[ورده الحب الصافى]

الأخوات العزيزات / السلام عليكم ورحمه الله وبركاته

ايه رأيكم لو كل واحد مننا تحكى لنا ازاى عرفت جوزها أو خطيبها وتحكى لنا بالتفصيل اول لقاء كان عامل ازاى وفين ويسلالالالالالالالالالالالالالالالالالالالالام
لو كان فى مواقف محرجه
أنا هبدأ
خطيبى (((((بارك الله فيه )))))) شقيق احدى زميلاتى العزيزات .. وذات يوم وجدتها تتصل بي كثيرا وطلبت منى انزل لها من مكتبي نزلت وشفته قاعد من أول لحظه فهمت.... وبالذات انها طيبه جدا ومابتعرفش تتخابث بس انا بقى فى اليوم ده كنت مرهقه من كتر الشغل وماكنتش شايفه حد ادامى بس لما جت وقالت لى قلت لها هسأل ماما وارد عليكى واتقابلنا بعدها بأسبوع فى نادى قريب من البيت واليوم ده الجو كان جميل جدا وبجد الجلسه كانت لطيفه وخفيفه جدا ومن يومها تعلق قلبي بحبيبى وخطيبى وبأذن الله سوف يكون زوجى الذي سوف يعيننى على طاعه الله واتباع سنه رسوله الحبيب عليه افضل الصلاه والسلام
احكوا انتوا بقي

[عطر الحياة]

الله يخليكم لبعض و نشوفك عروس
انا وجوزي الله يخليلي ياه منعرف بعض من وقت مكنا صغار انا كان عمري 14و
جوزي 15من5اشهر تجوزنا وصار عنbaby
تعرفنا على بعض سنة2000

[عطر الحياة]

لتصحيح الخطاء في ردي السابق انا متزوجة من سنة و 5اشهر

[مونى88]

انا بقى بحبه من 10 سنين وهو ابن عمتى بس اتكلمنا عن حبنا من قبل الخطوبة بسنتين وبعدين بدات الهدايا وبعدين الخطوبة وبعدين الزواج وربنا يخليه ليا يارب
وبقالنا دلوقتى متزوجين سنة و6شهور وليس ربنا مارزقناش بالاطفال

[ورده الحب الصافى]

ايه ياجماعه فين الردود ولا هيه ذكريات مش حلوه ولا الموضوع هو اللى مش حلو

[anooosh]

انا بقى عرفت خطيبى فى الشغل كان شغال معى وفضلنا نتخانق لمدة شهر وبعد الشهر دة باسبوعين بعتلى اختو قل اية تتعرف عليا وتصحبنى وبعد كدة اتخطبناوبقلنا 5شهور مخطوبين 0

[مرمريكا]

انا حبيت اسلم عليكو بس ودخلت غلاسة
انا لا مخطوبة ولا متجوزة

[ياما119]

تصدقي يا وردة الحب الصافي موضوعك من رغم انه بسيط ويعتمد على حكيات الغير لكنه جميل اوي وحاسه انه جه فى وقته
انا بقي اتعرفت على جوزى بطريقة غريبه شويه
عن طريق الانترنت
طبعا هاتقولو ازاي ابدا كنت واخده اميل واحده اعرفها وضايفها عندي هي مش صحبتي لكنها كانت معرفه كدا عن طريق ناس وضفتها عندي وهو كان المفروض انه كان بيحبي لمدة 7سنين لكن النصيب غلاب متفقوش مع بعض دخل على اميلها بالصدفه افتكرتها هيا فلانه دي دخلت طبعا اكلمها المهم على شان مطولشي عرفته انه واحد وبالصدفه طلع ما بنا كمان صلة قرابه حبيته اوي مدة سنه ونصف وتقدم لي واتجوزته بقالي دلوقتي سنه ونصف وربنا رزقني منه بطفل عمره تسع شهور
تصدقوا يا جماعه بحن اوي للايام دي بحس اننا كنا قريبين اوي من بعض انا بحبه اوي وهو كمان لكن مش حاسه بدرجه حبه ليه زي زمان ايام التليفون والنت زمان كان نفسي اتجوزه اوي باي طريقه ابقي معاه فى بيت واحد ودلوقتي نفسي اتكلم معاه تاني على النت والتليفون بس كدا اسفه على اني طولت عليكم

[mas171]

