[habibaeldiana]

اقرو القرأن بنيه صافيه طاعه للرب ويكون من القلب مش علشان غرض وبعدين القران كلو كويس مش سوره البقره بس وككمان يعني مينفعش واحده تقرا قران كل يوم وبعد ما تقرأ ترتكب معاصي لأ اولا تقربي من ربنا وتدعي وتصلي ووتصومي وتقري قرأن وتبعدي عن الذنوب والمعاصي

[VANILIA]

بصى ياسكر ادام موردش فى القرأن ولا فى الحديث

ولا فى سنه عن الرسول ولا فى اخبار الصحابه

عن فضل قراءه سوره البقره 40 يوم

يبقى دى بدعه

زى مثلا استغفر الله مليار مره ولا 100 مره

لا استغفرى ربنا واقرى قرأن واعملى كل حاجه بس متحدديش عدد معين

ولا سور معينه من القرأن ولا لنيه معينه

ممكن تبقى نيتك بوجه عام ابتغاء رضا الله

واكيد ربنا هيرضيكى لما يرضى عنك

ويارب يرزقك اللى بتتمنيه ويرزقك من حيث لاتحتسبى

[yoyoty]

القراء كلو خير طبعااا الحمدلله ربا يقدملا اللى فية الخير

[رانيا زكريا]

بصى يا قمر انا كنت بقراها فعلا متواصل بس مكانش بنيه الزواج كان بنيه لو فى عين تروح عنى
وقراءه سوره البقره كتير بتجيب رزق والزواج رزق برضه
اقريها يا حبيبتى بس مش بنيه الزواج وربنا هيرزقك من كل النواحى
انا فعلا قريتها فتره طويله بس بصراحه مش عارفه كام يوم بس اكتر من شهر واتخطبت بعدها على طول الحمد لله

كلام مدام مجمد مظبوط
قال الرسول صلى الله عليه وسلم(أقرأوا سورة البقرة ،فإن أخذها بركة،وتركها حسرة, ولاتستطيعها البطلةأي السحرة).

[قطاقيطو]

السلام عليكم ورحمة الله
اولا سورة البقرة ماحدش يقدر ينكر انها من اعظم سور القرآن الكريم وسيدنا محمد اخبرنا ان البيت اللى بتقرا فيه سورة البقرة لاتدخله الشياطين 3 ايام
اما بالنسبة لانك تقريها عشان غرض معين:
اولا: قال رسول الله صلى الله عليه وسلم :"من اراد الدنيا فعليه بالقرآن ومن اراد الاخرة فعليه بالقران ومن ارادهما معا فعليه بالقرآن"


ثانيا: فيه حاجة اسمها العلاج بالقران يعنى لو فيه سحر او حسد ربنا جعل فى القرآن الكريم شفاء وعلاجا لذلك ودا طبعا باللجوء الى الله والتقرب ليه والمداومة على العلاج وهو القرآن الكريم واهم حاجة اليقين مش انك تكونى بتجربى

ثالثا : انتى ممكن تطلبى حاجة بانك تعملى طاعة معينة وتدعى ربنا سبحانه وتعالى وربنا يجعل طاعتك سبب تفريج همك وطبعا من اجمل الطاعات قراءة القرآن الكريم على اطلاقه دون تحديد


لكن اربعين يوم او غيره ماعنديش اى فكرة لكن ممكن تقريها تقربا الى الله وطلبا للشفاء وطلبا لتفريج الهم لكن قدر استطاعتك انت ان تقرئيها دون تحديد وان كان بعض المشايخ قال فى علاج السحر المداومة على سورة البقرة اسبوعين متتاليين دون انقطاع ومنهم من قال اسبوع يعنى الامر مختلف وطبعا دا علاج بيكون حسب الحاله
هذا والله اعلى واعلم
ووفقك الله وايانا لما يحبه ويرضاه

صح..هو دا الكلام
ربط القرآن بعدد معين بدعة ..
لكن اعتبار الموضوع كله بدعة ..دي حاجة تصرف عن الخير
و رأي jome وسط
و فيه الخير بعيد عن البدعة

[بســ وليد حبيبى ــكوتــه]

مفيش حاجه جت فى القران والسنه قالت ان نقرى عدد معين والكلام ده
انتى اقريها بس متقوليش بنيه الزواج
تخفيف الهم والغم وجلب الرزق وفك السحر والعين

[أمة الحق و النور]

ربنا يستر بنات المسلمات - ورد عن النبى صلى الله عليه و سلم فيما معناه ان البقرة لا تقدر عليها السحرة - اى انها تبطل عمل السحر و العين و الحسد و المسبب زواج البنات و سيظل القرآن معجزة الى يوم القيامة

[bee of honey]

ربنا يستر بنات المسلمات - ورد عن النبى صلى الله عليه و سلم فيما معناه ان البقرة لا تقدر عليها السحرة - اى انها تبطل عمل السحر و العين و الحسد و المسبب زواج البنات و سيظل القرآن معجزة الى يوم القيامة

شكرا لمرورك

[bee of honey]

سبحان الله والحمد لله والله اكبر ولا اله الا الله

[rozita2003]

كل القران جمييييييييل لانه كلام ربنا سبحانه وتعالي
وسوره البقره قال عنها النبي محمد انها زهره هي وسوره ال عمران
قال لا تتركوا الزهروين
ال هما سوره البقره وسوره ال عمران
وقال النبي محمد صلي الله عليه وسلم في حديث فيما معناه
ان ترك سوره البقره حسره تخيلوا كلمه حسره ربنا يكفينا كلنا شر الحسرات
يعني السر ال في سوره البقره وسوره يس وسوره ال عمران والقران كله
فرج لينا كلنا سواء جواز وظيفه رزق اطفال خطوبه جسد خالي من الامراض المزمنه ال مالهاش علاج
والله القران كله جمييييييييل كفايه لما الواحده تبقي مضايقه وتسمع القران بالذات سوره البقره انشراح للصدر بجد
وتعالوا نجرب 21يوم ولا 40 يوم ولا العمر كله هنخسر ايه لو مصحفنا مافارقش ادينا
انا بقرا سوره البقره جزء بعد صلاه الظهر جزء بعد صلاه العصر جزء بعد صلاه المغرب عشان افهمها وانا بقرا واستشعر حلاوه القران الكريم
ولو قراتها كامله بتاخد ساعه مني او يمكن اقل وعلي فكره لاحظتها ال بيحب يقرا سوره البقره ومش بيقول عنها انها كتيره وكده ربنا بييسرله قراته وبتخل معاه وممكن نقرئها مرتين في اليوم
وحتي بعد اما نتجوز نقرئها برضوا وربنا يفك كربنا كلنا وكرب كل مكروب
يارب اكون افدت