون عندنا عجينه مرمله نوعا ما بأكرر لازم تكون العجينه مرمله عشان تبقى ناجحه & ندهن صينيه ونضع عليها ورق زبده ثم ندهنه بالطحينه ثم نضع الخليط السابق و ونساويه بايدينا ثم ثم نزينها باللوز وندخلهاالفرن.
بعد ماتطلع من الفرن نسقيها بالشربات الساخن الخفيييف بالأربع مغرفات وبالهنا والشفا................ .
ديدى.




السلام عليك ورحمه الله وبركاته

[أم لوجى و ملك]

وسع وسع لمدام ديدى ووصفاتها التحفه ايه يا جميل ده ما شاء الله انتىموسوعه فى الحلويات برضه هجربها واكيد النتيجه مضمونه ده انا مع مدام ديدى

[مدام ديدى]

شكرا يا اموووووووووووووووره وان شاء الله نقدملك الأحسن كمان
بـــــــــــــــاى

[ام بسنت]

شكلها كده جميله تسلمى ان شاء الله حجربها

[مدام ديدى]

تسلميلى ياام بسنت شكراااا لمرورك الكريم

[ام سعيد]

تسلمى يا مدام ديدى

[مدام ديدى]

شكراااا لمرورك ياام سعيد ويسلم ذوقك

[eltourky]

ايه الجمال ده يامدام ديدي
اتعلمتي الحاجات الحلوة دي فين

[مدام ديدى]

اقولكم على السر طب اتحايلوا على شويه

[نادو]

ياسلام طب عشان خاطر نادو حبيبتك وصحبتك يادودو
قولى بقى بس جااااااااااااامدة بسبوستك حلوة زى بسبوستى وبشهادتك ههههههههه

[مدام ديدى]

ده انا كنت بجبر بخاطرك مش انا حشريه ههههههههههههههههههههه

[منة11]

يسلمو مدام ديدي اكيد حلوة متلك وميرسي

[مدام ديدى]

ربنا يخليكى يامنه انت الاحلى على فكره اسم منه غالى عندى اوىىىىىىىىىىىىى

[nar83]

جميلة جدا

[عشيرة]

ريقى جرى يا مدام ديدى وريحة البسبوسة وهى مسقية بالشربات بيداعب أنفى أعمل إيه دلوقت على فكرة أنا من أنصار أكل الحلويات الشرقية وهى سخنة لسة طالعة من الفرن شكرا حبوبتى

[أم البراء2008]

تسلمي ياديدى لعلمك أنا بعمل بسبوسة جميلة بس علشان دى شكلها جميل هاجربها ولو طلعت كده ولا كده (مش حلوة يعنى)هاحجزليها على أول طائرة نازلة وأبعتهالك مصر-ايه رأيك؟

[koko]

ستلم ايدك ياديدى انا ايضا بعمل بسبوسة جنان لكن عايزة اعرف فائدة الشربات الثقيل اللى على وجة البسبوسة قبل ماتضعيها فى الفرن على فكرة انا بغطيها بعد الشراب واضعها فى الفرن بعد مااطفية لمدة 5دقائق حتى يتشرب العسل كلة وبتكون طرية و جميلةو

[ام الاولاد]

تسلم ايدك يا جميل هو ده الاحتراف

[أم المجاهدين]

تسلم الأيادي
بس لو بلاش كلمة باي دي عرفه طلع معناها في رعاية البابا القس

[مدام ديدى]

ام المجاهدين مسحتها الحمد لله
اشكرك ياام الاورلاد والله كل الفتوكات محترفات
كوكو انا من هنا ومن هذا المنبر باعلن كل واحده طلعت معاها البسبوسه بالذات حلوه متغيرش طريقتها
بالعكسياريت تبقى تدينى الطريقه
عشيره حبيبتى ابقى اعمليها وان شاء الله هتبقى احلى بسبوسه