إليك قصتي يا أحلى وردة أنا زوجي هو أبن أبن عمتي ولما كنت صغيرة كنت ما بحب عمتي ولا بحسن أسمع بإسمها وجاء أبن عمتي ليخطب أختي أكبر مني لإبنه الأكبر فكانت المفاجأة أن كان يوم خطبة أختي لشخص آخر فطلبني لإبنه الثاني ولكن أبي الذي هو خاله قال له أترك الصغيرة للأصغر وفعلآ تركني سنة تقريبآ زوج إبنه الأكبر وأختي قد تزوجت وجاء وطلب يدي لإبنه طبعآ أنا كنت رافضة الموضوع تمامآ بإعتبار أنني لاأحب عمتي وبعد الأخد والرد وافقت والآن أنا متزوجة منذ 14 سنةوعندي 4 أولاد 3 بنات 1 ولد وأحب زوجي موووت وأحس أنه الهواء اللي بتنفسه

[رمال]

مرسي
انا اتعرفت على خطيبي كنت بتمشى انا وامي بشارع ودل يلحئني الى موصلت لابيتنا وعرف بيتنا
وكه الصبح 7 شافني وانا طالعه من بيتنا ولحئني للمدرسه ضل يحلئني 5 شهور ويحاول ياخذ رقمي ومفيش فايده بعدين لمى يئس كه وخطبني واحنه لسه ممتكوزينبس كاطعين مهر
مرسي ليكي حبيبتي على الموضوع

[أم مريم]

انا بقى و جوزى اللى هو دنيتى كلها كنا زميل فى الشغل بس انا كنت سبت الشغل فترة قبل هو ما يشتغل فيه و كنت بروح زيارات لزمايلى فشفته و هو لسه كان جديد و احد زميلتنا عرفتنا ببعض فطبعاً سحرى غلبه و لما احتاجوا لموظفين و المدير رشحنى عشان ارجع تانى لانى طبعاً ممتازة هو وافق علطول و كان شغلى معاه
و هات يا نظرات و كلمات رقيقة و بعدين حصل انه اتخانق مع المدير و ساب الشغل و كنا بنكلم بعض فى التليفون كل يوم لغاية ما كلمه جرت كلمه و تلميحات و حاجات كده لحد ما اتخطبنا بعد سنه و 4 شهور وامه اللى اخرت الخطوبه لانها مكانتش موافقه واتخطبنا سنتين و بقالنا سنتين متجوزين و ربنا رزقنا بحبيبة قلبنا مريم
و على فكرة انا اللى قلتله بحبك الاول شفتوا بقى

[soso_100]

انا بس حبيت ادعى لكل زوجة وكل واحدة مخطوبه ربنا يسعدهم

[ورده الحب الصافى]

شكرا يا جماعه على الردود الهايله وعلى فكره يا ام مريم مش مهم مين اللى يقول المهم الاحساس يفضل طول العمر ويارب يجمع كل زوجين او خطيبين او حبيبن على خير

[قطرة مطر]

فكرتينى بايام الثانوية العامة
انا يا ستى الاول متزوجة وعندى 3 اطفال ربنا يخلهوملى
اناكنت بشترى ايس كريم من محلهم وبا لصدفة هو كان بيريح من المذاكرة لانه كان فى بكالريوس هندسة وشافنى وكانت اول مرة اشوفه
وبعدين كان بينتظرنى لما امر من عندهم وعرف مواعيدى
وللصدفة العجيبة انه كان صديق للاخى الكبر
وفى يوم بعد ما اشتغل مان كل ده بيدور انا ساكنة فين الى ان عرف الشارع فقط لكن لم يعرف انا بنت مين اوبتى فين فى هذا الشارع
وفى يوم بيكلم اخى على انه من سكان هذا الشارع وبيسأله عنى وانا مرت من امامهم قشاور على وقاله هى ديه الى بسالك عنها
رد اخوى مستغرب وقاله ايوه اعرفها ديى اختى الصغيرة
فزوجى الان تركه مكسوف ومشى
ومن هنا اتقدم لخطبتى وانا من غير ماعرفة كان عندى ميل له فوافقت عليه
والحمد لله كان زواج موفق والحمد لله والدى كان مشجعنى على اختيارى
معلش طولت عليكم

[eng_nonaonline]

انا الحمد لله مخطوبة بقالى سنتين (وكتبنا الكتاب من 7 شهور) انا اتعرفت على خطيبى فى رحلة السنة النهائية فى كلية الهندسة للاقصر واسوان وعلى الرغن من اننا فى نفس الكليه(لكن قسم مختلف) الا اننا لم نتقابل الا فى القطار ومن يومها واحنا اصحاب وكانت شلتنا كبيرة جدا بنتقابل كل يوم تقريبا وكنت انا وهو اقرب اتنين لبعض فى الشلة ولكن مجرد اصحاب المهم قبل الامتحانات النهائية لقيته بيلمحلى على انه بيحبنى وحاجات كده وانا كنت بعمل عبيطة ومش فاهمة واطنش لحد ما واحد صاحبنا تانى كلمنى وقالى لو احمد (خطيبى) اتقدملك هتوافقى ولا لا لانى حاسس كده انك معجبة بيه ومش عايزة تقولى فرديت رد دبلوماسى وقلتله انه انسان كويس وبس بعد الامتحانات والنتيجة سبحان الله دخل الجيش(شهر10) ظابط احتياط 3 سنين وطبعا فقدنا الامل بس قلنا لآ الامل فى ربنا كبير والحمد لله اتقدم لبابا(شهر4) وبصراحة بابا كان متفهم جدا ووافق على الرغم من انه لسه كان متخرج ومش مستعد لكن الحمد لله ربنا سهل وادينا مستنين لما يخلص الجيس ويلاقى شغل ونتجوز ادعولنا بقى ربنا ييسر لنا الامور واسفة على الاطالة

[Tulip]

انا مخطوبة من شهر 10 اللي فات و خطيبي كان صاحب جوز اختي من زمان جدا و كان اول مرة اشوفه كان في كافيه و كنت بمر بظروف صعبة جدا و كنت مكتئبة معرفش ازاي بس عجبته و كلم جوز اختي عشان يتقدملي و فعلا اتقدم ووافقت و الحمد لله انا دلوقتيبنحب بعض جدا و سعيدة معاه جدا و المفروض هنتجوز كمان كام شهر ادعولي بقى.........

[Tulip]

اه نسيت اقولكم الموضوع ده جميل جدا يا ورده الحب الصافي شكرا على الذكريات الحلوة اللي خليتينا نعيش فيها

[ميامار]

بجد موضوع جامد ولذيذ انا موضوعى مثير بعض الشئ كنت شغاله فى مكتب اتصالات جمب البيت وهو كان جارنا وانا مكنتش اعرف المهم ان اول لقاء كان دخل المكتب يتكلم فى التليفون وكان شايل هديه كبيره اوى وانا معجبنيش الوضع شايف نفسه وبيستظرف المهم ان الهديه كانت لخطيبته الاولى انا من خنقتى منه شيلتها ورميتهاله فى الشارع طبعا كان هيموت فيها هديه غاليه اوى المهم كان مسافر لخطيبته فى القاهرة اضطر طبعا يتصل ويعتذرلها ومسفرشى شدينا مع بعض شويه وانتهت الخناقه واحنا اصحاب اوى بس من حسن حظه انه اكتشف فى نفس اليوم ان خطيبته بعتتله الشبكه من غير ما يعرف مع بباها لانها كانت بتحب واحد تانى وكانت جوزتهم جواز صالونات المهم انتهه الموضوع بانه صعب عليا اوى وفضلت جمبه لحد ماخرج من ازمته ووقع فى حبى انا وانا كمان ربنا يحفظهولى ويخليهولى انا اعرفه من اربع سنوات وكتب كتابى كمان شهرين ادعولى ربنا يكملى موضوعى على خير

[simooooo]

الموضوع جميل وبيفكرنى باللى مضى

انا اتعرفت على خطيبى حبيبى فى الكليه فى سنه تانيه بحكم دراستى كان ليا تدريب وتوزيعى للتدريب جاع خطيبى معى فى نفس المكان اللى بنتدرب فيه

وبدات زماله عادى خالص بس قلبت بحب اثناء الدراسه

وسنه ورا سنه لحد ماتخرجنا وجاء لخطبتى وتقدملى وجاب اهله معه وقرأنا الفاتحه فى اول زياره لبتنا

وعملنا الخطوبه بعد 4شهور من التخرج

وبقالى سنه و4شهور مخطوبه وهنتجوز بأذن الله فى الصيف

ادعولى ربنا يكملى على خير يااااااااااااااااااااااااااااارب

[eng_nonaonline]

يا رب يبارك للمتزوجات ويتمم بخير لمن فى الطريق ويرزق اللى لسه مجاش نصيبه قولى امين يا رب